القبض علي ٥٠٠ مليون دولار بطرف كبر قبل مغادرته للحج

المبلغ حجز في مطار الخرطوم بطرف كبر ووزير ماليته وهما في طريقهم الي الحج ينويات تهريب المبلغ الي السعوديه

الكترابة

500 مليون دولار

بالجديد ولا بالقديم

شكرا

يعني يا محمد الأمين المسئول الصغير داك لمن إتقبض في مطار الخرطوم وبحوزته مليون دولار في طريقه لماليزيا كانت زي الجنية في المحفضة.

يا أخي مش إحتمال شايلها للكسوة !!

بحيراوي

500 مليون دولار تساوى من ورقة ال100 تساوى 5 مليون ورقة يعنى خمسين الف ربطة ابو مائة يعنى دا كلام غريب وعجيب لكن جابهم من وين دارفور فقرانة .والسودان دا كلو فقران


دا نص مليار دولار واللة البلد كلها ( حلال وحرام) مافيها ربع المبلغ دا كاش

يا أخوانا الكلام ده جد ؟
يعني شيئ غريب وفوق الخيال ...
حتى إنت يا كبر ؟؟؟
وإذا كان كبر خامش 500مليون دولار .. البالي بالكم ديلك خامشين كم ...؟

هذا كلام غير علمي ولايمكن تصديقه
لايستطيع حتى الأمير الوليد بن طلال الحصول على 500 مليون دولار في يده
500 مليون تساوي سعر بنك خليجي!
ياخي بنوك السودان كلها لو هزيتها ماتطلع ليك المبلغ دي
كميات الفلوس الكبيرة يتم تهريبها بمعاملات بنكية وطرق لغسيل الأموال مختلفة ليس من بينها حمل هذه الكيات في خيش!

ممكن أصدق تقصد500 الف دولار

مع أكيد ودي

Quote: هذا كلام غير علمي ولايمكن تصديقه لايستطيع حتى الأمير الوليد بن طلال الحصول على 500 مليون دولار في يده 500 مليون تساوي سعر بنك خليجي

** مُــــبـــالـــغــــه.. فعلاً ياود الشيخ ...
## غايتو ياكُبر لو سوق المواسير جاب ليك الفله الكتيره دى مفروض تعلن إنفصال مملكة دارفور الدولاريه عن دولة سازونيا اللإسلاميه##
## حتى لايفقد هذا المنبر مصداقيته ,, وحتى لانضطر لحلاقة القنابير الموجوده فى صـلـعتنا أرحمونا وأدونا معلومه من المُمكن أن يصدقها عقل المُتلقى ##
^
^
^
** كسره :- قول :- 50,000$ - 500,000$ (ودى برضو كتيره).... لكن 500,000,000$ (نص مليار) ياراجل دى دايره ليها كونتينر **
** صاحب البوست
** سلام
## كترت المحلبيه.

٥٠٠ الف وليس مليون

Quote: 500 الف وليس مليون

طال الليل للمساهر وأصبح ما ليهوا اخر

لك الله يا بلـــــــد

حسب علمي ان الزول ده خلاص كرت انقاذي محروق وتم نزع كل السلطه من منه يعني بقي صوره ساي

محمد الأمين ..

مشكور ياخي على جهدك و نضالك في تعرية النظام ..

لكن بس حافظوا على ( الصدق ) في مخاطبة الشعب السوداني ..
و عاملوه بوعي .. و بدراية في لملمة الخبر و صياغتو .. و مدى صدقو ..
و خلوا ( الصوت المعارض ) يكون نزيه و ( معقول ) .. عشان الناس تفتح اضانا كويس ..

( تهويل ) الأمور لهذه الدرجة ضار جداً ..
و سلبياتو كتيرة ..

( كبر ) دا ؛ بالمناسبة ؛ ( نجيييييض ) .. ما بعمل دي !!

تحياتي ...

برضو ..

حتى الـ 500 دي .. كتيرة ..

حاول
نقصا كمان شوية ..

ما تكون ما متأكد و بخيل كمان ..

هذا لعب بالعقول, كلام غير قابل للتصديق, مين عنده صلاحيات عشان يفتش كبر في المطار؟

الحكومه فاسده من شعرها حتى قدميها

لو افترضنا انه الربطه فئة ال 100 دولار فيها 100 ورقه تساوى 10000 دولار للربطهةالواحده
يعنى اجمالى ما ذكره الاخ محمد الامين هو 500 الف دولار بعد التعديل يساوى حوالى 50 ربطه

ماكثيره يا جماعه عادى ممكن تتشال .

Quote: يا أخي مش إحتمال شايلها للكسوة !!

هههههههههههههههههههههههههههههههههههههههههههههههه والله ده الفضل.

عبد اللطيف حعمل ليك كوبي بست من جريده الوطن

عبد اللطيف حعمل ليك كوبي بست من جريده الوطن

محمد الأمين ..

تشكر ياخي ..
الكوبي للناس كلها ..
و ليس تحديدا لي انا ..

و بعدين .. ما قلت كبر دا ( عفيف ) و ( طاهر يد ) ..
انما فقط ( نجيض ) ..
شاف ( الجماعة ) خامين و تخاااااااان .. و داير ( شليتو ) بلا شك .. قبل فوات الأوان ..
و ممكن يكون عندو المبلغ دا بسهولة .. و ممكن يلقاو في ( أقرب لفة ) في دارفور ..
خاصة و انها منطقة تحت سمع و بصر العالم ..
أبلد حرامي ممكن يمشي هناك و يخم ..

