بيان جديد للحزب الشيوعى..(ترضية للأخوان والصحبان الزعلانين)

جماهير شعبنا السودانى
فى الريف
والمدن
جموع الفلاحين والعمال

يمهل ولايهمل..يوم أمس جات الطيارات الأسرائيلية وأدبت لينا الجماعة ديل أدب شديد وعدمتهم نفاخ النار نعم لقد روعت المواطينين وقتلت أبرياء لكن كلو بسببهم لأنو نحن زمان قلنا ليهم ماتتشوبروا وتدعموا الأرهاب وحماس وناس حزب الله ونحن ماعندنا قدره على أسرائيل قمتو جبتوها لينا بالتِشبر بتاعكم ده , ولقد ظلننا ننادى منذ فتره بأن يتم تحويل هذا المصنع لمصنع مويه أو أيسكريم لكنكم بغباء تناسيتم مطالبنا..

أننا فى الحزب الشيوعى السودانى نعبر عن بالغ سعادتنا لهذا القصف والدمار الذى حاق بمصنع الكيزان ونطالب المواطنين بأن يطنشوا من قصة أنو فى طيران دولة جا وقصف المصنع لأنو أصلاً نحن ماكان عندنا سيادة عشان ندافع عنا البلد فاتحه شوارع والشعب قاعد فى الشوارع دى مقهى وبياكل فى قصب سُكر تجى طياره أسرائيلية يقول ااامك أسرائيل يجوا المارينز ديشااااك المارينز يجوا الأيرانيين أبوالزفت الأيرانيين بعاين ساى ونحن طبعاً مسئوليتنا التاريخية هى فى حدود (معاينتو) دى مابنفوته شبر,.. وزى ماقالوا فى الأمثال( العفش على مسؤولية الراكب) الوطن هنا بكون على مسؤولية السواق يعنى لوضاع ولاأنضرب نمش نمسك فوقوا ونقول ليه نحن قاعدين فى أمان الله بعد ماقرينا دعاء السفر وبنحضر لينا فى فلم هندى وبنحلم بالوصول لمحطتنا..نجى نفتشوا نلقاها راح ولاناقص ليهوا أقليم اقليمين وخمسة كراتين وباقة, وتجى برضو تقول لينا وطنيتكم راحت ..وتسأل كمان أنتو ليه ماكنتوا بتجو مره مره تتبنوها عشان تتأكدوا أنها قاعده مع العفش,

المصنع حق الدولة
والأسرائليين أصحاب الحق
وكانو حداشر رباطية
ومامعاهم ولا فد نوباوية
ويابوليس ماهيتك كم..
(شعر ثوري)



المجد لأبنا شعبنا
فالنسقط نظام البطش والتجويع والأرهاب
ماخسانا بفلسطين ولاميتين زاتو..


تحت تحت (التحية لأسرائيل)





----
أراهن أنه لوكتب الحزب الشيوعى بيانه بهذه الصيغة سيعلن البعض أنه أعظم بيان فى تاريخ الحزب الشيوعى

تتخيل بيانك دا ورغم التريقة الظاهرة على آخره "وأوله برضو" إلا إنو بيعبر عني ويمثلني تمثيل ضوئي عديل




وماشين في السكة نمد ..



ــــــــ
قلتها وبقولا كلما لقيت طريقة:
الحزب الشيوعي السوداني أفضل وأعظم حزب مر على تاريخ السياسة السودانية ..

Quote: الحزب الشيوعي السوداني أفضل وأعظم حزب مر على تاريخ السياسة السودانية ..

تحياتي ياتيسير ....

الحيثيات شنو الخلتك تمنحي الشيوعي الافضلية ؟

في تقديري وليس لانني (اتحادي) افضلها هو الحزب الاتحادي لانه الاقل اضراراً بالسودان وليس لأنه الاكثر نفعاً للسودان ...

فى زول غالطك انو افضل حزب فى العالم..ولادايره ليك مشكلة..

