برالمة المنبر: يا حليل زمن الجوز في البورد كان تلاتة فرد

طبعاً باعتبار انو تأريخ السودان الثقافي والسياسي والاعلامي بدأ بسودانيس اونلاين

يجي واحد ماسكاهو امفريحانة يقول ليك يا بكري ابوبكر ياخي
وقف خلق الله ديل لنعد للمنبر سيرته الأولى


يعني سيرته الأولى دي غير الفي الارشيف دي

شوف جنس البيقول ليك
عامل فيها بيخفف في دمو مع دفعتوا وشلتوا

أها جاتنا مناضلة جديدة
وهاك يا قرقرابة
ويتشالبوها ليك

كأنوا النضال ساحتوا المنبر
وكأنو الواحدة ما ممكن تكون مناضلة
عشان المرة كان فاس ما بتكسر راس

أما ناس انت جايي تشتهر ديل
وانت فرحان بالباسويرد

والوهمات بتاعة فلان كورتو فكت
كأنو كان لعاب زمان

فلتكان صعب عضلاتو تبش بنضفك ابعد منو ما تختلف معاهو

وشلة المعارضة
وشلة الحكومة

والكلام ليك يا البرلوم المنطط عينيك

وطبعاً في الخطريين البيقولوا ليك

على الحزب الفلاني الاعتذار لفلان
والشيوعيين عندهم تكتيك مستهدف بوستاتي


الواحد تلقاهوا يتمطى واقف علي امشاطوا عايز يبقى طويل
مع انو الطول والقصر دة حق ربنا

استهلال له ما بعده
ونعود

like


لحدي الان

عزيزي بشرى تحياتي وشكراً علي فتح هذا الموضوع الهام .......
يبدو ان الواحد عندما يتجرأ ويصف الاخرين بالكذب، يمكنه ان يتبوا بذلك موقعاً بين الصديقين والشهداء "ههههههه" وولذلك تلقاه عامل فيها ابوالصادقين وماهو بصادق .........وتلقاه يعمل فيها نظام نحن بنقول للاعور اعور في عينو .......وهو يشاهد الاعورين وواللقطاء الذين يدافعون عن الباطل ........ويرى المجرمين الحق ......وهو ساكت عنهم يساعدهم في التعرض للاخرين وازدراءهم ..........ظاناً بانه يخدم قضية الصدق .
فحينما يقول لك يابكري انت بتجيب النوعية دي من وين؟ تظن وكانك تقف امام محلل سياسي عريض المنكبين ..........وهو بذلك يظن انه ركب سرج المحللين السياسين وظل يبالغ في التظاهر بمظهر قاري حصيف للاحداث .........وحينما يقول بكري انت بتجيب النوعية دي من وين ، تظن انه من نوعية يتوسل لها بكري ابو بكر بالعضوية .........وبدونها سودانيز اون لاين مسيخ خالص .........
هؤلاء وعلاقتهم بالمؤتمر الوطني تذكرني اللقيط الذي يعترف به والده سراً فيمنحه المصاريف والابتسامة والكلمة الطيبة ، ولكنه يمنعه من كتابة اسمه .......لانه ابن غير شرعي بينما هو ابن بيولوجي يحمل كل قسمات والده .........فالمؤتمر الوطني يمدهم يكل اسباب الحياة ......من مال وملاطفة ولكنه يضن عليهم بالكتابة الصريحة باسمه .........فما اشبهم باللقطاء السياسين ؟

Quote: like لحدي الان

osama fadlalla

سلامات

أيوة كدة مظبوط كان ما فاطر ما تخاطر


تسلم يا الحبيب

Quote: برالمة المنبر: يا حليل زمن الجوز في البورد كان تلاتة فرد

الاخ بشرى ..سلام وتحيه.

اوعه يكون ادوك واحد من ابو تلاته..جوز ساموطي.

في "برالمه" زي ما بتقول يا "سنير" عندهم جوز مع الركبه. اوعه تكسر ركبه بس.

