Post: #1
Title: ثورة تصحيحية بالمريخ..........................!!!!!!!!!!!!!
Author: omar altom
Date: 11-11-2012, 02:20 AM
Parent: #0
المريخ يقيل كل من:-
1/ زوير الدفاع بتاع السودان.......................لفشله في تبرير الهجوم علي اليرموك.
2/ مدير الحملة الانتخابية ل ميت رومني..........لسقوطه المريع في الانتخابات الاميركية.
3/رئيس اتحاد الكرة المصري......................لموافقته علي انتقال ال (كدري) للمريخ.
.
4/ سفير البرازيل في الخرطوم........ .............لعلاقته المشبوهة بمدربه( الاثنان من نفس البلد)
5/ عوضية ست السمك..................................لوضعها شطة زيادة في الوجبة المعدة للاعب سعيد السعودي مما اضطره لاستعمال الحمام بين الشوطين.
5/قائد الجيش السوري الحر.............................لعدم حسمه الحرب ضد بشار حتي تتفرغ الميديا لمتابعة اعداد الفريق لاحتفالات تسليم الكاس في الرد كسر.
ولا نامت اعين الجبناء..................
التوقيع
بانكي مووون
عمدة العالم
|
Post: #2
Title: Re: ثورة تصحيحية بالمريخ..........................!!!!!!!!!!!!!
Author: طه جعفر
Date: 11-11-2012, 02:43 AM
Parent: #1
زمان سألت المريخاب عن رأيهم في الكرة الهولندية و قالو انها سمحة شديد
هولندا ما شالت كاس العالم و لم تكن وصيفا لكل موسم
انت تكون وصيفا في منافسة دولية مقام
تتقاصر عنه قامة اصحاب كؤوس الصفيح بالرشاوي
في القلعة الحمراء درون
درون
يا بتاعين الدرونات
غالبكم تصلوا المقام الذي يؤهلكم حتي ان تكونوا الفرق الوصيف
بوست جميل و ضروري من اجل الصحة العقلية للمريخاب
خليهم يشيلو ليهم اعلام حمراء و صفراء و جوالين شل
و يساندوا الهلال
يا خي دي نفخة عند الكيزان مافي
مؤسف بالنسبة حزن المريخاب و السودانيين لهذه الخيبة
و ضياع الآمال
|
Post: #3
Title: Re: ثورة تصحيحية بالمريخ..........................!!!!!!!!!!!!!
Author: عمار يس النور
Date: 11-11-2012, 03:56 AM
Parent: #2
| Quote: يا خي دي نفخة عند الكيزان مافي |
و الله ده أدق توصيف لأنصار المرخرخ.
دي حالة اخير منها يوسف عبد الفتاح زاتو
|
Post: #4
Title: Re: ثورة تصحيحية بالمريخ..........................!!!!!!!!!!!!!
Author: Al Sunda
Date: 11-11-2012, 04:29 AM
7 محترفين في فريق المريخ
(وارقو، ساكواها، كلاتشي، الحضري، ادكو ، باسكال ليما)
يعني اكثر من نصف الفريق
والمحصلة صفر
فهل لايزال المريخ مريخاً
بالفعل يحتاج المريخ لثورة تصحيحة تبدا
من حكاية القروش المشتتة على المحترفين
بالمناسبة الهلال ليس باحسن من المريخ !
|
Post: #5
Title: Re: ثورة تصحيحية بالمريخ..........................!!!!!!!!!!!!!
Author: omar altom
Date: 11-11-2012, 04:32 AM
Parent: #2
الاخ طه
تحية واحترام
مشكله تدهور مسنتوي كرة القدم في لسودان لا يمكن حلها بمعزل عن مساكل السودان السياسية والاحتماعية والاقتصادية
والي ذلك الحين سنظل نسقط في كل اختباركروي ندخله
تحياتي
|
Post: #6
Title: Re: ثورة تصحيحية بالمريخ..........................!!!!!!!!!!!!!
Author: وليد محجوب
Date: 11-11-2012, 05:54 AM
Parent: #5
قروش محترفي الهلال والمريخ الفالحين لي بس في الأمل عطبرة وهلال كادقلي ممكن تأسس لينا شركة طيران زي الناس بدل الشلهته النحن فيها دي. الواحد يمشي السودان برأس الرجاء الصالح والحضري يتم تكريمه بعد المهزلة لرفع معنوياته ,, إن شاء الله ما تترفع.
|
Post: #7
Title: Re: ثورة تصحيحية بالمريخ..........................!!!!!!!!!!!!!
Author: محمد قسم الله محمد
Date: 12-23-2012, 09:31 PM
Parent: #6
| Quote: Re: ثورة تصحيحية بالمريخ..........................!!!!!!!!!!!!! |
المريخ يسجل هيثم مصطفي في أكبر ثورة تصحيحية وضربة ترجيحية..
)..صدقت نبوءتك .. في زمن النبوءات والمهدي المنتظر (بتاع العاشر من صفر)[/B
]مدد .. مدد ..
المنبر بقي كلو أنبيا..
|
|