لماذا يخشـــى الهلالاب مقابلة المريخ في النهائي؟!

الهلال انتصر انتصار صريح على دجوليبا في الخرطوم بهدفين مقابل لا شئ
انتصار غير مطمئن ولكنه على أي حال كان مطلوباً
نظرياً الهلال في طريقه للوصول الى نهائي الكونفيدرالية
لو ما كوع زي كل سنة وخذل جماهيره العريضة في مالي أمام دجوليبا

ما عندنا حق الجلاكسي

Quote: ما عندنا حق الجلاكسي

الصحيح يا خالد فريقكم تعبان وماشي بالبركه
لو قدر لنا مقابلتكم في النهائي فتأكد أن الكأس سيكون للمريخ
ليه؟
دائماً في المناسبات الزي دي المريخ يكون حاضراً
الجلاكسي وما الجلاكسي ما تشتغلوا بيهو
العبوا كويس واغلبونا
مع الاسف كل الهلالاب يفكرون بعقلية واحدة مهما تفاوتت درجات فهمهم
متلازمة ظلم التحكيم ونظرية تآمر الحكام على الهلال أمر ليس بجديد

غايتو أنا يا بُشاري أتمنى مُقابلة المريخ ...
وعندها أتوقع أن يُحقق الهلال أول بطولة خارجية رسمية على حساب المريخ ...
وبعدها تاني ما حتجيبوا سيرة البحر والبطولات الخارجية والصفر الدولي :)

معليش النت كعب اليوم عندنا ولكن نواصل
المريخ واثق الخطوة يمشي ملكاً
لعب بالأمس مع ليوبار وكان متعادلا 1-1 الى آخر ربع ساعة من الشوط
اهداهم الحضري هدفاً مجانياً ليفوز الفريق 2-1 على المريخ
الهدف الذي أحرزه المريخ هناك هو من سؤهل المريخ النهائي
في مباراة العودة سيفوز المريخ بإذن بسهولة وسيتأهل

الاخ صبري

لو فرضنا انو الهلال اتأهل وقابل المريخ، حتكون المباريات في امدرمان، ولا قدر الله انو الهلال فاز على المريخ ودا شي مستبعد، ما حتكون كاس خارجية حتكون داخليه زيها زي اي هلال مريخ
وما حتكون محمولة جوا، حتكون محمولة بالركشات والامجاد لقرب المسافة بين الاستادين.



المهم لا تحلمو بعالم سعيد


دمتم

Quote: وما حتكون محمولة جوا، حتكون محمولة بالركشات والامجاد لقرب المسافة بين الاستادين. المهم لا تحلمو بعالم سعيد

تقول شنو يا عبد العزيز عبد الله اخوي
بس ياها حاكوا حاكوا وبعدين حلوة محمولة بالركشات دي
المريخ في أفضل حالاته هذه الايام وهذا ما يجعلنا مطمئنين
وإن كانت مباريات هلاريخ لا تخضع لمثل هذه الحسابات

كن بخير

Quote: لماذا يخشـــى الهلالاب مقابلة المريخ في النهائي؟!

الامين أخوي صباحاتك نواضر

نحن ماخايفين من مقابلة المريخ خايفين من قروش جمال الوالي
مفعولها يشتغل

آخر لقاء بيننا نحن لعبنا مع المريخ ولا قروش الوالي ههههه
أطمئن لن تتأهلوا للنهائي

Quote: نحن ماخايفين من مقابلة المريخ خايفين من قروش جمال الوالي مفعولها يشتغل آخر لقاء بيننا نحن لعبنا مع المريخ ولا قروش الوالي ههههه أطمئن لن تتأهلوا للنهائي

عادل الباهي الرشاشة
العبوا لعبكم يا اخوي وما تفتشوا للشماعات من هســـي
الكلام الفطير دا لو صاح كان تشليسي وريال مدريد وميلانو
كان شالوا كل الكاسات الفي الدنيا
زمان قلتوا لاراش ظلمكم ومشيتوا قابلتوا الاهلي
تاني رشاكم وطبق ليكم الرشه ... والله صحي

Quote: لماذا يخشـــى الهلالاب مقابلة المريخ في النهائي؟!

