Post: #1
Title: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-11-2012, 04:16 PM
Parent: #0
اليوم الاحد اجازة رسمية فى كندا بمناسبة يوم الشهداء
وكل الناس تلبس الوردة الحمراء احتفاءا بالمناسبة
بصراحة الواحد داير blend in فى المجتمع الجديد
لكن كمان ماداير يظهر بان اشتر وبقلد ناس البلد .....
اول ايامى فى كندا ..دخلت السوبرماركت فى مدخله كان فى طربيزة
يجلس عليها اتنين من المسنين يلبسون ملابس عسكرية ..عرضو على ان اشترى
وردة بدولارين ,,,اعتذرت ,,,,ليه اشترى وردة بتاع قماش ؟
لا زلت ازكر نظراتهم ...... كانو متاكدين انى حارفض اشتريها .....
بصراحة ماكنت فاهمين الموضوع شنو ....
هؤلاء المحاربين القدامى يبيعون هذه الوردة القماشية لدعم برامجهم
وتزكير الناس بتضحياتهم لهذه البلاد الامن اهلها ......
نرجع للموضوع ....
لو لبست الوردة السودانييين حيعاينو لى ويقولو بالله عاين الوهم ده...
حتى بعض الكندين يمكن اقولو وانت مالك ومالك التضحيات دة
ولو ما لبست اكون زول جاحد .....
مع العمل انى حسب شغلى اتعامل مع عدد كبير جدا من الجمهور كل يوم
|
Post: #2
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-11-2012, 04:19 PM
Parent: #1
عندى زى خمسة وردات جاهزات للبس
ولا واحدة اشتريتها ....
لقيتهم كلهم واقعات.....
للامانة وكده
|
Post: #3
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-11-2012, 04:21 PM
Parent: #2
عندى واحد صاحبى حبشى لابس الوردة دى ليهو اكتر من اسبوع ..
حسم قضيته....
السودانى الوحيد الشفته لابسها عرفت انه عيان شوية
وده الطممم بطنى
|
Post: #4
Title: Re: نلبس الورده الحمراء ولا ما نلبسها فى Memorial Day ؟
Author: كمال سالم
Date: 11-11-2012, 04:27 PM
ألبس ألبس يأخ ,,, إنت مشتريها ؟!
ما لقيتها واقعه فى الواطه !!
سلام ياحبيب ومشتاقين والله .
|
Post: #5
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-11-2012, 04:37 PM
Parent: #4
ياكيمو يا حبيب
قلت لى ارشهم بيها ؟
غايتو فى واحدة من الوردات ديل جديدة وفيها لمعة ..
الظاهر وقعت من سيدا قبلما يلبسها ...
المشكلة ناس منصور يقرقو بى .....
نلبس ؟
اوكى يانا اللبسنا
حانزل الصورة يوم الاتنين
|
Post: #6
Title: Re: نلبس الورده الحمراء ولا ما نلبسها فى Memorial Day ؟
Author: وضاحة
Date: 11-11-2012, 04:43 PM
Parent: #5
النصرى
غمض والبسة وما تنسي الساعة 11 تقيف وقفة بتاعت سايلنت دقيقة 
|
Post: #7
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-11-2012, 04:49 PM
Parent: #5
ايام احداث سبتمبر 2011 جانا واحد قريبنا زيارة من فرجينيا وهو حامل للجواز
الامريكى ,,جا كندا سايق عربيته الجديدة ..فى زجاج العربية كان فى رسمة
للعلمين الامريكى والكندى وهم يتعانقان ...لمن سالته قال لى بسهل الدخول والحركة بين
البلدين ..
المهم مشينا مطعم باكستانى وبدينا نتونس مع صاحبه ..لمن شاف صورة العلمين فى العربية
زعل جدا وادى صاحبنا درس فى الوطنية ....قريبى زول مؤدب ولم يرد بحدة على الباكستانى
الموهوم
|
Post: #8
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-11-2012, 04:58 PM
Parent: #7
كمان يا وضاحة ما للدرجة دى عاد
هو اللبس فى جهجهه .....
احكى قصة بوست ظهر فى المنبر قبل حوالى سنة...
ايام نميرى قالو فى طيارة حربية اتعرضت لحصار شديد فى احدى
المعارك فى الجنوب ..الجنود والضباط استبسلو فى الدفاع عنها واستشهد من استشهد
المهم الطيارة دى الحكومة بعد داك اصطكت بيها وماعرفت تصلحها ولا تعمل بيها شنو..
فقررت تتخلص منها وباعتها خردة....
كندا كان ليها طيارة شبيهة لها تم تفجيرها فى لبنان و"استشهاد" جميع الجنود
ولاتعرف كيف تحتفى بهم ......
