** أقرع ونزهى!!!!

ذكر الريس المريض فى مخاطبته لبعض السودانيين فى السفارة السودانية بالرياض التالى:

Quote: أيضا تابعتم الهجوم الإسرائيلي على مجمع اليرموك. طبعا ناس كثير إتساءلوا كيف طائرات إسرائيل تتسلل من البحر الأحمر حتى تصل الخرطوم دون الناس يتعرضوا لها؟ أنا عايز أقول نحن إذا كان عايزين نمنع الحدث دا عندنا خيارين واحد من خياراتنا انو نمشي في إطار التطبيع مع إسرائيل ونتعاون معها سياسيا وعسكريا وامنيا، ودا بالنسبة لنا خط أحمر .. وإسرائيل هي العدو الصهيوني وستظل إسرائيل هي العدو ونحن أصلا ما بنخاطب إسرائيل إلا بـ(العدو الصهيوني). الخيار الثاني أنو نملك القدرة في إنو نرد نفس الضربة بنفس المستوى وأنا أقول دا مستحيل لكن عايز مننا جهد كبير بإمكانيات كبيرة ومقدرات عالية نحن إن شاء الله ساعين نمتلكها عشان نرد الضربة بالضربة إن شاء الله .. الناس يقولوا ليه ما نعمل دفاع جوي فعال يمنع مثل هذا الاختراق, بكل أسف إسرائيل الآن تمتلك أحدث تقنية عسكرية موجودة في العالم وهي أحدث من التقنيات المستخدمة في أمريكا لأنهم بجيبو المعدات من أمريكا يضيفوا لها من عندهم . نحن كنا نعلم انو أمريكا لديها طيارة اسمها الشبح والطيارة دي ما في رادار في الدنيا يلتقطها وإذا الرادار ما التقط الطيارة معناه الدفاع الجوى ما عندو طريقة يتعامل معها . فالطائرات الغارت على الخرطوم وضربت المجمع هي طيارات اف 15 , ومعروفة طيارات أمريكية مستخدمة من قديم لكن أضافوا لها تقنية جديدة إنو ما في رادار يلتقطها , حتى الرادارات الموجودة في جبيوتي والقاعدة الأمريكية والقاعدة الفرنسية ما استطاعت أن تلتقط هذه الطيارات .. وهذه تقنية عالية جدا لكن ضربونا الليلة وضربونا بكرة وبعد بكرة ستظل إسرائيل بالنسبة لنا هي العدو . وأقول شكرا لكم جزيلا والسلام عليكم.

بالله ياريس فى زول عاقل ومسئول يقول كلام فضيحة وكارثى زى دة؟؟

ومن منو؟!! من اكبر مسئول فى الحكومة..قال رئيس جمهورية السودان !

طيب ياريس وكتين انت عارف انك مستحيل تصل لمستوى التقنية البتؤهلك لكشف الطائرات التى تهاجم بلادك وتستبيح سيادتك،

Quote: . نحن كنا نعلم انو أمريكا لديها طيارة اسمها الشبح والطيارة دي ما في رادار في الدنيا يلتقطها وإذا الرادار ما التقط الطيارة معناه الدفاع الجوى ما عندو طريقة يتعامل معها . فالطائرات الغارت على الخرطوم وضربت المجمع هي طيارات اف 15 , ومعروفة طيارات أمريكية مستخدمة من قديم لكن أضافوا لها تقنية جديدة إنو ما في رادار يلتقطها , حتى الرادارات الموجودة في جبيوتي والقاعدة الأمريكية والقاعدة الفرنسية ما استطاعت أن تلتقط هذه الطيارات .

لزومها شنو التصريحات الفارغة والعنتريات الفشنك والتى ستؤذى السودان وستجعل اسرائيل ( الصهيونية) تضحك ملء فيها وترسل لكم مزيدا من الطائرات الشبح!!

Quote: .. وهذه تقنية عالية جدا لكن ضربونا الليلة وضربونا بكرة وبعد بكرة ستظل إسرائيل بالنسبة لنا هي العدو .

فعلا أقرع ونزهى زى ماقال المثل!

ولا يكون دة تاثير البنج ياربى!!

فرجاءا ياسعادة السفير امنعوا الريس من الخطابة فى السفارة امتثالا لنصائح الأطباء ،

وحفاظا على البقية الباقية من كرامة الشعب الفضل،،،

مع ملاحظة أن نتيجة العينة التى أخذت من حلق الريس ستظهر نتيجتها غدا حسب تصريحات أخو الريس د. عبدالله حسن احمد البشير، وربنا يجيب العواقب سليمة.

