العناية الإلهية تنقذ إبنتنا من موت محقق !!

لا أصدق ما حدث حتى اللحظة

يقول أهلنا أن الأطفال تحرسهم الملائكة ، وتمنع عنهم الأذى ـ
كنت أتردد في قبول هذا القول ، ولكن ما جرى أمس لا أجد له مبرر سوى التسليم المطلق به

ميّار طفلتنا الأولى ـ لم تكمل 6 أشهر بعد
ولكنها طموحة جداً ولديها رغبة ملحة أن تكون مثل سائر البشر تمشي وتتكلم ،
في سبيل ذلك حققت إنجازات أكبر من عمرها ـ
ما يميزها الأن حركة دائبة ، ونشاط مستمر ، فضول كبير يجعلها لا تكف عن التجول في محيطها ومحاولة إكتشاف كل الأشياء



أنا وزجتى نحملها على أكف الحب
ونحيطها بالعناية والرعاية والإهتمام المتناهي
ونلبي كل رغباتها وطلباتها
فوق انها الطفلة الأولى ، فهي تتمتع بذكاء وقاد وروح مرحة ، وتتجاوب مع كل محاولة للضحك والعبث والمزاح معها

ميّار أصبح نشاطها يزداد يوماً بعد يوم
أكثر ما أصبح يخيفنا ، ويشكل هاجس بالنسبة لنا أنها عندما تفوق من نومها تبدأ تتحرك في كل الإتجاهات دون أن يبدر منها أي رد فعل يشعرنا بصحيانها من النوم ،
فأصبحنا نضع لها الحواجز والمتاريس في مكان ونومها حتى نحول دون سقوها من السرير

وعلى قول المثل المحروسة مقروصة
لم تحول كل هذه الحواجز دون وقوع الكارثة التي كنا نخشاها ونخافها

تابع باقي القصة أسفل

حمدا لله علي سلامتها .. وربنا يحفظها من كل شر

ـ
أمس عدت عن الساعة 5:30 للمنزل من الدوام ، فأستقبلتني زوجتي بحالة يرثى لها ، والدموع تملأ مأقيها ـ فأصبابني الذعر الشديد ـ وسيل من الأسئلة بدأ ينساب ـ
مالك ؟ في شنو ؟ الحاصل شنو ؟
فأجابت ميّار يا محمد
مالا في شنو حصل ليها شنو ؟
الليلة وقعت من السرير

رغم أنها كانت تحملها بين يديها حينها وكانت حالتها طبيعية
إلا أنني أصبحت بحالة كبيرة من الخوف ـ ووضعت يداي على رأسي وأنزويت على طرف السرير غير مصدق وأنا أردد مش ممكن ، مستحيل ، وتتمادى زوجتى في البكاء بوتيرة أكبر

بعد عدة دقائق ، وبعد أن أفقت على صوت بابا بابا الذي أعتادت أن تستقبلني به ، أخدتها بين يداي وبدأت أتلمس رأسها ومررت أصابعي في كل ملم فيه فلم أعثر على شئ غير طبيعي ـ تلمست جسدها كله ـ فلا يوجد أي مشكلة ـ ووضعتها على مرتبة وحفزتها للتحرك ، فحبت بكل حيوية ونشاط ، وغيرت إتجاهها ،
أستدرجتها للتحدث معي ، فأجابت ،
لاعبتها ببعض الحركات التي تحملها على الضحك ، فضحكت
رضعت كل كمية الحليب الموجودة بالبزازة قبل حضوري


ولكن رغم ذلك وعلى جناح السرعة حملناها لقسم الطوارئ بمستشفى عبيد ،
قابلنا د. محمد غزاوي ـ
كان سؤاله الأول ـ هل تعرضت لإغماء
لا
هل إستفرغت وقت سقوها ؟
لا
ثم أجرى بعض الإختبارات على جسدها
فطمأننا بأنها بخير ولا يوجد ما يدعو للقلق
وطلب منا أن تكون تحت الملاحظة للساعات القادمة ـ فلو لاحظنا أي تغيير في سلوكها يمكن لنا العودة بها للمستشفى
عدنا للمنزل ـ وميّار ترفل في ثوب الصحة والعافية ، وتمارس حياتها الطبيعية بنسبة 100%

حتى الأن أعيش دهشة كبيرة
طفلة رضيعة تسقط من سرير إرتفاعه أكثر من 1 متر ، وأرضية الغرفة من السيراميك
حسب متباعتنا لسلوكها ونشاطها مؤكد أنها سقطت على رأسها
لا تصاب بأذى ـ بل ولا يوجد ورم في جسدها أو رأسها
ولا حتى مجرد خدش

إخوتي وأخواتي

من ناحيتي ترسخت قناعتي أن الأطفال تحميهم العناية الإلهية ، وتخصهم بكرامة علمها عند الله

من ناحيتكم هل لديكم تفسير لما جرى لميّار أمس ؟

ألف سلامة يا محمد على البصير,,



نعم تحرسهم الملائكة لكن الحذر الشديد واجب يا صديقى,,
الحذر الشديد وأى غلطة غير مقصودة تعد إهمالا,,

الحمد لله على سلامة الأمورة..

حذف للتكرار

Quote: حمدا لله علي سلامتها .. وربنا يحفظها من كل شر

تسلم أخي العزيز إدريس علم الهدى

شكلو دة الطفل الأول

يازول يا ما تشوف وقعات ووقعات ، مرات علي الراس ومرات علي الضهر ، انت يادوب في البداية ... وفي الناس البكونوا شايلين الشافع ويقع منهم وما يكلموك ، الموضوع عادي ما تقلق ساي ربنا حافظهم

وحمدلله علي السلامة

محمد البصيري

سلام وتحية

وحمدلله على سلمتها أولاً

ثانياً ياخي طيرت قلبنا

لكن أقول ليك حاجة طالما أنها مولودك الأول فليك حق تخاف

لكن الوقوع من السراير دا بالنسبة للأطفال عادي

حيث أن عظامهم ما زالت في مرحلة قضاريف

وخلي أطباء المنبر يدونا رأيهم

لكن أنا كنت زيك كدا في الأول

أما الآن فعرفنا أن سقوط الأطفال وإصطدامهم بالحائط وغيره

حسب أوزانهم الخفيفة (فيزياء/ ميكانيكا) لا تؤثر عليهم كما نتوقع

لك التحية ولميار كل الحب ولها دوام الصحة والعافية

Quote: ألف سلامة يا محمد على البصير,, نعم تحرسهم الملائكة لكن الحذر الشديد واجب يا صديقى,, الحذر الشديد وأى غلطة غير مقصودة تعد إهمالا,, الحمد لله على سلامة الأمورة..

