الرابط بين سمية هندوسة و ثريا جبران

هو آمنة مختار.

يا سحس كيفنك
ثريا جبران «المغرب» لم يحلق لها او يعتدي عليها رجال الأمن المغاربة بل بعض المهوووسين
والدليل أنها قبل هذه الحكومة كانت وزيرة للثقافة وبمباركة أعلى سلطة في المغرب

.

Quote: هو آمنة مختار.

يعني شنو .................. تبل رأسه !!!!!!!!!!




.

لا أتحدث عن التطابق – يا طارق - بل عن الرابط.

سلامات

كنا وقتها بالمغرب فى بداية التسعينات وكان هنالك توتر سياسى عالى بعد حرب الخليج وحراك شعبى ,حينما تم أختطاف ثريا جبران من قبل عناصر الأمن المغربى فى عهد أدريس البصرى وزير الداخلية فى ذلك العهد وتم قص شعرها وقذف بها فى خلاء بعيد أظن الفضاء الواقع على طريق الرباط كازا وكان حدث كبير حرك الناشطين المغاربة لأدانته وشجبه فثريا جبران واحدة من رواد الحركة المسرحية المغربية وعضو ناشط فى حزب الأتحاد الأشتراكى للقوات الشعبية..ذلك الوقت أعتقد أن الأخت أمنه مختار كانت تدرس بجامعة الرباط دراسات عليا واقعة سمية هندوسة المؤسفة وثريا جبران فيهما شبه كبير للحقيقة..لكن أعتقد أنه فيما بعد وبعد أن تقلدت ثريا جبران منصب وزيرة الثقافة فى عهد محمد السادس..نفت أن يكون للأجهزة الأمنية أى علاقة بالحادث...

سحس شكرا للتوضيح



يا حاتم كيفنك
أثبتت التقارير اللاحقة انه من اعتدى على ثريا جبران ليس الأمن المغربي وإنما جهة أخرى
وهذه الواقعة موثقة بصوت ثريا جبران شخصيا وذكرتها في عدة حوارات صحفية
حتى أن البصري شخصيا نفى الواقعة عندما كان في باريس في منفاه الاختياري

كويس إنك ذكرتني إنو ليه سبت البورد دا وهجرته، لأنه كانت حا تجرفني العواطف يا عييييينى
وأرجع .


............

غايتو بس ذكرتني بطرفة كانت تحكيها لنا حبوبتى زهرة الله يرحمها :
عن إمرأة كانت تغار من جارتها وتحقد عليها حقد عجيب ، وبلا مبرر..
وكانت تحسدها على كل شئ .

حتى عندما توفيت جارتها..وإسمها (سرورة ) ، وألبست الكفن الأبيض وسار بجنازتها القوم ، قالت المرأة الحقود بتحسر وغيرة مجنونة :
( ها البدورها سرورة .. خلقا أبيض وجماعة ماشين ).



.......

أما أنت يا حاتم اليأس ، فقد فقت سوء الظن العريض ..
و.....تحياتي للدكتورة .



___________________

ملحوظة :
أقترح على الأخ بكرى إنو يعمل أيقونة بشكل ( وش مخلوع ) وجنبها عبارة ( أجي !! )...

وبالرغم من إن هذا البوست ( المغرض ) مثل معظم بوستات ملاصي ..
ظاهره الذم والتشكيك ، إلا أن باطنه يوحى بإعتقاد جازم من كاتبة بذكاء ودهاء المدعوة آمنة مختار قدس الله سرها .


وهذا ..عكس ما يحاول أن يظهره خلال ملاحقته لهذه المدعوة طوال سنوات ...!!









.............
وصحيح : الما بتلحقوا ..جدعوا ..
والكديسة لمن ما لقت اللبن ..قالت إخيييييي
فما تفكوا (بلاويكم) فينا بالله .