Quote: عزيزي بشرى تحياتي وشكراً علي فتح هذا الموضوع الهام ....... يبدو ان الواحد عندما يتجرأ ويصف الاخرين بالكذب، يمكنه ان يتبوا بذلك موقعاً بين الصديقين والشهداء "ههههههه" وولذلك تلقاه عامل فيها ابوالصادقين وماهو بصادق .........وتلقاه يعمل فيها نظام نحن بنقول للاعور اعور في عينو .......وهو يشاهد الاعورين وواللقطاء الذين يدافعون عن الباطل ........ويرى المجرمين الحق ......وهو ساكت عنهم يساعدهم في التعرض للاخرين وازدراءهم ..........ظاناً بانه يخدم قضية الصدق . فحينما يقول لك يابكري انت بتجيب النوعية دي من وين؟ تظن وكانك تقف امام محلل سياسي عريض المنكبين ..........وهو بذلك يظن انه ركب سرج المحللين السياسين وظل يبالغ في التظاهر بمظهر قاري حصيف للاحداث .........وحينما يقول بكري انت بتجيب النوعية دي من وين ، تظن انه من نوعية يتوسل لها بكري ابو بكر بالعضوية .........وبدونها سودانيز اون لاين مسيخ خالص ......... هؤلاء وعلاقتهم بالمؤتمر الوطني تذكرني اللقيط الذي يعترف به والده سراً فيمنحه المصاريف والابتسامة والكلمة الطيبة ، ولكنه يمنعه من كتابة اسمه .......لانه ابن غير شرعي بينما هو ابن بيولوجي يحمل كل قسمات والده .........فالمؤتمر الوطني يمدهم يكل اسباب الحياة ......من مال وملاطفة ولكنه يضن عليهم بالكتابة الصريحة باسمه .........فما اشبهم باللقطاء السياسين ؟

ابراهيم الرجل الهمام
دوماً تنشن نحو الحقيقة
وتصيب الهدف

سأعود للمداخلة بالتفصيل

الشيخ سيدأحمد
وعليكم السلام

Quote: الاخ بشرى ..سلام وتحيه. اوعه يكون ادوك واحد من ابو تلاته..جوز ساموطي. في "برالمه" زي ما بتقول يا "سنير" عندهم جوز مع الركبه. اوعه تكسر ركبه بس.

أنا ركبي حديد
الأهلي حديد

وتشكر على المرور

هذا زمن المهازل يا ابراهيم يا خوي

الواحد طظ من سبحان الله ما بيفرزهم
ويجي يتقمص شخصية الطيب صالح ويقول ليك الناس دي جات من وين
ويا بكري انت العينات بتجيبها من وين
يعني بكري بتغلبوا الحيلة انو يجيب ناس زي ديل
ما زي ما قدر يجيبك يا العشا ابو لبن جاب الناس دي
نفخة كضابة
وعدم ذوق
الواحد يحرجك ويجرحك عادي
ويمشي يضاحك بهناك زي الما عمل شيئ
أها وفي ناس يقعدو يصفقوا ليهو كمان
هو لو ما بكري
ومجايب بكري
انتوا يا خلق الله كان في زول حيقرأ العباطات البتكتبوا فيها دي

تخيل زول ما مؤاخذ يجي يشتم ليك زول بي عدم عرفة
ويجو الما مؤاخذين التانيين
يعزفوا ليهو في دلوكة الورل
وهو يقعد ينقز فيها

وهاك يا شفتنة
ونحن المقددين البورد
نقعد نقوم على كيفنا

ويلا الوشوش الخدرا تنزل هبطرش
دليل على انو الواحد طربان وجذلان
ومستمتع بعدم عرفتو

Quote: تخيل زول ما مؤاخذ يجي يشتم ليك زول بي عدم عرفة ويجو الما مؤاخذين التانيين يعزفوا ليهو في دلوكة الورل

حبيبنا بشري سلامات عساك فاين والاسرة الكريمه
وبما نحن من البرالمه في البورد اخذنا نصيبنا من التطقش
ما اتحسسنا بس قلنا الما بعرفك اجهلك
الواحد فينا قرب البس جلابية ((محمد أحمد محجوب)) في حكاية لا ناقه لنا فيها ولا جمل جاتني لطشه من زوله في تعبير الزول ده راميهو ياتو جمل
لحسن حظي المفترع كان مشتت والزوله لطاشاتها للبرالمه الفي المفترع متباعده كراع في بدايتو وكراع في نهايتو من حسن حظي وقعت في النص
وأهو بنراقب في الحاصل الي ان يجود علينا الكريم بالاقدميه.