قامت اشترت الطيارة السودانية وفكتها قطعة قطعة وركبتها ن جديد ورسمت عليها
العلم الكندى وجعلتها رمز لطائرتها المنكوبة
|
Post: #9
Title: Re: نلبس الورده الحمراء ولا ما نلبسها فى Memorial Day ؟
Author: Gamal Abayazid
Date: 11-11-2012, 07:22 PM
Parent: #8
النصري اركب البص (عارفو ياتو بص )
|
Post: #10
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-11-2012, 07:32 PM
Parent: #9
غايتو يا جمال كان ما اخاف الكضب زى الشفتك لابس الوردة دى
لكن ما متاكد ...
بتلبس ولا ما تلبس ؟
|
Post: #11
Title: Re: نلبس الورده الحمراء ولا ما نلبسها فى Memorial Day ؟
Author: Gamal Abayazid
Date: 11-11-2012, 07:58 PM
Parent: #10
| Quote: بتلبس ولا ما تلبس ؟ |
للحقيقة لبستها مرة واحدة ،،
|
Post: #12
Title: Re: نلبس الورده الحمراء ولا ما نلبسها فى Memorial Day ؟
Author: حمد اسماعيل
Date: 11-12-2012, 00:22 AM
Parent: #11
يا النصري انا زيك كده لقيت ورده واقعه فى الصب وى (محطة القطر)
شلتها وبقيت فى محنه البسه ولا أخليها واخيرا قررته اعلقه فى الشنطه
الشايله .. وفى عودتى غشيت محل نت بتاع واحد سودانى ولقيت معاهو جماعه سودانيين
لما شافو الورده سألونى اها انته مالك ناس البلد بسببم انت معلقه مالك
طوالى قلت ليهم انتو ما عندكم ناس ماتو فى الحج فأجابو اييي
قلت ليهم طيب ما خلاص وخارجته رقبتى من النقه ....
|
Post: #13
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-12-2012, 04:21 AM
Parent: #12
والله ياحمد ضحكتنى بحكاية الحجاج دى...
اها عينة السودانيين دى الواحد خايف منهم ...
ناس كج ..
قاعدين متقوقعين مستكثرين على البلد الوفرت ليهم حياة كريمة
ليهم ولى اولادهم حته ورده صغيرة الواحد يضعها على لياقة القميص
تضامنا مع الذين فقدو حياتهم عشان يعملو لينا البلد دى ......
غايتو انا لو فى بلد مافى سودانيين معاى كنت علقت الوردة زى صاحبى الحبشى
لكن بس كنت حاشتريها ,,,,
حسب ظنى معظم المهاجرين من كل بقاع الدنيا ما بتترددو فى وضع الورده
الا نحن ...
اصلنا شنافين وشيالين حال
|
Post: #14
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-12-2012, 04:29 AM
Parent: #13
ياجيمى
| Quote: للحقيقة لبستها مرة واحدة |
\
طالما جابت ليها اعترافات انا زاتى لازم اعترف..
انا لبستها عدة مرات لكن بالدس من السودانيين بتاعين النقة دى....
الغريبة الواحد بشعر بفخر عجيب ,,,تديك احساس انك جزء من شئ....
بس احى من السودانيين .........
غايتو بكرة بتبلت وبختها فى لياقة القميص بس ربنا ما يعتر بسودانى
فى طريقى ,,,,
|
Post: #15
Title: Re: نلبس الورده الحمراء ولا ما نلبسها فى Memorial Day ؟
Author: سيف اليزل برعي البدوي
Date: 11-12-2012, 05:42 AM
Parent: #14
يا النصري متابعين بشدة ومواضيعك دايما في الصميم...واصل بدون فواصل...
معجب من بوسطونQuote: Veterans Day is an official United States holiday honoring armed service veterans. It is a federal holiday that is observed on November 11th. It coincides with other holidays such as Armistice Day or Remembrance Day, which are celebrated in other parts of the world and also mark the anniversary of the signing of the Armistice that ended World War I. (Major hostilities of World War I were formally ended at the 11th hour of the 11th day of the 11th month of 1918 with the German signing of the Armistice.)
