Post: #1 Title: من البرلوم لابو حسين بالانجليزى Author: عبد الحكم ابراهيم الحاج Date: 11-12-2012, 09:52 PM Parent: #0
سلام مطبوق بالرغم من تعاملى القديم مع المنتديات لكن حوش بكرى دا غلبنى عدييل اعمل اقتباس ما يجى تكبير خط ما يجى تلوين ما يجى اندر لاين ما يجى اسوى شنو ؟ كان فى بوست قديم للبشارى يوضح ذلك طشيت منو برضو - والله صحى ارجو الافادة
Post: #2 Title: Re: من البرلوم لابو حسين بالانجليزى Author: محمد البشرى الخضر Date: 11-12-2012, 09:57 PM Parent: #1
يا البرلوم ازيك ابوحسين شن عرّفوا بالفنيات دي حدو في علم المنبر دا البرنت سكرين و تصغير الصور و رفعها في دي عالم عديل :) غير كدا معلّم الله... اسألني منو انا
Post: #3 Title: Re: من البرلوم لابو حسين بالانجليزى Author: عبد الحكم ابراهيم الحاج Date: 11-12-2012, 10:13 PM Parent: #2
يا البرلوم ازيك ابوحسين شن عرّفوا بالفنيات دي حدو في علم المنبر دا البرنت سكرين و تصغير الصور و رفعها في دي عالم عديل :) غير كدا معلّم الله... اسألني منو انا .................................................ز ود البشرى سلامات يااخى اها والله بركة الجابك الدرب كثيرون هم الذين حببوا لى الانضمام لهذا الحوش ويشهد الله انت احدهم سعيد بمرورك - واسه الزول دا شابكنى البرلوم البرلوم بكلامك دا يعنى طلع اباطو والنجم ؟؟؟ وانا قايلو استاذ الاستاتيذ1؟؟ يا اخى الزول دا نسيبى وما بقبل فيهو ولا كلمة عليه بفوت عليك الفرصة ولو عندك حل لمشكلتى اكشحو هنا وسلام يا حبيب وملايين التحايا
Post: #4 Title: Re: من البرلوم لابو حسين بالانجليزى Author: خضر حسين خليل Date: 11-12-2012, 10:54 PM Parent: #3
رش من طرف الكتوف هنا متلاحقة يا حكم
قنب طولا ياخ
Post: #5 Title: Re: من البرلوم لابو حسين بالانجليزى Author: الامين موسى البشاري Date: 11-12-2012, 11:00 PM Parent: #4
اتفضل وامشـــــي على الكاشير بعدين قال ابو حسين قال ابو حسين دا زول رانكر ساااي زي ما قال ليكـ ود البشـــرى والله صحي
Post: #6 Title: Re: من البرلوم لابو حسين بالانجليزى Author: ساميه حامد Date: 11-12-2012, 11:07 PM Parent: #5
Quote: قال ابو حسين قال ابو حسين دا زول رانكر ساااي زي ما قال ليكـ ود البشـــرى
القمم دائما مستهدفة قالوا الما بتلحقو جدعو عالم حاسدة بس
اخونا عبد الحكم كيف حالك واحوالك وشرفت المنبر والله
بس ما تسمع كلام اعمامك ديل الإتنين حالتهم سعبة شديد بعد رش امس واول امس
Post: #33 Title: Re: من البرلوم لابو حسين بالانجليزى Author: عبد الحكم ابراهيم الحاج Date: 11-14-2012, 01:55 AM Parent: #6
القمم دائما مستهدفة قالوا الما بتلحقو جدعو عالم حاسدة بس
اخونا عبد الحكم كيف حالك واحوالك وشرفت المنبر والله
بس ما تسمع كلام اعمامك ديل الإتنين حالتهم سعبة شديد بعد رش امس واول امس ...................................................................................................................
