Post: #1
Title: موسي محمد احمد في ندوه سياسيه كبري بمدينه لندن الجمعه 9 نوفمبر
Author: اسامه سعيد
Date: 11-07-2012, 08:42 PM
Parent: #0
يقيم حزب مؤتمر البجا ندوه سياسيه كبري بمدينة لندن تحت عنوان مستقبل شرق السودان في ظل الوضع السياسي الراهن ويتشرف بدعوة كل قادة واعضاء التنظيمات السياسيه وجميع ابناء الشعب السوداني المقيمين في المملكه المتحده
الزمان الجمعه 9 نوفنمبر2012 في تمام الساعه السادسه مساء
المكان Alabrar hall
45crawford
London w1h
للاستعلام 07949062041
اعلام مؤتمر البجا
|
Post: #2
Title: Re: موسي محمد احمد في ندوه سياسيه كبري بمدينه لندن الجمعه 9 نوفمبر
Author: هاشم نوريت
Date: 11-07-2012, 09:20 PM
Parent: #1
ياريت تصوروها وترفعوها للنت سلامات اسامة
|
Post: #3
Title: Re: موسي محمد احمد في ندوه سياسيه كبري بمدينه لندن الجمعه 9 نوفمبر
Author: برير اسماعيل يوسف
Date: 11-08-2012, 00:59 AM
Parent: #2
يازول انت بصحك ندوة كبري لموسي محمد احمد عن مستقبل شرق السودان ... الله يثبت العقل ... حليل موسي يا حليل موسي ... حليل موسي في الرجال ...... يا جماعة ظاهرة الندوات المثيرة للاعصاب دي ربنا يحلنا منها... مريم الصادق في مانشستر و موسي في لندن ....مريم اخوها قاعد في القصر بعد ان كان قائدا لجيش الامة للتحرير و موسي قاعد في القصر كمستشار بدون شورة ...يا ناس الله يورينا فيكم يوم....
|
Post: #5
Title: Re: موسي محمد احمد في ندوه سياسيه كبري بمدينه لندن الجمعه 9 نوفمبر
Author: اسامه سعيد
Date: 11-08-2012, 11:37 AM
Parent: #3
الاخ برير سلام
اولا موسي قاتل نظام الانقاذ ثلاثة عشر عام وهو الا ن في القصر بموجب اتفاق سياسي زي ماكان سليمان حامد وياسر عرمان وفاروق ابوعيسي وغيرهم اعضاء في برلمان الانقاذ بموجب اتفاق سياسي ايضا
ثانيا تعال اسمع الندوه وقل ماتشاء وسوف تعرف ماكنت تجهله
ثالثا عندما تتحدث عن الاخرين يجب ان تتحدث عنهم باحترام وادب
|
Post: #4
Title: Re: موسي محمد احمد في ندوه سياسيه كبري بمدينه لندن الجمعه 9 نوفمبر
Author: اسامه سعيد
Date: 11-08-2012, 11:15 AM
Parent: #2
هاشم دبايوا
سوف يتم رفع الندوه علي النت لكي تتاح الفرصه للجميع لمعرفة ماسوف يقوله رئيس الحزب في الوضع السياسي الراهن ومستقبل شرق السودان علي خلفيه مقررات المؤتمر الثالث للحزب
|
Post: #6
Title: Re: موسي محمد احمد في ندوه سياسيه كبري بمدينه لندن الجمعه 9 نوفمبر
Author: saif massad ali
Date: 11-08-2012, 11:44 AM
اسامه سعيد
يعني لو جينا الندوة بتدونا زمن كافي نتحدث ولا ثلاثة دقائق وتقولو لينا الزمن الزمن
الاتفاقية مبرمة بينكم والمؤتمر الوطني ولا بين الختمية والمؤتمر الوطني
لانو السيد محمد عثمان قال انو هو من ابرم الاتفاقية
|
Post: #7
Title: Re: موسي محمد احمد في ندوه سياسيه كبري بمدينه لندن الجمعه 9 نوفمبر
Author: اسامه سعيد
Date: 11-08-2012, 02:02 PM
Parent: #6
الاخ سيف مساعد سلام
تشرف وتاخذ الزمن الكافي لتوصيل وجهه نظرك وهناك دعوه رسميه للاخوه في العدل والمساواه للمشاركه والحوار
