الصحف السودانية لاتستحق القراءة !!

انا لي سنه تقريبا ما قاعد اقري صحف سودانيه وامس في واحد صاحبي بقول لي _ انت مش زول سياسي ( كيف ماتقري جرايد ) ؟
بالله يا ناس كيف نقري صحف سودانيه وهي بالحال ده ؟
يعني اذا كان اي رئيس تحرير بعينو جهاز الامن عشان ينشر الهم عايزنو فقط .
ومعظمم ضباط في جهاز الامن بيفرضم الجهاز علي الصحف في مقبابل استمرارها والا فالمصادره والمنع من الاعلان وصولا الي التقفيل علي شاكلة _ صحف التيار وراي الشعب والكثير من الصحف التي تم اغلاقها بامر الامن _ هذا والاخطر من كده انو حتي الصحف الشغاله اما يفرضو عليها ناس دخلاء علي الوسط الاعلامي زي الدلاهات البقينا نشوفم الايام دي في الصفحات الرئيسيه للصحف . عشان يمغصونا بي هبل صحفي مفرط في التطبيل للنظام .
وطبعا الواحد من الزي ديل بكون كل مؤهلو انو بوق من ابواق النظام وامنجي و (مشاطة). فتكون تلك المؤهلات كافيه جدا في نظر الامن طبعا !!
و مع كل ما ذكرت انفا نجد ايضا الرقابه القبلية اليوميه الدقيقه و التي وصلت لدرجة منع اي صوت او راي معارض من الظهور في اي صحيفة . وبشكل نهائي .
والادهي والامر انه وصل تدمير الصحافه لدرجة حرمان كتاب بعينهم من الكتابة ايضا في اي صحيفة بشكل نهائي بامر الامن . وللاسف جل الكتاب الممنوعين الكتابة هم من يستحقو ان يقرء لهم .
وطبعا الصحف الغير محترمه عليها السمع والطاعه _ وفعلا تفعل ذلك لانها كذلك !!
فهل صحف كهذه جديره بالاحترام وهل تستحق شرف شرائها والاطلاع عليها ؟؟؟؟
لا اعتقد ذلك ..
!!
اذن معا لمقاطعة كل الصحف السودانيه _ تحت شعار _
..
( اما نقري صحف مستقله تنقل الرأي والرأي الاخر او اليقروها برااااااااهم )

فوق