بعدين البيان اصلاً معمول عشان يتوافق مع قناعاتك الضوئية الساطعة ..ونحمد الله ان تحت لوائه المعقود كسبناك يازميلة..نطمح لأن يأتى اخرون افواجا


--
ياعمر..يمكن عشان عندهم كورال انتو عندكم!!

Quote: ياعمر..يمكن عشان عندهم كورال انتو عندكم!!

ايوه عندنا .....

اسمع شبابنا وهم بقولو ...........

(نحن الجينا بشورة اهلنا ولما حكمنا ,الناس راضين لا اتضارينا وراء دبابة ولا تاجرنا باسم الدين....)

بطل تحريف في بيان الحزب يا حاتم !!!
البيان دا ما فيهو (يعاينو) فيهو (يراعوا)
يا تطبع البيان زي ما ياهو يا كمان تخليهو!!!!

هوى ياسفيان...انا نخبة نيلية أنت نسيت .....دى بالمناسبة بت عم رحلة نيلية
فى لهجتنا بنقول..نعاين
ماقاعدين نقول نراعى

الاستاذ حاتم
مواقف وبيانات الحزب الشويعي كانت عبر تاريخه الطويل الاكثر ثباتا الاوكثر اتساقا..

ارجو شاكرا توضيح موقف الحزب الشيوعي من اعصار ساندي وحركة الطلاب المستقلين؟؟

الانحطاط والضربة الإسرائيلية الإستباقة الموجعة ... هي أن نصل مرحلة المفاضلة بين الحزب الشيوعي والحزب الإتحادي ...

اسرائيل انتهكت صنع القرار السوداني (مع دول المنطقة) منذ عقود من الزمان ... وليس اسوأ من دفن رؤوسنا في الرمال ... سوى إخراج رؤوسنا لنلعق الوحل ..













... المهم ....

الحيثيات شنو الخلتك تمنحي الشيوعي الافضلية ؟

في تقديري وليس لانني (اتحادي) افضلها هو الحزب الاتحادي لانه الاقل اضراراً بالسودان وليس لأنه الاكثر نفعاً للسودان ...

سلامات يا جنابو ..

كل زول يعجبو الصارو
مع إنو كان جينا للجد أنا ما صارة الحزب الشيوعي بالمعنى الرسمي ..


الحزب الشيوعي أفضل السيئين يا عمر
لو إتغاضينا عن الأسباب التقليدية والكلام المكرر من جهة إنو ما حزب ثيوقراطي/طائفي
وإنو قدم فكر مختلف إرتقى بوعي السودانيين
وقدم قيادات بقت رموز ملهمة لكتيرين جات من قلب الشعب مش أنا الرسول جدي وأنا الله والرسول جوني بين اليقظة والأحلام وقالوا لي
أفضلية وعظمة الشيوعي بتجي في نظافة يد الحزب وقياداتو
وبعدهم عن شبهات الفساد المالي والجشع وحب الرفاهية المصاحب لباقي قيادات الأحزاب الأخرى ودي البتهمني كمواطنة عادية
عندو عيوب؟
أيوة عندو
لكنها ما بتجي حاجة جنب باقي الأحزاب الإنتهازية ناس كلا ونعم الباعت ولازالت تبيع في الشعب وتشتري بي اسمو مقابل منصب وكرسي

نحن ربنا إبتلانا على مر العصور بي حكومات كارثية وأحزاب معارضة وإتلاف أكثر كارثية
لمن أقوم أعتبر الحزب الشيوعي الماعاجب تلاتة أرباع الناس دا كأفضل حزب معناها باقي الأحزاب راقدة خيت (ودي الحقيقة)



بحاول أرجع لمواصلة الهتاف لو ما سيدنا حاتم أدانا طردة







هوي يا حاتم الياس

ارفع يدك عن الحزب






سيادة بتاعة فنيلتك؟

Quote: كل زول يعجبو الصارو مع إنو كان جينا للجد أنا ما صارة الحزب الشيوعي بالمعنى الرسمي ..