اما الاتفاقيه ودور السيد محمدعثمان الميرغني فيها انا اقول لك نحن في مؤتمر البجا كنا اعضاء في هيئه فيادة التجمع الوطني الديمقراطي وذهبنا الي مفاوضات القاهره مع التجمع وقلنا لهم نحن نريد ان تخصص مساحه مقدره لمناقشه قضيه شرق السودان لخصوصيتها لكن رفضت قيادة التجمع هذا المقترح عندها خرجنا من التجمع وكونا منبر خاص لمناقشه قضيه الشرق وكان من المترض التفاوض يكون في ليبيا ولكن لعدم المام الاخوه في ليبيا بتفاصيل الملف تم تحويله الي الشقيقه ارتريا ونحن عندها لم نتفاوض مع المؤتمر الوطني وحده بل تفاوضنا مع حكومه الوحده الوطنيه التي كانت تشارك فيهاالحركه الشعبيه وكان نائب رئيس الوفد الحكومي الرفيق مالك عقار هذا تاريخ وانا كنت احد المشاركين فيه
|
Post: #8
Title: Re: موسي محمد احمد في ندوه سياسيه كبري بمدينه لندن الجمعه 9 نوفمبر
Author: بجاوى
Date: 11-08-2012, 04:01 PM
Parent: #7
Quote: الاخ سيف مساعد سلام
تشرف وتاخذ الزمن الكافي لتوصيل وجهه نظرك وهناك دعوه رسميه للاخوه في العدل والمساواه للمشاركه والحوار
اما الاتفاقيه ودور السيد محمدعثمان الميرغني فيها انا اقول لك نحن في مؤتمر البجا كنا اعضاء في هيئه فيادة التجمع الوطني الديمقراطي وذهبنا الي مفاوضات القاهره مع التجمع وقلنا لهم نحن نريد ان تخصص مساحه مقدره لمناقشه قضيه شرق السودان لخصوصيتها لكن رفضت قيادة التجمع هذا المقترح عندها خرجنا من التجمع وكونا منبر خاص لمناقشه قضيه الشرق وكان من المترض التفاوض يكون في ليبيا ولكن لعدم المام الاخوه في ليبيا بتفاصيل الملف تم تحويله الي الشقيقه ارتريا ونحن عندها لم نتفاوض مع المؤتمر الوطني وحده بل تفاوضنا مع حكومه الوحده الوطنيه التي كانت تشارك فيهاالحركه الشعبيه وكان نائب رئيس الوفد الحكومي الرفيق مالك عقار هذا تاريخ وانا كنت احد المشاركين فيه |
هوى يا اسامة انتو جيتو من وين ناطين على مؤتمر البجا انت وزولك المتسلق ده ؟؟؟؟؟؟
لم نراك فى ساحات القتال وكيف وصلت الى بريطانيا ؟؟؟؟
لدى كثير من الاسئلة ولكنى فى الوقت الحالى اختمها لك
بأن موسى محمد احمد ومن والاهو لن يمثلنى البنة
|
Post: #10
Title: Re: موسي محمد احمد في ندوه سياسيه كبري بمدينه لندن الجمعه 9 نوفمبر
Author: اسامه سعيد
Date: 11-08-2012, 06:53 PM
Parent: #8
بجاوي سلام
لو اردت ان تتحاور بشكل لائق ومحترم اهلا وسهلا غير كده يفتح الله
|
Post: #9
Title: Re: موسي محمد احمد في ندوه سياسيه كبري بمدينه لندن الجمعه 9 نوفمبر
Author: Mohamed Elboshra
Date: 11-08-2012, 04:28 PM
Parent: #7
سلام أسامة
ورد في ردك على سيف مشاعد عن دور الميرغني ومؤتمر البجة وان مؤتمر البجا خرج من التجمع....لقد كنت انا شخصيا عضو مناوب عن الاتحادي
في التجمع الوطني الديمقراطي بهولندا الي 2004م وكان مندوب البجا محمد ادروب"ايندهوفن"...والان اسمع منك ان المؤتمر خرج من التجمع ...اتمنى ان تعطيني التاريخ
بالظبط لخروج مؤتمر البجا من التجمع؟؟ عشان نعمل ابديتنق لمعلوماتنا القديمة....