هذا ماقالوه عن الهلال بصورة غير مباشرة ..

Quote: إن الخوف أو ما يسمى في مصطلح علم النفس المرضي بالفوبيا أو الرهاب هو أحد أنواع الأمراض النفسية العصابية ، وهي تتميز بما يسود صاحبها من خوف مرض شبيه بالرعب ليس له أي مبرر واقعي أو منطقي، والخوف ورد له أكثر من 23 نوع ، مثل الخوف من المرتفعات، والخوف من الخلاء، والخوف من القطط، والخوف من الزهور، والخوف من الناس .......إلخ .

+ المريخ
وهنا ماقالوه عن علاج الهلال بصورة غير مباشرة :

Quote: أما فيما يخص العلاج فيختلف باختلاف أسباب الخوف وأنواعه، لكن تبقى هناك بعض الإرشادات العلاجية العامة الصالحة لمعظم حالات الخوف المتنوعة: 1- أن يكون إيمانك ويقينك بالله تعالى قوياً ، وتعرف أن كل شيء مقدر من الله تعالى، فلماذا الخوف والجزع؟ 2- يمكن أن يتم العلاج بواسطة المعالج النفسي، وذلك بعمل تحليل واستحضار الخبرات المؤلمة التي تسبب الخوف. 3- في حالة الخوف من الحيوانات الأليفة ، يمكن تقريب الأشياء المخيفة من الشخص تدريجياً؛ لنزع الصورة الوهمية واستبدالها بالصورة الحقيقية، وبالله التوفيق.

في حالة الهلال العلاج بكون بالكهربة الساكواهية اوالضفرية ..

Quote: غايتو أنا يا بُشاري أتمنى مُقابلة المريخ ...

يا زول أنت بجدك؟
ونحن يا صبري نتمنى أن نقابل فريقكم الحمام الميت دا
عشان نضمن الكأس
بس أقول ليكـ حاجة لو فاز أي فريق على التاني وشال الكأس
دا ما عنده أي رمزية أو دلالة
الرمزية الوحيدة هي أن فريق سوداني شال الكأس
ودا عشـــان ما تغش نفسكـ من هســـي
وبالمناسبة أمشـــي صبّر جماعتكـ ديل كهلالابي لا اتمني المريخ في المباراة النهائية

صديقي

لاسباب كثيؤة قطعا ليس منها الهزيمة وان كانت واردة

إذن تاهل المريخ الى النهائي أصبح مسألة وقت فقط
وهذا الأمر يزعج الكثير من الهلالاب
فقد عبر أكثر من هلالابي هنا في المنبر دا
وكذلك من خارج المنبر بعدم رغبتهم في ملاقاة المريخ في النهائي
لماذا؟

Quote: إذن تاهل المريخ الى النهائي أصبح مسألة وقت فقط وهذا الأمر يزعج الكثير من الهلالاب

الدليل على الإزعاج والرجفة أهو نزول الموضوع مرّتين:-

من هسه يا ود البشاري

للتوثيق

النهائي

الهلال مع ليوبار

ودي كاس الشطار

ياجماعة الخير ..
الهضربة لزومه شنو ؟
أصبروا شوية
السبت وبعده الاحد
يعنى يوم السبت الساعه عشرة مساءا ..
المريخ يملأ شوارع الخرطوم طولا وعرضا
ومساء يوم الاحد
الظلام يخيم على شوارع الخرطوم
عارفين ليييييه ؟
كده لوكوا الصبر
لغاية اليوم داك ..
والكونفدرالية مريخية مائه المائه
والماعجبو الترعه قريبة !!
اللا يصبركم ..

تاج السر

Quote: والماعجبو الترعه قريبة !!