تسلم الحبيب أيمن ـ
والله يا أيمن مقدار الحرص والحذر البنبديه لحمايتها لا يوصف ـ
لكن زي ماقلت أنفاً ـ المحروسة مقروصة

الف سلامة ربنا يحفظها ويبارك لكم فيها ويغتّي عليها
الحبوبات بقولوا ان هناك ملاكا يتلقى الشافع الواقع بجناحه
ويكثرن من الدعاء بقولة "يغتّي عليك بجناح جبرين" و الله اعلم

اااااااامحمد يازول ما تسمع لهلهة الحريم دى وخوفهم على اول طفل
الشافع كان ما وقع راسو ما بقوى وبقول ليك مهما حرصتم حا تقع
اكتر من مره وده اكتر من طبيعى الحدث لميار دى يازول المهم اعمل
حساب الكهرباء والبوتجاز وابعد الادوية عن متناول ايديها الباقى ده عاااادى
وربك حفيظ تحياتنا لميار وامها،،،

Quote: شكلو دة الطفل الأول يازول يا ما تشوف وقعات ووقعات ، مرات علي الراس ومرات علي الضهر ، انت يادوب في البداية ... وفي الناس البكونوا شايلين الشافع ويقع منهم وما يكلموك ، الموضوع عادي ما تقلق ساي ربنا حافظهم وحمدلله علي السلامة

العزيز جعفر ـ ربنا يديك العافية

وأنا خارج من المستشفى قابلت صديق عزيز ، لم أقابله منذ سنين ـ ودا حال الغربة
لما عرف مننا الحاصل ـ كان قدامو طفل عمرو زي 3 سنين
قال لي شائف دا ـ وقع قريب 20 مرة ـ

Quote: محمد البصيري سلام وتحية وحمدلله على سلمتها أولاً ثانياً ياخي طيرت قلبنا لكن أقول ليك حاجة طالما أنها مولودك الأول فليك حق تخاف لكن الوقوع من السراير دا بالنسبة للأطفال عادي حيث أن عظامهم ما زالت في مرحلة قضاريف وخلي أطباء المنبر يدونا رأيهم لكن أنا كنت زيك كدا في الأول أما الآن فعرفنا أن سقوط الأطفال وإصطدامهم بالحائط وغيره حسب أوزانهم الخفيفة (فيزياء/ ميكانيكا) لا تؤثر عليهم كما نتوقع لك التحية ولميار كل الحب ولها دوام الصحة والعافية

تسلم الحبيب عاصم فقيري
وأنتظر معك فتوى رسل الإنسانية في ما جرى لميار وتفسيره من الناحية الطبية

الف سلامة وربنا يحفظها ليكم.

سلامات للبنية يا بصير .. ما تشوف شر إن شاء الله
ربنا يحفظا ليكم ويغتي عليها


_
بعد شوية الموضوع ببقى عااادي .. والله صحي




_
روان قبل كـدا وقعت من مسرح مرتفع يمكن متر ونص
وعلى راسا .. وديناها المستشفى أربعة غرز طوالي!!
أها تخيل أنا واقف وشايف العملية دي كووولها
وأقسم بالله لمن طلعت من المستشفى قعدت في العربية
نص ساعة على الأقــل عشان أقدر أسـوق!
وأنا شايلا وطالع من المستشفى كنت زي الماشي في موية
نص غيبوبة ونص مخدر ونص .. المهم كنت حاسي إني داير أقع!!
النجيضة .. كنت داير أقع جوه غرفة الخياطة!!

Quote: الف سلامة ربنا يحفظها ويبارك لكم فيها ويغتّي عليها الحبوبات بقولوا ان هناك ملاكا يتلقى الشافع الواقع بجناحه ويكثرن من الدعاء بقولة "يغتّي عليك بجناح جبرين" و الله اعلم

الحبيب ود البشرى ـ لك التحية ـ
والله شفت بعد كلام حبوبتنا دي ما بنديه الواطة
غايتو ميورة دي أمس يكون إتلقوها مجموعة مع جبرين

ياخ سيراميك لو رميت فيه كباية تبقى زي الحصحاص ـ وعلى إرتفاع متر وزيادة

الحمد لله الذي أنعم علينا بذلك

Quote: اااااااامحمد يازول ما تسمع لهلهة الحريم دى وخوفهم على اول طفل الشافع كان ما وقع راسو ما بقوى وبقول ليك مهما حرصتم حا تقع اكتر من مره وده اكتر من طبيعى الحدث لميار دى يازول المهم اعمل حساب الكهرباء والبوتجاز وابعد الادوية عن متناول ايديها الباقى ده عاااادى وربك حفيظ تحياتنا لميار وامها،،،

أأأأأأمحمد ـ لكن دا جيل الواتس اب والفيس بوك ـ لكن رغم ذلك كلام الحبوبات ما رامياه واطة
إستشارات الحبوبات من السودان بقينا عاملين ليها ميزانية عديل كدا

الف حمداً لله على سلامة بنتكم أخى محمد....نعم أنتم سنة أولى ولادة ولكن الحذر الحذر من ألأهمال المفرط. بالرغم من إنكم أبداً ما مفصرين لكن ألأطفال ديل بعملوا حاجات كده ما متوقعة .أضيف لنصائح ألأخوان وخاصة نصيجة أخونا صديق الموج.اللعبات يجب ان تكون بحجم سنها وأن لاتكون هناك لعبات يسهل أن تدخلها فى فمها وتخلق لها مشكلة تنفس .لأن الطفولة مراحل وكل مرحلة تختلف فى سلوكها وطريقة مراعاتها.