والله ياتيسير انا الصاريهو زاتو ما عاجبني لكن بفتكر انو هو الاقل اضراراً بالسودان

حيث لا نفع في جميع الاحزاب ........

Quote: وقدم قيادات بقت رموز ملهمة لكتيرين جات من قلب الشعب مش أنا الرسول جدي وأنا الله والرسول جوني بين اليقظة والأحلام وقالوا لي أفضلية وعظمة الشيوعي بتجي في نظافة يد الحزب وقياداتو وبعدهم عن شبهات الفساد المالي والجشع وحب الرفاهية المصاحب لباقي قيادات الأحزاب الأخرى ودي البتهمني كمواطنة عادية

بتفق معاك الى حد كبير لكن ما بتتفقي معاي انو المحك الحقيقي لاختبار هذه الصفات هو السلطة ...

بمعني ان الشيوعي لما تتاح له فرصة كاملة لممارسة السلطة حتى نمتحن قادته ومدي مطابقة اقوالهم لافعالهم

وان كان الكثيرون يحملون الشيوعي ما حدث من نميري في ايامه الاولي المصادرات والتأميم والتطهير .... الخ

Quote: نحن ربنا إبتلانا على مر العصور بي حكومات كارثية وأحزاب معارضة وإتلاف أكثر كارثية

أو كما قال الراحل العزيز (حميد)

حيكومات تجى
وحيكومات تغور
تحكم بالحجى
بالدجل الكجور
ومرة العسكرى
كسار الجبور
يوم باسم النبى
تحكمك القبور

سلامات ياحاتم الياس
للأسف الشديد فإن البعض يتصورأن الحزب الشيوعي سيرمي بتاريخه ومبادئيه وثوابته من علي النافذة -ليركب موجة المزائدات وإنتزاع آهات الإعجاب والتصفيق الوقتي علي حساب المبادئي , ناسين أن نظرية لحقان السوق وركوب موجة الحماس غير المؤسس ليست لها وجود في قاموس هذا
الحزب , الحزب الشيوعي متسق مع أدبياته فيما يتعلق برفضن المساس السيادة الوطنية...
كتبت في بوست آخر

