Post: #1
Title: والهلال ليس افضل حالا عن المريخ .. لكن بدرجة اقل
Author: وليد محمد المبارك
Date: 11-11-2012, 06:39 AM
Parent: #0
1. انا غير مطمئن ..!!
وكما في المريخ اسوا خط وسط في البطولة .. للهلال اسواء خط دفاع فيها
الذي ارتفع بمستوى دفاع الهلال حارس مرمى جيد جدا .. قد يكون سببا رئيسيا في انتصار الهلال اليوم
كذلك لا يوجد صانع العاب في الهلال الا صدفة .. مع وجود خط هجوم مرعب ( افضلهم كاريكا ) بدون تموين بصورة مستمرة
لكن ما يميز الهلال انه يمتلك شخصية البطل .. وعند لاعبيه روح وعزيمة
دفاع الهلال مشكلته الاولى .. فلا يمكن الاعتماد دائما على الحظ ورعونة المهاجمين
|
Post: #2
Title: Re: والهلال ليس افضل حالا عن المريخ .. لكن بدرجة اقل
Author: Omar Bob
Date: 11-11-2012, 06:58 AM
Parent: #1
هاردلك يا وليد
خط دفاع الهلال اضعف خطوط الفريق دي ما بتغالط فيها اتنين لكن يا وليد ما يميز الهلال هو
1/ مدرب الهلال شاطر جدا ومغامر وزرع في لاعبي الهلال المغامره واداهم ثقه كبيره في نفسهمبانهم يلعبو بنفس طريقتهم الهجوميه امام اي خصم عكس ريكاردو المتحفظ لدرجة الجبن والذي لايستطيع خلق بدايل يمكن الاعتماد عليهم وكت الحوجه
2/ هجوم الهلال كما زكرت هجوم قوي جدا وبه مهارات فرديه متميزه وكاريكا هو لاعب المجهود الخرافي فيهم
3/ وسط الهلال رغم انه يفتقر الي صناعة اللعب الا انه يملا الوسط بحركته الدوؤبه ولا يترك مساحات للخصوم في التمرير وبناء الهجمات المريحه عشان كدا رغم ضعف دفاع الهلال والانفرادات الكتيره التي تحدث في مبارياته الا انو نادرا ما تكون هذه الانفرادات نتيجه لهجمات منظمه وممرحله تبني من الوسط للهجوم الانفرادات دائما ما تاتاي نتيجه التمريرات الخاطئه والتي تقطع من لاعبي وسط الهلال ودا الحاجه الوحيده المخوفاني. اذا الهلال قلل من هذه البصات الخاطئه لن يستطيع دجوليبا احراز اكتر من هدف في مرمي الهلال مهما فعل
|
Post: #3
Title: Re: والهلال ليس افضل حالا عن المريخ .. لكن بدرجة اقل
Author: nazar hussien
Date: 11-11-2012, 07:02 AM
Parent: #2
| Quote: لكن ما يميز الهلال انه يمتلك شخصية البطل .. وعند لاعبيه روح وعزيمة |
شكرا يا سيناتور
فعندما تصدر هذه العبارة من مشجع محترف لفريق خصم
فهي تعني عندنا الكثير...
فشكرا مرة اخري
|
Post: #4
Title: Re: والهلال ليس افضل حالا عن المريخ .. لكن بدرجة اقل
Author: Al Sunda
Date: 11-11-2012, 07:02 AM
Parent: #1
| Quote: كذلك لا يوجد صانع العاب في الهلال الا صدفة |
يا وليد
يوجد صانع العاب بالهلال
الكثيرون متفقون عليه وآخرهم الكوكي
ولكن من يقنع
غارزيتو والبرير
بان هيثم هو الوحيد المتوفر في السوق الايام دي
عليه عبارتك دي ليست صحيحة
ومع ذلك اتفق معك في عنوان البوست باننا لسنا احسنحالا من المريخ
والفرق انو المريخ عنده 7 لعيبة محترفين ونحن عندنا عدد اقل ولكن احسن من محترفي المريخ
ومشكلة الهلال في دفاعه وغياب صانع الألعاب
وتخيلات المدرب والرئيس
ونظريات المؤامرة
|
Post: #5
Title: Re: والهلال ليس افضل حالا عن المريخ .. لكن بدرجة اقل
Author: عمران حسن صالح
Date: 11-11-2012, 07:06 AM
Parent: #4
| Quote: لكن ما يميز الهلال انه يمتلك شخصية البطل .. وعند لاعبيه روح وعزيمة |
العقلانية لها احترامها *
____________________
* شايل لي صورة قرد حايم بيها في بوستات الخيالين الله ستركـ منو :)
|
Post: #6
Title: Re: والهلال ليس افضل حالا عن المريخ .. لكن بدرجة اقل
Author: khaleel
Date: 11-11-2012, 07:10 AM
Parent: #5
شكرا يا وليد
الهلال جيد ومشكلته دوما الامتار الاخيرة
استر يا رب
|
Post: #7
Title: Re: والهلال ليس افضل حالا عن المريخ .. لكن بدرجة اقل
Author: tmbis
Date: 11-11-2012, 07:22 AM
Parent: #6
لا يشغلكم وليد عن .. الرش الاترشوهو امس بالليل .. 
