Post: #1
Title: تعديل وزاري وشيك ...
Author: omer osman
Date: 11-08-2012, 10:29 AM
Parent: #0
تعديل وزاري وشيك
مانشيت صجيفة المجهر السياسي 8 نوفمبر 2012م
|
Post: #2
Title: Re: تعديل وزاري وشيك ...
Author: omer osman
Date: 11-08-2012, 10:30 AM
Parent: #1
يشمل وزارات الخارجية ، التجارة ، الزراعة ، الارشاد والاوقاف ، الشباب والرياضة
|
Post: #3
Title: Re: تعديل وزاري وشيك ...
Author: omer osman
Date: 11-08-2012, 10:34 AM
Parent: #2
غندور للخارجية وكرتي يذهب لوزارة العدل
إعفاء عثمان عمر الشريف وتعيين احد قيادات الاتحادي الاصل
وزير الشباب والرياضة الفاتح تاج السر يذهب لوزارة الارشاد والاوقاف
ايلولة وزارة الشباب والرياضة لحزب الامة الفيدرالي وتعيين عبدالحفيظ عبدالرحيم
اعفاء المتعافي من الزراعة وتعيين عبدالجبار حسين عثمان
|
Post: #4
Title: Re: تعديل وزاري وشيك ...
Author: omer osman
Date: 11-08-2012, 10:37 AM
Parent: #3
على ان يعلن التعديل غداة عودة الرئيس من رحلته العلاجية ........
الخبر على ذمة صحيفة المجهر السياسي من مصادرها الخاصة ..........
|
Post: #5
Title: Re: تعديل وزاري وشيك ...
Author: حيدر حسن ميرغني
Date: 11-08-2012, 10:37 AM
Parent: #3
يعني نفس الفيلم القديم حايدور تاني
والتغيرات مفادها ان الامور تمام
|
Post: #9
Title: Re: تعديل وزاري وشيك ...
Author: omer osman
Date: 11-08-2012, 10:51 AM
Parent: #5
Quote: يعني نفس الفيلم القديم حايدور تاني
والتغيرات مفادها ان الامور تمام |
حيكومات تجي وحيكومات تغور .......
|
Post: #6
Title: Re: تعديل وزاري وشيك ...
Author: omer osman
Date: 11-08-2012, 10:40 AM
Parent: #3
| Quote: إعفاء عثمان عمر الشريف وتعيين احد قيادات الاتحادي الاصل |
قيادي شاب مابنفع ، البدل جاهزة ونمرة 2 من شارع النيل ما بعيدة المافي شنو 
وبكري يرفع ليكم البوست فووووق (عاجل ... بوردابي وزيراً للتجارة)
|
Post: #7
Title: Re: تعديل وزاري وشيك ...
Author: أيمن الطيب
Date: 11-08-2012, 10:44 AM
Parent: #6
يا بوليس!!| Quote: وبكري يرفع ليكم البوست فووووق (عاجل ... بوردابي وزيراً للتجارة) |
أكيد ما قاصد !!!
|
Post: #10
Title: Re: تعديل وزاري وشيك ...
Author: omer osman
Date: 11-08-2012, 10:53 AM
Parent: #7
Quote: يا بوليس!!
Quote: وبكري يرفع ليكم البوست فووووق (عاجل ... بوردابي وزيراً للتجارة)
أكيد ما قاصد !!! |
مالك يا ايمن ما عاوز تدخل ليك عربية مستعملة للسودان !! هههههههه
|
Post: #8
Title: Re: تعديل وزاري وشيك ...
Author: البحيراوي
Date: 11-08-2012, 10:46 AM
Parent: #6
| Quote: يشمل وزارات الخارجية ، التجارة ، الزراعة ، الارشاد والاوقاف ، الشباب والرياضة |
الأخ عمر عثمان
تحياتي - يا جنابو الجماعة ديل ما جابو سيرة وزارة الدفاع ؟
بحيراوي
|
Post: #11
Title: Re: تعديل وزاري وشيك ...
Author: omer osman
Date: 11-08-2012, 10:55 AM
Parent: #8
| Quote: تحياتي - يا جنابو الجماعة ديل ما جابو سيرة وزارة الدفاع ؟ |
دي خط احمر !!!