تاج السر

لا ياخ

ما كده

الما عاجبو


يحلق شواربو

Quote: ياجماعة الخير .. الهضربة لزومه شنو ؟ أصبروا شوية السبت وبعده الاحد يعنى يوم السبت الساعه عشرة مساءا .. المريخ يملأ شوارع الخرطوم طولا وعرضا ومساء يوم الاحد الظلام يخيم على شوارع الخرطوم عارفين ليييييه ؟ كده لوكوا الصبر لغاية اليوم داك .. والكونفدرالية مريخية مائه المائه والماعجبو الترعه قريبة !! اللا يصبركم .. تاج السر

تاج السر يا صفوة ... سلامات

اسمع الفيلم دا انت خشيتو قبل كده ولا شنو؟

أي فريق يطمع في الحصول على بطولة عليه أن لا يشغل نفسه بالتفكير في الخصوم
الهلالاب كانوا خايفين من مقابلة الوداد فيما لو قدر له التأهل
وبرضو كانوا خايفين من مقابلة دجوليبا المالي وقد صرح خليل بذلك كثيرا
وغيره الكثير من الهلالاب هنا في هذا المنبر
الفوز بهدفين في الارض نتيجة جيدة جدا فيما لو تم ادارة مباراة العودة
بصورة جيدة وأي هدف يحرزه الهلال هناك في مالي
سيلخبط حسابات دجوليبا بالتأكيد
الهلال ايضا تحيط به العديد من المشاكل إدارية وفنيه
دفاع الهلال غير مطمئن ومهزوز جداً
ربما هذا هو سبب رجفة الهلالاب من مقابلة المريخ

من الطبيعي ان تخاف الشياه من الاسود ..

Quote: من الطبيعي ان تخاف الشياه من الاسود ..

يا قريبي ما عذبتهم ياخ

Quote: من هسه يا ود البشاري للتوثيق النهائي الهلال مع ليوبار ودي كاس الشطار

جمال السنوسي

ما ياهو دا الخوف الانا قاعد اتكلم عنو
ما قادر تتصور انك تقابل المريخ في النهائي
عقلك الباطني برفض الحته دي نواااااااااهي

Quote: الهلال مع ليوبار ودي كاس الشطار

سبحان مغير الاحوال، هسه بقيتو تقولو الكنفدرالية كاس الشطار، زمان كنتو بتضحكو علينا وتقولو منافسات الترضية وانتو ما شبهها، لكن صحي كعب العدم البيخلي تقولو كدة، وبعد دا حنقول ليكم تشموهو قدحة لانو فعلا للشطار

Quote: صديقي لاسباب كثيؤة قطعا ليس منها الهزيمة وان كانت واردة

بل هي الخوف من الهزيمة يا دفعة
فالمريخ في المناسبات الكبيرة سيكون حاضراً كالعادة
فمثلا على سبيل المثال فاز المريخ على الهلال في هذه المناسبات

Quote: كأس افتتاح استاد الخرطوم وكأس افتتاح استاد الموردة وكأس افتتاح اضاءة استاد الخرطوم ، كأس الامبراطور هيلاسي لاسي، كأس الملك فيصل، كأس الرئيس ديوري هاماني ، كأس الرئيس شارماركي، كأس الرئيس كنيث كاوندا ، كأس الرئيس عبد الناصر، كأس الدوق هرر. كأس الرئيس بوكاسا. كأس الصداقة الكورية . كأس الاستفتاء. كأس الرئيس العراقي. كأس المجهود الحربي. بطولة الصداقة الدولية (المريخ والهلال – اريتريا – إثيوبيا).

أما الهليل فما بذكر ليهو الا كأس الدهب ايام نميري
وفي مباراة شهدت ما شهدت من الشغب
وكاس عيد ثورة الانقاذ
ودي كلها كاسات يا احمد

المريخ كبير عشان كدا الهلال بخش الكبير يا الامين موسى البشاري

مودتي .,..

Quote: المريخ كبير عشان كدا الهلال بخش الكبير يا الامين موسى البشاري مودتي .,..

