Post: #1
Title: الحكومة تشجعنا لخروج الشـــــــــــــــــــــــــــــــــــــارع
Author: محمد حسن بوشى
Date: 11-11-2012, 10:58 AM
Parent: #0
غايتو كل يوم وكل ساعه تمرو بأكدو لي انو نظام الانقاذ اصبح اللقب المناسب معاهو هو ؛ النظام السابق ؛
انا متأكد انو في ناس حيقولو لي انت متفائل شديد ؛ ايوه بالجد انا متفائل جدا ومتاكد تماما انو كل الحسابات الموضوعيه بتأكد انو النظام عمرو انتهي ؛ مافي زول بقدر ينكر انو المجتمع وخاصه المجتمع الشبابي فيهو تغيرات كبيره وتحولات في المفاهيم وطريقة التفكير والاهتمامات ؛واكيد كلنا ملاحظين مثلا للزول الكان قبل سنتين ماشغال بالسياسه ولا بالوطن كيف سياسات النظام والجوع والغلاء والعطاله خلتو يتفاعل مع القضيه الوطنيه ؛ يعني النظام اجتهد في هذا الجيل ايما اجتهاد عشان يفرغو من محتواهو وبالمقابل بالغ النظام في تجاهل عقل الشعب واكثر في عدم احترام مشاعره و اهانة كرامته ؛؛ بس اكيد الشي لما يزيد عن حدو بنقلب ضدو ؛؛ مش كده ؟؟
اذن معا من اجل الخروج للشوارع والعمل من علي اقتلاع نظام الفقر والجوع والمرض من جزوره ..
فيا شباب الشعب هيا ؛؛
وانطلق ياموكبي ؛
وارفع الصوتا قويا ؛؛
عاش صوت الشعبي ؛؛
بوشي
|
Post: #2
Title: Re: الحكومة تشجعنا لخروج الشـــــــــــــــــــــــــــــــــــــارع
Author: ود الباوقة
Date: 11-11-2012, 11:00 AM
Parent: #1
يا اخوي مسؤول من الخير
البوست حقك القلت فيهو البشير يحتضر فتشت ليهو مسقط ملقط ما لقيتو
مكانو وين لو سمحت ...
|
Post: #3
Title: Re: الحكومة تشجعنا لخروج الشـــــــــــــــــــــــــــــــــــــارع
Author: محمد أبوالعزائم أبوالريش
Date: 11-11-2012, 11:16 AM
قاعد مع بوست حلاقة الـ VIP
|
Post: #4
Title: Re: الحكومة تشجعنا لخروج الشـــــــــــــــــــــــــــــــــــــارع
Author: osama fadlalla
Date: 11-11-2012, 03:09 PM
Parent: #3
دي حقيقة يا بوشي
لكننا فيما يبدو نحتاج اكثر من التشجيع
ما تشوف الموضوع ده معاهم ياخي ينوبك ثواب
|
|