تحياتي بحيراوي .....
|
Post: #12
Title: Re: تعديل وزاري وشيك ...
Author: عزيز
Date: 11-08-2012, 11:01 AM
Parent: #8
جنابو
كل سنة وانت بكل الخير
والبركة فيكم ورحمة الله على الوالد
مثل هكذا تغيرات تضر أكثر من ان تفيد البلاد!!
من الأفضل أن يذهب هؤلاء الوزراء الى المعاش الحكومي ويعين وزراء جدد بدماء جديدة وشباب يعون طموح المرحلة وبإستطاعتهم التواصل مع العالم بالوسائط المعرفية لمعرفة كيفية تطور البلاد والعباد في العالم ليطبق ذلك ولو جزئياً بالسودان ولكن تغير الكراسي بذات الشخصيات وكأنهم قطع شطرنج فهذا يأخذ من الوزارة كثيراً حيث كل وزير يأتي وفي حقيبته رؤيته التي تنسف ما بدأه سلفه من مشاريع إن كانت فعلاً موجوده خطة لذلك..
ليس لدينا مؤسسات تخطط لإدارة البلاد عبر وزاراتها والوزير مجرد موظف تنفيذي ولكن!! الوزير هو من يضع برنامج الوزارة ويديرها كشركة تخصه وما أن يرحل يتركها عرضة لمن يخلفه ليديرها بذات الفكر والفهم والمنهج!!
يا إما يتركوهم كما هم في مواقعهم أو يبدلوهم بوزراء جدد متخصصين وأصحاب رؤى مادام المؤسسية غائبة لأن لكل وزير حاشية سيأخذها معه لوزراته الجديدة وسيخلخلون الهيكل الوظيفي إن وجد!!
كامل مودتي وإحترام
عبدالعزيز خطاب
|
Post: #18
Title: Re: تعديل وزاري وشيك ...
Author: omer osman
Date: 11-08-2012, 11:19 AM
Parent: #12
| Quote: من الأفضل أن يذهب هؤلاء الوزراء الى المعاش الحكومي ويعين وزراء جدد بدماء جديدة وشباب |
حتى هذه ياعبدالعزيز تراجع المؤتمر الوطني عنها فبعد ان دفع في تشكيل سابق بـــ (سناء حمد وحاج ماجد سوار) تراجع عن ذلك
|
Post: #13
Title: Re: تعديل وزاري وشيك ...
Author: osman righeem
Date: 11-08-2012, 11:01 AM
Parent: #8
| Quote: اعفاء المتعافي من الزراعة وتعيين عبدالجبار حسين عثمان |
اذا دا حصل يا جنابو
يكون الاتي
علي عثمان هو المخرج
ونافع جرب لحس الكوع
والناس التاجرت باليرموك
سوف يذهبو للاقامة خارج السودان
و جهاز الامن سوف يتم تشليعه
و عبد الباسط وعبدالله وعلي ورئيس المريخ حتلقاهم دائما في الصيدليات
وكتير من الضباط يرجعو الخدمة
ويحصل تعاون كبير بين جهز الامن و ال FBI وكل ملفات ايران وحماس و مرسي و العريان تروح علي واشنطن
وتاني ما حتشوف يافطه مكتوب عليها هنا يوجد نبق ايراني
|
Post: #14
Title: Re: تعديل وزاري وشيك ...
Author: أيمن الطيب
Date: 11-08-2012, 11:04 AM
Parent: #8
معقولة بس!!| Quote: مالك يا ايمن ما عاوز تدخل ليك عربية مستعملة للسودان !! هههههههه |
كماااااااان مستعملة !!
ياخ الجديدة لنج زيرو وبأكياسا وفل أبشن مالا عيبا لى!! بكلفك شنو يعنى غير توقيعك على الورق!!!
ياخ أقول ليك حاجة والله وزارة التجارة أحسن لينا بخصوص التصاديق والإعفاءآت يا جنابو!!!
هم حا يلقو أحسن منك وين...
ما محتاج ليك مدير مكتب؟؟؟
سكرتيرة نهئئئئئئئئئئئئئئئئئ
وكان ما مصدقنى أسأل الضابط العظيم...
|
Post: #15
Title: Re: تعديل وزاري وشيك ...