البجينا داكـ حبابو ألف
نفكر نحن في النهائي والكأس وهم يفكرون في الخصوم

كل الود يا صفوة

لانكم محظوظين .










..............................حجر.

Quote: لانكم محظوظين .

ذلك الفضل من الله يا الرفاعي
إن شاء الله الحظ يقيف معانا في النهائي

ولله ياود البشاري هلال مريخ عموما الواحد برجف ليها يومين لا قدام و كان اترشّينا تلاتة لا ورا
ناهيك عن انو دي ح تكون نهائي كاس وما أي كاس كمان
ومن ناحية تانية التوتر و العنف الشفناه في كور القمة الأخيرة عدا آخر مباراة أتوقع ان يكون الوضع سيئ جدا من الناحية دي مالم يستعد الأمن و الإتحاد بجدية

لكن الإستاد و التيم الشفناه امس مع المريخ دا لو قابله الهلال عادي ممكن يغلبنا بالحكم بالميدان باي شي
الواحد يقول المريخ أخير

شباب سلامات

النهائى سودان المريخ Vs دجوليبا المالي

دى مسألة مفروغ منها

الحمام الميت يجرى يلعب بعيد مع القدرو

ومباراة الاياب فى الردكاسل ويالها من مفخرة

كاس قارى آخر خدمة يمين وعرق جبين ... ولا عزاء للمهلهلين

بلا هرار معاكم ...

رشاشات وهم ..

يا صفوة نومو قفا غايتو كان الرشاشات صعدوا النهائى ياها ليلة القدر وجاتنا ...

يبقى اعادة انتاج لفيلم السكوهة وقلع الضفر بس المرة دى سكوهة رايح جاى

Quote: مع الاسف كل الهلالاب يفكرون بعقلية واحدة مهما تفاوتت درجات فهمهم متلازمة ظلم التحكيم ونظرية تآمر الحكام على الهلال أمر ليس بجديد

أبداً و الله يا الأمين
أنا واحد من الهلالاب الما قاعد أتحجج بالتحكيم
لكن في المباراة الأخيرة كان الأمر أوضح من أن نغض الطرف عنه
علماً بأنها مبارة ترتيب المجموعة بعد أن ضمن الفريقين التأهيل يعني أهميتها لا تتعدي الـ 50%
لكن الوضع في مباراة تنافسية حتماً سيكون مختلف
الحاجة المطمئنة هو الثقة الزائدة التي سيدخل بها المريخ المباراة
في هلال مريخ أتعودنا غالباً أن يخرج الفريق صاحب الثقة الزائدة مهزوماً

يا الامين هاك سجل دي:


المريخ الفريق الوحيد من بين هذه الفرق
لو كان متقدما علي الهلال من الدقيقة 16
من الشوط الاول (2-صفر) ما بياخدني شك
في انو الهلال حا يرجع للمباراة ويعادل
النتيجة وينتصر...

المريخ فريق غير مخيف وكورته معروفة
ومحفوظة لدي لاعبي الهلال ومجربنو في
السنة دي بس كم مرة...

عكس ليوبار ودجوليبا...ديل كورتهم
ايقاعها مختلف من ايقاع كورة المريخ

المريخ لعباتو البيحرز منها اهداف يكاد
تكون محفوظة للهلال...ليما يجري ناحية
الشمال قريب ناحية الكورنر ويرجعها
وراء لي الباشا او كلتشي...وتترفع
عالية وتلاقي ليها راس مصرج...

او دربكة وتلاقي ليها كراع مصرجة...
أو بضربة جزاء جلكسية...

لكن ناس ليوبار ودجوليبا ديل لا هسي ما عرفنا مويتهم...


وثم ثانيا: غارزيتو قال يتمني ان يلاقي دجوليبا...ولاقاه
وهسي تمني ان يلاقي المريخ في النهائي...بس اركزو...