Veterans Day is not to be confused with Memorial Day; Veterans Day celebrates the service of all U.S. military veterans, while Memorial Day is a day of remembering the men and women who died while serving.[1] |
|
Post: #16
Title: Re: نلبس الورده الحمراء ولا ما نلبسها فى Memorial Day ؟
Author: محمد الامين احمد
Date: 11-12-2012, 05:56 AM
Parent: #15
تحية طيبة
النصرى داير النصيحة ولا غيرها
الشئ ده الزول بيعملو حسب قناعتو
وردة حمرا و سودانى - ما بتركب والله و ح تتبهدل علنا و سرا
انا لو مكانك ح اعمل التالى
ح اشترى وردة او اتنين احتفاءا بهولاء المقاتلين القدامى
ما ح البسها ، بس فى الاسبوع الواقع فيهو اليوم داك ح اختها فى
مكان بارز فى مكتبى ، و ممكن حتى اعلقها فى باب الشارع الخارجى
المهم انى ح اشترى الوردة و ما ح اشيل واحدة واقعه ، يعنى حتى
لو اشتريتها و احتفظت بيها كدى انت دعمت القضية الانت مقتنع بيها
=====
تخريمة : مصطلح (شهداء) ده هم قالوه ولا انتو ترجمتو كده ؟ للثقافة العامة و كده
|
Post: #17
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-12-2012, 04:51 PM
Parent: #16
اهلا ابوالسيوف
اول حاجة معليش ,,التلفون بقفله فى نهاية الاسبوع حتى اتفرغ لتكملة كتابى الجديد "ومشيناها خطا"
خليتنى الاحظ للخطا فى عنوان البوست .. الاسم الرسمى لليوم هو Remembrance Day
وليس Memorial Day
الحاجة التانية عرفت السر وراء الورده الحمراء هو انها كانت تنمو بكثرة فى ارض اشرس المعارك
|
Post: #18
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-12-2012, 05:08 PM
Parent: #17
اهلا محمد الامين
متفق معاك تماما انو الشغلانه بتجيب لينا الهواء
| Quote: وردة حمرا و سودانى - ما بتركب والله و ح تتبهدل علنا و سرا |
كلامك ده صحيح تماما ..البهدلة بتحصل ..والغريغ بحصل
لكن السؤال الاساسى وصلب البوست
لماذا ؟
لماذا يظن السودانيين ان هذه الفعلة مدعاة للسخرية؟؟
ليه دون غيرهم من الشعوب ينظر للامر بهذه الطريقة؟
هل هم فعلا يشعرون انهم لاينتمون لاوطانهم الجديدة؟
وانها مرحلة مؤقتة تنتهى بانتفاء الاسباب
اليس هو نوع من الجحود والنكران لرد الجميل؟
اوطانهم الجديدة (كندا اوربا امريكا استراليا الخ) قدمت لهم
اكثر مما يتوقعون ....
لنفترض ان الوردة هذه تقليد يحدث فى دول الخليج مثلا
هل سيمتنع السودانين عن مشاركة اخوتهم اصحاب الارض فى الاحتفال....
ازكر اوائل سنين الاغتراب كنا بنغرق ونسخر من المغترب السودانى لمن يرجع زيارة
للسودان وهو لابس جلابية سعودية او عقال او حتى يردد كلمات خليجية...
بصراحة السؤال بجرجر لاسئلة اكثر تعقيدا من مجرد ورده نضعها فى لياقة القميص
بمثل ما فقدنا هويتنا فى وطننا الام هانحن نكرر نفس الشئ هنا..نرفض الواقع ونتشبث
فى ماضى لم نتمى اليه اصلا ....
دوامة يا محمد الامين
صدقنى دوامة عديل
واثارها تمتد وتصل للاجيال الجاية
|
Post: #19
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-12-2012, 05:20 PM
Parent: #18
دايرين متداخل للبوست
الكلام ما انتهى..
وياريت يكون من الساخرين من الوردة عشان يفهمنا
الفكرة شنو بالضبط
|
Post: #20
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-12-2012, 07:05 PM
Parent: #19
معليش يا محمد الامين لانى ما داير اتكلم براى حارجع لمداخلتك
| Quote: اختها فى مكان بارز فى مكتبى |
يعنى خجلان منها وداير
اقل عدد من الناس يشوفوها ....طيب لو افترضنا ان كل زوار المكتب من السودانيين
اها الحل كيف ؟ برضو حياكلو لحمك ....
او لو افترضنا انو محل عملك كاشير فى سوبرماركت ضخم تتعامل فى الساعة الواحدة
مع 500 شخص ؟
|
Post: #21
Title: Re: نلبس الورده الحمراء ولا ما نلبسها فى Memorial Day ؟
Author: Mahjob Abdalla
Date: 11-12-2012, 09:49 PM
Parent: #20
1. بما انني احد الرشاشات فلا ارغب في تلبس اي شئ لونه احمر
2. هذا العام فقظ جاءتني فكرة تلبس هذه الوردة الحمراء لاتذكر بها الــ 3 ملايين سوداني ابادتهم حكوماتنا
_______________________
سلامات يا النصري
يا اخي البس الوردة الحمراء
لاجل شعبنا في كل القارة السمراء
ولاجل الوطن الذي تحول الي اشلاء
و لاجل حواء
التي فقدت ابنا و اخا و زوجا و ابا و كبرياء
لاجلنا نحن هنا و هناك و هناك و هناك نسيما و هواء
|
Post: #22
Title: Re: نلبس الورده الحمراء ولا ما نلبسها فى Memorial Day ؟
Author: Jawahir Ibrahim
Date: 11-12-2012, 11:15 PM
Parent: #21
Quote: انا لبستها عدة مرات لكن بالدس من السودانيين بتاعين النقة دى....
الغريبة الواحد بشعر بفخر عجيب ,,,تديك احساس انك جزء من شئ....
بس احى من السودانيين .........