الشريف عباس الدسيس

سلامات يا أمير

Quote: لواحد فينا قرب البس جلابية ((محمد أحمد محجوب)) في حكاية لا ناقه لنا فيها ولا جمل جاتني لطشه من زوله في تعبير الزول ده راميهو ياتو جمل لحسن حظي المفترع كان مشتت والزوله لطاشاتها للبرالمه الفي المفترع متباعده كراع في بدايتو وكراع في نهايتو من حسن حظي وقعت في النص وأهو بنراقب في الحاصل الي ان يجود علينا الكريم بالاقدميه.

ياخي ديل لو ما سودانيز اونلاين دي
ما كان الواحد فيهم هسي بيمثل دور احدهم في فيلم السودان الهندي دة

يا الشريف اقدمية شنو
عضوية المنبر كان هي بالشطارة ولا المؤهلات في ناس كتار ما حينالوها
خصوصاً القدام الكانو ما محتاجين زول يزكيهم ديل

بشرى محمد حامد...صديقي الاول..مشتاقين يا مان (لو عرف المنبر بسمح) ...(برلومك على الزين)..

الاخ بشرى محمد حامد ..
لك التحية ..
فقد ناقشت موضوعاً يبدو من الاشياء الصغيرة ولكنها كبيرة.. ولتجد مثالاً حياً لفكرة البوست أدعوك لمراجعة رابط البوست ادناه ..
أكرر التحية والاحترام
عندما يتطاول القصار .. يكون الرد هكذا

Quote: يبدو ان الواحد عندما يتجرأ ويصف الاخرين بالكذب، يمكنه ان يتبوا بذلك موقعاً بين الصديقين والشهداء "ههههههه" وولذلك تلقاه عامل فيها ابوالصادقين وماهو بصادق .........وتلقاه يعمل فيها نظام نحن بنقول للاعور اعور في عينو .......وهو يشاهد الاعورين وواللقطاء الذين يدافعون عن الباطل ........ويرى المجرمين الحق ......وهو ساكت عنهم يساعدهم في التعرض للاخرين وازدراءهم ..........ظاناً بانه يخدم قضية الصدق . فحينما يقول لك يابكري انت بتجيب النوعية دي من وين؟ تظن وكانك تقف امام محلل سياسي عريض المنكبين ..........وهو بذلك يظن انه ركب سرج المحللين السياسين وظل يبالغ في التظاهر بمظهر قاري حصيف للاحداث .........وحينما يقول بكري انت بتجيب النوعية دي من وين ، تظن انه من نوعية يتوسل لها بكري ابو بكر بالعضوية .........وبدونها سودانيز اون لاين مسيخ خالص ......... هؤلاء وعلاقتهم بالمؤتمر الوطني تذكرني اللقيط الذي يعترف به والده سراً فيمنحه المصاريف والابتسامة والكلمة الطيبة ، ولكنه يمنعه من كتابة اسمه .......لانه ابن غير شرعي بينما هو ابن بيولوجي يحمل كل قسمات والده .........فالمؤتمر الوطني يمدهم يكل اسباب الحياة ......من مال وملاطفة ولكنه يضن عليهم بالكتابة الصريحة باسمه .........فما اشبهم باللقطاء السياسين ؟

نسيت الحزب اللي زعامتو مدى الحياة ... يعني الراجي رئاسة إلا إقتل الزعيم .... أو إنتظر أمر الله
الحزب اللي من تأسيسه قبل حوالي الـ80 سنة تقريباً عقد 5 مؤتمرات و حكمة الله آخرها الخامس في قاعة الصداقة في عهد
عصابة المؤتمر الوطني أها اللقطاء منو ......