فاكرين النهائي فيه ضربات جزاء؟؟؟

والله حكم يحسب ليه ضربة جزاء الا يطلعوه بي الطائرات
الضربت اليرموك...(والله صحي)

ولو تصادف أن تأهل الهلال والمريخ فالحكم من هسي دي
من شمال افريقيا...(وديل ما دايرين جلكسيكم زاتو) لأنهم أرفع
من غيرهم...ويمكنهم أن يبلغوا فيكم عديل كدي.

الاخ الامين

سلام وتحية

بدون رتوش انا مريخابي

واحب الزعيم واعشق النجمة

بصراحة شديدة في كل مباريات هلال مريخ

الرجفة بتحصل كان من المريخاب او الهلالاب

وبصدق كل لايتمني مقابلة الاخر

لان هلال مريخ منذ الازل ارتبطت بعدم ضمان نتيجة المباراة

مهما تكون استعدادات الفريقين

لا خوفا من الهلال واتمني ان لا اقابله

كما هو نفس شعور اخوانا الهلالاب والله اعلم

ولك الود

الامين سلام


غريبة كل جمهور المريخ قبلان نتيجة المباراة الفاتت بالرغم من إنه كان بفعل الحكم ...لم أجد من أقر بذلك بالرغم من وضوح القضية

Quote: والله حكم يحسب ليه ضربة جزاء الا يطلعوه بي الطائرات الضربت اليرموك...(والله صحي)

لن يستطيع المريخ الفوز بدون دعم لوجستي ....و لن يتقبل جمهور الهلال هذا الامر مرة أخري....لذا علي إدارة نادي المريخ أن تكون عاقلة...وتعتمد علي الميدان فقط (دون أي حركات خرعة) حتي تضمن سلامة وأمن البلد...ماذا لاو إلا علي الوالي أن يتحمل نتيجة ما سيحدث

Quote: ولو تصادف أن تأهل الهلال والمريخ فالحكم من هسي دي من شمال افريقيا...(وديل ما دايرين جلكسيكم زاتو) لأنهم أرفع من غيرهم...ويمكنهم أن يبلغوا فيكم عديل كدي.

نزار كيف حالك

اتأهلوا وجيبوا معاكم البرير حكم
شماعة التحكيم دي الهلالاب ما بخلوها كلو كلو

اسمع أكبر البحرين ولا أمبده؟

تحياتي

Quote: لكن في المباراة الأخيرة كان الأمر أوضح من أن نغض الطرف عنه علماً بأنها مبارة ترتيب المجموعة بعد أن ضمن الفريقين التأهيل يعني أهميتها لا تتعدي الـ 50% لكن في المباراة الأخيرة كان الأمر أوضح من أن نغض الطرف عنه علماً بأنها مبارة ترتيب المجموعة بعد أن ضمن الفريقين التأهيل يعني أهميتها لا تتعدي الـ 50%

عمليا الفريقان كانا متأهلان
أما المباراة ليس لها أهمية فدي ما بوافقك فيها
المباراة كانت تهم الهلالاب بحجة إنهم يتفادوا العقدة الازلية
وهي فرق شمال افريقيا وكذلك فريق دجوليبا المالي
عموما الحاجات دي صعب اثباتها يا خالد وانا من عرفت الهلالاب
حجتهم دوماً التحكيم ظالم ........ والله صحي
وعموماً هلال مريخ ما بتخضع للحسابات النظرية دي ودوما تحكمها ظروف المباراة
العايز اقولو نحن مشجعين المريخ ما خايفين وما بهمنا نلاقي منو

كن بخير

Quote: ومباراة الاياب فى الردكاسل ويالها من مفخرة كاس قارى آخر خدمة يمين وعرق جبين ... ولا عزاء للمهلهلين

يسمع منك رب العالمين يا وائل يا صفوة

Quote: لكن الإستاد و التيم الشفناه امس مع المريخ دا لو قابله الهلال عادي ممكن يغلبنا بالحكم بالميدان باي شي الواحد يقول المريخ أخير