غايتو بكرة بتبلت وبختها فى لياقة القميص بس ربنا ما يعتر بسودانى
فى طريقى ,,,, |
النصرى يا اخوى قريت كلامك دة ضحكت لمن قلت بس :)
|
Post: #23
Title: Re: نلبس الورده الحمراء ولا ما نلبسها فى Memorial Day ؟
Author: Elmoiz Abunura
Date: 11-12-2012, 11:34 PM
Parent: #22
اخى النصرى
سلامات
البس ياخى ولبس منصور واحده معاك ورسل كمان واحده لعادل فى جيرسى
ياالنصرى كندا والولايات المتحده ياها اوطاننا بالتبنى وعندنا فيها حقوق
ما لاقينها فى وطن الجدود.
مع ودى وتقديرى
|
Post: #24
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-13-2012, 05:57 PM
Parent: #23
سلام مهجوب
والله يا ريت لو الناس تتفق على شئ واحد مشترك نعبر بيهو
عن تضامنا مع الشعوب المظلومة فى سوداننا المكلوم ...
شئ من صميم واقعنا المعاش ...
مثلا الاسر فى جبال النوبة تحتمى بالكهوف وتحت الصخور من القصف
الحكومى ... لماذا لا نتضامن معهم بوضع قطعة قماش صغيرة عليها رسمة
تعبر عن ثقافة المنطقة واظن المصارعة النوبية هى الاشهر... الرسمة مثلا بين
شخصين يتصارعان..احدهم ضخم الجثة(الحكومة)والاخر نحيل ...
او اى شئ من هذا القبيل.....
|
Post: #25
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-13-2012, 06:07 PM
Parent: #24
سلام دكتورة جواهر (عرفتك دكتورة لانى ضغطت على البروفايل وعرفت
انك معانا فى البلد دى وممكن تفهمى لغة الطقس
يوم الجمعة البرد عندنا هنا فى كالقرى كان شديد جدا اظنه المحسوس كان 20 تحت الصفر
اليوم داك لبست الجاكيت التقيل وهو مصنوع من لستك العربية من سماكته
للاسف ورداتى العزيزة كانو فى جيب الجاكيت ..
يوم امس الاتنين درجة الحرارة كانت بديعة جدا ..فقط 2 فوق الصفر
قمت لبست الجاكيت العادى للبرد...
لمن فتشت الوردة عشان اعلقها فى القميص مالقيتها وبقيت افتش فى الواطة
ممكن القى لى واحدة واقعة ..مالقيت ...قلت نتوكل ونشترى واحدة بدولار
مالقيت محل ببيعها ....
المهم الموسم انتهى ولم نصل لنتيجة ...
لكن اوعدك السنة الجاية لابسين لابسين
|
Post: #26
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-13-2012, 06:14 PM
Parent: #25
سلام المعز
فى تويتر (لو ما بتعرف تويتر تبقى مصيبه) معرف نفسى بالجملة دى
سودانى مقيم فى كندا وقنعان من رجوعه لبلده...
ما بتتخيل الجملة دى مجننا الناس كيف ....
ناس يقولو لى تقنع لىه؟؟ اذا انت قنتعت نحن ما بنقنع
وناس يقولو لى ليك حق تقنع ....
المهم العمر ماشى والفضل ما كتير واحتمالات العودة تتضاءل كل يوم
واظنها شبه انعدمت .....
ياخ عادل ده ما بكون عارف زاتو انو فى مناسبة اسمها veterans day
ده فى عالم تانى ....ساكى الدولار
|
Post: #27
Title: Re: نلبس الورده الحمراء ولا ما نلبسها فى Memorial Day ؟
Author: smart_ana2001
Date: 11-13-2012, 06:41 PM
Parent: #24
البس يا النصري....يا اخوى....البس ساااى.
اشترى الوردة يا النصري و ما ضرورى تلبسها...علقها فى سلسلة مفتاحك
____________________________________________________________
ما بحب اقول السودانيين بيعملوا و ما بيعملوا...لكن اكتر حاجه بتزعلنى منهم هى انهم -ما شاء الله عليهم- واعيين جدا فى تحصيل حقوقهم. سكن مدعوم .... علاج مجانا...اى حاجه من النوع ده. لكن نادرا ما تلاقي سودانى بيتبرع للصليب الاحمر او منظمة لدعم بحوث علاج للكانسر او اى شيء من النوع ده.
يا جماعة مادمنا عايشين فى البلاد دى و مستمتعين بشوارعها و مستشفياتها و مدارسها....و جوازاتها (اللى بتفتح ابواب المطارات)...ساهموا فى بناء مجتمعاتكم.....
|
Post: #28
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-14-2012, 04:44 AM
Parent: #27
سلام يا اسمارت
عندى صاحبى مرة عمل كرامة حمدلله على مكروه لم يصبه
قلت ليهو شيل الكرامة ووديها الملجا بتاع المشردين
قال لى وانا مالى ومالهم ...
قلت ليهو الناس ديل بياكلو من الزبالة (شوف عينى)
قال لى باختيارهم ...
قلت ليهو ديل الوحيدين البحتاجو الكرامة بتاعتك دى باقى
السودانين ماكلين وشاربين وما محتاجين
........
