Post: #1
Title: المرة عرست!
Author: Hussein Mallasi
Date: 11-01-2012, 10:05 AM
Parent: #0
ذهبت لوزارة العدل اليوم الخميس لشراء بعض كتيبات القوانين ونحو ذلك
من الإصدارات فوجدت نافذة البيع مغلقة؛ فسالت: الجماعة ديل وين؟
فأجابني من تبدو على هيئته أنه عليم: قافلين ..
فسألته: قافلين مالهم؟؟!
فأجابني: المرة عرست ..
....
....
فتأمل!
|
Post: #2
Title: Re: المرة عرست!
Author: ABUHUSSEIN
Date: 11-01-2012, 10:09 AM
Parent: #1
| Quote: فأجابني: المرة عرست .. |
ما قلت ليه العرسها منو ,,,
|
Post: #3
Title: Re: المرة عرست!
Author: ناصر احمد الامين
Date: 11-01-2012, 10:15 AM
Parent: #2
و ما قال لي تجي راجع بتين؟
|
Post: #4
Title: Re: المرة عرست!
Author: حمد عبد الغفار عمر
Date: 11-01-2012, 10:25 AM
Parent: #3
المرة منو؟
وعرست ليه؟
|
Post: #6
Title: Re: المرة عرست!
Author: الزبير صالح الزبير
Date: 11-01-2012, 10:26 AM
Parent: #3
في 2006 م كان لدينا اجتماع مع مسئولة مهمة جداً وانا بمعية مجموعه من المستثمرين الأجانب وقبل الموعد بأربع وعشرون ساعه اتصلت عليها لتأكيد الموعد وقلت ليها علي مواعيدنا بكرة انشاء الله ، قالت لي سجمي لكن إحنا بكرة ما ماشين بكي فلان زميلنا
|
Post: #5
Title: Re: المرة عرست!
Author: Mahmoud Mustafa Mahmoud
Date: 11-01-2012, 10:26 AM
Parent: #1
| Quote: فأجابني من تبدو على هيئته أنه عليم |
لا أدري يا حسين..ولكن ثمة إحساس غامض يساورني في أن تلك الهيئة التي بدا عليها الرجل
لم تصادف القراءة الدقيقة من عينكم...فمنطق الحال يقول إن الرجل فوق علمه فهو :
حكيم..ولئيم..وقطيم..وممكن جداً يكون محبط ومشكوكش..وعييييييييييييييييك...
أتأمل ليك أكتر ولا كدا كفاية؟؟..
كن بخير يا صاحب..وكل سنة وإنت طيب..
والقابلة إن شاء الله كل نساء الخدمة المدنية (الما متزوجات) يعرسن..عشان "الحاجات تبقى كويسة"..
..
|
Post: #7
Title: Re: المرة عرست!
Author: Asim Fageary
Date: 11-01-2012, 10:36 AM
Parent: #5
| Quote: عرسن..عشان "الحاجات تبقى كويسة".. |
يا محمود الحاجات دي شنو البتبقى كويسة بالعرس
حيرتوووووووونا
|
Post: #8
Title: Re: المرة عرست!
Author: omer osman
Date: 11-01-2012, 10:57 AM
Parent: #7
والاغرب والادهي من ذلك ذهبت مرة لذات المكان ...
أنا : لو سمحتى عاوز قانون الاثبات ؟
هي : هو في قانون زي ده !!!!!!!!!!! 
مش اخير عرست ..........
|
Post: #9
Title: Re: المرة عرست!
Author: محمد مختار جعفر
Date: 11-01-2012, 11:16 AM
Parent: #8
عنما تذهب الى تأشيرة الخروج ،
إياك أن تقف فى شباك فيه مسئولة إمرأة
هذه نصيحة إمرأة ..!!
|
Post: #10
Title: Re: المرة عرست!
Author: Hussein Mallasi
Date: 11-01-2012, 11:28 AM
Parent: #8
Quote:
أنا : لو سمحتى عاوز قانون الاثبات ؟
هي : هو في قانون زي ده !!!!!!!!!!! |
______
حالة - فعلاً - أخير منها العرس 
|
Post: #11
Title: Re: المرة عرست!
Author: تبارك شيخ الدين جبريل
Date: 11-01-2012, 01:04 PM
Parent: #10
| Quote: حالة - فعلاً - أخير منها العرس |
نهنئ وزارة العدل والشعب السوداني بالمناسبة السعيدة ...
وندعو الله أن يجعله زواجًا ميمونًا ... بالرفاء والبنين ...
(خلوها تعرّس ... إذا كان الدستور ذات نفسو ... لسة ما عرّس في "الحرينا" دي!)
... المهم ....
|
Post: #12
Title: Re: المرة عرست!