ود البشـــرى

المريخ ما أحسن ليكم ولا حاجة
المريخ حافظ الهلال والهلال حافظ المريخ كويس
عادة مباريات هلاريخ لا تعتمد على ما قبل المباراة
كل مباراة لها ظروفها
أنا بتكلم هنا إنو شكل المريخ مطمئن أكتر من الهلال
وعندنا ثقة في فريقنا في الفوز بالكأس

تحياتي

الأخ الأمين
السلام عليكم
من الطبيعي ان يتخوف الهلالاب من ملاقاة المريخ في النهائي لأن الهلال يجيد اللعب داخل الميدان وتجيدون اللعب خارجه
ولهذا نتمني ان نلتقي في النهائي من يلعب داخل الميدان وليس خارجه

الكلام دا في كاس السودان الكونفدرالي يا البشاري !

غايتو يا بُشاري .. أنا يا دوب بقيت خايف


هسة خايف من فراقك هنا

Quote: المريخ في أفضل حالاته هذه الايام وهذا ما يجعلنا مطمئنين

الحالة في افضل حالاته

Quote: المريخ في أفضل حالاته هذه الايام وهذا ما يجعلنا مطمئنين

قلت كيف؟؟

Quote: من الطبيعي ان تخاف الشياه من الاسود .

الشياه دى جمع حمام

الامين ياخوي أحسن الله عزاءكم في خروج المريخ ( متعودة دائما)



والله الا تقابلونا في الحلم

تنبيه

الصور أعلاة جازفتها من الفيس بوك والحقوق محفوظة لاصحابها

الأخ / الأمين

مع التحية والتقدير لشعوركم في هذه الآونة عنوانكم يذكرني المثل النوبي :

Teeg jameen alleg melle

والترجمة على الشريط : كالذي يفتل الحبل قبل أن يشتري بقرة .

قلت نهائي ( نهي نهي ) ماكو نوهائي .

صفوة صفوة لحد ما صفوكم ،،، ياخي ملئتم أيها الصفوة جدران المنبر باحلام وردية ولكن الواقع إختلف .

هاردلك وخيرها في غيرها .

جاوب إنتا بأأأأأأأأأأأأأأأأأه
ياخي لو ما اتخارجت للجنوب البعيد داكـ كان أجرنا حافلات وجيناكـ في مكانكـ القديم
ويلا تيت تيت تيت تيت
نعمل ليكـ فلقة زي فلقتكـ دي

Quote: ياجماعة الخير .. الهضربة لزومه شنو ؟ أصبروا شوية السبت وبعده الاحد يعنى يوم السبت الساعه عشرة مساءا .. المريخ يملأ شوارع الخرطوم طولا وعرضا ومساء يوم الاحد الظلام يخيم على شوارع الخرطوم عارفين ليييييه ؟ كده لوكوا الصبر لغاية اليوم داك .. والكونفدرالية مريخية مائه المائه والماعجبو الترعه قريبة !! اللا يصبركم .. تاج السر

.. عاين زي دا مضحك كيف ..؟ ..

Quote: شباب سلامات النهائى سودان المريخ Vs دجوليبا المالي دى مسألة مفروغ منها الحمام الميت يجرى يلعب بعيد مع القدرو ومباراة الاياب فى الردكاسل ويالها من مفخرة كاس قارى آخر خدمة يمين وعرق جبين ... ولا عزاء للمهلهلين بلا هرار معاكم ...

والله فعلا حقو نحن نبطل هرار .. ونخليكم تمتعونا بي الاماني السندسية ..
..
والله حقو تعملو لييكم يوم مفتوح .. تعرضو لينا فوقو كاساتكم دي بالريد كاسل حقكم .. وبالمرة كدا تعملو لينا مباراة كاس بينكم وبين العصمة الكاملين .. وتشيلو الكاس انتو .. وتسافرو بيهو اثيوبيا القريبه دي وتجو داخلين بالمطار وترجعو تاني ..

والله فعلا مساكين وحالتكم تحنن ..