ربنا يزيدكم من الذرية ويطرح البركة ويسعدكم.

تقديرى وإحترامى.

Quote: كان سؤاله الأول ـ هل تعرضت لإغماء لا هل إستفرغت وقت سقوها ؟ لا ثم أجرى بعض الإختبارات على جسدها فطمأننا بأنها بخير ولا يوجد ما يدعو للقلق

اخى الكريم ود البصير

الف حمداً لله على السلامة وكما قال الاخوة المتداخلون الكرام ياما تشوف وقعات ووقعات بس شيل الصبر.

انا احكيلك قصة قريبة من قصتك دى بس انا قلبى اتبولد ولم اعرها كبير اهتمام لانو الموضوع تكرر واصبح عندى وعند المدام عادى.

انا انجبت ابنى البكر وتعال شوف الخوف والرعاية الاكتر من اللازم... ياخى دا لامن يبكى القيامة كلها تقوم الجنا دا مالو القرصو شنو وهو رضيع لم يتعد الثلاثة اشهر ولكنه كان كثير البكاء. المهم لا اريد ان اطيل عليك بل اريد ان اخفف عليك !!! بعده انجبنا محمد وبعده محمود ومن ثم مزمل ولله الحمد والمنة ، والبكر كان اسمه احمد. المهم احمد الآن فى صف ثانى ابتدائى والحمد لله كثيراً ... حصل قبل شهرين وبعد ان اتى من المدرسة وبعد ان انزله البص عند باب المنزل صعد الدرج بشنطته الكبيره التى لا تقوى يديه الصغيرتين على حملها ... سقط احمد لا حظ معى (الباكورة) من على السلم وشج جبهته وسال الدم غزيراً وانا فى المكتب ... اتصلت المدام وقالت انو احمد وقع من السلم وتعال نوديهو المستشفى... والله العظيم احمد دا لامن ولدوهو اشتريتلو سرير الاطفال الذكرتو انت دا ووقع منو مرة وهو صغير لكن لأننا وهو اول العنقود ماخلينا طوارئ ولا اسعاف ولا طبيب حايم.
اما الآن وبعد ان وقع احمد من على الدرج الذى ذكرته وشج جبهته كان الامر عادياً جداً ... اتيت واخذته الى الطوارئ وبعد المعاينة سألونى نفس الاسئلة المقتبسة اعلاه ... ثم صور اشعة ورنين مغنطيسى للرأس والحمد لله الموضوع جا سليم..
المهم فى الموضوع هل تصدق انو امو لم تأت معى الى المستشفى بل بقيت مع اخوته وظلت تتابعنى بالتلفون ... وكأن شيئاً لم يحدث.

عليه اخى الكريم وزى ما بقولو اهلنا (الما بغتيها الله شمس) فطول حبال صبرك واتمنى من الله ان يرزقك بذرية صالحة ويحفظهم لك من كل مكروه.

تحياتى لك بلا حدود

لله الحمد والمنة من قبل ومن بعد
وربنا لطف ويلطف بيهم وبينا يا محمد

بحيراوي

Quote: الف سلامة وربنا يحفظها ليكم.

ربنا يديك العافية يا عمدة
تسلم يا حبيب

حمد لله على سلامته اخي البصير

الله يحفظها لكم

كلو ولا الاطفااااااااااااااال

عليكم بالحرص الشديد

ربنا يحفظهم جميعا

الف حمد الله علي السلامه اخي محمد

هي بالضبط عنايه الهيه

لكن خلعتنا بي قصة موت محقق دي !

Quote: سلامات للبنية يا بصير .. ما تشوف شر إن شاء الله ربنا يحفظا ليكم ويغتي عليها _ بعد شوية الموضوع ببقى عااادي .. والله صحي _ روان قبل كـدا وقعت من مسرح مرتفع يمكن متر ونص وعلى راسا .. وديناها المستشفى أربعة غرز طوالي!! أها تخيل أنا واقف وشايف العملية دي كووولها وأقسم بالله لمن طلعت من المستشفى قعدت في العربية نص ساعة على الأقــل عشان أقدر أسـوق! وأنا شايلا وطالع من المستشفى كنت زي الماشي في موية نص غيبوبة ونص مخدر ونص .. المهم كنت حاسي إني داير أقع!! النجيضة .. كنت داير أقع جوه غرفة الخياطة!!

الحبيب ود الصائم ربنا يديك العافية
ربنا يحفظ روان وأخوتها من كل شر ـ ويديهم الصحة والعافية

أجمل مافي البوست ـ إنو الواحد يسمع تجارب الأخرين ـ ونحن في أمس الحاجة لها

باقي نحن سنة أولى إمومة وإبوة ـ ولسع الغريق قدام

حمد الله على السلامة لكن يامحمد انتو شفقانين شديد
أديك حكاية خالد ابني ذو الأربع سنوات وشيطان حتى ا لنخاع كان يجلس بجانبي في السيارة وفي لحظة انحرافي يسارا داخل الأشارة ا فتح عليه الباب وسقط
من العربية!!!! والعربات متحركة داخل الأشار ة.
كان شرطي المرور يقف في الأشارة وعندما شاهد الطفل يسقط جرى عليه وخطفه قبل أن تدهسه العربات القادمة,
أخذته للمستشفى وعملنا الصور والفحوصات اللازمة ومن ثم قمت بابلاغ امه والحمد لله لم يحصل له خدش!