Quote: أعود لبيان الحزب الشيوعي لأدون هذه الملاحظات الإضافية أولا الخلط واللبس حول إدانة إسرائيل للسيادة وضرب منشاة عسكرية تصنع إسلحة دمار تقتل شعبنا , من الواضح لأي شخص موضوعي غير متحامل يعرف تاريخ الحزب الشيوعي ورفضه لإنتهاك السيادة منذ أيام حلف بغداد في الخمسينات والمعونة الأمريكية في عهد عبود -سيدرك أن الحزب يرفض مبدأ إنتهاك السيادة غض النظر عن طبيعة الهدف المقصوف فمجرد التعمد بتحليق طائرات أجنبية في المجال الجوي الوطني أو دخول بوارج عسكرية في المياه الإقليمية يعد مساس بالسيادة فالحزب لم يكن ليهتم لو قامت الجبهة الثورية بتدمير كافة مخازن الاسلحة وذخائر الأسلحة السودانية !! ** هذا علاوة علي أن إسرائيل قصفت المصنع حماية لأمنها ومصالحها وليس من أجل عيون أطفال دارفور ثانيا من الغربية أن هناك أحزاب أخري أدانت الغزو وسط صمت أو ترحيب بعضا ممن إستلوا السنتهم وأقلامهم ضد الحزب الشيوعي في موقف يكشف إزدواج المعائير ! ** وهناك بعضا ممن يصمتون لخذلان سلفاكير لاهل الهامش وذلك بستضافته مطالب للعدالة الدولية و مجرم حرب يقتل الان العزل في جبال النوبة ودارفور ويضرب في عضوية وكوادر الحركة الشعبية ممن جمعهم الإنتماء والخندق بسلفاكيير - وتراهم الان يتحدثون عن إدانة الحزب الشيوعي للقصف لا تراعي مشاعر المهمشين !! ثالثا بيان الحزب الشيوعي صادر من سكرتارية اللجنة المركزية و هي هئية قيادية ولكن يجب أن نعرف أن أعلي هئية للحزب بعد المؤتمر هي اللجنة المركزية والتي تنتخب تلك السكرتارية وتشرف عليها وتناقش تقاريرها وهناك الهئية قيادية ثانية بعد اللجنة المركزية هي المكتب السياسي وبالتالي يمكن أن يعالج أي قصور للسكرتارية من قبل تلك الهئيات فالحزب تحكمه مؤسسات ذات صلاحيات من ضمنها حل السكرتارية!! ثالثا لايمكن المزائد ة علي الحزب في قضايا الهامش أو في العمل علي إسقاط النظام فقد أثبتت الهبة الشعبية دور كوادره بالداخل والخارج حيث ظلت بعضا من نشطائيه في المعتقلات لشهور- نساء وشباب وطلاب وشيوخ وقيادات في وقت ظللنا نسمع فيه جعجعة ولانري طحنا للبعض .. الحزب الشيوعي كيان مستقل وليس ظلا لأحد و لا يتخذ قراراته طمعا في التصفيق وبحثا عن نجومية خطابيةتعوض قصور الوجود والحراك الجماهيري! رابعا هناك بعض أوجه القصور في أداء الحزب تستدعي نقدا موضوعيا يجب أن يلقي إذنا صاغية أما محاولات التكسب السياسي علي حساب الحزب والمزائدة عليه فلا تعدو كونها مراهقة سياسية بائسة ومثيرة للسخرية !!

أقول هذا علما بأني إنتقدت البيان في بعض النقاط التي لم يغطيها بشكل كافي وعلي الرغم من أن للحزب نواقص وأوجه قصور تحتاج للنقد والتقويم.. الإ أن الواقع والموضوعية تقتضي الإعتراف بأن هذا الحزب علي مستوي القيادات قدم ويقدم باقة من أكثر القيادات نزاهة وطهارة وعفة في اليد وإستقامة- . و من أفنوا ويفنوا عمرهم وحياتهم في سبيل الغير, وقدم كوادر تعمل من دون إنتظار مقابل -أو ـ ثروة أو سلطة. ناضل أجل العمال والمسحوقين والفقراء ومن أجل التنمية والحفاظ علي القطاع العام المنتج ومجانية العلاج والتعليم وحقوق المراة والأقليات والوعي والاستنارةوقضايا السلام والحريات ومحاربة الهوس والتعالي العرقي والجهوي والديني وبناء نقابات تناضل من أجل الحقوق ومن أجل السيادة وإستقلال القرار الوطني ومن أجل مؤسسات مجتمع مدني قوية وأضاف للحركة الثقافية والفنية والادبية الخ نعم وقع الحزب خلال مسيرته في أخطاء وله جوانب تحتاج للتطوير وللمزيد الفعالية ..

كتب الأخ عمر عثمان

Quote: وان كان الكثيرون يحملون الشيوعي ما حدث من نميري في ايامه الاولي المصادرات والتأميم والتطهير .... الخ