انا شخصيا كل مرة امشى السوبرماركت الكاشيير تسالنى
داير تتبرع بدولارين لمعسكرات الاطفال
اجابتى جاهزة ...لا شكرا المرة الجاية ,,,,,
فعلا حاجة تدعو للتساؤل ...ليه نحن كده !!!
ليه مافى شعور بالمشاركة
ليه الاخد والعطاء اتجاه واحد عندنا ؟
اما التبرع بالدم دى ..انسى
مافى امل نهائى.....
والله ما كعوبية لكن عدم فهم وسوء تقدير....
احتمال (والله اعلم) الحاجة دى عندنا مربوطة بالوازع الدينى والجماعة
ديل ما مسلمين !!
i really don't know
|
Post: #29
Title: Re: نلبس الورده الحمراء ولا ما نلبسها فى Memorial Day ؟
Author: مازن فيصل هلال
Date: 11-14-2012, 05:24 AM
Parent: #28
سلام يا النصري
ياخ البسها ياخ و ما تشتغل بالسودانيين و عقدهم ديييك!
ياخ بلدكم البتحترم الانسان و الانسانية دي ... و الله (الجبص) ما كتير عليها
|
Post: #30
Title: Re: نلبس الورده الحمراء ولا ما نلبسها فى Memorial Day ؟
Author: smart_ana2001
Date: 11-14-2012, 06:55 AM
Parent: #29
ح تستغرب فينى يا النصري. تعرف انا بتبرع سنويا ل
1- الازاعة المحلية المرتبطة ب NPR
2-الجمعية الامريكية للكانسر (بيجمعوا تبرعات للابحاث)
3-ناس البوليس فى حلتنا عندهم برنامج فى الصيف للاطفال عشان اطفال الناس التعبانة ماديا و ما بيقدروا يشركوهم فى انشطة كا يكونوا حايمين فى الشارع ساى.
4- ابحاث مرض الزهايمر.
الحجات دى كلها (ماعدا ابحاث الكانسر) ما اظن بتكلفنى فى السنه حوالى 60 دولار. لكن بتحسسنى انى ما قاعدة ضيفة فى البلد دى. و انا (غير الضرائب المتلتلة طبعا) بساهم فى مجتمعى.
انا لكن كعبة جدا فى موضوع التبرع فى مدارس الاولاد. و دى حاجه انا ملاحظة انى مفروض اجتهد فيها شوية.
الان انا ح اخت اسمى فى قايمة المتبرعين بالنخاع بتاعهم. مع انى ما اظن زول يحتاج لنخاعى هنا لكن اختوا بس عشان اشجع الناس تهتم بالموضوع
|
Post: #31
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-14-2012, 05:24 PM
Parent: #30
سلام مازن
يازول ابشر ..السنة الجاية وقبل اسبوع من المناسبة حنشنط
الوردة... وبمزاج كمان ...
فائدة الموقع ده انو الزول ممكن يكتب حاجة وكانه يفكر بصوت عالى
الخوفة الان طشت تب ....وجاهزين جاهزين للتريقة ......
|
Post: #32
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-14-2012, 05:36 PM
Parent: #31
تعرفى يا اسمارت جماعتنا ديل(وانا فى مقدمتهم) ماعارفين كلمتك دى وتاثيرها
الشغلانه كلها بتعتمد على الاحساس والشعور والانتماء .....الاحاسيس دى ما بنديها
قيمتها الحقيقة بالرغم من انها تسوى اكتر من دولارات بسيطة نتبرع بيها هنا وهناك
انا شخصيا مفروض اشيل قروشى كلها واحولها لناس NPR ..كانت اذاعتهم تصلنا من بافلو
نيويورك .... كل بسمعهم يوميا ولساعات طويلة فى اليوم لمنت كنت فى الشرق ...
لكن او من تجى ايام التبرعات اعمل غمران ومجنون ......
فعلا الواحد (اقصدانا) مفروض يعيد النظر فى الحكاية دى
|
Post: #33
Title: Re: نلبس الورده الحمراء ولا ما نلبسها فى Memorial Day ؟
Author: هاشم نوريت
Date: 11-14-2012, 05:41 PM
Parent: #32
للامانة انا لبستها وطبعا ياالنصرى احيانا الشغل برضو يفرض عليك حاجات غريبة المهمة انا اتوكلت وكما حضرت المسيرة العسكرية الرمزية وممكن امدك بالصور بس اكتب عليها اسمك هههههههههه
|
Post: #34
Title: Re: نلبس الورده الحمراء ولا ما نلبسها فى Memorial Day ؟
Author: Gamal Abayazid
Date: 11-14-2012, 05:42 PM
Parent: #32
Quote: لكن او من تجى ايام التبرعات اعمل غمران ومجنون ......
|
يا منصور ................ألحق
|
Post: #35
Title: Re: نلبس الورده الحمراء ولا ما نلبسها فى Memorial Day ؟
Author: Elmoiz Abunura
Date: 11-14-2012, 09:11 PM
Parent: #34
سلام للاخت اسمارت
| Quote: انا لكن كعبة جدا فى موضوع التبرع فى مدارس الاولاد. و دى حاجه انا ملاحظة انى مفروض اجتهد فيها شوية. |
تعرفى المدارس, وال Education Foundation, Literacy Council, وتعليم الانجليزى والمهارات الفنيه للمهاجرين الجدد دى اكتر حاجه بدفع فيها يازعيمه وبتطوع كمان فى المدارس .