ما تشوفو شر يا محمد

ما تشوفو شر يا محمد

ود البصير
سلامات ياخي وحمدا لله على سلامة البنية
ها زول خلعتنا خلعة شينة خلاس
غايتو انا ما داير اقارن ليك بعروبنا مع انو جسم الانسان اياهو جسم الانسان مع فرق البيئة
سراميك ----- دلجة بالكتير
باختصار شديد معاك حق ودا حال الطفل الاول
لكن زي ما قالوا الجماعة السبقوني
بردلب دي عادية وقد تكون اسبوعية بس احذر الكهرباء والنار والادوية والالات الحادة
والباقي هين
ربنا احفظها واخليها
وياما شفنا محن تمحن من الاطفال

الف حمدالله علي السلامة اخونا ود البصير
يااخي بس خلعتك انت اكبر
الأطفال تحرسهم الملائكة كما ذكرت
وغايتو شفعنا نحن وقعوا جنس توقع بس الله حافظ
الف سلامة ليكم

Quote: الف حمداً لله على سلامة بنتكم أخى محمد....نعم أنتم سنة أولى ولادة ولكن الحذر الحذر من ألأهمال المفرط. بالرغم من إنكم أبداً ما مفصرين لكن ألأطفال ديل بعملوا حاجات كده ما متوقعة .أضيف لنصائح ألأخوان وخاصة نصيجة أخونا صديق الموج.اللعبات يجب ان تكون بحجم سنها وأن لاتكون هناك لعبات يسهل أن تدخلها فى فمها وتخلق لها مشكلة تنفس .لأن الطفولة مراحل وكل مرحلة تختلف فى سلوكها وطريقة مراعاتها. ربنا يزيدكم من الذرية ويطرح البركة ويسعدكم. تقديرى وإحترامى.

الحبيب سمعة ـ لك الف تحية
تسلم ـ نصائكم معمول بها إن شاء الله ـ ونحن في حاجة لمزيد من الجرعات

Quote: اخى الكريم ود البصير الف حمداً لله على السلامة وكما قال الاخوة المتداخلون الكرام ياما تشوف وقعات ووقعات بس شيل الصبر. انا احكيلك قصة قريبة من قصتك دى بس انا قلبى اتبولد ولم اعرها كبير اهتمام لانو الموضوع تكرر واصبح عندى وعند المدام عادى. انا انجبت ابنى البكر وتعال شوف الخوف والرعاية الاكتر من اللازم... ياخى دا لامن يبكى القيامة كلها تقوم الجنا دا مالو القرصو شنو وهو رضيع لم يتعد الثلاثة اشهر ولكنه كان كثير البكاء. المهم لا اريد ان اطيل عليك بل اريد ان اخفف عليك !!! بعده انجبنا محمد وبعده محمود ومن ثم مزمل ولله الحمد والمنة ، والبكر كان اسمه احمد. المهم احمد الآن فى صف ثانى ابتدائى والحمد لله كثيراً ... حصل قبل شهرين وبعد ان اتى من المدرسة وبعد ان انزله البص عند باب المنزل صعد الدرج بشنطته الكبيره التى لا تقوى يديه الصغيرتين على حملها ... سقط احمد لا حظ معى (الباكورة) من على السلم وشج جبهته وسال الدم غزيراً وانا فى المكتب ... اتصلت المدام وقالت انو احمد وقع من السلم وتعال نوديهو المستشفى... والله العظيم احمد دا لامن ولدوهو اشتريتلو سرير الاطفال الذكرتو انت دا ووقع منو مرة وهو صغير لكن لأننا وهو اول العنقود ماخلينا طوارئ ولا اسعاف ولا طبيب حايم. اما الآن وبعد ان وقع احمد من على الدرج الذى ذكرته وشج جبهته كان الامر عادياً جداً ... اتيت واخذته الى الطوارئ وبعد المعاينة سألونى نفس الاسئلة المقتبسة اعلاه ... ثم صور اشعة ورنين مغنطيسى للرأس والحمد لله الموضوع جا سليم.. المهم فى الموضوع هل تصدق انو امو لم تأت معى الى المستشفى بل بقيت مع اخوته وظلت تتابعنى بالتلفون ... وكأن شيئاً لم يحدث. عليه اخى الكريم وزى ما بقولو اهلنا (الما بغتيها الله شمس) فطول حبال صبرك واتمنى من الله ان يرزقك بذرية صالحة ويحفظهم لك من كل مكروه. تحياتى لك بلا حدود

الحبيب على أحمد النعيم ـ ربنا يديك العافية ويحفظ ليك أحمد ومحمد ومحمود ومزمل ـ وامهم
تشكر كثيراً على إيراد هذه القصة ـ
غايتو الشفقة على الذرية دي شئ إحساس غريزي لا تتحكم فيه ، لكن يبدو لي يضعف الإحساس به بمرور الأيام كما تشير مداخلات الإخوة أصحاب التجارب وأحد أحدهم

تسلم أخوي علي

Quote: لله الحمد والمنة من قبل ومن بعد وربنا لطف ويلطف بيهم وبينا يا محمد بحيراوي

الحبيب بحيراوي ـ تسلم ت ربنا يديك العافية

Quote: حمد لله على سلامته اخي البصير

أأأأأأوووو بق بق ظهر في الساحة

حباب الزعيم
تسلم يا حبيب

Quote: سلامات للبنية يا بصير .. ما تشوف شر إن شاء الله ربنا يحفظا ليكم ويغتي عليها _ بعد شوية الموضوع ببقى عااادي .. والله صحي

سلا يا محمد علي
اولا الحمد الله علي سلامة الامورة
اقسم بالله العظيم انا بقرا في كلامك ده وعيوني امتلات مويه من كترة حبي للاطفال ومن ما جري لصغيرتكم ربنا يحفظها

Quote: الله يحفظها لكم كلو ولا الاطفااااااااااااااال عليكم بالحرص الشديد ربنا يحفظهم جميعا

العزيز خال فاطمة ـ لك التحية

نصيحتك على العين والرأس يا حبيب

Quote: الف حمد الله علي السلامه اخي محمد هي بالضبط عنايه الهيه لكن خلعتنا بي قصة موت محقق دي !