يعني امنـة قدس الله سرهـا دي ..
حلقو ليهــا قبل كدا ..؟ واللا شنـو ..؟

يا ادروتـه ما تفكري لينا في موضوع الحلاقـة دا .. والله مريح جدا .. بكون ماشي مع موضوع الصقور بتاع المرة الفاتت داك

الشاهد فى المقارنة ؟؟
الحلاقة
وال
الكي ؟

رأيت الكي في جسد من كووهم .. وحكي أقرب الأقربين لي كيف علقوه(الطيارة قامت)

الفونسو ملاسي أستزاد بمعلومات عن المسرحية الرائعة ثريا جبران
لا اظنه كان قد يتملكها لولا امنه ود جبرين ود الياس, رغم رابطه الواهي

Quote: كويس إنك ذكرتني إنو ليه سبت البورد دا وهجرته، لأنه كانت حا تجرفني العواطف يا عييييينى وأرجع .

الرسول ترجعي!

سلامات

كنا وقتها بالمغرب فى بداية التسعينات وكان هنالك توتر سياسى عالى بعد حرب الخليج وحراك شعبى ,حينما تم أختطاف ثريا جبران من قبل عناصر الأمن المغربى فى عهد أدريس البصرى وزير الداخلية فى ذلك العهد وتم قص شعرها وقذف بها فى خلاء بعيد أظن الفضاء الواقع على طريق الرباط كازا وكان حدث كبير حرك الناشطين المغاربة لأدانته وشجبه فثريا جبران واحدة من رواد الحركة المسرحية المغربية وعضو ناشط فى حزب الأتحاد الأشتراكى للقوات الشعبية..ذلك الوقت أعتقد أن الأخت أمنه مختار كانت تدرس بجامعة الرباط دراسات عليا واقعة سمية هندوسة المؤسفة وثريا جبران فيهما شبه كبير للحقيقة..لكن أعتقد أنه فيما بعد وبعد أن تقلدت ثريا جبران منصب وزيرة الثقافة فى عهد محمد السادس..نفت أن يكون للأجهزة الأمنية أى علاقة بالحادث...

----
الله ..سؤ الظن العريض وين فى الكلام ده ياأمنه والله جرحتينى جرح دامى...الأمن السودانى أمن قبيح وماعندو تاريخ مشرف فى سجل حقوق الأنسان منذ أيام بيوت الأشباح سيئة الذكر لكن صراحةً بوست ملاسى ده لفت أنتباهى للتشابه بين الواقعتين واقعة حلاقة راس ثريا جبران وضربها ورميها فى الخلاء وبين ماحدث للصحفية سمية هندوسة يبدو أنو وسائل التعذييب والأرهاب واحدة..وبعدين سؤال عام كده أنتو شنو ناس الأمن ديل يغتصبوا صفية أسحق المسيرية ويحلقوا شعر سمية هندوسة ويحرقوا ساعدها..وتقولوا للمسيرية ألحقوا شرفكم وللرزيقات ياويحكم قد أعتدوا عليكم..طيب الماعندو قبيلة ده وناس الأمن عذبوا ..ينادى منو ....نشيد العلم

Quote: وبعدين سؤال عام كده أنتو شنو ناس الأمن ديل يغتصبوا صفية أسحق المسيرية ويحلقوا شعر سمية هندوسة ويحرقوا ساعدها..وتقولوا للمسيرية ألحقوا شرفكم وللرزيقات ياويحكم قد أعتدوا عليكم..طيب الماعندو قبيلة ده وناس الأمن عذبوا ..ينادى منو ....نشيد العلم

نقول تور تقولوا احلبو !!


الماعندو قبيلة بكون قاعد في صفا وتأمين والأمن ما بهبشوهو
بهبشوا ويعتدوا ويذلوا قبائل بعينها يا سيدنا حاتم ..

بالله....

هسع نمشى ننوم آمنين سالمين... ونخلى ليكم التور تربطو

بالمناسبة لبنى قبيلته شنو عشان نرجع بأثر رجعى ونناشدهم بأخذ ثأرهم....ياشابة البحصل ده تكريس للعشائرية والقبلية بشكل سئ.. شنو كل مره ألحقوا ياقبائل النوبه بتكم أعتقلوها ألحقوا يامسيرية بتكم أغتصبوها أين انتم أيها الرزيقات لقد أعتدوا على بنتكم....تجزئة ساذجة لمفهوم التضامن الأنسانى والموقف من حقوق الأنسان (كأنسان) بأحالة الأعتداء عليه وكأنه أعتداء على مجموعة ثقافية وعرقية....وأعتقد أن البعض بكون سعيد بمثل هذه المواقف لأنها بتترص ليهو وتتخته ليهو حتت ماهو داير يفهم بيها الدواس......جعليين شوايقة دناقله..ضد باقى الوطن والله ما كدى..

