لا يوجد خبر عن نتيجة فحوصات البشير

لا في سونا
ولا جريدة الراي العام
ولا اس ام سي
الخبر الوحيد الموجود هو بوست العضو جمال محمود
ظهور نتيجة فحص عينة الأنسجة للسيد الرئيس البشير اليوم
ناس السودان : ماذا عن بقية الصحف ؟ هل هناك خبر بهذا المعنى ؟

Quote: لا في سونا ولا جريدة الراي العام ولا اس ام سي الخبر الوحيد الموجود هو بوست العضو جمال محمود ظهور نتيجة فحص عينة الأنسجة للسيد الرئيس البشير اليوم ناس السودان : ماذا عن بقية الصحف ؟ هل هناك خبر بهذا المعنى ؟

صحي ود الباوقة بتكون جاته نسخة من التقرير بس ما قدر يقراها....


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

العناوين الرئيسية لصحيفة الراي العام 11-11-2012

تحياتي يا الشايقي
الخبر الكتبو الاخ جمال على ما اعتقد مصدره صفحة في الفيس بوك باسم (صفحة القيادة العامة للقوات المسلحة)
شفتا امس بوست عن الموضوع ده هناك
سونا والراي العام واس ام سي وبقية الصحف هي الاكثر وصولا والاسرع انتشارا من صفحة في الفيس بوك

Quote: الخبر الكتبو الاخ جمال على ما اعتقد مصدره صفحة في الفيس بوك باسم (صفحة القيادة العامة للقوات المسلحة)

الباشمهندس محمد ابراهيم

لك التحية

ليس مصدرى صفحة الفيس بوك التى ذكرتها ولربما الصفحة نفسها مصدرها البوست كدى شوف تاريخ البوست والخبر بصفحة الفيس بوك ؟

بل هى مصادرى الخاصة

مودتى

أديها صنَة بس
بتجي من عندهم
ديوك العدة كتار

بعدين ياهندسة ده حال الانظمة الشمولية
الزعيم يخلَد نفسه بإخفاء المرض دائما لخوفه من فقدان السلطة
كم زعيم شمولي مات وقُبر ولم تعرف سبب وفاته
وشوف الفرق بينها وبين الديمقراطيين
شافيز كمثال كان يسافر لرحلة العلاج الى كوبا ويطلع شعبه بتطورات المرض من هناك الى ان عافاه الله

--
الرئيس الشيوعي الوجدوه ميت بعد 3 يوم من وفاته إسمه منو؟؟

يا حنين فعلا حاجة غريبة
خبر بمثل هذه الاهمية يترك لصفحة في الفيس بوك لا يدري عنها الا البعض القليل جدا من الشعب السوداني
الخوف من المصير المجهول والصراع الخفي على السلطة يدفع الحكومة على التكتم على حقيقة الحالة الصحية للبشير
محاولة اصطياد عصافير عدة من كشف المتعجلين لخلافته او المغامرين الذين سيحاولون انتهاز الفرصة للقفز على الكرسي
او القافزين من المركب
طبعا طريقة تفكير مافيوية وليست طريقة تفكير حكومات تحترم شعوبها

سلامات ياباشمهندس

غايتو الخبر بانه الورم حميد جابوه امس فى بعد الطبع فى النيل الأزرق على لسان الصحفى محمد لطيف

واليوم فى أقوال الصحف على لسان مكى المغربى ، قال ورم حميد واسمه ال singers node

وسببه كما يوحى الاسم هو كثرة استعمال الحبال الصوتية والنبيح!!!

تحياتى

شكرا جمال
تساؤلي كان ان خبر بمثل هذه الاهمية غاب عن سونا واس ام سي وهو كان معروفا منذ الامس
وايضا جريدة الراي العام وهي ملك للمؤتمر الوطني
فسألت بورداب الخرطوم تحديدا عن الجرائد الاخري

شكرا لك دكتورة مهيرة ادنا مقتطف من عناوين الصحف الذي تقدمه سونا


الوان

Quote: شقيق البشير: نتيجة فحص عينة الرئيس (حميدة).

والانتباهة :

Quote: الرئيس يتعافى.. الورم حميد.. ويعود غداً.

اخر لحظة :

Quote: شقيق الرئيس: الفحوصات المعملية سليمة.. والبشير لا يحتاج للعلاج إضافي.

السوداني :

Quote: نتائج الفحوصات تثبت سلامة الرئيس.

الاهرام اليوم :

Quote: القصر: نتائج الفحص للرئيس البشير (إيجابية).

Quote: القصر: نتائج الفحص للرئيس البشير (إيجابية).

الاخ محمد إبراهيم سلام

نتائج الفحص إيجابية يعني الورم خبيث والنتائج سيئة
نتائج الفحص سلبية يعني الورم غير خبيث والنتائج جيدة

اما

القصر ده مافيه رجل رشيد

او

قد يكون فيه رجل رشيد وقال الحقيقة

الاخ محمد إبراهيم علي
انت اعتقد انو الخبر ده مهم لى ناس بسيطين من عامة الشعب ...اليوميين الفاتوا معظم السودان اعتقد كان مشغول بكورتي الهلال و المريخ في البطولة الافريقية .....و الحاجة التانية ...الصحافة السودانية بتنوم بدري.......

سلام يا انور

Quote: نتائج الفحص إيجابية يعني الورم خبيث والنتائج سيئة نتائج الفحص سلبية يعني الورم غير خبيث والنتائج جيدة

ده تقعر بتاع صحفيين ساي
اكيد المقصود ان نتيجة الفحص اكدت سلامة البشير وان الورم حميد

انا غايتو كنت منتظر مؤتمر صحفي راسو عديل
للاعلان عن نتائح الفحوصات ....

لكن الانقاذ لاتخيب سوء الظن ابدا

سلام مدثر

Quote: اعتقد انو الخبر ده مهم لى ناس بسيطين من عامة الشعب

كلامك صحيح اهتمام رجل الشارع العادي موجه لمباريات المريخ والهلال
ولكن سيلتفتون قريبا جدا

سلام اسامة

Quote: انا غايتو كنت منتظر مؤتمر صحفي راسو عديل

حيكون في الاكبر من المؤتمر الصحفي حيكون في كيتة في المطار على حسب ما ورد في بعض الجرائد