*** هل صحيح أن الصادق المهدي طالب السودانيين بالنزول للشوارع..؟؟ ***

في الشريط الإخباري لقناة العربية و لم أرى أو أسمع أي تفاصيل

ما تصدقوا يا ابو حسين
السنة الفاتت برضو طالبهم زول سمع كلامو ماف
والله صحي()

Quote: ما تصدقوا يا ابو حسين السنة الفاتت برضو طالبهم زول سمع كلامو ماف والله صحي

يا أبو محمد هو قال و ل ما قال ....؟؟؟؟

و قال شنو بالضبط ... ؟؟؟؟؟

يللا انت والبشارى انزلو بعد ده :)




معليش يا بشاري غلطنا في اسمك

Quote: يللا انت والبشرى انزلو بعد ده :)

ليه شايف علينا شنو .....

نصبر يوم يومين نشوف النفي ....

تحياتى اخى ABUHUSSEIN

المشكلة ما فى الصادق طالب ولا ما طالب .. المشكلة البنفذ كلامو ده منو..؟ ما اى زول بيقول العايز يقوله لكن منو البسمع ..؟

الرهان الاكبر هو من له القدرة ان يحرك هذه الملايين الصامته؟؟ ..

الصامته طوعا او كرها..؟؟

هســــي الكلام لو قالو زول تاني كان زمان جدعوه في الرج :))))
الحكومة زاتها عارفه الصادق المهدي بهظر سااااي

السؤال الذي يؤرقني هو :







هل سيعود محمد عادل بعد هذه التصريحات للحزب ؟

Quote: تحياتى اخى ABUHUSSEIN المشكلة ما فى الصادق طالب ولا ما طالب .. المشكلة البنفذ كلامو ده منو..؟ ما اى زول بيقول العايز يقوله لكن منو البسمع ..؟ الرهان الاكبر هو من له القدرة ان يحرك هذه الملايين الصامته؟؟ .. الصامته طوعا او كرها..؟؟

أخونا علي محمد الخير سلام
الصادق المهدي رئيس حزب عضويته كبيرة جداً لو طلع نصفهم بس كفاية جداً لفرض التغيير
بس الغريبة في كلامو طالب السودانيين يعني ما خص أتباعة فقط...؟؟؟

تحياتي و إحترامي

Quote: هســــي الكلام لو قالو زول تاني كان زمان جدعوه في الرج :)))) الحكومة زاتها عارفه الصادق المهدي بهظر سااااي

كلو شئ جايز يا أبو محمد و ما تجرجرنا لي حتة ما حلوة ....

Quote: معليش يا بشاري غلطنا في اسمك

نحن عشان حركاتكم دي بنكبشر أي شئ.....

Quote: السؤال الذي يؤرقني هو : هل سيعود محمد عادل بعد هذه التصريحات للحزب ؟

و سبب أرقك شنو يا هندسة ....؟؟؟؟
حا تمشي تشيلو في ضهرك من بيتهم لي دار الحزب .....

Quote: معليش يا بشاري غلطنا في اسمك

ولا يهمكـ ياخ البعيد من العين بعيد من القلب
مع انو الحكاية كانت لافقة شديد مع ود البشـــرى
لأن الصــادق المهدي دا ســـيدو
وكان ممكن يستجيب للدعوة دي وينزل الشارع

ازيك يا هندسة

ما ينزل هو بالاول لو مقتنـع بكلامه دا وجاد فيـه...

العربية.نت

حمّل البشير مسؤولية تمزيق البلد وقال إن إسرائيل خططت لتقسيمه
المهدي يدعو السودانيين لغزو سفارات بلاده بالخارج
العربية.نت

الصادق المهدي زعيم حزب الأمة القومي السوداني

طالب الصادق المهدي، زعيم حزب الأمة القومي في السودان، وزعيم المعارضة ورئيس وزراء السودان الأسبق، السودانيين بالنزول إلى الشوارع واحتلال الميادين والسفارات السودانية في الخارج، معتبراً أن نظام البشير مزق السودان وجعله عرضة للانخراط في حروب الشرق الأوسط.

وقال المهدي، في حوار مع صحيفة "الأهرام العربي" المصرية، تنشره في عددها غدا السبت، إن إسرائيل خططت لتقسيم السودان إلى 5 دويلات، وطالب بعقد مؤتمر عسكري للدفاع عن السودان أمام الهجمة الحالية، و"قبل ذلك أقول لنظام البشير كفى، لأن السودان يضيع بالكامل".