مع تحياتي
|
Post: #11
Title: Re: موسي محمد احمد في ندوه سياسيه كبري بمدينه لندن الجمعه 9 نوفمبر
Author: اسامه سعيد
Date: 11-08-2012, 07:07 PM
Parent: #9
محمد سلامات
اتمني ان تكون بخير
خروج مؤتمر البجا من التجمع لم يكن سرا بل عبر مؤتمر صحفي اثناء انعقاد مفاوضات القاهره عندما رفضة قيادة التجمع تخصيص منبر خاص لقضيه شرق السودان عندها ققررا حزبا مؤتمر البجا والاسود الحره الدخول في مفاوضات مباشره تحت اسم جبهه شرق السودان
اتمني حضورك الندوه يامحمد
|
Post: #12
Title: Re: موسي محمد احمد في ندوه سياسيه كبري بمدينه لندن الجمعه 9 نوفمبر
Author: برير اسماعيل يوسف
Date: 11-09-2012, 01:33 AM
Parent: #11
ثالثا عندما تتحدث عن الاخرين يجب ان تتحدث عنهم باحترام وادب
يا زول أنت بصحك ... اتفاق سياسي شنو البين الكيزان و اخونا موسي... ؟ هل تصدق انت هذا الفسيخ ؟ده مشروع معروف للقاصي و الداني والهدف منه معروف ... بعدين يا اخي خلياخونا موسي يقنع ناس الشرق باتفاقه السياسي هذا... وبعدين يا اخي الجماعة الذكرتهم ديل ... كان برنامجهم غلط ... فهل يصبح الغلط قاعدة يمشي بيها اخونا موسي؟ و بعدين يا اخوي ادب شنو و احترام شنو البتتكلم عنه ... الله يطولك يا روح.
|
Post: #13
Title: Re: موسي محمد احمد في ندوه سياسيه كبري بمدينه لندن الجمعه 9 نوفمبر
Author: اسامه سعيد
Date: 11-09-2012, 10:38 AM
Parent: #12
اخي الكريم برير في عالم السياسه لا مكان للرؤيه العدميه التي تصدح بها اي الكل غلط والكل يذهب الي الجحيم
الاصل في السياسه هو الحوار والاتفاق والتسويات اماالحرب والاقصاء هو الاستثناء
بعدين شنو شابكني يازول ا نت بصحك الكلمه دي عاجباك ولي شنو لاني لا اجد لها معني سوي ايحاء استعلائي بغيض
|
Post: #14
Title: Re: موسي محمد احمد في ندوه سياسيه كبري بمدينه لندن الجمعه 9 نوفمبر
Author: محمد علي عثمان
Date: 11-09-2012, 09:34 PM
Parent: #13
[email protected]
مؤتمرالبجا ينفي اي علاقة له بندوة موسي محمد احمد بلندن
يؤكد مؤتمر البجا مقاومته الصارمة للنظام الديكتاتوري الذي جاء موسي للدفاع عنه ويؤكد التزامه ببرنامج الجبهة الثورية للاطاحة بالنظام الديكتاتوري وبناء سوداني ديموقراطي فيدرالي حر.