قريبتى فى الدم واللحم ازيك وكيفنك والعيال وابوهم العذبنى بالبرلوم عساكم بخير وعافى (شفتى عافى دى كيفنها) يا زولة كلام اعمامى يدخل بى هنى ويمرق بى هنى المسكين لقوهو مشغول فى الدوام وما صدقو قالوا بيغسل فى العدى يحردن امات شلوخا لى وراء
Post: #7 Title: Re: من البرلوم لابو حسين بالانجليزى Author: صبري طه Date: 11-12-2012, 11:14 PM Parent: #5
اقتباس: قال ابو حسين قال ابو حسين دا زول رانكر ساااي زي ما قال ليكـ ود البشـــرى
ـــــــــــــــــ
Post: #8 Title: Re: من البرلوم لابو حسين بالانجليزى Author: ساميه حامد Date: 11-12-2012, 11:19 PM Parent: #7
بتضحك في شنو يا صبري
Post: #9 Title: Re: من البرلوم لابو حسين بالانجليزى Author: صبري طه Date: 11-12-2012, 11:31 PM Parent: #8
اقتباس: بتضحك في شنو يا صبري
مافي حاجة يا سامية .. بس حبّيت إتجدّع ليكم بالاقتباسات دي
Post: #10 Title: Re: من البرلوم لابو حسين بالانجليزى Author: ساميه حامد Date: 11-12-2012, 11:39 PM Parent: #9
Quote: مافي حاجة يا سامية .. بس حبّيت إتجدّع ليكم بالاقتباسات دي
صحي والله غاب ابو شنب ولعب ابو ضنب
يعني عشان المعلم الكبير ابو حسين مافي تجي تتجدع
انا هينة بس براحة على البرلوم ده
Post: #13 Title: Re: من البرلوم لابو حسين بالانجليزى Author: صبري طه Date: 11-12-2012, 11:49 PM Parent: #10
اقتباس: صحي والله غاب ابو شنب ولعب ابو ضنب
يعني عشان المعلم الكبير ابو حسين مافي تجي تتجدع
انا هينة بس براحة على البرلوم ده
إنتي شكلك ما مُتابعة أنا ذاتي محسوب برلوم .. وكمان إقريطي
ـــــــــ الناس جاهم لوتري أنا جاني إقريطي
Post: #11 Title: Re: من البرلوم لابو حسين بالانجليزى Author: الامين موسى البشاري Date: 11-12-2012, 11:40 PM Parent: #8
Quote: بتضحك في شنو يا صبري
بضحك في الرانكر حقك دا!
بس بصــراحة احييكـ الليلة ادارتكـ قوية شايفو اتلمه من بدري ونام
عليكـ الله كل يوم ســـوي ليهو العشاء بدري عشان ينوم بدري نوم الظالم عبـــادة ياخ
Post: #12 Title: Re: من البرلوم لابو حسين بالانجليزى Author: ساميه حامد Date: 11-12-2012, 11:46 PM Parent: #11
Quote: بس بصــراحة احييكـ الليلة ادارتكـ قوية
وإنت إدارتك وينها الليلة؟؟
Quote: عليكـ الله كل يوم ســـوي ليهو العشاء بدري عشان ينوم بدري نوم الظالم عبـــادة ياخ
يعني انت لي هسه ما عشوك عشان كده ما نمت؟؟ شكلك كده هرشوك وقالوا ليك بيت القوا الليلة
Post: #14 Title: Re: من البرلوم لابو حسين بالانجليزى Author: حبيب نورة Date: 11-13-2012, 00:46 AM Parent: #12
Quote: شكلك كده هرشوك وقالوا ليك بيت القوا الليلة
Post: #15 Title: Re: من البرلوم لابو حسين بالانجليزى Author: صديق الموج Date: 11-13-2012, 03:14 AM Parent: #14
Quote: بضحك في الرانكر حقك دا!
بس بصــراحة احييكـ الليلة ادارتكـ قوية شايفو اتلمه من بدري ونام
عليكـ الله كل يوم ســـوي ليهو العشاء بدري عشان ينوم بدري نوم الظالم عبـــادة ياخ
غايتو يا البشارى عليك جنس حسادة ، ابو حسين ده اريتو راجل بتك انتو قايلو زيك ببيت عدة العشاء للصباح ؟؟ ده اتعشى وغسل العدة ونام ، والله صحى اها قصر؟ وياريت تسمع بته الصغيرة بتغنى بابا بغسل العدة.. يعنى ما ينوم قصدك لما يعمل شاى الصباح والا كيف؟ قال ادارتك قوية قال!! لوووووووول
Post: #16 Title: Re: من البرلوم لابو حسين بالانجليزى Author: ABUHUSSEIN Date: 11-13-2012, 05:40 AM Parent: #15
دا شنو يا البرلوم ..........
