من الآخر خالص..المريخ طاير طاير

أو هكذا تقول "الحسكنة" الماسكاني دي..

وحا نقبل هدف مبكر..

ونقعد نلاوي في التعادل الذي لن يتحقق إلا بخراج الروح..

ويا دار ما دخلك شر..

..

.

لا أتفق معاك...تحياتى.....

الله يكضب حسكنتك أخى محمود لك التحية.

Quote: أو هكذا تقول "الحسكنة" الماسكاني دي.. وحا نقبل هدف مبكر.. ونقعد نلاوي في التعادل الذي لن يتحقق إلا بخراج الروح.. ويا دار ما دخلك شر..

يا محمود...

حسكنتك دي ذكرتني بي حسكنة حمودي...

قبل أكتر من تلاتة شهور من عيد ميلادو كنا لافين في مجمع
تجاري فيه لعبة ...مشوا شافوها سرا هو واختو الاكبر منه
ولما كان هو أمي لا يقرأ ولا يكتب...إستعان بي اختو عشان
تعرف ليه سعر اللعبة عشان يجي راجع سيادتو يشيل تمنها
أختو فاجأتو بان اللعبة دي غالية جدا جدا...وما شغالة
زاتو...حاولت تدهدهو وهو لعابو سايل... أها رجع بخفي
حنين وقنع...لكنو ما قنعا نهائي ...تراهو زي حالتك دي
بل قنع من خيرا فيها...
في عيد ميلادو مشيت اشتريتا ليه وهو كان عارف اسمها
ولفيتا بي ورق كتيييير...كلما يفتح لفة يلقي لفة

لامن قررررب يصل لي النهاية قال لي دي اللعبة القالوا
خربانة؟؟؟
قلت ليه نعم..

الغالية؟؟

نعم..

وهو يفتح...قرررب يقول لي وفيصل العجب لاعب؟؟؟

لما فتحا قال لي آية قالت لي اللعبة طارت
من المحل...

انت لقيتا وين؟؟؟

يا زول اطمئن المريخ الي النهائي...زي ما حمودي
لقي مرادو انتو بتلقوا الفي مرادكم...بس ما
ترجفوا بي طريقة (تأتي الرياح بما لا تشتهي السفن)
بدون رياح...فالفريق دا حمام ميت ...بالنسبة للمريخ

ايى حسكنة يا محمود ؟!!
ياخى ما تبوظ اعصابنا ياخى ..
أهو الحسكنة مسكتنا كلنا ..
كده كويس ؟؟

حاجتين مهمات جدا ..
أولا العجب
يلعبو لينا العجب من البداية ويخلو لينا واحد من الدراويش بتاعين النص فى الكنبه ..
تانيا العجب يكون فى يومو ..
وهو دايما بكون عند حسن الظن فى المواعيد الكبيرة ..

Quote: من الآخر خالص..المريخ طاير طاير

لا أظن ذلك أخ محمود
أصلو هو الهلال ؟؟؟
فالهلال قد حدثت له قبل كده مرات

إسماعيل ونزار ومحمد المشرف ومحمد الرفاعي...

آمنتوا بالحسكنة ولا لسه مؤملين ليكم في تأهل...؟؟؟

كل سنة وإنتو نفس السراب..

..

.