Post: #1
Title: الشعب السودانى !!!! والسياسيين السودانيين ؟؟؟؟ الماسونية المحلية !!!
Author: خالد احمد محمد
Date: 11-02-2012, 10:41 AM
عبر الهاتف :
عمر البشير : ياحسن كيف حالك .... وينك ليك كم يوم ما مريت ولا اتصلت ؟
حسن الترابى : انشغلت والله الايام الفاتت دى كان عندى لفة فى كم دولة قاعد ارتب ليكم فى موضوع ( مصر ) الاتفقنا عليهو المرة الفاتت انت نسيت ولا شنو ؟
عمر : انسى كيف !!! معقولة لا والله حتى بالامارة كنت بتكلم مع عبد الرحيم امبارح انو يرتب لينا لى اجتماع قريب انا وانت والصادق ومحمد عثمان نشوف حنعمل شنو
الفترة الجاية دى وبالذات بعد قصة الاسرائيليين اولاد الذين المتلحنا الايامات دى والله دى قصة بقت مامفهومة ذاتو هههههههههههههههه !!!!!
|
Post: #2
Title: Re: الشعب السودانى !!!! والسياسيين السودانيين ؟؟؟؟ الماسونية المحلية !
Author: خالد احمد محمد
Date: 11-02-2012, 10:45 AM
Parent: #1
مفروض فى سياق الحوار انو عمر البشير ر ده يكلم عبد الرحيم انو كمان ينبه قادة الشيوعى وحزب البعث وووو لى اللمة لكن يعلم الله من شدة الناس ديل مابقو ضعيفين وراحو فى الساحة قدر ماحكيت راسى ماقدرت
اتذكر الاسم الكامل لى سكرتير الحزب الشيوعى والقائد القطرى الحالى لى حزب البعث وخفت اتهم بالجهل عشان كده اضيفوهم لى الحوار الفوق ده براكم عشان الحوار يكتمل !!!!
|
Post: #3
Title: Re: الشعب السودانى !!!! والسياسيين السودانيين ؟؟؟؟ الماسونية المحلية !
Author: خالد احمد محمد
Date: 11-02-2012, 10:48 AM
Parent: #2
كان تركنا الاحزاب التقليدية ( الامة والاتحادى ) خارج اطار الكفاح لاسقاط سلطة الانقاذ لاعتبارات كتيرة !!! فالواحد بيستغرب للهشاشة والضعف الكبير الاتعاملت بيهو احزاب مفترض انها ثورية زى الحزب الشيوعى وحزب البعث العربى ا فى مواجهة
الحكومة الفاشية الحالية !!!
|
|