المريخ البقرة الحلوب ... { عدم اختشا }

فى جماعة ادارية و لاعبين لاقين المريخ بقرة حلوب
لا بختشوا و لا بعرفوا العيب ... ان شاءالله ينشرقوا

كفى كفى كفى

ليذهب الوالى و زمرته يتركوا لنا مريخنا الذى نحب

صديق على صالح دع لنا مريخنا
ابراهومه تشكر اترك المريخ لحاله


مصيتوا دم المريخ

ريكاردو اسوء مدرب مر على المريخ
فشل متواصل و فكر تدريبى متواضع
قال ارضية الكنغو كعبة اها استاد المريخ مالو
اختانا كده وللا كده ... روح عذبتنا

جبرة فقط للموسم القادم و يختار مساعده

زيكو لادارة الكورة


و كفى

خلصونا من الرواكيب المكركبة و المواسير المخرخرة

الرواكيب
فيصل العجب
موسى الزومة
سفارى
بدرالدين قلق


المواسير
وارغو
كلتشى
ساكواها
ادكو
سعيد
الشغيل

سلام مواهب
انا هلالابي
لكن فعلا الوضع يزعل
نادي ليهو جمهور
بني ادمين
ركاردو رفسه الهلال
كلتشي رفسه الهلال
نص المريخ مافي واحد عندو موهبة
ممكن يخترق او حتي يضع بص صح
الضربات الثابتة ماقادرين يستفيدوا منها
الحضري كان انتكاسة\ لانو شايل الدفاع
وشايل غرورو
الهجوم لكو اجانب
والدفاع كلو اجانب
ونص السجم زي الطير
بس لا حولا ولا قوة الا بالله

مواهب ياهو حال الكورة
المريخ لم يكن في يومه بل ان هذا اليوم لم يكن به مريخنا الذي نعرف
اليوم خمر وغداً امر

الامين لكن لمتين
استنفذوا كل الفرص
لنستعيد مريخنا المخطوف

حقيقة فريقكم كلو يستحق الشطب

بإستثناء ولدنا الباشا وليما

أقول ليكم حاجة ..إستنوا كشف الشطب بتاع الهلال وسجلو منو


شايف اهلى شندى عمل ليهو تيم قوى من مرافيد الهلال

Quote: أقول ليكم حاجة ..إستنوا كشف الشطب بتاع الهلال وسجلو منو شايف اهلى شندى عمل ليهو تيم قوى من مرافيد الهلال

الاخ معتصم
بس اللاعب فى الهلال بيكون مطبوع بحب الهلال وعشق الهلال ( وبصمة علاء الدين ليست ببعيدة)
اللاعب فى الهلال ممكن يمشى اى فريق غير المريخ بيكون ذى الاسد عشان يثبت انو الهلال فرط فيهو بس ما بمشى المريخ ورينى لاعب من الهلال مشى المريخ نجح(طمبل شغال يرش قدام البيت )كلتشى بقا لاعب مزاج فى قروش فى كورة والباشا بكترت ما زعلان منهم مرة قال ليهم اسكتو واثبت انو لاعب مهم فى الفرقة الحمرا.
عشان كدة ما بقدرو يسجلو من الهلال ناس كويسين عندك اكرم مرة يشطبو ومرة يسجلو عامل ذى مازدا مرة يمشى ومرة يرجع.
ال الحضرى ال

الاخت مواهب
صباح الخير
غالب كتاباتك هنا عن الهلال مع انك مريخية.
اكيد امر جلل ذلك الذي جعلك تكتبين عن المريخ.
تعيشوا و تتغلبوا

الأخت مواهب
المريخ حاله زي حال البلد كلها,,,
بالعربي المريخ عايز مريخ جديد.

لا حولا ولا قوة إلا بالله
المناحة شنو ؟
ساعدوها بالدعاء بلاهي
الهم أعنها على الصبر والاحتساب
يا الله

أيواااا .. كـدا كويس جدا!
كل واحد يركز في ورقو أحسن!!

الحضري البريدو ..
وأحضر جديدو..
وملص الكوره من إيدو.. يا الله
صبرني..
الحضري فينا سواها..
ما راعي ساكواها..
الكوره فكاها..
وتاني ما لقاها
يا الله صبرني..
أرقص يا حضرينا..
أرقص وبكينا..
سويته جد شينه..
أووب أووب علينا
يا الله صبرني..
الحضري البريدو
وأحضر جديدو
وملص الكوره من إيدو
يا الله صبرني

المريخ ما قامت ليهو قايمة من ما إعتمد على الصحفيين السماسرة في التسحيلات و أفسد مهمة الكشيفين أبناء النادي الاوفياء.

أوضح مثال للكشيفين هو تسجيل المرحوم و المغفور له بإذن الله سامي عز الدين. من غير أي ضوضاء تم تسجيله و في اول مبارة هزمنا في الهلال في مبارة جوبا المشهورة.

أبعدوا من السماسرة و أولهم هذا الفاشل العامل فيها مدرب و مترجم في نفس الوقت. ده كان بسمسر في الفيز و لو ما مصدقني أسالوا عبد الكريم كيكي كان شاريهو كيف في عز الشمس أما فندق المريديان.