تفتح ليك بوست بي إسم أبو حسين و إجي كل من هب و دب إتونس بي ......؟؟؟؟
و بعدين تفتح بوست بي إسم أبو حسين علشان أجيب بوست بتاع القشاري .....
يا زول إنت ما نصيح و ل شنو ....
طيب أفتح بوست بي إسم صاحب البوست علشان إجيبو ليك ......
يا لك من برلومٍ لـئيـم
في زول قبل كدا قال ليك تـبـاً لك .....
Post: #17 Title: Re: من البرلوم لابو حسين بالانجليزى Author: ود الباوقة Date: 11-13-2012, 05:46 AM Parent: #16
ده اتعشى وغسل العدة ونام ، والله صحى اها قصر؟ وياريت تسمع بته الصغيرة بتغنى بابا بغسل العدة.. يعنى ما ينوم قصدك لما يعمل شاى الصباح والا كيف؟ قال ادارتك قوية قال!! لوووووووول ] ..........................................................
كان كدا نحن في نعمة
نحن كتر كتر بنشارك في توريق الملوخية
وان استدعى الحال تقطيع البصل وتحميرها
لكن غسيل عدة حاشا وكلا
شكرا برلوم
Post: #18 Title: Re: من البرلوم لابو حسين بالانجليزى Author: MOHAMMED ELSHEIKH Date: 11-13-2012, 05:46 AM Parent: #16
Quote: دا شنو يا البرلوم ..........
تفتح ليك بوست بي إسم أبو حسين و إجي كل من هب و دب إتونس بي ......؟؟؟؟
و بعدين تفتح بوست بي إسم أبو حسين علشان أجيب بوست بتاع القشاري .....
يا زول إنت ما نصيح و ل شنو ....
طيب أفتح بوست بي إسم صاحب البوست علشان إجيبو ليك ......
يا لك من برلومٍ لـئيـم
في زول قبل كدا قال ليك تـبـاً لك .....
صحى والله صحى
Post: #19 Title: Re: من البرلوم لابو حسين بالانجليزى Author: ABUHUSSEIN Date: 11-13-2012, 05:47 AM Parent: #16
Quote: سلام مطبوق
ســلام و ل حنه دا ..
Quote: لكن حوش بكرى دا غلبنى عدييل
سلم الباسوورد لي سيدها و إتخارج....
Quote: اعمل اقتباس ما يجى تكبير خط ما يجى تلوين ما يجى اندر لاين ما يجى
عامل دا كلو ليه ....
Quote: اسوى شنو ؟
أحرد البورد و خلينا نحن زاتنا نرتاح
Quote: كان فى بوست قديم للبشارى يوضح ذلك طشيت منو برضو - والله صحى ارجو الافادة
ياخ هو بتاع البشاري تفتح لي بوست علشان أجيبو ليك أنا ...؟؟؟؟
Post: #21 Title: Re: من البرلوم لابو حسين بالانجليزى Author: ABUHUSSEIN Date: 11-13-2012, 05:51 AM Parent: #19
Quote: حدو في علم المنبر دا البرنت سكرين و تصغير الصور و رفعها
هيييييييي ياااااااااااااااااااااااا إنـت ما ياهن ديل ذاتن أساس أي بوست اليومين ديل ....
Post: #22 Title: Re: من البرلوم لابو حسين بالانجليزى Author: haroon diyab Date: 11-13-2012, 05:53 AM Parent: #19
Post: #35 Title: Re: من البرلوم لابو حسين بالانجليزى Author: عبد الحكم ابراهيم الحاج Date: 11-14-2012, 02:18 AM Parent: #16
ابو حسين التحيات با اخى والله انا ماكنت قايل حسادك كتار كدى وانا ان كان كنت قايل بيجوا يسوا فيك جنس العمايل دى والله ما كان فتحت البوست دا انا استجرت بيك عشان مسمينى البرلوم وبس -لكين عليك الله غسيل الصحون الفيهن الدهن كيفنهو؟؟ قعد يزهجك ويسل روحك؟؟ ههههههه والله وقسما عظما قريبتى ما تحوجك لكلام زى دا ما تسمع كلام اصحابك ديل -يديك العافية والصحة
Post: #36 Title: Re: من البرلوم لابو حسين بالانجليزى Author: عبد الحكم ابراهيم الحاج Date: 11-14-2012, 02:43 AM Parent: #16
بالمناسبة..
