سلامات الحليلة...حقيقي الحبيب الاول كان دايما ميكروسفت
Post: #6 Title: Re: We’re Apple, and You’re Suckers Author: محمد البشرى الخضر Date: 11-05-2012, 07:13 PM Parent: #5
الجلاكسي و الاندرويد يا سمارت المستقبل هنا
Post: #7 Title: Re: We’re Apple, and You’re Suckers Author: مريم بنت الحسين Date: 11-05-2012, 07:57 PM Parent: #6
Apple ما حتمشي كتير بعد Jobs الله يرحمه (مافي حد يجي يقيف لي في زوري بالله!)
حتى iPhone 5 قالوا انه كان آخر حاجه دخّل فيها jobs يدّه.. بعد كده كلها ابتكارات جديدة... ومن البعملوا فيه ده، ما شايفه اي ابتكار!
ما بنبيع بي هينه، لكن نشوفهم ماشين وين..
الاعلان مبااااااااااااااالغة!
Post: #8 Title: Re: We’re Apple, and You’re Suckers Author: Nazik Eltayeb Date: 11-05-2012, 08:44 PM Parent: #7
يااخي الفيديو قطع مصاريني بالضحك.....كتر خيرك اسمارت دايما تتحفينا واتفق معك نعم مايكروسوفت عادت بقوة و باين انهم درسوا السوق كويس جدا جدا هذه المرة و استعادوا ما فقدوه من السوق بسبب البرامج مفتوحة المصدر ( انواع لينكس العديدة التي تمددت بعد هفوة الفستا التي كادت تقضي على مايكروسوفت للابد ) و كذلك سددوا ضربة للقرصنة فالاسعار المطروحة للويندوز ايت حسبت بدقة فسعرها يساوي تقريباً سعر برنامج انتي فايروس اصلي و مدعوم لمدة عام يباع في السوق السودانية (المكتسحة بالبرامج المقلدة و المقرصنة ) مثلا الايجابية الثانية هو الشراكة القديمة مع شركات الهاردوير التي اصبحت متينة فنظرة واحدة لاعلانات مايكروسوفت ورابط الاجهزة التي ترشحها يوضح ان الويندوز عائد بقوة حتى للاجهزة المحمولة . مثال لذلك سامسونق جهازها الاخير Samsung ATIV Smart PC والذي اتوقع ان يكتسح سوق الكمبيوتر المحمول والاجهزة اللوحية يعمل لابتوب و نوت حسب الحوجة وببرنامج ويندوز
-------------- اكثر ما اخشاه ان لا تقاوم مايكروسوفت اغراء الاحتكار مرة اخرى بعد سيطرتها على السوق وهذه المرة ستكون في التطبيقات طبعا
Post: #11 Title: Re: We’re Apple, and You’re Suckers Author: Nazik Eltayeb Date: 11-05-2012, 09:22 PM Parent: #8
اقصد برنامج ويندوزRT المخصص للاجهزة اللوحية ا ولدي حدس اتمني ان يكون صحيحاً ان مايكروسوفت ستقوم في فترة لاحقة بهدم الجدران الفاصلة بينه وبين الوينوز 8 (ربما في ويندوز 9 او اي كان اسمه) اذا لم يحدث هذا سيسود RT بانتشار الاجهزة اللوحية و ستحتكر مايركوسوفت السوق مرة اخرى و اظن ان مخططيها قد فكروا في الاحتمالين
الاول ان انتشرت الاجهزة اللوحية احتكروا السوق و الدليل على ذلك ذلك انهم منعوا تنزيل برنامج التشغيل windows RT(يأتي جاهزا مع الجهاز والا فلا مثله مثل برنامج تشغيل الايباد) و الاحتمال الثاني في حالة لم تتزايد مبيعات الاحهزة اللوحية ( انتهت موضة الاجهزة اللوحية مثلا) هدوا الجدران الفاصلة بين البرنامجين التوأم (RT و8 ) وانا ارجح الاحتمال الثاني لان سبب انتشار الببرامح مفتوحة المصدر في السابق هو الهروب من احتكار شركة مايكروسوفت الذي كان مستبداً جدا بصورة عانى منها جميع المستهلكين بلا استثناء رغم خسارة شركات كبيرة لدعاويها في المحاكامات في اوربا ضد مايركوسوفت قبل سنوات فربما وعت مايكروسوفت الدرس (خذوا انخفاض سعر الويندوز 8 كمؤشر لذلك) كذلك قد يحد ث هذا في حالة قفز تطور الاندرويد و تفوقع على المنافسة كنظام تشغيل .
يا ود البشري يا رايق انت..... :) الجلكسي فعلا تلفون محترم جدا. لكن البلاتفورم بتاعه يا اخى ما امن خالص....خاصة لاناس امريكا. انا بعمل كل ال banking بتاعى بالتلفون...و قوقل مخليه البلاتفورم مفتوح ساااى. ما معروف متين زول يعمل تطبيق يعرف بيه ارقام البنوك و كده من التلفون!!!! انا غايتو لو نطيت من ابل... بمشي على مايكروسفت.
