الغرايب والعجايب في المكالمات الهاتفية للسودانيين

الموبايل

المحمول

الجوال

عند السودانيين غير

تأتي مكالمات غريبة وعجيبة

وكل زول مننا بيكزن جاتو مكالمة او مكالمات لا حقت لا بقت

وحوار اغرب من الخيال

تعالو نحكي الغرايب والعجايب

مثلا

امبارح القريبة دي

وصلت مطار جدة قادما من الخرطوم

وفي صف الجوزات تقدم من احدهم

طالبا ان اتصل عليهو برقم لشحخض في جدة

اتصلت واديتو التلفون

جرس طويل ومافي رد

المهم مشيت شلت تلفوني

وانا بطلع في العفش من السير


جاني اتصال على هاتفي رديت

جمال - ألو

- نعم لقيت منك اتصال

جمال - عندك زول جاي بي فيزا جديدة لجدة
- نعم
جمال - طيب الزول ده في مطار جدة ( أنا لا اعرف اسمه حقيقة حتى الآن)
- بالجد ( بي فرحة) وصل جدة ... ؟؟؟
جمال - نعم ولكنه في الداخل في الاجراءات وليس معي الآن
- طيب
جمال - مع السلامة

بعد ساعة

يتصل نفس الرقم

وانا في البيت

- ألو
جمال - نعم
-انت اتصلت علي قبل شوية بخصوص الزول الجاي من السفر
جمال - نعم
- بس عايز اقول ليك انا هسه في مطار جدة عشان أقابل الزول
وشكرا

جمال - اوكي ومع السلامة

اها هسه انا فهمت شنو

ولو زول فهم حاجة يقول لي

يا جمال سلام

الزول ده داير يوريك أنك ما قصرت مع زولو وهو قايم بواجب الاستقبال وحاجه من هذا القبيل .

يا ولياب

والله الزول ده ما مصدقني

والدليل انه سألني كم مرة انو زولو ده وصل

وقال يتصل بي تاني عشان يعرف كلامي حقيقي ام مقلب

تسلم يا ولياب

وكل سنة وانت طيب

ادناه مكالمة من عروبنا وآخر طيبة :
المتصل : الووووووو معاي منو ( لاحظ هو المتصل
معاك عبدالله ود البوش
سلام عليك يا زول
اهلا وسهلا وحبابك عشرة ات منو ؟
انقر انا منو ؟ عليك الله انقر
غلبني والله صوتك زي كدي العندك نزلة
أئ والله عرفتني كيفن ؟
علما بانها اول مرة اسمع صوته
كيف ان شاء الله كويسين ... الاهل والوليدات والسعية والبلدات ان شاء الله طيبين وجركن ملان عجين
وبعد تحانيس حتين اعرف الاسم وندخل في موضوع المكالمة ان كان لها موضوعا غير السلام والاطمئنان
.
.
بالله في طيبة اكتر من كدا
.
.
تحياتي اخونا جمال وعيدك مبارك

صديقنا ( س)
والمقيم في جدة
بعد ان قضينا معه الجمعة في لمة جميلة في الكشتينة

خرجنا عند منتصف الليل

وفكرت ان اداعبه

وانا في سيارتي اتصلت على رقم بيته

وغيرت نبرة صوتي بصوت رجل كبير في السن

جمال - ألو السلام عليكم
- وعليكم السلام
جمال - يا فلان ود فلان ما عرفتني
- لا لا يا حاج ما عرفتك
جمال- انا الحاج فلان الفلاني قريب ابوك ود خالة امه
- مرحب بيك يا حاج
جمال- اها نمرتك دي شلتها من بيتكم في السودان
وانا جاي العمرة قلت ليهم لمن اصل جدة بضرب ليك
هسه انا وصلت جدة في الميناء عايزك تجي تسوقني
- والله يا حاج أنا في الرياض في شغل بجي بعد اسبوع



طبعا فكيت الضحكة بي هنا وصاحبنا فك فيني شتايم الدنيا كلها

وقفل التلفون

تحية..

مكالمة:

يرن جرس التلفون في مكتبي.....

اهلا وسهلا

هادا تلفون جمعة؟

لا .. يبدو ان الرقم خطا...

اذا كان خطا ليش ترفع السماعة؟

.........

في برنامج إذاعي المذيع استفبل مكالمة على الهواء :

+ الو السلام عليكم ؟
+ عليكم السلام عرفنا بي نفسك ؟
+ دا تلفون عمر كوكو ؟
+ لا لا دي الاذاعة السودانية !

معليش (قفل الخط) ..

واحد غيرو :

+ ألو السلام عليكم ؟
+ اتفضل معانا منو ؟
+ دا مش تلفون عمر كوكو ؟
+ لا لا والله دي الاذاعة السودانية .

طيب أنا اسف (قفل الخط) ..

إتكررت خمسة ستة مرات من ناس مختلفين بعد شوية التلفون ضرب ..

+الو السلام عليكم ؟
+عليكم السلام معاك الإذاعة اتفضل ..
+معاكم عمر كوكو ؟ في زول إتصل علي هنا ؟!

حاجه لاحظتها عندنا نحن السودانيين بس خاصة فى برامج التلفزيون اللى بتكون فيها مشاركات هاتفيه على الهواء
*الو
الو مرحبا
السلام عليكم
وعليكم السلام
انشاء الله كويسين
تمام الحمد الله اتفضل (يقصد المذيع قول رايك او اجابتك )
ممكن اشارك؟؟
ايوه ممكن
حتى بعد المقدمات دى يقول الاجابه او المشاركه
لاحظ حتة( ممكن اشارك ) دى !!!
الغريبه الحوار ده بكون مكرر بالكربون فى البرنامج الواحد فى من اتصال من جوه البلد او ( خارجي )