Post: #1 Title: كل عام وإدارة الموقع... وكل الاخوه الاعضاء فى تمام الصحه والعافيه Author: محمد عبيد الفاضلابى Date: 10-29-2012, 05:21 PM
قعاد النبات
يـَ الماشّه نعناعه وشتول يـَ الخدرا غاتسه غلي التراب كلميني من الجذور يـَ الفجأة أزهرت الأنامل فيك خجاتي البساتين والحقول قعد النبات العمرو ما قعد النبات إتفجّرت بينك وبين العين غصون مرقن تلاتين نهر حي كل نهر عظيم ماسك وكتو يتحدّى الغياب وشرقن شموس الدنيا شانك أربعه بهتت ليالي العُزله بيك أثمرت فيك كل أطرافك ثمر سرحن عيون الفكره عند الأشرعه وغابت فصول يـَ الماشّه نعناعه وتنقطي فِ الندى قولي لجبالك عاليه دنقري كم زادن الدنيا الفصول من المسافات الوكت ومن الخيارات البخت دنقري وتحديلنا الذهول نبقى قادرين نعرفك وكت المصايب الموجعه لما القعاد للنبته يصبح مُر وينصهر العذاب الكلمة تمرق مُسرعه والحرف يصبح لحن في هذا الإياب يـَ الماشه .. خدره وغاتسه ديمه بتزهري قولي لجبالك عاليه شفناك وحنمرق للوصول قولي لجبالك أوعى تاني دنقري .
Post: #2 Title: Re: كل عام وإدارة الموقع... وكل الاخوه الاعضاء فى تمام الصحه والعافيه Author: عمار عبدالله عبدالرحمن Date: 10-29-2012, 06:08 PM Parent: #1
Quote: العمرو ما قعد النبات إتفجّرت بينك وبين العين غصون مرقن تلاتين نهر حي كل نهر عظيم
وانت ومن تحب وفي اتم الصحة والعافية
عيدك سعيدة
Post: #3 Title: Re: كل عام وإدارة الموقع... وكل الاخوه الاعضاء فى تمام الصحه والعافيه Author: محمد عبيد الفاضلابى Date: 10-30-2012, 08:38 PM Parent: #2
الاخ الجميل عمار... مشكور والله
Post: #4 Title: Re: كل عام وإدارة الموقع... وكل الاخوه الاعضاء فى تمام الصحه والعافيه Author: Ashraf el-Halabi Date: 10-31-2012, 03:48 AM Parent: #3
مرحبتين الشاعر الفحل (ولا على كيفك) فاضلابي كل سنة وإنتا طيب يا فنان