الغريبة أن نظام مايو كان يأخذ علي الحزب الشيوعي عدم تأييد قرارات التأميم والمصادرة وبالفعل هناك بيان من الحزب الشيوعي أدان فيه التأميم وكذلك وقف ضد كثيرا من توجهات مايو ,, ولكن فلنكن موضوعيين ونربط الأسباب بالنتائج :-
الحقيقة أن الإنقلاب علي الديموقراطية تم يوم بلعت احزابنا الوطنية طعم جبهة الميثاق الإسلامي وتأمروا علي الحزب الشيوعي وطردوا نوابه من البرلمان وكانت الطامة الكبري هي تغول الحكومة الديموقراطية علي إستقلال القضاء - ** فقد أفتي القضاء السوداني بعدم دستورية حل الحزب الشيوعي وعدم شرعية طرد نوابه وكا ن علي الحكومة الإستجابة للحكم القضائي - وبهذا يكون قد تم نسف نظام ومبدأ فصل السلطات الثلاث- تشريع - قضاء- تنفيذ والتغول علي إستقلالية القضاء وخرق الدستور مما يعد إنقلابا مكتمل مكتمل الاركان علي الديموقراطية وديكتاتوريةمدنية تسربلت بالدين مماقاد لإنقلاب مايو - وقد أدي هذا الوضع والموقف من مايو لصراع وإنقسام في الحزب الشيوعي -أنا شخصيا ضد الإنقلاب من حيث المبدأ ولكن أفهم السياق والظرف الذي جري فيه - وأعي أن إنقلاب مايو كان نتيجة لاسبب
* عموما يتحمل الحزب الشيوعي تاريخيا مشاركة بعض عناصره في مايو وتأييده لبعض قراراتها .. وقد دفع ثمنا باهظا لذلك وتحول لأشرس
المعارضيين لنظام مايو...
** بالنسبة للحركة الإتحادية والحزب الاتحادي فهو حزب الحركة الوطنية وهو ميزان الاعتدال والتسامح والتعائش وسيظل صمام أمان لوحدة وإستقرار البلد متي مارجع لمباديئه وثوابته التاريخية * ومتي عاد لقيم المؤسسية وأشاع الديموقراطية في هياكله وسمح بتواصل ا الأجيال وتداول القيادة وسار علي خط الشريف حسين الهندي ومبدأ فصل الدين عن الدولة ووضع مسافة ومساحة بين الطريقة الصوفية والمؤسسة الحزبية ومتي مانأي الحزب بنفسه عن المشاركة في الانقاذ وعاد لنبض جماهيره وأقام مؤتمره وبني مؤسساته الحزبية,,,,,,,,,

Quote: وإنو قدم فكر مختلف إرتقى بوعي السودانيين وقدم قيادات بقت رموز ملهمة لكتيرين جات من قلب الشعب مش أنا الرسول جدي وأنا الله والرسول جوني بين اليقظة والأحلام وقالوا لي أفضلية وعظمة الشيوعي بتجي في نظافة يد الحزب وقياداتو وبعدهم عن شبهات الفساد المالي والجشع وحب الرفاهية المصاحب لباقي قيادات الأحزاب الأخرى ودي البتهمني كمواطنة عادية عندو عيوب؟ أيوة عندو لكنها ما بتجي حاجة جنب باقي الأحزاب الإنتهازية ناس كلا ونعم الباعت ولازالت تبيع في الشعب وتشتري بي اسمو مقابل منصب وكرسي

والله شر البلية ما يضحك ...

فكر؟

نضافة يد؟

بعد عن:
1- شبهات الفساد المالي؟
2- والجشع؟
3- وحب الرفاهية؟


الحزب الشيوعي؟

زول يمشي يصحّي ليّ عادل عبدالعاطي ...

غايتو انا بعمل فيها انك ما جادة يا تيسير عووضة ...











... المهم ....

Quote: والله شر البلية ما يضحك ... فكر؟ نضافة يد؟ بعد عن: 1- شبهات الفساد المالي؟ 2- والجشع؟ 3- وحب الرفاهية؟ الحزب الشيوعي؟ زول يمشي يصحّي ليّ عادل عبدالعاطي ... غايتو انا بعمل فيها انك ما جادة يا تيسير عووضة ...