مريوم...ازيك???? مشتاقين والله. و الله يا اخى انا ببيعهم ذى العجب لو ما شدوا حيلهم شوية. زمان كانوا فايتين الناس مساااافة. هسي بقوا ذى اوباما... فايتين الناس لكن بالجلالة...:) غايتو ناس مايكروسفت لما يدخلوا السوق بيفهموا الناس حاجه. زمان سونى مستلمة السوق ب ال بلى استيشن....جاءت مايكروسفت و عافرت ....وعافرت... و عافرت لحدى ما بقى ال Xbox من اهم الالعاب فى السوق.
الدعاية فعلا مبالغة. دى برامج الكوميدى اللى بتدور نص الليل فى امريكا. فى كمية من ال talk shows (ذى بتاع اوبرا) بتبث بالليل (بعد الساعة 11 باليل) فى امريكا. الفرق ان الطابع بيكون كوميدى. بيحضروها غالبا طلبة الجامعات.
Quote: اكثر ما اخشاه ان لا تقاوم مايكروسوفت اغراء الاحتكار مرة اخرى بعد سيطرتها على السوق وهذه المرة ستكون في التطبيقات طبعا
سلامات يا نازك...glad that u like it الدور على قوقل تتبشتن فى المحاكم بسبب الاحتكار. اظن ان فى قضية ضددهم فى الطريق. مايكروسفت متعاملة بظرافة فى موضوع التطبيقات...بداية العام القادم ح ينزلوا office for ipad....ما حبا فى ابل... لكن سوق ال ipad كبير و لو باعوا النسخة ب 20 دولار ح يعملوا قروش ما بطالة. اجهزة قلاسى فعلا محترمة...لكن انا الايام دى فى حالة حرب مع قوقل عشان كده ما ح اشكرهم كتير
Post: #12 Title: Re: We’re Apple, and You’re Suckers Author: smart_ana2001 Date: 11-06-2012, 04:55 AM Parent: #10
سلامات يا نازك مايكروسوفت قالت ح تنزل يوندوز8 في التابلت الجديدة. احتمال الموديل القادم. المنافسة قوية جداً في سوق التابلت. قوقل من جهة و ابل من جهة أخري. دي غير امازون شخصيا.مايكروسوفت ما عندها شئ تحتكره. علي العموم السوق بقت الحركة فيه سريعة جداً. و كل يوم في جديد.
Post: #13 Title: Re: We’re Apple, and You’re Suckers Author: حاتم محمد Date: 11-06-2012, 03:43 PM Parent: #12
السلام عليكم وكل عام و انتم بخير مادام فتحتي بوست زي ده انا حاستغله و اسأل كم سؤال: قبل فترة اشتريت اي باد Apple iPad 2 - 16 Go WiFi + 3Gو ده كان اول تعامل لي مع ابل بس لاحظت : انو لما اشغل الاكسبلورر -لما اشغل اغنية مثلا - اول ما احاول امشي اشغل برنامج تاني الغنا بيقيف ليه البروسسر بتاع الاي باد ما بيتعامل مع وظائف متعددة؟ ماهو معالج النصوص الذي يمكن ان احمله على الايباد
Post: #14 Title: Re: We’re Apple, and You’re Suckers Author: elhilayla Date: 11-26-2012, 06:00 AM Parent: #13
Quote: السلام عليكم وكل عام و انتم بخير مادام فتحتي بوست زي ده انا حاستغله و اسأل كم سؤال: قبل فترة اشتريت اي باد Apple iPad 2 - 16 Go WiFi + 3Gو ده كان اول تعامل لي مع ابل بس لاحظت : انو لما اشغل الاكسبلورر -لما اشغل اغنية مثلا - اول ما احاول امشي اشغل برنامج تاني الغنا بيقيف ليه البروسسر بتاع الاي باد ما بيتعامل مع وظائف متعددة؟ ماهو معالج النصوص الذي يمكن ان احمله على الايباد
الاخ حاتم سأساعدك برفع البوست ان شاء الله اسمارت تشوفه وترد عليك
اسمارت المرة دي أصلاً الفايف ما استرعي انتباهي وشكلي كدا ذي الداير أشوف ناس القلاكسي ديل بالرغم من أني دائر إدي ناس ابل السنة دي وكمان بالمرة ندرس القلاكسي شوية
شايف ناس مايكروسوفت ناويين علي منافسة الغريم الأقوي في مجال التاب ،بواسطة جهازهم الجديد سيرفس، شكلي كدي حا اجربه لان الايباد ما عجبني شديد وفيه نواقص كتيرة __________ الحليلة
Post: #15 Title: Re: We’re Apple, and You’re Suckers Author: Kamal Karrar Date: 11-26-2012, 06:29 AM Parent: #14
الموضوع والعنوان جميلان...
بس عنوان الإعلان أو الموضوع معيب من ناحية تعبير ههههههههههههه
خلينا نغالط الأمريكان في لغتهم ونقول ليهم: Apple can't be sucked but munched and we are greedy munchers! Aren't we??