أنا مدير المدرسة دي
و أي طالب عندو شكوى من الأستاذ
إجيني أنا
مفهوم..؟؟؟؟؟ ................................................. الكلام الفوق دا جايبوا من بوست البشارى والله صحى -عرفت ليه انا جيتك يا مدير ؟؟؟
Post: #20 Title: Re: من البرلوم لابو حسين بالانجليزى Author: Mohiedin Sir El Khatim Date: 11-13-2012, 05:50 AM Parent: #15
Quote: ده اتعشى وغسل العدة ونام
قبلك ...
Post: #23 Title: Re: من البرلوم لابو حسين بالانجليزى Author: ABUHUSSEIN Date: 11-13-2012, 05:56 AM Parent: #20
أها شفت الحصل لي شنو يا برلوم بي سببك
و لسه حا إجو كتيرين و إرشوني بي سببك ....
تباً لك يا برلوم
Post: #24 Title: Re: من البرلوم لابو حسين بالانجليزى Author: ABUHUSSEIN Date: 11-13-2012, 06:09 AM Parent: #23
Quote: كثيرون هم الذين حببوا لى الانضمام لهذا الحوش ويشهد الله انت احدهم سعيد بمرورك
يا نصاب اللي حا إدخلو البوست دا كلهم حا تقول ليهم نفس الكلام
طيب ما كان تفتح البوست بي إسمو ....
Post: #25 Title: Re: من البرلوم لابو حسين بالانجليزى Author: ABUHUSSEIN Date: 11-13-2012, 06:13 AM Parent: #24
Quote: رش من طرف الكتوف هنا متلاحقة يا حكم
قنب طولا ياخ
و إنت مالك متحنن .....؟؟؟؟ ما ترش إنت
عايز تضارى بالبرلوم المسكين دا .....
Post: #26 Title: Re: من البرلوم لابو حسين بالانجليزى Author: ABUHUSSEIN Date: 11-13-2012, 10:38 AM Parent: #25
Quote: ابو حسين دا زول رانكر ساااي زي ما قال ليكـ ود البشـــرى
يا وهم البوست بتاعك دا شوف أنا إتاوضعت و كتبت فيه كم مداخلة .... ناس وهم بصحيح ...
Post: #34 Title: Re: من البرلوم لابو حسين بالانجليزى Author: عبد الحكم ابراهيم الحاج Date: 11-14-2012, 02:00 AM Parent: #7
ياصبرى طه تضحك بلاهن سلام
Post: #32 Title: Re: من البرلوم لابو حسين بالانجليزى Author: عبد الحكم ابراهيم الحاج Date: 11-14-2012, 01:41 AM Parent: #5
اتفضل وامشـــــي على الكاشير بعدين قال ابو حسين قال ابو حسين دا زول رانكر ساااي زي ما قال ليكـ ود البشـــرى والله صحي ........................................................................................ ود البشارى سلام وشكرا على الرابط لكن عصرتو على الراجل دا شديد -بس لقيتو مافى اقصد بيغسل فى العدة واديتو على راسو اوعى يجى زول يقول لى ما فرمت الرجلة مالك؟؟ كرهتى فى الدنيا الرجلة سلام يا حبيب وشكرا بلا حدود
Post: #31 Title: Re: من البرلوم لابو حسين بالانجليزى Author: عبد الحكم ابراهيم الحاج Date: 11-14-2012, 01:34 AM Parent: #4
رش من طرف الكتوف هنا متلاحقة يا حكم
قنب طولا ياخ .................................................................... ارش شنو يا خضر الزول دا انا من جيت شابكنى البرلوم من اول مشاركة معناهو هو مقدد المنبر دا قديد تقولى رش؟ رووق المنقة ياخى دا السنير - وكدى النشوف لا قدام
Post: #27 Title: Re: من البرلوم لابو حسين بالانجليزى Author: عاطف عمر Date: 11-13-2012, 10:59 AM Parent: #1
كامل التضامن مع البرلوم عبدالحكم لا لقى معلومة لا لقى كلمة طيبة ممن توسم فيه الخير
____________
هو فاضي يا يابا من غسيل العدة أنصاص الليالي ؟؟
Post: #28 Title: Re: من البرلوم لابو حسين بالانجليزى Author: عصام مدنى Date: 11-13-2012, 11:07 AM
Quote: كامل التضامن مع البرلوم عبدالحكم
كل التضامن معي العزيز
عبدالحكم أبرهيم الحاج ( أبوهمــــــــــام )
تحياتي للمدام والعيال أبرهيم وسماح والحارث
Post: #29 Title: Re: من البرلوم لابو حسين بالانجليزى Author: ABUHUSSEIN Date: 11-13-2012, 07:37 PM Parent: #28
البرلوم زاغ و ل شنو .....؟؟؟؟
إن شاء الله ما إكون بكري سحب منو الباسوورد عقاباً ليه علشان فتح بوست بي إسم أبو حسين ....