وبالمناسبة انتى والنصرى معزومين عندنا فى Thanksgiving والTurkey الماخمج فى حوش ابونورة جبال السلسلة الزرقاء فى كارولاينا الشماليه.
مع ودى وتقديرى
|
Post: #36
Title: Re: نلبس الورده الحمراء ولا ما نلبسها فى Memorial Day ؟
Author: Jawahir Ibrahim
Date: 11-15-2012, 01:53 AM
Parent: #35
Quote: ما بحب اقول السودانيين بيعملوا و ما بيعملوا...لكن اكتر حاجه بتزعلنى منهم هى انهم -ما شاء الله عليهم- واعيين جدا فى تحصيل حقوقهم. سكن مدعوم .... علاج مجانا...اى حاجه من النوع ده. لكن نادرا ما تلاقي سودانى بيتبرع للصليب الاحمر او منظمة لدعم بحوث علاج للكانسر او اى شيء من النوع ده.
يا جماعة مادمنا عايشين فى البلاد دى و مستمتعين بشوارعها و مستشفياتها و مدارسها....و جوازاتها (اللى بتفتح ابواب المطارات)...ساهموا فى بناء مجتمعاتكم..... |
والله كلامك فى محلو يا اسمارت انو الواحد المفروض يساهم بحاجات بسيطة زى التبرعات المادية الرمزية دى -زى ال60$ الفى السنة كلها ما تساوى فاتورة تلفون- و الفولنتير لو فى زمن وياهو زى حكاية الوردة الحمراء دى الانا من ما جيت كندا دى -زى سبعة سنين فاتو - ما متذكرة يوم ختيتة وما عارفة ليه مع انو انا آخر زول فى الدنيا بشتغل بكلام السودانين.. لكن ان شاء الله نلبسها معاك من السنة الجاية يا النصرى اخوى ..
احنا فعلا فى نعمة كبيرة فى البلاد دى و فى تقديرى اعظم نعمة فيها هى نعمة الامن والامان .. مثال موقف بسيط حصل لى قبل اسبوع كان عندى شغل ورق كتير كدة خاص بالمرضى وكنت مصرة لازم يخلص وما اشيلو معاى البيت ..ومكافأة لروحى يومين اوف بعدها.. قمت قعدت اشتغل فيهو فى العيادة لغاية الساعة اتناشر ونص بالليل.. والعيادة برة اتاوا فى مدينة صغيرة زى ساعة سواقة بالهاى واى..المهم لما اتحركت من هناك راجعة البيت الدنيا كانت ضلام كحلى لا فى عربية قدامى ولا وراى.. دخلتنى خوفة كدة قربت ارجع ابيت فى هوتيل لغاية الصباح .. بس بعد زى عشرة دقائق قعدت اكلم روحى و اقول يا زولة انتى فى كندا بلد الامان والله فى مافى خوف.. بعدها جانى احساس طمأنينة خرافى... شغلت السي دي بتاع الكابلى و وداللمين ورجعت البيت بمزاج و بكل ارتياح...اها زى دة ما خسارة اعلق وردة حمراء حتى لو كل يوم.
تحياتى ليكم وكل الود
|
Post: #37
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-15-2012, 04:38 PM
Parent: #36
نوريت يا رهيب
| Quote: احيانا الشغل برضو يفرض عليك حاجات غريبة |
ليه كده ...ليه غريبة؟؟؟
وده سؤال برجعنا للمربع الاول ...
ليه حاجة زى دى بعضنا بشوف انها غريبة وانها مفروضة عليه
وانو مجبور عليها ......
نحن بطبعنا شعب عاطفى جدا ..ليه بنضغظ على عواطفنا فى حاجة زى..
رسل الصور يا نوريت ونور لينا البوست ده
عندك الايميل فى البروفايل
|
Post: #38
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-15-2012, 04:55 PM
Parent: #37
شكرا يا معز على عزومة التيركى turkey لكن بينى وبينك انا اكلته زى تلاته مرات
وكل مرة اتخايل لى انى بلوك فى حبال بلاستيك ..
ياخ ده بتاكلو كيف ؟؟؟
|
Post: #39
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-15-2012, 05:06 PM
Parent: #38
شكرا دكتورة جواهر على مشاركتنا الحدث
انا شخصيا لا يشدنى شئ فى البورد مثلما تشدنى حكاوى البورداب
حول الاحداث حولهم ومعايشتهم لحياتهم اليومية..بالذات ناس الخرطوم
لو زول كتب ركبت الحافلة والكمسارى طقطق اصابعه الخ الخ الخ اكون
مشدود جدا للحكاية بالرغم من انها تخلو من اى دراما او اثارة .... بجينى احساس
انى بعيش الحدث بنفسى ...