Author: Asma Abdel Halim
Date: 11-01-2012, 01:46 PM
Parent: #11
حسين إزيك
أداعيك أقول ليك يعرس ركبيك؟ لا ما بداعيك.
أحسن نحاول نستعدل الموضوع ده
الأخت العزيزة مبروك عليها. أكيد لما جات تعرس كتبت طلب إجازة وصدقوا ليها بإجازة
وإذا بس قفلت شباك أبوها ده ومشت - زي ما قال الدوش "كبير في الحلة غير الله انعدم"؟
الشباك مصدر دخل لوزارة السجم دي ما عارفين فيه منو واللا بعرف شنو؟ عفيت منها بركة السوتها.
أمرق يا حسين علي الأنترنت القانون ده في أكثر من موقع مثلا كليك هنا http://www.sudanforum.net/showthread.php?t=105807
الأعزاء
أبوحسين – ناصر – حمد – الزبير - مصلفي – عاصم – عمر – محمد –
ال SARCASM مقبول- لقيتو جنازة دايرين تشبعوا لطم في النسوان
لكن وين الرجال القاعدين علي راس المؤسسة دي برضه مشوا يعرسوا؟
عارفين ليه ما تمشوا لشباك فيه مرة؟ ما تقبل رشوة وما عندها وقت لل اللولوة (آي أضحكون)
دمتم بخير
|
Post: #13
Title: Re: المرة عرست!
Author: البشير دفع الله
Date: 11-01-2012, 02:14 PM
Parent: #12
|
Post: #15
Title: Re: المرة عرست!
Author: صديق الموج
Date: 11-01-2012, 02:24 PM
Parent: #13
وانت يا حسين زعلان عشان ما عزمتك؟؟
وهى اصلها شالت معاها الكتب ولعت بيهم حفرة الدخان؟؟
الوزارة ما تخت اى موظف مكانها يبيع وخلاص...
قال عرست قال !!! تموت ليكم يعنى ؟
|
Post: #14
Title: Re: المرة عرست!
Author: ابوحراز
Date: 11-01-2012, 02:18 PM
Parent: #12
عايزنها تقعد ليكم وتباري ليكم بيع الكتب ؟؟؟
بركة المشت وعرسوها على الأقل تجيب ليها { شفع } ينفعوها
وان شاء الله كمان بالمرة تكون عرست ليها واحد جاء يشتري منها قبل كده !!!!
نبارك هذا الزواج الميمون
وإن كان كاتب البوست يسخر من تردي الخدمة المدنية
فهناك رجال كثيرون هم سبب تعاسة هذه الخدمة
معانا طبيبة هنا من المستوصف للسكن
ومن السكن للمستوصف
والمشكلة المستوصف فيه طبيبة وزوجها سوداني
كلما الطبيبة المتزوجة تشوف أختنا العزابية دي تتكلم مع زوجها تقوم { تصر } ليها وشها
يوم لقيت زولتكم شايلة شنطها ومسافرة
وقالت لي بلدكم الكلها وضوء وتيمم دي ما أظننا نعرس فيها
الشغل ذاتو خليناهو
هسي ماشاء الله عندها ولدين !!!!
قال قافلين قال !!!!!
|
Post: #16
Title: Re: المرة عرست!
Author: Mahjob Abdalla
Date: 11-01-2012, 03:12 PM
Parent: #14
Quote: عنما تذهب الى تأشيرة الخروج ،
إياك أن تقف فى شباك فيه مسئولة إمرأة
هذه نصيحة إمرأة ..!! |
اجابة الرجل هو دليل علي المستوي الذي وصل اليه الخدمة المدنية من تردي و ليس دليلا بأي حال من الاحوال علي تسيب المرأة في عملها.
اما بخصوص النصيحة هذه ففي اخر زيارة لي الي السودان ذهبت الي وزارة الداخلية بخصوص تأشيرة الخروج و قد اكملت اجراءاتي في اقل من 15 دقيقة و كانت مجمل المكاتب التي دخلتها اربع و في هذه المكاتب كانت القائمات علي امرها نساء في غاية التهذيب و البروفشانليزم.
قلت للاخيرة هذه اول مرة يحدث معي في جمهورية السودان ان دخلت مكتبا للخدمة المدنية و خرجت منه في اقل من 15 دقيقة و دون ارتفاع في ضغط الدم و شكرتها كثيرا
|
Post: #17
Title: Re: المرة عرست!
Author: Muna Khugali
Date: 11-01-2012, 03:24 PM
Parent: #16
احسن ذاتو..
هي الكتب دي ذاتها كانت رخيصة شديد اخير يخلوها ببلاش..
وبعدين اسه انتو مسكتوا فيها هي..