هووي يا هلالاب .. ما تبقو فارات .. وليد دا حاصروهو كما يحاصر فيضان النيل الجزاير ويشيل البيوت ..
وليد دا اخلصو منو حقكم ..
لا تطبيع مع الصفواب ولا تحليل من الصفواب ..
وليد اردموهو البوست دا عايز يفك بيهو الضغط حق امس
الحركات دي نحن عارفنها .. وقاعد يعمله لينا طوالي كلما يترشه ..
Cc:
كيجـــــــا .. هارون دياب .. عبد الماجد تربيع .. طلحــة عبد الله ,. إلخ .. إلخ
ملحوظة لاسياد البلد:
اكسبوو وقتكم .. عندكم من هنا لحدت ما قبل نهاية المباراة .. لانو لو مباراتكم طلعت سلبية ولا قدر الله ولحقتو جماعة الحضري .. والله وليد القاعد يحلل ليكم دا .. ح يعمل ليكم برنامج عجيب .. وحسع كل الدافنين دقن وما ظاهرين في البورد ح تضوفوهم طلعو ليكم من طل الجهات ..
..
يا وليد ..
ظوووووووووووووط جدا
|
Post: #8
Title: Re: والهلال ليس افضل حالا عن المريخ .. لكن بدرجة اقل
Author: الصادق صديق سلمان
Date: 11-11-2012, 08:41 AM
Parent: #7
وليد
هادلكم والله
تمبس
كيف الحال ياخي
Quote: اكسبوو وقتكم .. عندكم من هنا لحدت ما قبل نهاية المباراة .. لانو لو مباراتكم طلعت سلبية ولا قدر الله ولحقتو جماعة الحضري .. والله وليد القاعد يحلل ليكم دا .. ح يعمل ليكم برنامج عجيب .. وحسع كل الدافنين دقن وما ظاهرين في البورد ح تضوفوهم طلعو ليكم من طل الجهات ..
] |
إنت عارف يا تمبس دا المجننا والواحد لا يعمل الغيب بالتأكيد ولكن نسأل الله أن يوفق هلال الملايين
بعدين وليد دا زول بعرف كورة وزي ماقال ربنا يستر ناس مسواي ويكونوا في يومهم إن شاء الله وساسا يسجل من بدري
|
Post: #9
Title: Re: والهلال ليس افضل حالا عن المريخ .. لكن بدرجة اقل
Author: جدو
Date: 11-11-2012, 09:06 AM
Parent: #8
Quote: لا يشغلكم وليد عن .. الرش الاترشوهو امس بالليل ..
هووي يا هلالاب .. ما تبقو فارات .. وليد دا حاصروهو كما يحاصر فيضان النيل الجزاير ويشيل البيوت ..
وليد دا اخلصو منو حقكم ..
لا تطبيع مع الصفواب ولا تحليل من الصفواب ..
وليد اردموهو البوست دا عايز يفك بيهو الضغط حق امس
الحركات دي نحن عارفنها .. وقاعد يعمله لينا طوالي كلما يترشه .. |
لقيتك تفتيحة يا تمبس ..
لكن وليد ما كدة.. وليد دا المريخابي الوحيد العاقل وممكن يقول المريخ تعبان .. الوحيد..
هاردلك يا ولي ...
|
Post: #10
Title: Re: والهلال ليس افضل حالا عن المريخ .. لكن بدرجة اقل
Author: طارق عمر مكاوي
Date: 11-11-2012, 10:57 AM
وليد اردموهو البوست دا عايز يفك بيهو الضغط حق امس
مقتبس من مداخلة تمبس
يا تمبس .. ياخي طيب ما تخليهو يرتاح وليد و يخفف ضغطوا .. مش أخوك برضو ياخي :-)
|
Post: #11
Title: Re: والهلال ليس افضل حالا عن المريخ .. لكن بدرجة اقل
Author: tmbis
Date: 11-11-2012, 11:18 AM
| Quote: لكن وليد ما كدة.. وليد دا المريخابي الوحيد العاقل وممكن يقول المريخ تعبان .. الوحيد.. |
يا جدو ..