عندى بوست فى البورد ده كنت بحكى عن تفاصيل مملة كنت اواجهها فى حياتى اليومية
نرجع للموضوع ....
اتفقنا نلبس الوردة السنة الجاية ونتحدى بيها كل الساخرين المغرقين
انه تحدى ونحن اهل له...
اقول ليك كلام
حالبسها وامشى افتش محل السودانيين
والنشوف اخرتها
|
Post: #40
Title: Re: نلبس الورده الحمراء ولا ما نلبسها فى Memorial Day ؟
Author: smart_ana2001
Date: 11-15-2012, 06:45 PM
Parent: #39
تعرف يا النصرى اهم شيء ان ما تشتغل بالناس اللى ح يقولوا ليك (اتخوجنتا). كونك تكون عضؤ فاعل فى مجتمعك ما معنها تنسي اصلك.
عشان انت بتحب الحكاوى...ح احكى ليك مثالين (لفكرتى) عن كيفية المحافظة على سودانيتى و برضوا المشاركة فى مجتمعى.
كل سنة بمشي الحفلة بتاعة ال Holiday (الكرسماس) بتاعة ناس الشغل. بمشي و بتونس و اضحك ...لكن بمشي لابسه توب سودانى بتاع حفلة. المشكلة توبى بقى برنااامج الحفلة و كل سنة الناس عاوزه تعرف توبى ح يكون لونه او شكله كيف.
المثال التانى اللمات فى المطاعم...اى لمة بمشي و باكل بمزاج و ما عندى مشكلة اسال اذا كان الاكل فيه اى لحم خنزير او خمر او حتى لو الاكل محمر انه محمر بشحم الخنزير. ده عادى صح?? الحاجه التانية اللى عملتها قبل كده و الناس المعاى استغربوا فى الاول لكن اتفهموا الموضوع فى النهاية.... انى كنت قاعدة فى طرف الطربيزة و و اغلب الناس فى الطربيزة طلبت بيرة. الحته كانت ضيقة لدخول ال waitress قامت ختت الكبابى قدامى عشان امدها للناس. قمت قلت ليهم معليش ما بقدر امدها...كل زول يتصرف يشيل كبايته من قدامى سريع.
سلامات اخونا المغز....ما بتقصر شكلك كلو كلو :)
موضوع التبرع بالزمن ده صعب شديد. و حقيقي اولادى اولى باى زمن اضافى عندى...لكن .....كلامك عن التبرع فى حملة اوباما بغرنى....المرة الجاية (بعد 4 سنوات ان شاء الله) ح اتبرع لمرشح الديمقراطى خاصة لو كانت هيلرى كلنتون
|
Post: #41
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-15-2012, 07:03 PM
Parent: #40
| Quote: لكن بمشي لابسه توب سودانى بتاع حفلة |
عارفة يا اسمارت عندى بوست جاهز من عدة اسابيع لكن متردد اعمله
فى التابليت Bablet بتاع سامسونق فى خاصية بتاعت اخد صورة مما يظهر على
الشاشة ..وهى خاصية مذعجة احيانا لانك لو ضغطى عليها بالغلط حيتوقف البرنامج
الشغال ويخش برنامج الصور غصبا عنك ...
اها يوم كنت بشاهد فى تلفزيون السودان ..مقدمة البرنامج كانت لابسه اشنا
توب فى العالم...طوالى اخد صورة... مشيت قناة النيل الازرق لقيت مذيعة لابسة
توب رهيب برضو اخدت صورة ...اها بقيت اخد فى صور التياب لفترة
طويلة ... فكرت اعمل بيهم بوست لكن خفت من نقة جماعتنا المحبطين ديل
لو بتشجعينى بعمله....
===================
Quote: تعرف يا النصرى اهم شيء ان ما تشتغل بالناس اللى ح يقولوا ليك (اتخوجنتا).
كونك تكون عضؤ فاعل فى مجتمعك ما معنها تنسي اصلك. |
like like like like like like
عندى صاحبى اصلو ماداير يقتنع انى بموت فى لعبة البسبيول ..مفتكرنى بتبوبر ساى
|
Post: #42
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-15-2012, 07:06 PM
Parent: #41
يا بكرى ابوبكر ياخ والله مامعقول
الزول يقول بسم الله يلقى البوست عمل صفحة تانية
اعملهم 50 مداخلة بدل اربعين ....
40 مداخلة يادوب الزول بسخن..... بعدين كتير من الناس يفقد
حماسه لتتبع البوستات الاكتر من صفحة وانا منهم (ماعدا بوستاتى)
|
Post: #43
Title: Re: نلبس الورده الحمراء ولا ما نلبسها فى Memorial Day ؟
Author: smart_ana2001
Date: 11-15-2012, 07:30 PM
Parent: #42
علييييك الله يا النصري كان ما عملتا بوست التياب. لو داير انه بفتحه ليك عشان المغرضين ما يجننوك.