الحبيب طروقي ـ الله يسلمك

تعرف يا طارق أنا والمدام أصبحنا نتناقش من وقت لأخر نعبرين عن شخيتنا أن تسقط ميّار من السرير ، فكل مرة بقول ليها شفتي البت دي لو وقعت ـ موت 100%

عشان كدا الخلعة كانت كبيرة من الطرفين ـ

لكن ياطارق بالله مش معجزة أن تنجو الموت وهى تسقط على رأسها على إرتفاع متر وعلى السيراميك

ياخ مرات الكباية لما تقع تتكسر تبقى زي الحصى

وتقول لي خلعتنا بقصة موت محقق دي

Quote: حمد الله على السلامة لكن يامحمد انتو شفقانين شديد أديك حكاية خالد ابني ذو الأربع سنوات وشيطان حتى ا لنخاع كان يجلس بجانبي في السيارة وفي لحظة انحرافي يسارا داخل الأشارة ا فتح عليه الباب وسقط من العربية!!!! والعربات متحركة داخل الأشار ة. كان شرطي المرور يقف في الأشارة وعندما شاهد الطفل يسقط جرى عليه وخطفه قبل أن تدهسه العربات القادمة, أخذته للمستشفى وعملنا الصور والفحوصات اللازمة ومن ثم قمت بابلاغ امه والحمد لله لم يحصل له خدش!

ود الشيخ ـ ربنا يديك العافية
والف حمداً لله على سلامة خالد

عليك الله الما بشقنا شنو ؟

حمدا لله علي سلامتها .. وربنا يحفظها من كل شر

Quote: ما تشوفو شر يا محمد

تسلم يا معاز
ربنا يدك العافية يا حبيب

Quote: ود البصير سلامات ياخي وحمدا لله على سلامة البنية ها زول خلعتنا خلعة شينة خلاس غايتو انا ما داير اقارن ليك بعروبنا مع انو جسم الانسان اياهو جسم الانسان مع فرق البيئة سراميك ----- دلجة بالكتير باختصار شديد معاك حق ودا حال الطفل الاول لكن زي ما قالوا الجماعة السبقوني بردلب دي عادية وقد تكون اسبوعية بس احذر الكهرباء والنار والادوية والالات الحادة والباقي هين ربنا احفظها واخليها وياما شفنا محن تمحن من الاطفال

ود البوش ـ حبابك اليوم السعيد الليلة جابك

لكن ياخ الخلعة الدخلت فينا أمس ساهلة والله للأن ما طلعت
جارنا باكستاني ـ لو كان سوداني كان لصق أم كف لي وللمدام

بالله كتروا لينا من نوع النصائح دي

ودي وتقديري الكبير يا حبيب

اخي محمد البصير


حمدا لله علي السلامة وحفظ اهلك من كل شر

يا ود البصير السلام عليك وعلى وميار
ربنا يحفظا ليكم ويحفظكم ليها ...
خلعتنا ياخ
التوقع والتخبط وضرب الرأس شىء عادي عند الأطفال .

حمدا لله على السلامة يا أبو ميار.

زماان حبوباتنا قالن الشفع بتحفظن الملايكه, و قد صدقن.

ربنا يحفظهاميار من كل شر.

Quote: الف حمدالله علي السلامة اخونا ود البصير يااخي بس خلعتك انت اكبر الأطفال تحرسهم الملائكة كما ذكرت وغايتو شفعنا نحن وقعوا جنس توقع بس الله حافظ الف سلامة ليكم

دكتور عمر ـ الله يسلمك ويحفظك

الإنطباع المسبق في ذهني إنو ميّار لو وقعت من السرير ، لن تنجو ـ هذا ما زاد خوفنا ودخل فينا الخلعة الكبيرة

Quote: Quote: سلامات للبنية يا بصير .. ما تشوف شر إن شاء الله ربنا يحفظا ليكم ويغتي عليها _ بعد شوية الموضوع ببقى عااادي .. والله صحي

تسلم جنابو عمر عثمان

Quote: سلا يا محمد علي اولا الحمد الله علي سلامة الامورة اقسم بالله العظيم انا بقرا في كلامك ده وعيوني امتلات مويه من كترة حبي للاطفال ومن ما جري لصغيرتكم ربنا يحفظها

الحبيب شرف الزاكي ربنا يديك العافية ـ ويحفظك من كل شر إن شاء الله

Quote: اقسم بالله العظيم انا بقرا في كلامك ده وعيوني امتلات مويه من كترة حبي للاطفال ومن ما جري لصغيرتكم ربنا يحفظها

يا سلام على هذا الشعور الإنساني النبيل ـ وهذا الحس الراقي

ربنا يحفظه يارب ويطمئنك عليه دائماً يالبصير وكل افراد اسرتك طيبين ..يارب.

Quote: حمدا لله علي سلامتها .. وربنا يحفظها من كل شر

الحبيب خالد درق ربنا يديك العافية ويحفظك من كل مكروه

سلامات يا ود البصير

دي بسيطة

وبتقويها كمان

وزي ما قالوا ليك عظام الأطفال غضاريف، وكمان مرنة وقويه بتتحمل الصدمات ما زي عظام الكبار الناشفة وهشه البتنكسر من هبشه..

بس يا حبيب.. اطفالنا في السعودية وفي دول المهجر خاصة اوروبا وامريكا والعالم المتقدم محتاجين للتراب!! يلعبوا فيهو ويقوي مناعتهم.. يعني شفع السودان تلقاهم طول اليوم في الواطه ومع ذلك - لولا الوبائيات مثل الملاريا والتيفوئيد- تجد مناعتهم افضل من مناعة اولاد المغتربين..

دمت ودامت اسرتك بكل الخير

ود البصير ألف حمد الله على سلامة الأمورة الصغيرة.
سقوط الأطفال من السرير عادي و بيحصل لكل طفل تقريبا طبعا الأهل بيخافو و لكن العناية الإلاهية دائما تحفظهم.

Quote: أديك حكاية خالد ابني ذو الأربع سنوات وشيطان حتى ا لنخاع كان يجلس بجانبي في السيارة وفي لحظة انحرافي يسارا داخل الأشارة ا فتح عليه الباب وسقط

لهذا السبب فان سلطات المرور هنا في أستراليا تلزم الاطفال و إلى عمر سبع سنوات بالجلوس في كرسي مخصص لهم و مثبت بدقة و عناية.

