هام ...وعاجل ....لبورداب الداخل ...!!!!

بعد البسملة و الصلاة على أفضل الخلق ... والتسليم ...
نقترح .... وتفعيلاً لهذه الطاقات ... أن نفترع مشروع فكري
واقترح مبدئياً له بيت الفنون ... كنشاط شهري ثابت
ندوة ...مسرحي ...غناء ... إلخ ...وفق برنامج سنوي
12 منشط فقط تنقلنا خطوة نحو بورد اكثر فعالية
اها شنو ليكم ...

ويمكن كضربة بداية ان نبدأ في بداية 2013
فلنسميه مثلا ... منتدى سودانيز اونلاين الشهري

شئ جميل اذا تم الاعداد له بجدية و بعيدا عن الشخصنة
و التي ذهبت بكل مشروع جميل للبورداب مدارج الرياح


لانجاح هذا المشروع اعتبروه مش بتاع احمد موسي


_________________________________________

مولانا افتكر ما قصرنا معاك
و ما بالضروري نكون متفقين معاك في كل شئ
لكن اقتراحك اراه شئ جميل

مقترح ممتاز نثني

استاذ احمد ازيك ..
انا ما داير احبطك .. لكن بورداب الخرطوم ككيان و تجمع اخوى يطراهو الله بالخير .
نعم كانوا و كانوا و كانوا و نشهد لهم بكل ما يرفع الرأس لكن .. و اه من لكن ..
عندما تمت الدعوة عقب عيد الاضحى الاخير لتجمع البورداب للمعايدة ببيت الفنون كنت انت من الحاضرين ..
و كنت من المتحسرين لضاَلة العدد و محدوديته ..
زعمان لاقل مناسبة و الدعوة شاى عند حليوة يمتلئ الشارع و يفيض ..
السبب شنو يا ربى .. غايتو من اولاد المسلمى قبلوا على قندهار القصة ما لفقت ..
كدى اتفرج فى تجمع البورداب للمعايدة عيد الاضحى ( الاول امس ده ) و ضيف لى ديل شخصى و ناذر الخليفة ..

اقتراح جميل جداً
والاخ عضو البورد الاستاذ طارق الامين معروف بكرمه الفياض في بيته (بيت الفنون) ومع هذا انا متبرع بتكلفة استضافة المنتدي الاول

شكرا يا أحمد موسى ..

بضيف للأقتراح أن يكون مكان المنتدى دوريا ما بين بيت الفنون في بحري وأي مكانين تانيين في الخرطوم وأمدرمان ..

سلام يا افوكاتو
فكرة زي التان تان طبعاً
خليك عملي طوالي ابدأ القصة بلجنة لإدارة القصة دي مثلاُ :- ناذر مسؤل من البرنامجي الغنائي
و أنت مسوؤل من البرنامج المسرحي و محمد أبو جودة مسوؤل من برنامج الندوات (ثقافية أو فكرية)
و طارق الأمين مشرف عام و مخرج للفعاليات اوعك تزيد من الناس ديل عشان ما يحصل تكل .
صدقني القصة دي صعبه بس في الفعالات الأولى لكن بعد تلاته فعاليات بتجيب حقها .

نحنا طبعاً ناس جمهور و نضمي و محاججه و نقاش سااااي

يا أستاذأحمد
أقتراح رأئع جدا وعليه سوف أقدم أول ورقة عن الاقتصاد السوداني خلال العقدين الماضيين ويمكن أن ندعو أو يدعو المنتدي من يري من المتخصصين
ويكون تاريخ الندوة في ارابع عشر من الشهر الجاري

عشان نكون جادين نبدأ طولي التحضير من الان

اها دي ندوة جهزت تب

تمام يا ابو الزهور
الندوات الثقافية دي عندي ليها بعض
الافكار ممكن تزبطه شديد كدي زبط مسؤليته
لابو جودة بعد داك بنسلموا الافكار .

سلام
سيد البيت
وبورداب الخرطوم


المهم،،،،،،
شايفة في حماس ومقترحات
وكدة
من حيث المبدأ كلام جميل

لكن.......
ما دايرة اكون زول محبط



الشيء البعرفه الناس عشان تعمل "كيان" مندت تجمع اتحاد ايا كان اسمه ثقافي اجتماعي سياسي
اي شي..........
لا بد من
انه يكون في
اهداف استراتيحية او اهداف عامة
ومن خلال يتم وضع خطط وبرامج
تترجم لانشطة
ندوة
محاضرة سمنار
حفل غنائي

عشان يكون في رسالة ما
الناس عاوزة تقدمها
للحضور او المستفيدين/ات

المهم....... الكلام القالو سفيان دي كويس بيدي مؤشرات
ما بطالة
لشكل الحاجات.....
المهم راي
ممكن تتجاهلوه عادي وحاتكم تنجح
ونحن نقوم نخطط ونجي نحضر
اها كان دايرين تسووها زي اي حاجة من حاجات السودان
يعي فجاة................
برضو راي
............ وممكن تنجح



تحياتي
صفية




خارج النص:
تختلف الحقيقة من شخص لاخر، باختلاف الزاوية التي ينظر من خلالها

للمزيد من النقاشات