يعنى هسع كاشا ومسار ديل أولى بالتضامن مع الأخت سمية هندوسة..

سلامات حاتم الياس وتيسير

Quote: الماعندو قبيلة بكون قاعد في صفا وتأمين والأمن ما بهبشوهو بهبشوا ويعتدوا ويذلوا قبائل بعينها يا سيدنا حاتم ..

الماعند قبيلة بي يكون قاعد في حوش الحضر .. وعندو من الوسائل الحضرية ما يدافع بيهوعن نفسو
أكان حزب أكان نقابة.. أكان مجموعة شبابية ..ألخ ..الخ
لأنو القبيلة البي نتكلم عنها (ما الهوية) ..نحنا بي نتكلم عن القبيلة المؤسسة الموجودة والفاعلة

Quote: بالمناسبة لبنى قبيلته شنو عشان نرجع بأثر رجعى ونناشدهم بأخذ ثأرهم....ياشابة البحصل ده تكريس للعشائرية والقبلية بشكل سئ.. شنو كل مره ألحقوا ياقبائل النوبه بتكم أعتقلوها ألحقوا يامسيرية بتكم أغتصبوها أين انتم أيها الرزيقات لقد أعتدوا على بنتكم....تجزئة ساذجة لمفهوم التضامن الأنسانى والموقف من حقوق الأنسان (كأنسان) بأحالة الأعتداء عليه وكأنه أعتداء على مجموعة ثقافية وعرقية....وأعتقد أن البعض بكون سعيد بمثل هذه المواقف لأنها بتترص ليهو وتتخته ليهو حتت ماهو داير يفهم بيها الدواس......جعليين شوايقة دناقله..ضد باقى الوطن والله ما كدى..

وهنا بي نسألك يا حاتم الياس يا مثقف يا وطني:
1- هل هناك قبائل موجودة كمؤسسات سياسية/إقتصادية/إجتماعية قائمة لي الأرض.
2- هل إستنكفت الإنقاذ(بل والنظم السودانية منذ الإستقلال) عن الزج بها في صراعات ليس لها فيها ناقة ولا جمل.
وهل تخوض هذه القبائل الحروبات الآن ضد بعضها ولمصلحة الإنقاذ.

ما نطالب به هو أن هذه المؤسسات الإجتماعية تنتبه للعدو الأساسي وهو نظام الإنقاذ.. وتعمل لإزاحته مع باقي
كيانات ومنظمات واحزاب السودان

Quote: جعليين شوايقة دناقله

وغيرها من تسميات القبائل التي إندمجت في الحضر .. ديل القبيلة عندهم تحولت عن أن تكون مؤسسة
واصبحت هوية ثقافية..
ومندمجين في ثقافة الحضر .. و(مؤسسات الحضر)

لبنى تحمد سيدا لا اغتصبوها ولا حلقوا شعرها لا كووا ليها جسمها ولا قدوا ليها عينا
الحاجات دي قاعدة تحصل مع بنات المسيرية والرزيقات والهامش عموم

يجيك سيدنا حاتم ينظّر من علٍ ويقول دا تكريس للقبلية
لووووول
الحكومة تعولق بنات قبايل الغرب ما غيرهن
ولمن الناس تسمي القبايل باساميها يبقى تكريس ؟



لا خلاس ..

Quote: الماعندو قبيلة بكون قاعد في صفا وتأمين والأمن ما بهبشوهو بهبشوا ويعتدوا ويذلوا قبائل بعينها يا سيدنا حاتم ..

فالج لا تعالج.

بصراحة معاك حق!

رجعت أديتو قرية من بعيد لقيتو بيستبطن قبح لم أعنيه مطلقاً
والله عليمٌ بذات الصدور


مقصدي واضح دون التعريض بأي منتمٍ للوطن

شكراً يا ملاسي على تهذيبك وعلى التنبيه غير المباشر

Quote: الرسول ترجعي!

حاضر ..





............
تايسا وعيدروس ، شفتو جنس المحن دى :)

فوووووق
لفضح هذا الملاصي المتملص .

ووراك وراك ..

..................