Quote: يا ود البصير السلام عليك وعلى وميار ربنا يحفظا ليكم ويحفظكم ليها ... خلعتنا ياخ التوقع والتخبط وضرب الرأس شىء عادي عند الأطفال .

أستاذ طلحة ـ ربنا يديك العافية ياخ

وين عادية يا أستاذ ـ زي ما قال ليك أخونا إسماعيل عباس ـ نحن لسع سنة أولى إمومة وإبوة
والله أمس شايفين الحصل دا كارثة الكوارث
وعايشين تأنيب ضمير حتى اللحظة

سلامات
وحمدا لله على السلامة يا أبو ميار.

ربنا يحفظها ويجعلها قرة عين لوالديها

تحياتى

Quote: حمدا لله على السلامة يا أبو ميار. زماان حبوباتنا قالن الشفع بتحفظن الملايكه, و قد صدقن. ربنا يحفظهاميار من كل شر.

تسلم الحبيب فتحي ـ
والله كلام حبوباتنا من الليلة ما بقع واطة عندي

Quote: ربنا يحفظه يارب ويطمئنك عليه دائماً يالبصير وكل افراد اسرتك طيبين ..يارب.

تسلم أخي الحبيب محمد إبراهيم عثمان
ربنا يحفظك وأسرتك من كل مكروه إن شاء الله

الاخ محمدعلي حمد لله علي سلامة الامورة وربنا يحفظها من كل شر

Quote: سلامات يا ود البصير دي بسيطة وبتقويها كمان وزي ما قالوا ليك عظام الأطفال غضاريف، وكمان مرنة وقويه بتتحمل الصدمات ما زي عظام الكبار الناشفة وهشه البتنكسر من هبشه.. بس يا حبيب.. اطفالنا في السعودية وفي دول المهجر خاصة اوروبا وامريكا والعالم المتقدم محتاجين للتراب!! يلعبوا فيهو ويقوي مناعتهم.. يعني شفع السودان تلقاهم طول اليوم في الواطه ومع ذلك - لولا الوبائيات مثل الملاريا والتيفوئيد- تجد مناعتهم افضل من مناعة اولاد المغتربين.. دمت ودامت اسرتك بكل الخير

تسلم أستاذنا العزيز ـ ربنا يحفظك من كل مكروه

حمدا لله على سلامتها يا محمد
وربنا يحفظها ويغطي عليها
وما تشوف شر يا رب
وربنا يخليك ليها انت وامها ويخليها ليكم

الف حمدا لله على سلامتها يا استاذ محمد وربنا يحفظها ويحرسها من كل شر ..

تحياتي : ياسر العيلفون

الأخ / محمد

ألف حمداً لله على سلامة ميار وربنا يحفظها ، العنوان قطع قلبي ولكني قدرت ظروفكم ولاسيما أنها باكورة إنتاجكم ، يازول الله الحافظ وعين الله ترعاهم وكثير من الاطفال يتعرضون لوقعات أصعب ولكن يظلون في حفظ الله ولا يصابون باذي وذلك فضل من الله .

أولاً يامحمد وأم عيالك حمداً لله على السلامة...جات سليمة
ثانياً شيلو متاريسكم وخلو البت تقع وقِعها شان تكبر مدردرة وفالحة

ثم..عجبتوني شديد انت والمتداخلين معاك وأرجو بنفس هذه العواطف
تساندونا ضد هؤلاء الذين مازالوا يدافعون _بضراوة_ عن ختان الإناث!!!!
لا مجال للمقارنة بين النوعين من الألم والمعاناة...
أن تقع من السرير فتجرح وجهها البهي ؛ وأن تُعرّض للبتر والتشويه فتعاني من جرح مستديم!!
لا قدّر الله.

نخاف على فلذاتنا من وقعة متر...
ونتركهن تحت رحمة سكين الجزار ليعانين من جرائهامدى الحياة!

تصوروا ياشباب؟


حفظكم الله وعيالكم أصحاء وسالمين لعمر طويل.

تحياتي.

سلامٌ ومحبة


حمداً لله على سلامتها
حفظها الله لكم من كل شر
وجعلها ذخراً لكم
وأقر بها عيونكم...


تحياتي واحترامي

سلام يا محمد

حمد الله على سلامة البنية وربنا يحفظها من كل شر


وقعة السرير دي عادية بتحصل كتير هسة أنا قبل شوية عندي واحدة عمرها سنة أخدت ليه وقعة وزي ما ذكر الأخوان العناية الإلهية وخفة الوزن بتحفظ الأطفال

حكاية الملائكة دي ذكرتني صديقي في القصيم زول لذيذ

عندو بت عمرها 3- 4 سنوات وقعت من الطابق الثاني عديل ولحسن الحظ وقعت في كوم رمل كان في الحوش تحت الشباك

المهم أخدت ليها 2-3 أيام في المستشفى وطلعت في امان الله

مشيت ليهو وقلت ليهو حرستا الملائكة يا محمد

قال لي الملائكة بس ؟ والله دي لو جلت شوية من الرمل دا إلا كان أعملا مارتيدلا

ودالبصيـر الف حمدلله على السلامــة وما تشوف شـر انشاء الله



فعلا الأطفال تحفهم وتحفظهم الملائكة دائما


أبني وعمرو كان زي سنتين بلع حبوب أمي بتاعت الضغط كترت ما قوية امي بتاخذ في اليوم حبه واحده صاحبنا قرقش لي قرابة الستة حبات بسرعة هائلة ومافي حد لاحظ ليه وهاك ياغسيل معده ودخول انبوبة بالأنف ولحظات عصيبة وانا على أعصابي والدكتور يصب علينا اللوم وانا كنت في الشغل وحتى الوالده والله حريصه على الحبوب ووضعاها في شنطه صغيرة خاصة لكن الأطفال ربنا يحفظهم اي حاجه بصلوها .. وامي تشيل وتصبر فيني والدكتور يلوم فينا ودخول الأنبوبه بالأنف شئ فظيع ولحظات عصيبة والحمدلله ومن ثم التحويل لمستشفى بعد ان عملنا الغسيل في المركز الصحي بعناية فائقة من احد الدكاترة له جزيل الشكر وعناية في المستشفى لمدة 24 ساعة وأمي تصبر فيني وكانها تحس بالذنب وهذا ما ألمني زيادة ، وانا بكامل قواي واقف مع الدكتور وكلي صبر وأصبر في أمي والحمدلله مرت على خيـر