انما ( يهربا ) ؛ و بالطرقة دي .. ؟
هذا ما كان محل إستغراب .. بل و عجب !! يسمح بالـ ( شك ) في كامل الخبر ..

و ( كبر ) في النهاية ( مدماك كبير ) في نظام لصوص ..

تحياتي ..

Quote: ٥٠٠ الف وليس مليون

أها وفيك الخير.

تحياتى.

ال 500 الف دولار دي يا جماعة بيتا سمح في كافوري ما بتجيبو
ولو الجماعة ديل بيمسكوا زول في ال 500 الف دولار كانو كلهم حسي في السجون
اقل عمولة من شركة صينية ولا رشوة في عطاء لي شارع ولا مبني ولا غيرو بتكون بمبلغ اكتر من كده كتير

تم قبض المبلغ بطرف وزير مالية كبر وبعد التحقيق اقر بان كبر هو صاحب المبلغ

إنتو أقعدوا إتفلسفوا كدا ...... وهو بي غادي يشيلها .......


يا وهم غنتو - مافي عفش دبلوماسي رفيع بيتفتش - يشيلها ويمرقها ويرجع بي مزوره زول بيفتشوا مافي ........



أمه فارات كيف ... !! ليهم حق ............... النمله .

كتير من الانقاذيين عندهم بزنس مع سعوديين و بمبالغ تفوق الـ500 الف دولار بكثير.
كنت اعرف واحد سعودي دائم السفر للسودان و على معرفة شخصية بالمتعافي و واحد اسمو كاشا و ناس تانيين
و كان دائما بيقول لي لو محتاج واسطة لي اي حاجة في السودان بس اتصل علي و ما يصير الا اللي يرضيك..هههههههه

الاخ محمد سلامات
اعمل كوبى للانتباهة برضو
الرواية مرة حقت الوالى ومرة وحقت كبر المهم فى الاخر مال منهوب من شمال دار فور وقبل فترة كتب الاخ حنظل مقال قبل عام عن منزل عبدو دؤاد بالمهندسين

إتهم والى شمال دارفور،عثمان محمد يوسف كبر ،الحركات المسلحة بأنها وراء كافة الأحداث القبلية التى وقعت بجنوب الفاشر فى كل من « سجلى» و»شاوا» ،وأبودليق وشنقل طوباى وأم زريقة وكتم والواحة ،واصفا إياها بسلسلة مترابطة من الأحداث مقصودة لذاتها لإحداث شرخ وسط النسيج الإجتماعى لأهل شمال دارفور، وضرب التعايش السلمى فى مقتل ،نافيا أن تكون لديه شخصيا أو لقبيلته التى ينتمى إليها قوات أو مليشيا مسلحة ،وشدد كبر على تجرده من أى إنتماء قبلي، مطالبا الجميع بإعلاء القيم الوطنية والكرامة الإنسانية على القبيلة والجاه ،مؤكدا إحكام سلطة القانون وإعلاء قيم العدالة والمساواة بين كافة الناس ومحاسبة كل من تثبت إدانته ،ولوح الوالي بمحاسبة كل من له يد في تلك الاحداث من قبل أفراد من المؤسسات الحكومية ،مشدداً على ألا كبير على القانون ،كما نفى بشدة أن تكون هنالك قوات حكومية كاملة متمردة ،كما انه ليست هنالك قبيلة كاملة متمردة ،وجدد ثقته فى القوات النظامية في القيام بدورها كاملا للكشف عن الجناة الذين تسببوا فى الأحداث الأخيرة، مؤكدا ألا تفريط ولا مجاملة ولا مماطلة فى أمن الوطن والمواطن .
وطالب الوالى خلال مخاطبته لقاءً جمع كافة قيادات الولاية ونفرا من المركز على هامش لقاء الشورى إنتهى فى ساعة متأخرة أمس الأول ، سلطات الجمارك والأمن الإقتصادى والحكومة وكافة السلطات بأن تقول رأيها لوسائل الإعلام فيما يشاع بأن وزير ماليته عبدو داؤود قبض وبحوزته مبلغ «500» ألف دولار، قال إنها خاصة بالوالى ،نافيا بشدة أصل الحادثة معتبرا إياها إحدى الشائعات المغرضة لإغتيال شخصيته ووزير ماليته ،وقال إنها مقصودة لذاتها لدواعى قد تكون إنتخابية أو حسدا لما ظلت تقدمه حكومته من إنجاز تلو الآخر أو غيره ،مبينا أن تلك محض شائعات وأضاف «الكذب لو غداك ما بعشيك « ،وأكد ان مثل هذه الشائعات لن تصرفنا عن القيام بواجبنا تجاه خدمة مواطنى الولاية .
وكشف كبر عن قيادته وفدا كبيرا رسميا وشعبيا يضم قيادات المجتمع المدنى بالولاية لكل من ليبيا وتشاد قريبا لمزيد من توثيق الترابط والتنسيق.


-------------------------------------------------------------------------------

طيب الزول دة مرة قال الموضوع شكلة في خاتم