Author: محمد إبراهيم علي
Date: 11-08-2012, 11:08 AM
Parent: #8
| Quote: اعفاء المتعافي من الزراعة وتعيين عبدالجبار حسين عثمان |
انتصار النهضة الزراعية على المتعافي تقرأ جناح علي عثمان
المتعافي تحدى علي عثمان بالشكوى للرئيس فانتهز علي عثمان هذه الفرصة الذهبية وقذف به الى زنك اللحمة كي يعمل في مهنة اهله القديمة
كرتي واعادة تدويره تميهدا لذهابه الى سوق السجانة ليبيع الحديد والاسمنت وكترضية لمن حول البشير (بكري وعبد الرحيم)
غندور منفتح ومن الجناح البراغماتي في المؤتمر الوطني من رجال علي عثمان
ملامح ما بعد البشير : التصالح مع العالم وخصوصا الغرب والخليج
التسريب مقصود به افشال مخطط علي عثمان للسيطرة بعد البشير (احلق شنب ود القاضي كان اتنفذ )
|
Post: #16
Title: Re: تعديل وزاري وشيك ...
Author: Al Sunda
Date: 11-08-2012, 11:14 AM
Parent: #15
| Quote: لتسريب مقصود به افشال مخطط علي عثمان للسيطرة بعد البشير (احلق شنب ود القاضي كان اتنفذ ) |
ولكن صاحب المجهر (الهندي) هو المجاهر وصاحب الصوت الاعلى في مجيء على عثمان للرئاسة
يا باشمهندس
وكانك تحسبه (الهندي) م.ن
|
Post: #17
Title: Re: تعديل وزاري وشيك ...
Author: omer osman
Date: 11-08-2012, 11:16 AM
Parent: #15
الاعزاء عثمان رغيم ومحمد ابراهيم علي
مشكورين للمشاركة بس ترانا بورداب داخل وورانا كوم عيال ما بنخش في التفاصيل
قالوا (الشيطان في التفاصيل)
|
Post: #19
Title: Re: تعديل وزاري وشيك ...
Author: محمد إبراهيم علي
Date: 11-08-2012, 11:30 AM
Parent: #17
| Quote: وتاني ما حتشوف يافطه مكتوب عليها هنا يوجد نبق ايراني |
دي الخسارة الكبرى يا ابو رغيم
بس ناسنا ديل يكونو وطنو العبري ده زي ما بسموهو في السعودية ديل يهود
عمر عثمان : تمشي الليلة تصلي المغرب مع مولانا وتكرب العمة باقي انا عندي كورولا 2008 داير ادخلها (كدة بعفيك من العشاء الفوتني ليهو ) :)
|
Post: #20
Title: Re: تعديل وزاري وشيك ...
Author: إسماعيل التاج
Date: 11-08-2012, 12:33 PM
Parent: #19
| Quote: ملامح ما بعد البشير : التصالح مع العالم وخصوصا الغرب والخليج |
ومتى يتصالحون مع الشعب السوداني؟
دا السؤال والمحك الحقيقي يا عزيزنا محمد إ. علي.
|
Post: #21
Title: Re: تعديل وزاري وشيك ...
Author: محمد إبراهيم علي
Date: 11-08-2012, 12:58 PM
Parent: #20
| Quote: ومتى يتصالحون مع الشعب السوداني؟ |
مش لما يشوفونا اول يا اسماعيل
الناس دي مشكلتهم شايفنها في الاول والاخير خارجية وفي رايهم ان المهدد الاول لسلطتهم هو الغرب
الشعب السوداني قاعد ساكت خاتي الخمسة فوق الاتنين والمعارضة بتتشاكل في ضلف وشايلة هم ولادة الغربة
النظام لن يلتفت لنا ويطلب مصالحتنا لو لم نلتفت لانفسنا ونتحرك ونطالب بحقوقنا
|
Post: #22
Title: Re: تعديل وزاري وشيك ...
Author: حيدر حسن ميرغني
Date: 11-08-2012, 01:07 PM
Parent: #21
أكيد الوزراء الحايطيرو ديل فرفرو هزَو ضنبهم مع الخيانة
والريس جاهو الشمار حاااار
وقال "احسن أشتتهم قبل ما يقابلوني في المطار ويكتلو قلبي"
|
|