وليه ما إنتقدتو انه مافي غيرها من المزظفين ممكن يبيع الكتب؟؟
عندكم حركات كده!
|
Post: #18
Title: Re: المرة عرست!
Author: munswor almophtah
Date: 11-01-2012, 03:53 PM
Parent: #17
المرة
|
Post: #19
Title: Re: المرة عرست!
Author: Rawia
Date: 11-01-2012, 04:24 PM
Parent: #18
إنت غيرت Career
ولا شنو؟
|
Post: #20
Title: Re: المرة عرست!
Author: Hussein Mallasi
Date: 11-02-2012, 05:28 PM
Parent: #19
| Quote: أداعيك أقول ليك يعرس ركبيك؟ |
لا أظنها من أنصار التعدد
_______
المداخلة الأولى تروي ما حدث بالحرف .. أما الثانية .. فإن سئلت – أياً كانت – عن
قانون الإثبات وهي المسئولة عن بيع كتيباته وردت ب: "هو في قانون زي ده"
تبقى - فعلاً - حالة أخير منها العرس.
|
Post: #21
Title: Re: المرة عرست!
Author: Hussein Mallasi
Date: 11-02-2012, 05:44 PM
Parent: #20
Quote: وانت يا حسين زعلان عشان ما عزمتك؟؟
وهى اصلها شالت معاها الكتب ولعت بيهم حفرة الدخان؟؟
الوزارة ما تخت اى موظف مكانها يبيع وخلاص...
قال عرست قال !!! تموت ليكم يعنى ؟ |
فالج لا تعالج!
|
Post: #22
Title: Re: المرة عرست!
Author: حافظ انقابو
Date: 11-02-2012, 06:04 PM
Parent: #21
جنس الكتيبات دي متوفرة بأسعار رخيصة جدا في برندات السوق العربي
وأصلا قليلين البسألو منها في الوزارة الغبراء
الولية لحدي ما تنتهي من العسل وترجع ح تكون انت الزبون الوحيد الجاها ;-)
|
Post: #23
Title: Re: المرة عرست!
Author: محمد إبراهيم علي
Date: 11-02-2012, 06:22 PM
Parent: #22
كل سنة وانت طيب يا حسين
كدي شوف الجليطة الاكبر دي والغريبة مسرحها وزارة العدل ايضا
|
Post: #24
Title: Re: المرة عرست!
Author: Asma Abdel Halim
Date: 11-02-2012, 07:15 PM
Parent: #23
| Quote: لا أظنها من أنصار التعدد |
لا ما بسألك دي ما انسبقت عليها
|
Post: #25
Title: Re: المرة عرست!
Author: سلمى على محجوب
Date: 11-02-2012, 07:16 PM
Parent: #23
ليلى عباس دي كانت مسئولة بمكتب الإحصاء زمان
لو هي ما بتخاف من وزارة العدل ولا وزارة الدفاع
|
Post: #26
Title: Re: المرة عرست!
Author: عمار محمد ادريس
Date: 11-02-2012, 08:07 PM
Parent: #25
اخير ليها من الخور
|
Post: #27
Title: Re: المرة عرست!
Author: Hussein Mallasi
Date: 11-08-2012, 08:29 AM
Parent: #26
اليوم الخميس 8 نوفمبر 2012 والنافذة لا زالت على إغلاقها 
|
Post: #28
Title: Re: المرة عرست!
Author: حافظ انقابو
Date: 11-08-2012, 08:50 AM
Parent: #27
قلنا ليقد اسمو شهر العسل .. وليس اسبوعين :(
ثم ياخ شارع السيد عبدالرحمن فيهو كل شي
|
Post: #29
Title: Re: المرة عرست!
Author: Hussein Mallasi
Date: 11-08-2012, 08:57 AM
Parent: #28
| Quote: ثم ياخ شارع السيد عبدالرحمن فيهو كل شي |
خليك طبيعي يا انقابو.
|
Post: #30
Title: Re: المرة عرست!
Author: فدوى الشريف
Date: 11-08-2012, 09:06 AM
Parent: #29
الاستاذ / ملاسى سلامات
مبروك عليها
لكن مافى موظفة غيرا تستلم فترة غيابا ؟ عشان الشغل مايتعطل
|
Post: #31
Title: Re: المرة عرست!
Author: الشفيع رمزي
Date: 11-08-2012, 09:55 AM
Parent: #30
حاول انجز موضوعك قبل تسعة شهور .
|
Post: #32
Title: Re: المرة عرست!
Author: الحاج حمد الحاج
Date: 11-08-2012, 10:03 AM
Parent: #31
لكن مافى موظفة غيرا تستلم فترة غيابا ؟ عشان الشغل مايتعطل
********************************************************
يكونوا مشوا يحضروا العرس!!!
|
|