سمي البوست: {التوب السودانى... الامس و اليوم والغد}
و اكتب فيه فى اول مداخلة انها صور اخدها literally من يوم امس لحدى اليوم و ممكن بكرة تاخد صور زيادة.
العنوان بيدل على الجدية و ح يدخلوا المهتمين بالامر بس.
|
Post: #44
Title: Re: نلبس الورده الحمراء ولا ما نلبسها فى Memorial Day ؟
Author: smart_ana2001
Date: 11-15-2012, 07:33 PM
Parent: #43
او سمى البوست: التوب السودانى....The good, the bad, and the ugly
___________________________
العنوان مقتبس من اسم الفلم الشهير
|
Post: #45
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-15-2012, 08:25 PM
Parent: #44
ok
am on the train heading t
|
Post: #46
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-15-2012, 09:11 PM
Parent: #45
sorry
my stupid Samsung phone is acting up
how about
ugly tub sudani in tv
we need to attract traffic to the post
it has to be a shiny title
|
Post: #47
Title: Re: نلبس الورده الحمراء ولا ما نلبسها فى Memorial Day ؟
Author: smart_ana2001
Date: 11-15-2012, 09:24 PM
Parent: #46
لو عاوز تلم الناس فى البوست سميه:
معقولة? ده توب تلبسيه فى التلفزيون القومى ???
_______________________________
| Quote: my stupid Samsung phone is acting up |
زمااااان قنا ليك شنو بخصوص التلفون ده ??
انا شكلى ح ابيع ابل. مايكروسفت نزلت تلفونات مبااالغة
|
Post: #48
Title: Re: نلبس الورده الحمراء ولا ما نلبسها فى Memorial Day ؟
Author: أحمد أبكر
Date: 11-15-2012, 09:53 PM
Parent: #42
النصري وضيوفك
تحياتي
بوستك شيّق ياخي .. يعطيك العافية وضيوفك المميزين
أنا لاحظت أن هناك شعوباً كثيرة تشاركنا هذه السلبية
يوم مراسيم تسليمنا الجنسية البريطانية ، تقريباً كنت الوحيد الذي كان يردد كلمات السلام الوطني البريطاني أثناء عزف مقطوعته الموسيقية
وكان معي في الدفعة صينيين وشرق أوسطيين وأفارقة وصرب .. وكلها مجتمعات غير ديمقراطية
ييدو أن حكاية العزوف عن المساهمات الوطنية (وخاصة في الأوطان الجديدة) دي سببها الديكتاتوريات الفي بلداننا
يعني شعور تراكمي بأن الأوطان مختطفة بواسطة الحكام بينما المواطنون مجرد ضيوف .. هذا الإحساس يعبر عن حقيقة واقعة في البلدان غير الديمقراطية
لكنه يطاردنا حتى في مجتمعاتنا الجديدة ( الديمقراطية) رغم أنه في هذه الحالة الأخيرة هو إحساس وهمي
وأعتقد أن الترجمة غير الحرفية لل Remembrance Day
هي : يوم الوفاء للمحاربين
الوفاء لأوطاننا الجديدة واجب أخلاقي وديني كمان ( وهل جزاء الإحسان إلا الإحسان) الآية
لكن أنا أستثني منها الوفاء لكل المحاربين
لأن الوفاء في هذه الحالة يشمل الجنود الذين حاربوا أجدادنا من أجل إستعمارنا
فلا تلبس يا أخوي .. وشوف مجالات أخرى قدم من خلالها مساهمات الوفاء .. عشان ما كمان ناخد أي شيئ بي (ضبانتو) ..
وأصحاب البلد الأصليين ذاتم (ولأنهم ديمقراطيين) ما بيزعلوا لما تنتقد ماضيهم الإستعماري وتستثني نفسك من الإحتفاء ببعض جزئيات تراثهم
|
Post: #49
Title: Re: نلبس الورده الحمراء ولا ما نلبسها فى Memorial Day ؟
Author: النصرى أمين
Date: 11-16-2012, 06:19 PM
Parent: #48
اهلا وسهلا احمد ابكر
نورت البوست بمداخلتك الدسمة التى خلتنى ازازى بعض الشئ...
هذا التعبير السودانى العجيب جعل المعادلة
اكثر صعوبة ...ماهو الخط الفاصل بين الضبانة وعدم الضبانة... اظنه انه خط
صعب جدا تحديد ابعاده ......
الحاجة التانية بالنسبة ليكم فى بريطانيا ..بعض من الجنود الذين يحتفى بهم
حاربو اجدادنا وقتلوهم واحتلو ارضنا ...وبعضهم حارب الشيوعية والنازية وهى حروب
ما عندنا بيها دخل كبير....
والله فعلا معضلة ....
غايتو انا حليت مشكلتى فجماعتنا ديل ماعندهم جندى واحد مات فى السودان
|
|