احسب عندك اتنين يا تبارك وعادل كان صحي اليصحا(وش مبتسم)


ولا ينكر اسهامات الحزب الشيوعي ودوره الرائد والطليعي في الصراع الاجتماعي في السودان تاريخيا الا مكابر ، لم يخلو تاريخ الحزب قط من نابهين اخترقوا حٌجب الايدولوجيا وقدموا قراءات مغايرة وثرية لقضايا البلاد والعباد

الحكم علي مجمل خطاب الحزب الشيوعي التاريخي والمعاصر والغاء مساهماته او الازراء بها بجرة قلم ليس رأيا صائبا ولا موضوعيا


استاذنا حاتم الياس


بيان الحزب الشيوعي كان غالبو يعني يندد بامتهان السيادة الوطنية ويدين اسرائيل ويلعن سنسنفيل اجدادا

وبرضو يقول للكيزان المصنع ده بتصنعو فيهو الاسلحة البتكتلو بيها المواطنين السودانين من ابناء الهامش ويستاهل التدمير والقصف

يعني كان قالو حندمرو بايدينا وايدي الشعب وحنسقط النظام ونوقف قتل مواطني الهامش باسلحة الدولة المركزية فيها شنو؟ لا يرحموا لا عاوزين رحمة ربنا تنزل ؟

بس ياها حكاية كلـــب السرة يعني ؟

وكمان قال ليك (الحكومة) كده حاف .. من غير ما يصرفو ليها من جنس الشمولية والديكتاتورية والقمعية الخ .. يا كافي البلا هي وكت حيكومتنا زيها وزي باقي المسميات حكومات في دول العالم دي كلها نحن المتور نفسنا شنو؟؟؟؟؟

شخصية الحزب الشيوعى لم تكن حاضرة بالكامل عند البيان الأول ..
ولم تكن حاضرة هنا فى هذا البيان اللطيف ..
ثمة خطأ ما !

لا أتحدث تحديدا عن الموقف الذى يدين إسرائيل يا حاتم ..
وأقدر شغفك بهذه الجزئية عموما ولكن ..
لربما يكون الحزب الشيوعى هو الأكثر عراقة فى أدب البيان السياسي السودانى ..
ويستند فى ذلك على أدبيات كثيرة هى الأكثر نفوذا فى المشهد السياسي فى مقابل إدبيات الاسلام السياسي لحركة الاخوان المسلمين ..
ولعل تمجيد الشعب السودانى كان الثيمة الاساسية فى هذه المقابلة ..
الأمر الذى لا يمكن وبأى حال من الأحوال التعبير عنه بالمقولة الرائجة
(مد رجليك على قدر لحافك) !!
وفى البال "قدرك عالى قدرك وكل تلك الأغنيات التى لن تغييب مطلقا عن الوجدان السودانى ..
وحنحلم بيهو ..
وطن شامخ .. وطن عاتى

لاحظ " وحنحلم بيهو " دى يا حاتم الياس..
ذلك أن اليقين قد تضعضع قليلا ..

المهم ..
نأتى فى إشارة سريعة لغياب آخر ..
أو بالاحرى لحضور أقل ..
والبيان السياسي ليس ورقة سياسية شاملة ولكن ..
حضور الخط العام للحزب قد تأثر فى تقديري الخاص بالدلالات اللغوية الكثيفة لتأكيد موقف الادانة لاسرائيل ..

تحياتى ..

تبارك ..

إنت وعادل عبد العاطي الإتنين مغرضين فيما يخص الشيوعي
والإتنين مفروض تقوموا تلفوا

Quote: انا نخبة نيلية أنت نسيت

عثل بث ...

حاتم ... تسلم

فوق....أهو منها الواحد ياخد ميزة عضو نشط...

والتحية للحزب الشيوعى السودانى وهو يطبق مبدأ (من الجماهير وأليها) يؤكد أنه مرتبط بقضايا وهموم شعبه

Quote: فوق....أهو منها الواحد ياخد ميزة عضو نشط...

انت الجا منك مش قلت كاسح ..
حتى بالامارة قلت لينا يا ما وطنين تنفسوا الصعداء!؟




















-------

قوم انت والحزب الشيوعي لفوا .. في السكة مدوا
وابدوا من تالا (اليسار) بالله