عليك الله ما تشكر لي الشفت .. وليد دا اسالني منو انا القدامك دا .. ياخ انا احيانا في حالات زي دي برسل ليهو الرسالة القصيرة من بالليل .. ترجع لي الرسالة القصيرة هذا المشترك لا يمكن الوصول إليه حاليا .. عليك الله في غيظ اكتر من كدا ..
عشان كدا تلقاهو مطرف .. ترجمو من طرف .. ومن مسافة قريبة جدا ..
الدنيا ما معروفة تشيل حقك .. اخضـر . حسع الجماعة ديل بعدين لو اترشينا تعال شوف ليك بورد عامل كيفن ..؟
يا الصادق ..
والله رديت ليك .. لكن لقيت الرد طويل .. قلت ياخ وليد دا يقوم يشدها لينا ساكت .. يا يقعد يبكي يقول جاسفنا البوست حقو نحن كرشاشات .. عشان كدا فتحت لي بوست بي هناك .. وبيني وبينك عشان الشماتة ظاطووو تكون موزع في اكتر من موضع
هاك ..
الهلال افضل حالا من المريخ .. (يا شفــت) .. عشان ما تشربنا ساكت
|
Post: #12
Title: Re: والهلال ليس افضل حالا عن المريخ .. لكن بدرجة اقل
Author: عبدالوهاب علي الحاج
Date: 11-11-2012, 01:47 PM
Parent: #11
| Quote: والهلال ليس افضل حالا عن المريخ |
يا التغيتي ... شن لقيتي ... رجعتي (العرضة) بالشنقيطي ...وزوووووط سنة يا ولد
______________
دا الليوبار وفك الزرار وغز الاريل في بيت الايجار
|
Post: #13
Title: Re: والهلال ليس افضل حالا عن المريخ .. لكن بدرجة اقل
Author: جدو
Date: 11-11-2012, 02:23 PM
Parent: #12
Quote: يا جدو ..
عليك الله ما تشكر لي الشفت .. وليد دا اسالني منو انا القدامك دا .. ياخ انا احيانا في حالات زي دي برسل ليهو الرسالة القصيرة من بالليل .. ترجع لي الرسالة القصيرة هذا المشترك لا يمكن الوصول إليه حاليا .. عليك الله في غيظ اكتر من كدا ..
عشان كدا تلقاهو مطرف .. ترجمو من طرف .. ومن مسافة قريبة جدا ..
الدنيا ما معروفة تشيل حقك .. اخضـر . حسع الجماعة ديل بعدين لو اترشينا تعال شوف ليك بورد عامل كيفن ..؟ |
بالنسبة للشفت فدة ما شكر ..دة حق ..وليد المريخابي الوحيد (القابلني) البمرق النصيحة ...
أما بالنسبة لمسألة الرجم دي فلكم اللحم ولنا العظم ..أرجم زي ما عايز الدنيا ما معروفة قدامك كم ساعة كدة ..يا بقى رجم بي
مزاج وتوهط (يا عملات أبو روضة) يا كمان الفارات لقوا سوقم ...
|
Post: #14
Title: Re: والهلال ليس افضل حالا عن المريخ .. لكن بدرجة اقل
Author: الحاج حمد الحاج
Date: 11-12-2012, 06:07 AM
Parent: #13
1. انا غير مطمئن ..!!
وكما في المريخ اسوا خط وسط في البطولة .. للهلال اسواء خط دفاع فيها
الذي ارتفع بمستوى دفاع الهلال حارس مرمى جيد جدا .. قد يكون سببا رئيسيا في انتصار الهلال اليوم
كذلك لا يوجد صانع العاب في الهلال الا صدفة .. مع وجود خط هجوم مرعب ( افضلهم كاريكا ) بدون تموين بصورة مستمرة
لكن ما يميز الهلال انه يمتلك شخصية البطل .. وعند لاعبيه روح وعزيمة
دفاع الهلال مشكلته الاولى .. فلا يمكن الاعتماد دائما على الحظ ورعونة المهاجمين
**************************************************************************
كلام ناس بفهموا في الكورة..شكرا يا كابتن
|
Post: #15
Title: Re: والهلال ليس افضل حالا عن المريخ .. لكن بدرجة اقل
Author: وليد محمد المبارك
Date: 11-12-2012, 06:32 AM
Parent: #14
واستمر الحظ في مساندت الهلال
لولا الحظ لهزم الهلال امس 5 : 1
خالص التعازي لوهبة وتمبس ...
بالله واحد يهبش لينا وهبة ده .. الزول ده عنده قلب يا جماعة
|
|