abu mohamed abu amna
|
Post: #15
Title: Re: موسي محمد احمد في ندوه سياسيه كبري بمدينه لندن الجمعه 9 نوفمبر
Author: محمد علي عثمان
Date: 11-09-2012, 10:48 PM
Parent: #14
مؤتمر البجا ينفي علاقته بندوة موسى ويعتبره شخصاً منبوذاً تلاحقه لعنات الأرامل
November 9, 2012
(حريات)
فتح مؤتمر البجا بالخارج النيران على رئيس مؤتمر البجا ومساعد البشير موسى محمد أحمد واعتبره ( شخصاً منبوذاً) تلاحقه لعنات الأرامل اللائي فقدن أزواجهن في مبدان مواجهة مليشيات النظام في الجبهة الشرقية وتلاحقه هتافات الثوار وتصفه بالخيانة وبيع قضية البجا .
ونفى مؤتمر البجا علاقته بندوة يقيمها موسى محمد أحمد في العاصمة البريطانية لندن.
(أدناه نص البيان) :
يتابع المكتب القيادي لمؤتمر البجا الاتصالات المشبوهة التي يقوم بها السيد مساعد رئيس الجمهورية موسي محمد احمد بلندن لاستقطاب ابناء الشرق لتأييد سياسات المؤتمر الوطني بشرق السودان. وقد فشل السيد موسي محمد احمد في الحصول علي اي دعم لسياساته بين ابناء البجا بالداخل وصار شخصا منبوذا تلاحقه لعنات الارامل اللائي فقدن ازواجهم في ميدان مواجهة مليشيات النظام في الجبهة الشرقية وتلاحقه هتافات الثوار تصفه بالخيانة وبيع القضية اينما حل. كما فشل موسي في الداخل سيلاحقه الفشل في انجلترا. جاء موسي يصطحب معه بعض عناصر مشبوهة لم يكن لها تاريخ في النضال ضد النظام ولكن جاءت تحصد ثمرات النضال البجاوي.
يؤكد مؤتمر البجا مقاومته الصارمة للنظام الديكتاتوري الذي جاء موسي للدفاع عنه ويؤكد التزامه ببرنامج الجبهة الثورية للاطاحة بالنظام الديكتاتوري وبناء سوداني ديموقراطي فيدرالي حر.
د. ابومحمد ابوامنة
المكتب القيادي لمؤتمر البجا
|
Post: #16
Title: Re: موسي محمد احمد في ندوه سياسيه كبري بمدينه لندن الجمعه 9 نوفمبر
Author: برير اسماعيل يوسف
Date: 11-10-2012, 05:32 AM
Parent: #15
| Quote: بعدين شنو شابكني يازول ا نت بصحك الكلمه دي عاجباك ولي شنو لاني لا اجد لها معني سوي ايحاء استعلائي بغيض |
لا ندري عن اي اقصاء تتحدث.... الجماعة الذكرتهم قالوا و العهدة علي الرواة ان قراءتهم للواقع كانت خطأ و ما كان لهم ان يفعلوا ذلك لو دارت عجلة الايام ... ايام المرحوم التجمع الوطني الديمقراطي كما كان يحلو لنا تسميته...
اما ان تقول بان استخدامي لكلمة يا زول فيها ايحاء استعلائي و بغيض كمان... نقول لك بانك قد قلت قولا ثقيلا... في محاولة منك غير بريئة لتغيير الموضوع المطروح في المنبر.... فمنذ متي كان في استخدام كلمة زول ايحاء ؟ سمعنا بالايحاء الاخر ولكن نعطيك براعة اختراع لهذا النوع الجديد من الايحاء العصري...
اتق الله في نفسك و كن امينا في قلمك ولا تعطي نفسك صفات الخالق الكريم لتعرف ما تجيش به الايحاءات و النفوس... كن موضوعي تربح...
بعدين يا زول خليني انا اهو ناس مؤتمر البجا انفسهم تبرأوا من اخينا موسي ... فحاول اقناعهم بدل ما ترد علي الايحاءات و تترك جوهر الموضوع... فتك بعافية يا زول.
|
|