أب سن بضحك على أب سنينتين ....




.

لايك

لحدي النهاية

لكم جميعاً أصدق التحايا
وسأعود لكم بالتفصيل

Quote: بشرى محمد حامد...صديقي الاول..مشتاقين يا مان (لو عرف المنبر بسمح) ...(برلومك على الزين)..

علي الزين يا راجل يا زين
كيفك يا الحبيب

شفت كيفن الراسمالية وعمايلها
بالله المولد بتاع الانترنت وسودانيس اونلاين دة فاتنا ساكت
والنضال يبدأ من هنا
وبالثقافة الجديدة احتسب عمرك الروحتوا في السكسك والمطاردات والمعتقلات
وأحمد ربك انو بكري حنا عليك بالباسويرد في وطن من لا وطن له

شوقنا كتير والله

Quote: لاخ بشرى محمد حامد .. لك التحية .. فقد ناقشت موضوعاً يبدو من الاشياء الصغيرة ولكنها كبيرة.. ولتجد مثالاً حياً لفكرة البوست أدعوك لمراجعة رابط البوست ادناه .. أكرر التحية والاحترام عندما يتطاول القصار .. يكون الرد هكذا

الأستاذة المحترمة جداً احسان عبدالعزيز
بالله دي ما من سخريات القدر
انو غريبة يشتم ياسر عرمان
يعني هسي اليفرح منو

غريبة دة هسي ما مفروض يكون فرحان وبنطط كمان انو حضرتك كتبتي عن هبالاتو
واجدادنا القدماء الجو يتمسخروا ديل ما في زول فيهم يهدي التاني

طبعاً البوست دة هو رجع صدى للبوست بتاعك الاتفضلتي وجبتي الرابط بتاعو
مع اني ما قدرت أكمل قرايتوا لأنو للأسف الضغط والسكري ربنا ما يبتليك بيهم بيتطلبوا من الواحد يعمل حسابو
خاصة في عمرنا دة
طبعاً أنا وأخوي الكاشف علي الزين الفوق دة

شرفتيني جداً بحضورك الأنيق في هذا الخيط وأطمع في أن تكوني قريبة
تشكري

الأخ Abuhussein

تشكر يا ملك على تفضلك بالمرور والتوقيع
والكلام عام لم نخصصه لأحد ولكنه استنكار فقط لفكرة البرولوم والسنير
والضحك في خلق الله واستخدام الوشوش الخدرا من غير سبب

Quote: نسيت الحزب اللي زعامتو مدى الحياة ... يعني الراجي رئاسة إلا إقتل الزعيم .... أو إنتظر أمر الله الحزب اللي من تأسيسه قبل حوالي الـ80 سنة تقريباً عقد 5 مؤتمرات و حكمة الله آخرها الخامس في قاعة الصداقة في عهد عصابة المؤتمر الوطني أها اللقطاء منو ...... أب سن بضحك على أب سنينتين ....

يعني هسي يا ملك الاسبوطنق دة لازم يترشى في كل مقام، الحزب دة تطير عيشتو
غايتو الوش الأخدر اب سنينتين دة عامل شغل ما بطال
بالمناسبة الوش الأخدر دة بعملوا كيفن

تسلم يا ملك وما تشوف شر

Quote: لايك لحدي النهاية

وتحياتنا يا أمير لغاية النهاية





طبعاً ملك دي ما ممكن تتقال لي برلوم

شكراً جزيلاً

في بوست افترعو الأخ الأمين البشاري على الرابط

قدســـية الكتابة في ســـودانيز اونلاين!