وحول الواقع السياسي السوداني الراهن، قال المهدي: "يجب الاعتراف بأن انقلاب يونيو/حزيران 1989 قد أخفق (فهو كان يريد إنقاذ السودان)، فالسودان كانت لديه مشاكل، فالديمقراطية الليبرالية من مشاكلها وجود حصر للديمقراطية في الإطار السياسي، بينما المطلوب هو ديمقراطية تحقق التوازن بالنسبة للإثنيات والاختلافات الدينية وغيرها".

وتابع المهدي قائلا: "نتيجة لهذا فإن الديمقراطية الليبرالية لم تحقق التوازن المطلوب، حيث حدثت اضطرابات وعدم استقرار، استغلته عناصر أصلاً غير مؤمنة بالديمقراطية وأحدثت الانقلابات العسكرية، ثم انقسم السودان إلى السودان وجنوب السودان، ويوجد الآن حريق في دارفور".

وأشار المهدي إلى أن هناك استهدافاً خارجياً للسودان، قائلا "إسرائيل منذ بداية قيامها وضعت من ضمن أهدافها تمزيق البلدان العربية لإضعافها في مواجهة إسرائيل، ووزير الأمن الإسرائيلي (آفي ديختر) في يوليو/تموز 2008، أوضح أن هذا هو هدفهم، وكذلك أوضح أن العراق يجب أن تقسم إلى ثلاث دويلات، والسودان يقسم إلى خمس دويلات، وإسرائيل تستغل في ذلك التناقضات السودانية".

واعتبر المهدي أن العدوان الإسرائيلي الأخير على السودان بضرب مصنع اليرموك يقوم على التناقضات الموجودة في الجسم السوداني، وكذلك انتهاز وجود تحالفات بين السودان وبين أطراف في حروب الشرق الأوسط معادية لإسرائيل، على رأسها إيران، فإسرائيل رأت أن الهجوم على السودان، في وقت فيه الجسم السياسي السوداني ممزق، يشكل حلقة دفاعية ضعيفة في التحالفات القائمة، بحيث إنهم يستطيعون أن يهجموا على السودان من دون أي خسائر".

Quote: ما ينزل هو بالاول لو مقتنـع بكلامه دا وجاد فيـه...

الغريبة عندو جوكرين و برضو ما قادر إنزل .......

قبل كدا الناس لما نزلوا الصادق المهدي قال ما تستخدموا المساجد للثورة هو ومعاه رئيس شئون الأنصار عبد المحمود أبو

وكلامو دا كان من الأسباب الرئيسية لوقف التظاهرات

هسة ما نازلين العايز ينزل ينزل براهو

بعد نشوف جكتو

الثورة ما مزاج

الثورة علم وتخطيط ومواقف ومبادئ

Quote: و سبب أرقك شنو يا هندسة ....؟؟؟

الارق الاكبر الذي اذهب ارقي الاول
الذهاب لمطار الرياض في ساعات الصباح الاولى من هذه الايام الباردة لوداع الاحباء الكونت وعمر فضل المولى المغادرين لتلبية نداء الامام :)

يا كونت وعمر انتو اديناكم الميادين نحن بنتكفل باحتلال السفارات البرة
وانا غايتو حاجر سفارة السودان في واشنطن بتاعة الرياض خليتا لابوحسين ومن لف لفه من الجلاكين الما بقدرو على برد واشنطن ده :)

Quote: الذهاب لمطار الرياض في ساعات الصباح الاولى من هذه الايام الباردة لوداع الاحباء الكونت وعمر فضل المولى المغادرين لتلبية نداء الامام

Quote: الغريبة عندو جوكرين و برضو ما قادر إنزل

لا نصادق غير الصادق

عنده جوكرين ومعرج...

Quote: الذهاب لمطار الرياض في ساعات الصباح الاولى من هذه الايام الباردة لوداع الاحباء الكونت وعمر فضل المولى المغادرين لتلبية نداء الامام :)

صدقت يا ود البشاري سيدي الإمام وقت أذن لينا باكر من دغشا بدري قايم على القنصلية في دبي
تابعوا بوستات جادات كان كتب سوداني يحتل القنصلية (صور) بس تعرفوني دا انا هههههههههههه

شنو يا ابوحسين بقيت تكبشر التلفزيون كمان :)

Quote: شنو يا ابوحسين بقيت تكبشر التلفزيون كمان :)

الإحتياط واجب يا ود البشرى......
أسي لو ناس العربية ديل طلعوا كذابين أودي وشي وين من صديق الموج...