Quote: قال عبدالله حسن البشير شقيق الرئيس السوداني عمر حسن البشير ان المشاكل التي يعاني منها شقيقه ربما تكون نتيجة ورم حميد في حلقه. وقال عبد الله حسن ، وهو طبيب ، في تصريح لتلفزيون النيل الازرق انهم يترقبون ظهور نتيجة فحص عينة الانسجة للرئيس السوداني التي ستؤكد طبيعة الورم غدا السبت لمزيد من الاطمئنان. ومن المقرر ان تظهر نتيجة فحص العينة غد السبت ، بحسب صحيفة" سودان تربيون".

تحياتى

يا دكتورة

اهلنا بقولوا الحداث ما سوايى

وديل غير الجعجعة فى الفاضى والكذب ماعندهم شى

علشان كده ربنا حا يعاقبن فى الدنيا قبل الاخرة
بس يديها ليهم فى حلاقيمن البجعجعوا بيها دى

فالطائرات الغارت على الخرطوم وضربت المجمع هي طيارات اف 15 , ومعروفة طيارات أمريكية مستخدمة من قديم لكن أضافوا لها تقنية جديدة إنو ما في رادار يلتقطها , حتى الرادارات الموجودة في جبيوتي والقاعدة الأمريكية والقاعدة الفرنسية ما استطاعت أن تلتقط هذه الطيارات .. وهذه تقنية عالية جدا لكن ضربونا الليلة وضربونا بكرة وبعد بكرة ستظل إسرائيل بالنسبة لنا هي العدو .
________________________________________________________________________

الأخوات مهيرة ووضاحة سلام

يا جماعة البشير تكلم بكل وضوح وصراحة وهذه هي الحقيقة ... أنا شخصياً ما شايفه أقرع ونزهي ... اسرائيل هي أقوى دولة في الشرق الأوسط وتستطيع أن تدمر كل الدفاعات والقواعد الجوية في العالم العربي لوحدها دون مساعدة من الأمريكان والأوروبيين ... ولعلمكما اسرائيل ستدمر في القريب العاجل المفاعلات النووية الإيرانية لأن خطة الهجوم على ايران جاهزة وطائرات اف 16 تسلحت بالصواريخ والقنابل فهي جاهزة للإقلاع في أي لحظة ... بل الطيارين جاهزين وكل واحد عارف أهدافه التي سيهاجمها .... يا ناس السودان وين واسرائيل وين!!

تحيات أخوكما ودهارون

http://www.liveleak.com/view?i=b5a79a516c

كدي شوفن الفيديو دا ... طائرة اف 15 تستطيع الهبوط بجناح واحد ...

تحياتي

تسلم ياودهارون اخوى

وجمعتك مباركة

فعلا البشير اتكلم بصراحة وقال الحقيقة وهى انهم ماعندهم قدرة لصد الطائرات الاسرائيلية

ولا حتكون عندهم قدرة لامتلاك التقنيات الاسرائيلية، اها دة القرع

وبعد دة قال : اسرائيل دى عدونا وماحنخليها

عارف ، كلامه دة ذكرنى بالشافع لمن يدقوه ويقعد يبكى ويتنخج ، ووسط البكاء والدموع يقول : آآآآآى بسوى وبسوى ، ويدردق فى الواطة!!

تحياتى

تسلمى ياوضاحة بتى

أهلك بقولوا : ( السواى ما حداس )

لكن بعد الحصل دة ،لا سواة ولا حديس

Quote: علشان كده ربنا حا يعاقبن فى الدنيا قبل الاخرة بس يديها ليهم فى حلاقيمن البجعجعوا بيها دى

تحياتى

Quote: حتى الرادارات الموجودة في جبيوتي والقاعدة الأمريكية والقاعدة الفرنسية ما استطاعت أن تلتقط هذه الطيارات .

مهيرة

أزيك وكل سنة وأنت طيبة
أنا غايتو المقتبس الفوق دا اصلو ما اتبلع لي كلو كلو
في زول يتخفى من نفســـه؟
قال شنو حتى الرادارات الفي جيبوتي ما التقطت الطائرات
أها قول التقطوهم يعني عايزين اقولوا ليك اسرائيل جاءتك؟

غايتو الطب اتطور شديد....... والله صحي

Quote: أها قول التقطوهم يعني عايزين اقولوا ليك اسرائيل جاءتك؟

((لزومها شنو التصريحات الفارغة والعنتريات الفشنك والتى ستؤذى السودان وستجعل اسرائيل ( الصهيونية) تضحك ملء فيها وترسل لكم مزيدا من الطائرات الشبح!! ))


!!!!!?????