وهو يناقش نفس القضية وكنت قد اعتزمت أن نستصحب هذا البوست ونواصل الحوار في بوست الأخ الأمين البشاري حتى لا نشتت المتحاورين ونعذبهم بالمساسقة
لكن لا ضير من انو يمشو البوستين مع بعض
فهنا رابط البوست الآخر وقد وضعت رابط هذا البوست في ذلك البوست ايضاً حتى يتسنى للجميع المشاركة في الاتجاهين


غايتو فكرة برالمة دي عجيبة خالس
بتذكر انو في واحد كان بتكلم معاي بكل جدية بعد توافد عدد كبير من السودانيين لأستراليا وبقول لي ياخي البلد اتملت سودانيين
بل وفي واحد هنا في المنبر دة قال انو استراليا الجميلة اتملت بالحسكنيت والضريسة طبعاً كان قاصدني وقاصد السودانيين عموماً
كأنوا استراليا دي ورثها كابر عن كابر
وبرضو كان جادي

يا ربي المنبر دة بكري ملكوا لمنو

العجيب انو الناس التفتت للبرالمة في الوقت ده بالذات !!
وفتحت بوستات عديدة بذات الخصوص ولذات الموضوع ولذات الشخوص ..
وما عارف ابدا ليك من وين لكن !!!..
لكني دي شوية "سعبة" ..

صدقني اول يوم جيت المنبر ده فتحت ليك بوست عشان الناس ترحب بي ..
وكان الحبيب معاوية عبيد هو اول المهنئين له التحية والتقدير ..
رغم مناكفاتي له فهو شخص محبب ومقدر عندي ..
وصدقني يا بشرى الواحد حس بالإنتماء في لحظتا ..
كمية من المرحبين والمهنئين والمحذرين ..
المحذرين ديل قالو لي اختى ود الصائم وعوجبة ما بتجيك ..
وما اخفي عليك انا لسة بحس اني برلوم مع عمالقة وحكماء البورد ..
بس اللعب مع الكبار شرف لا يداينه شرف ..
وانك تكتب في منبر سوانيز اونلاين ده زي ما قال اخونا عادل الباهي ..
انت بتلعب في الدوري الممتاز ..

ولما كنا صغار .. لما الواحد يستحمى بالطشت في البرد الشديد داك ..
اول حاجة بيدخل اصابع رجليهو ويشوف الموية دافية ولا باردة ..
وبعدين تووووش يدخل ليك في الطشت بكل حواسو ..

البرالمة هنا الواحد يدخل ليك طوالي "كوماج" وما ينتظر الناس زاتا تعرفو كويس..
وتلقاهو مفتكر نفسو في سوق "ام دفسو" ويقعد يعافر ليك البورد ..
وهوبا .. يجوك ناس الكلس ويطينو عيشتو ..
ويشبكوهو ليك "هيااااااا البرلووووم "
" ودي جا ناطي من وين "

عشان كدة نصيحتي للبرالمة ..
"اعرف موطأ قدمك .. وتقدم في ثبات " ..
واهم حاجة انك تفهم نفسيات الناس هنا ..
كل بوردابي هنا له احترمه وتقديره وله مزاجيته ..
واوعك والفرفرة من البداية عشان الناس ما تشمك ..
ورغم نصيحتي استعير الخلاصة من اخونا الأمين البشاري .

Quote: الخلاصة لا وصاية على احد فيما يكتب طالما امتلكت الباسويرد فأكتب ما شئت ملتزماً بأدب الكتابة والخطابة وبمعايير الاخلاق والمثل والعادات والتقاليد وأهم من ديل كلهم تقيّد بقوانين بكري للمنبر العام

الاخ/ بشرى
سلام يا زول انته نسيت الربيع العربى والله شنو داير تجيبه لينا فى المنبر
وفعلا حليل الزمن الجميل متى غاب احد عضوية البورد تحولت البوستات الى خطابات تسئل عنه وان مرض اصبحت الحروف تدعوا له بالشفاء وفى فقد عزيز لديه كلمات البورداب خير معين فى محنته دلفنا للمنبر ايام كان حر وعاصرناه عام وصدقنى لو خيرونى ما بين الحر والعام لاخترت الحر فالجميع كان احرار واصحاب ملك ولا ينفى هذا وجود بعض البرالمة الجايين جاهزين وحررين ان صح التعبير ولكن المنبر العام اصبحت ايادى الانقاذ تهدمه عبر وللوج بعض منسوبيهم سواء كان عبر التزكية التى لم نعرفها قديما
تحياتى