Post: #30 Title: Re: من البرلوم لابو حسين بالانجليزى Author: الامين موسى البشاري Date: 11-13-2012, 10:07 PM Parent: #29
Quote: البرلوم زاغ و ل شنو .....؟؟؟؟
إن شاء الله ما إكون بكري سحب منو الباسوورد عقاباً ليه علشان فتح بوست بي إسم أبو حسين
البرلـــوم عمل عييييييييييييييييييييييييك ولا شــــنو؟ وقال الجــــري بعـــد الشـــــوف رجااااااااااااالة كامل التضامن مع الرانكـــر أبو حســــين في محنته غايتو يا صـــديق الموج يقع في يدك العــدو يابا هســـي الســـودان والدول المجاورة عرفت إنو ابو حسين بغسل العدة كل يوم
Post: #37 Title: Re: من البرلوم لابو حسين بالانجليزى Author: ABUHUSSEIN Date: 11-14-2012, 05:16 AM Parent: #30
Quote: البرلـــوم عمل عييييييييييييييييييييييييك ولا شــــنو؟ وقال الجــــري بعـــد الشـــــوف رجااااااااااااالة كامل التضامن مع الرانكـــر أبو حســــين في محنته غايتو يا صـــديق الموج يقع في يدك العــدو يابا هســـي الســـودان والدول المجاورة عرفت إنو ابو حسين بغسل العدة كل يوم
يا بشاري أنا غسيل العدة ما ناكرو...... ما لو عيبو لي ......
Post: #38 Title: Re: من البرلوم لابو حسين بالانجليزى Author: ABUHUSSEIN Date: 11-14-2012, 05:19 AM Parent: #37
Quote: بس ما تسمع كلام اعمامك ديل الإتنين حالتهم سعبة شديد بعد رش امس واول امس
أعمامو منو يا وليه إنتي كمان ... دا أكبر من أبوي ..... بكري بقى إسجل لينا لعيبة من دار العجزة.....
Post: #39 Title: Re: من البرلوم لابو حسين بالانجليزى Author: ABUHUSSEIN Date: 11-14-2012, 05:23 AM Parent: #37
Quote: غايتو يا البشارى عليك جنس حسادة ، ابو حسين ده اريتو راجل بتك انتو قايلو زيك ببيت عدة العشاء للصباح ؟؟ ده اتعشى وغسل العدة ونام ، والله صحى اها قصر؟ وياريت تسمع بته الصغيرة بتغنى بابا بغسل العدة.. يعنى ما ينوم قصدك لما يعمل شاى الصباح والا كيف؟ قال ادارتك قوية قال!! لوووووووول
دا كلو ما ناكرو ...... برضو أحسن من الما بنومو لغاية الصباح و هم بختو الحنة و إنتظروها لم تنشف و إطلعوها و بعدين إمشو إنومو..............
Post: #40 Title: Re: من البرلوم لابو حسين بالانجليزى Author: ABUHUSSEIN Date: 11-14-2012, 05:27 AM Parent: #39
Quote: كان كدا نحن في نعمة
نحن كتر كتر بنشارك في توريق الملوخية
وان استدعى الحال تقطيع البصل وتحميرها
لكن غسيل عدة حاشا وكلا
يا ود الباوقة الناس شافوك قالو جايبين ليك طشت و لستك و بنبر قلنا ليهم يا جماعة الزول دا عندو غسالة فول أوتوماتيك ..... قالو لينا العقاب ما فيهو فول أوتوماتيك.....