وفوق دا كلوا يجي بعد أسبوع يكرر نفس الشئ اتخيل رغم العذاب والألم ورغم الحرص الزائد تتكرر الحكاية بشلاقة الأطفال مرة اخرى والحمدلله طلعت سليمه وعشان كدا سميناه مصطفى كوارث





ربنا يحفظها ليكم ويحفظ كل أطفالنا



أبومصطفى


أبومصطفى

Quote: ود البصير ألف حمد الله على سلامة الأمورة الصغيرة. سقوط الأطفال من السرير عادي و بيحصل لكل طفل تقريبا طبعا الأهل بيخافو و لكن العناية الإلاهية دائما تحفظهم. Quote: أديك حكاية خالد ابني ذو الأربع سنوات وشيطان حتى ا لنخاع كان يجلس بجانبي في السيارة وفي لحظة انحرافي يسارا داخل الأشارة ا فتح عليه الباب وسقط لهذا السبب فان سلطات المرور هنا في أستراليا تلزم الاطفال و إلى عمر سبع سنوات بالجلوس في كرسي مخصص لهم و مثبت بدقة و عناية.

تسلم مهندس عمار ـ ربنا يديك العافية

وكرسي الأطفال بالسيارة فعلاً مهم للغاية ، وليت ترجبة أستراليا تعمم على باقي الدول

Quote: سلامات وحمدا لله على السلامة يا أبو ميار. ربنا يحفظها ويجعلها قرة عين لوالديها تحياتى

ربنا يديك العافية د. مهيرة ، ويسلمك من كل شر

Quote: الاخ محمدعلي حمد لله علي سلامة الامورة وربنا يحفظها من كل شر

تسلم أخوي محمد ربنا يديك العافية

Quote: حمدا لله على سلامتها يا محمد وربنا يحفظها ويغطي عليها وما تشوف شر يا رب وربنا يخليك ليها انت وامها ويخليها ليكم

تسلمي أختي العزيزة سامية ربنا يحفظك من كل مكروه

Quote: الف حمدا لله على سلامتها يا استاذ محمد وربنا يحفظها ويحرسها من كل شر .. تحياتي : ياسر العيلفون

تسلم أخي ياسر ، ربنا يحفظك من كل شر

Quote: الأخ / محمد ألف حمداً لله على سلامة ميار وربنا يحفظها ، العنوان قطع قلبي ولكني قدرت ظروفكم ولاسيما أنها باكورة إنتاجكم ، يازول الله الحافظ وعين الله ترعاهم وكثير من الاطفال يتعرضون لوقعات أصعب ولكن يظلون في حفظ الله ولا يصابون باذي وذلك فضل من الله

تسلم أخي العزيز ولياب ، ربنا يحفظك من كل مكروه

Quote: سلام يا محمد حمد الله على سلامة البنية وربنا يحفظها من كل شر وقعة السرير دي عادية بتحصل كتير هسة أنا قبل شوية عندي واحدة عمرها سنة أخدت ليه وقعة وزي ما ذكر الأخوان العناية الإلهية وخفة الوزن بتحفظ الأطفال حكاية الملائكة دي ذكرتني صديقي في القصيم زول لذيذ عندو بت عمرها 3- 4 سنوات وقعت من الطابق الثاني عديل ولحسن الحظ وقعت في كوم رمل كان في الحوش تحت الشباك المهم أخدت ليها 2-3 أيام في المستشفى وطلعت في امان الله مشيت ليهو وقلت ليهو حرستا الملائكة يا محمد قال لي الملائكة بس ؟ والله دي لو جلت شوية من الرمل دا إلا كان أعملا مارتيدلا

تسلم أخي العزيز حمد عبد الغفار عمر ـ من الطابق الثاني ، وبرضو سليمة ـ ملائكة شايفة شغلها صاح

Quote: ودالبصيـر الف حمدلله على السلامــة وما تشوف شـر انشاء الله فعلا الأطفال تحفهم وتحفظهم الملائكة دائما أبني وعمرو كان زي سنتين بلع حبوب أمي بتاعت الضغط كترت ما قوية امي بتاخذ في اليوم حبه واحده صاحبنا قرقش لي قرابة الستة حبات بسرعة هائلة ومافي حد لاحظ ليه وهاك ياغسيل معده ودخول انبوبة بالأنف ولحظات عصيبة وانا على أعصابي والدكتور يصب علينا اللوم وانا كنت في الشغل وحتى الوالده والله حريصه على الحبوب ووضعاها في شنطه صغيرة خاصة لكن الأطفال ربنا يحفظهم اي حاجه بصلوها .. وامي تشيل وتصبر فيني والدكتور يلوم فينا ودخول الأنبوبه بالأنف شئ فظيع ولحظات عصيبة والحمدلله ومن ثم التحويل لمستشفى بعد ان عملنا الغسيل في المركز الصحي بعناية فائقة من احد الدكاترة له جزيل الشكر وعناية في المستشفى لمدة 24 ساعة وأمي تصبر فيني وكانها تحس بالذنب وهذا ما ألمني زيادة ، وانا بكامل قواي واقف مع الدكتور وكلي صبر وأصبر في أمي والحمدلله مرت على خيـر وفوق دا كلوا يجي بعد أسبوع يكرر نفس الشئ اتخيل رغم العذاب والألم ورغم الحرص الزائد تتكرر الحكاية بشلاقة الأطفال مرة اخرى والحمدلله طلعت سليمه وعشان كدا سميناه مصطفى كوارث ربنا يحفظها ليكم ويحفظ كل أطفالنا أبومصطفى

أبو مصطفى ربنا يديك العافية ـ ربنا يحفظ ليك مصطفى وأخوانو من كل شر ، ويدي الوالدة الصحة والعافية إن شا ءالله

