نص قصيدة (كحلي بالأحمر) للشاعرة سلمي الحسن#

ح ألبس كحلي بالأحمر
وزي بدر التمام اظهر
ولابيكسرني هجرانك
ولابخليني اتبعتر
وما بحزن وأشيل هم بكرة
واندب حظي واتحسرّ
وبنجح في امتحان الريد
وفي كل الظروف بصبر
قوية وعارفا روحي جبل
وبفخر وديمة بتندر
واقول ليك
ان هويتني سعيد
وكان فارقت اتحسّر
وكان فارقت
الف سلامة
غيرك جاي خير اكتر
وليه ازعل عليهو الفات
اكيد والله هو البخسر
وما بترجّا واستجداكا
واصلاً زاتي ما بقدر
ولابتشكّا لابتبكّا
بصبر واقوا واتجبر
وأحلا وابقى زيّ الوردة
وألبس كحلي بالاحمر
.............................................................................

اهداء لصدقاء المنبر اللي طلبوا نص قصيدة (كحلي بالأحمر

حلوة يا أبو الزهراء

والله كان لبست خيش تكسر قبيله
وأخوك زي محروق الحاشي
يا حافظ اللهم أدم علينا نعمة النظر وتذوق الجمال

عيك يا بو الزهراء!!!
ما سألتك من جمال سلمى، عارفك ما بتصاحب الشينين هههههه
أنا قاصد إنو القصيدة حلوة
لكن بالصدفة كمان عرفنا إنو ستها حلوة

زهير سلام

هل القصيدة للشاعرة سلمى محمد الحسن من الدويم والتي ظهرت زماان في نجوم الغد

أخي جمال السنوسي
تحياتي
كيفك مع الغربة والله ياها ذاتا عرفتها ليقتك رهيب
لك كل الود

التحية للشاعرة سلمى

و الحكاية تبدو ذى فى عريس زاغ و لى طشة.. و العريس قالوا ما من ناس المنبر و لا بلبس نظارة و لا أول اسموا بال....

بعدين!! إنتوا العريس ده مالو بتاع زوغان كدة؟؟

شكرأ للشاعرة الموردابية دى..

الاخ أبوذر
تحياتي
في البداية السلام تفسيرك طلع بيش وما أظن الزول دا مننا
المهم شكرا علي المرور وما تنسي السلام هو بداية خير لينا وليك
لك كل الود