Post: #41 Title: Re: من البرلوم لابو حسين بالانجليزى Author: ABUHUSSEIN Date: 11-14-2012, 05:29 AM Parent: #40
لا والله يعمينى ما شفتو يا حبيب ما تخلينى فى البرلمة دى وتمشى انا بجد رد- عدل ويفتح لى صفحة فيها اقتباس واضف صورة وضع خط ورد تكست و و و ولاحياة لمن تنادى
Post: #56 Title: Re: من البرلوم لابو حسين بالانجليزى Author: ABUHUSSEIN Date: 11-15-2012, 04:37 AM Parent: #55
Quote: يا حبيب ما تخلينى فى البرلمة دى وتمشى انا بجد رد- عدل ويفتح لى صفحة فيها اقتباس واضف صورة وضع خط ورد تكست و و و ولاحياة لمن تنادى
يعني عايز تفهمني إنك لغاية الآن ما قادر تعمل Quote...؟؟؟
Post: #57 Title: Re: من البرلوم لابو حسين بالانجليزى Author: Ahmed musa Date: 11-15-2012, 07:16 AM Parent: #56
Quote: كان كدا نحن في نعمة
نحن كتر كتر بنشارك في توريق الملوخية
وان استدعى الحال تقطيع البصل وتحميرها
لكن غسيل عدة حاشا وكلا
شكرا برلوم
غايتو ياود الباوقة عذبتنا بجد يعني نحن قصة غسيل العدة دي ماقادرين نتخارج منها جبت لينا كمان ورق خضرة ؟؟؟ هسع المدام تجي تقرأ وتضحك بصوت مكتوم وتمشي وعيونه عيون زول ناوي على شئ شكله وريق وريق كدا ...
Post: #59 Title: Re: من البرلوم لابو حسين بالانجليزى Author: عبد الحكم ابراهيم الحاج Date: 11-15-2012, 08:20 AM Parent: #57
غايتو ياود الباوقة عذبتنا بجد يعني نحن قصة غسيل العدة دي ماقادرين نتخارج منها جبت لينا كمان ورق خضرة ؟؟؟ هسع المدام تجي تقرأ وتضحك بصوت مكتوم وتمشي وعيونه عيون زول ناوي على شئ شكله وريق وريق كدا ...
غايتو ياود الباوقة عذبتنا بجد يعني نحن قصة غسيل العدة دي ماقادرين نتخارج منها جبت لينا كمان ورق خضرة ؟؟؟ هسع المدام تجي تقرأ وتضحك بصوت مكتوم وتمشي وعيونه عيون زول ناوي على شئ شكله وريق وريق كدا ... .................... احمد ربك وورق ساكت الكلام فرم الرجلة
ز
Post: #58 Title: Re: من البرلوم لابو حسين بالانجليزى Author: عبد الحكم ابراهيم الحاج Date: 11-15-2012, 08:14 AM Parent: #56
يعني عايز تفهمني إنك لغاية الآن ما قادر تعمل Quote...؟؟؟ .............................. اها شفت الكلمة دى منشفى ريقى نشاف
Post: #60 Title: Re: من البرلوم لابو حسين بالانجليزى Author: ABUHUSSEIN Date: 11-15-2012, 09:58 AM Parent: #58
Quote: اها شفت الكلمة دى منشفى ريقى نشاف
حالتك متأخرة شديد .... يعني محتاج لي دربات عدييل كدا...
ديل بتعرفهم و ل كمان ما بتعرفهم ...؟؟؟
الكلام اللي عايز تـعمل ليه كوت بتظللو بي الماوس و تخت الماوس في الكلام بعد تظللوا و تضغط على الماوس بي اليمين (Right Click) بتظهر ليك خيارات تضغط على نسخ بالعربي أو Copy بالإنجليزي و تجي على إقتباس اللي في الصورة الفوق دي تضغط عليها بتظهر ليك نافذه فيها مكان لكاتبة النص المفروض تكويتو تخت الماوس فيه(المفروض إكون فارغ إذا ما فارغ أمسح أي شئ فيه أولاً) و تضغط باليمين بتظهر ليك خيارات تختار منها لصق بالعربي أو (Paste) بالإنجليزي و تضغط على OK في النافذة اللي ظهرت ليك ....
