Post: #1
Title: الواحد يستغرب من المسئولين البمشو يتعالجو برة!!
Author: أسامة البيتى
Date: 11-06-2012, 06:43 AM
ليه لحد الآن ما طوروا النظام الصحى فى السودان؟!! طيب هم مسئولين عن شنو؟!!
موش مفروض يخجلو بالله؟!!! هسع البشير دا ما بياكل فى خاتروا لو الملك عبدالله سأله:
ليه يا عمر ما عملت مستشفيات سمحة فى السودان عشان تتعالج فيها؟!! إنت بالطريقة دى ياعمر بتقول لى شعبك
أنا ما واثق فى مستشفياتكم دى!! طيب إنت رئيس عشان شنو؟
|
Post: #2
Title: Re: الواحد يستغرب من المسئولين البمشو يتعالجو برة!!
Author: Mohammed Ahmed Saeed
Date: 11-06-2012, 07:22 AM
Parent: #1
كل سنة وانت طيب يا أسامة
كثير البخليك تستغرب بالسودان .
السودان فية من الخبرات من يعالج كل علل واعطاب الكيزان حتى النفسية لكن المشكلة فيهم هم ليست لديهم ثقة حتى فى انفسهم . والشافى اللة وربنا يشفية .ويكون المرض درس وعبرة لة ليقف مع نفسة ويعرف حال المريض الذى لايملك شئ وغير متاح لة السفر وحجم المعاناة .
المرض اصبح مشكلة حقيقة لانو العلاج غالى جدا ولازلت مندهش فى مقدرة الحكومات السابقة فى علاج الناس مجانا
واديك المعلومة دى امكن تكون غائبة عن كثير من الناس الحكومة دى عملت مستشفى جديد فى امبدة سنة 2004 هل تصدق يا أسامة انو هذا المستشفى قفلوهو اقفل تماما لانو أيل للسقوط ,اتذكر جيدا انو فى مستشفى الخرطوم عنبر مكتوب عليهو 1925 .
واللة استغرب اى دين لهؤلاء وهم يدعون انهم اهل دين
|
Post: #3
Title: Re: الواحد يستغرب من المسئولين البمشو يتعالجو برة!!
Author: أسامة البيتى
Date: 11-07-2012, 06:36 AM
Parent: #2
سلام يا محمدأحمد.. كل سنة وانت طيب..
لكين دى حاجة عجيبة خالص!!! قال مسئولين قال!!
|
Post: #4
Title: Re: الواحد يستغرب من المسئولين البمشو يتعالجو برة!!
Author: تيسير عووضة
Date: 11-07-2012, 07:15 AM
Parent: #3
Quote: ليه يا عمر ما عملت مستشفيات سمحة فى السودان عشان تتعالج فيها؟!! إنت بالطريقة دى ياعمر بتقول لى شعبك
أنا ما واثق فى مستشفياتكم دى!! طيب إنت رئيس عشان شنو؟ |
شكراً يا اسامة ..
|
Post: #5
Title: Re: الواحد يستغرب من المسئولين البمشو يتعالجو برة!!
Author: صديق الموج
Date: 11-07-2012, 07:29 AM
Parent: #4
اسامه كيف حالك
ماتنسى بيان رئاسة الجمهورية قال السيد الرقيص خضع لعملية
جراحية صغيرة، ما دام الصغيرة ودوه السعودية لو عملية قلب
مفتوح حا يودوهو لى لقمان الحكيم يعنى؟
بعدين تتكسر الف قرية ويموت 200 مواطن ويتشرد البقية يرسلوا
ليهم والى هلفوت او معتمد دونه فى الهلفتة ويشيل مكرفوناته
عشان يقول ليهم: هذه يا اخوان محض ابتلاءات مجرد
امتحانات وحا نرسل ليكم الخيم والبطاطين وتصور كاميرات
القنوات الحقـــ ـيرة كذب الهيلفيت وتانى لا يشوفو بطانيه لا
مسؤول..
طيب ماكان يعملو كده مع السيد الرقيص؟ ام ربنا بمتحن مواطنى
السودان دون رئيسهم؟؟
اللهم لاتؤاخذنا بما فعل السفهاء منا يا ارحم الراحمين،،،،
|
Post: #6
Title: Re: الواحد يستغرب من المسئولين البمشو يتعالجو برة!!
Author: أسامة البيتى
Date: 11-08-2012, 06:54 PM
Parent: #5
Aaameeeen
|
|