تعرف يا أبو مصطفى ـ كل الجماعة السناير في موضوع الأطفال دا ، أجمعوا على أن مسألة سقوط الأطفال دي شئ عادي والملائكة في الحالات دي عاملين شغل كبير،
لكن حذروا شديد من أسلاك الكهرباء وتناول الأدوية الظاهر دي خارج التغطية ، فدحين أعملوا حسابكم شديد

Quote: أولاً يامحمد وأم عيالك حمداً لله على السلامة...جات سليمة ثانياً شيلو متاريسكم وخلو البت تقع وقِعها شان تكبر مدردرة وفالحة ثم..عجبتوني شديد انت والمتداخلين معاك وأرجو بنفس هذه العواطف تساندونا ضد هؤلاء الذين مازالوا يدافعون _بضراوة_ عن ختان الإناث!!!! لا مجال للمقارنة بين النوعين من الألم والمعاناة... أن تقع من السرير فتجرح وجهها البهي ؛ وأن تُعرّض للبتر والتشويه فتعاني من جرح مستديم!! لا قدّر الله. نخاف على فلذاتنا من وقعة متر... ونتركهن تحت رحمة سكين الجزار ليعانين من جرائهامدى الحياة! تصوروا ياشباب؟ حفظكم الله وعيالكم أصحاء وسالمين لعمر طويل. تحياتي.

تسلمي د. عائشة ـ شرفتي البوست
ندعم توجهك في محاربة الختان بلا حدود ، ولن ندخر جهداً في سبيل محاربة هذه العادة الضارة

لحسن الحظ يا دكتور عائشة ـ أم ميّار تخصص علم نفس ، وعملت كباحث نفسي لمحاربة مشاكل أجتماعية مشابهة لظاهرة الختان ، وهى من الداعمين بقوة لمحاربة هذه الظاهرة

Quote: سلامٌ ومحبة حمداً لله على سلامتها حفظها الله لكم من كل شر وجعلها ذخراً لكم وأقر بها عيونكم... تحياتي واحترامي

تسلم أخي العزيز بلة محمد الفاضل ـ ربنا يديك العافية ويحفظك من كل مكروه

الف حمد لله علي سلامة البنية و ربنا يحفظها

شوف ربنا حفظ البنية دي كيف

Quote: الف حمد لله علي سلامة البنية و ربنا يحفظها شوف ربنا حفظ البنية دي كيف

تسلم ـ أخي العزيز عمر موسى منجي

ربنا يحفظ أطفالنا من كل مكروه

مع خالص الود أخي الحبيب

Quote: ربنا يحفظه يارب ويطمئنك عليه دائماً يالبصير وكل افراد اسرتك طيبين ..يارب

سلامات. سلامات.. يرجى الانتباه خاصة لمثل هكذا اطفال يتمتعون بالذكاء والحركة.

Quote: Quote: ربنا يحفظه يارب ويطمئنك عليه دائماً يالبصير وكل افراد اسرتك طيبين ..يارب

تسلم أخي العزيز مزمل خيري

Quote: سلامات. سلامات.. يرجى الانتباه خاصة لمثل هكذا اطفال يتمتعون بالذكاء والحركة.

تسلم أخي الحبيب إسماعيل وراق
نصيحتك معمول بها بمشئة الله

سلام اخ محمد .. ربنا يحفظ الانسة الصغيرة وما تشوف شر يارب

زي ما اسلفوا الاخوات والاخوان قصة وقوع الاطفال عادية .. لكن كمان الحذر واجب .. اذان كانت كثيرة الحركة وهي في عمرها ده معني كدة ماشة علي حركة اكتر ومحاولات اكتشاف عشان كدة لازم تكونوا حريصين .. والمخدات "والمتاريس" في العمر دة ما بتنفع .. احسن حاجة لمن تكون نايمة في السرير افرشوا ليها بطانية تقيلة مطبقة في الارض مكان ممكن تنزل او اي شي مشابة .. عشان لو لا قدر الله وقعت تاني يكون في شي يخفف الوقعة من الوقعة علي السيراميك .. لكن عموما كل الاطفال بقعوا وياخدوا بكيتهم ويواصلوا للوقعة الجاية ههههه .. ربنا يحفظها ويحفظ كل الاطفال.

Quote: سلام اخ محمد .. ربنا يحفظ الانسة الصغيرة وما تشوف شر يارب زي ما اسلفوا الاخوات والاخوان قصة وقوع الاطفال عادية .. لكن كمان الحذر واجب .. اذان كانت كثيرة الحركة وهي في عمرها ده معني كدة ماشة علي حركة اكتر ومحاولات اكتشاف عشان كدة لازم تكونوا حريصين .. والمخدات "والمتاريس" في العمر دة ما بتنفع .. احسن حاجة لمن تكون نايمة في السرير افرشوا ليها بطانية تقيلة مطبقة في الارض مكان ممكن تنزل او اي شي مشابة .. عشان لو لا قدر الله وقعت تاني يكون في شي يخفف الوقعة من الوقعة علي السيراميك .. لكن عموما كل الاطفال بقعوا وياخدوا بكيتهم ويواصلوا للوقعة الجاية ههههه .. ربنا يحفظها ويحفظ كل الاطفال.

تسلمي الأخت جميلة ـ ربنا يديك العافية ويحفظك من كل مكروه
أشكرك على نصائحك الغالية ، ومعمول بيها إن شاء الله

حمدا لله على السلامة

ربنا يحفظها ويجعلها قرة عين لوالديها



تحياتى

Quote: حمدا لله علي سلامتها .. وربنا يحفظها من كل شر

Quote: حمدا لله على السلامة ربنا يحفظها ويجعلها قرة عين لوالديها تحياتى

تسلم د. إبراهيم ـ ربنا يديك العافية

Quote: Quote: حمدا لله علي سلامتها .. وربنا يحفظها من كل شر

ربنا يديك العافية أخي جمال ابا يزيد

Quote: اخي محمد البصير حمدا لله علي السلامة وحفظ اهلك من كل شر

تسلم الزعيم هشام هباني ، ربنا يديك العافية