كدي وريني فهمت و ل لأ ..... أكتب مداخلة و جيب لي فيها Quote
Post: #61 Title: Re: من البرلوم لابو حسين بالانجليزى Author: عبد الحكم ابراهيم الحاج Date: 11-15-2012, 07:03 PM Parent: #60
و تخت الماوس في الكلام بعد تظللوا و تضغط على الماوس بي اليمين (Right Click) بتظهر ليك خيارات تضغط على نسخ بالعربي أو Copy بالإنجليزي و تجي على إقتباس اللي في الصورة الفوق دي تضغط عليها بتظهر ليك نافذه فيها مكان لكاتبة النص المفروض تكويتو تخت الماوس فيه(المفروض إكون فارغ إذا ما فارغ أمسح أي شئ فيه أولاً) و تضغط باليمين بتظهر ليك خيارات تختار منها لصق بالعربي أو (Paste) بالإنجليزي و تضغط على OK في النافذة اللي ظهرت ليك ....
كدي وريني فهمت و ل لأ ..... أكتب مداخلة و جيب لي فيها Quote
...................................... ما اظن
Post: #62 Title: Re: من البرلوم لابو حسين بالانجليزى Author: هشام كمال عبادي Date: 11-16-2012, 10:10 AM Parent: #61
والله يا برولم عزبت لينا ابو حسين ده وجهجهت باكاتو .. ما قالو ليك الفيها .. بس انت فالح تفتح بوست باسم ابو حسين ..
هاك المفيد .. تعمل قوسين زي ديل [] وتكتب في نصهم كلمة qoute
وتكتب كلامك في الحتة دي هنا .. ولما تنتهي تكتب
ولما تنتهي تعمل نفس القوسين بس في نصهم المرة دي تكتب نفس كلمة qoute بس تضيف قبلها علامة / والصورة دي اظنها حتفيدك يا منقة ..
تحياتي ..
Post: #63 Title: Re: من البرلوم لابو حسين بالانجليزى Author: حافظ انقابو Date: 11-16-2012, 11:26 AM Parent: #62
غا حكم أخوي أنا قاعد هنا قبلك بكم شهر من خلال قعادي هنا وتجربتي المتواضعة جدا أنصحك .. أبعد من عمك المدير (أبو حسين) صدقني أبوحسين دا بضقل بكراع واحدة في البورض دا من سنة2002 لحدي هسة انت جاي ليك اسبوعين .. داير تفتح بوست بإسمو:(
الله يغطي عليك يا حكم اخوي
Post: #68 Title: Re: من البرلوم لابو حسين بالانجليزى Author: عبد الحكم ابراهيم الحاج Date: 11-16-2012, 08:18 PM Parent: #63
يا حبينا حافظ ياخ ابعد بينى وبين ابو حسين دا دا مديرى من يوم لقيتو استلم بوست البشارى وقال بالخط العريض انا مدير المدرسة دى عشان كدى انا عاينت للفيل دايرنى اطعن فى ضلو؟؟ شتت با اخى ويا ابو النسب انا تلميذك اهلى اندقوا فى خلوة شيخى على حامد وبعدين يا انقابو شيخى دا فات مرحلة الدقيل زماااان والله انا قبل اجى المنبر دا لقيتو قالب باكووورد فى زول كدى يا اخى ابراهيموفتش شنو ؟؟؟ الله ماليك؟؟ متعكم الله بالصحة والعافية - جميعا
Post: #64 Title: Re: من البرلوم لابو حسين بالانجليزى Author: عبد الحكم ابراهيم الحاج Date: 11-16-2012, 01:23 PM Parent: #62
(Qute) نجرب وعلى اى حال كيف كانت التجربة مشكور (َQute\\)
Post: #65 Title: Re: من البرلوم لابو حسين بالانجليزى Author: ABUHUSSEIN Date: 11-16-2012, 01:35 PM Parent: #64
Quote: (Qute) نجرب وعلى اى حال كيف كانت التجربة مشكور (َQute\\)
طلعت برلوم و وهم كمان .....
قول لي المتصفح الشغال عليه شنو و عربي و ل إنجليزي
و لو عايز تستفيد قول لينا الوقت اللي ممكن تكون موجود فيه أون لاين
يا عبد الحكم عذبتنا ياخ .....
Post: #66 Title: Re: من البرلوم لابو حسين بالانجليزى Author: ABUHUSSEIN Date: 11-16-2012, 01:39 PM Parent: #65
