حفل أغاني الدلوكة في قناة النيل الأزرق

بقيادة بلوبلو وإنصاف مدني، ومين كده كباشي، ووجدان الملازمين، ومونيكا روبرت أو نحو ذلك
مؤشر جيّد إلى أن الجاي أسوأ مما نتصور فيما يتعلق بالتقاليد الاجتماعية التي ننتقدها ونشتكي ويلاتها.
دعوني أوضح أني لا أسعى لتقويضه أو محاربته، بل إلى تقنين مفاهيمه.
- كمية الدهب اللابسنها (لو ما صيني مقلد) ممكن تحل مشاكل قطاع كبير من أهل السودان ولا أقول الحكومة لأني لا أتمنى حل مشاكلها.
- الغريبة أن هذا الغناء له جمهور واسع جداً، وبدا أن البنات والنساء عموماً لهن ولع لا يوصف بهذا الضرب من الغناء، وكان يمكن أن يساهم في تشكيل
الوعي نحو مجتمع أكثر تحضراً وانفتاحاً على واقع أفضل.
- مما علق في خاطري من كلمات أغانيهن تلك التي تقول كلماتها: (دبلوماسي طلبوا قاسي، طلبوا قاسي شغل فكري واحساسي) ههههههههه هو طالب شنو أصلو أخونا الدبلوماسي ده؟
نوصل

(ما بجيب شوية) و(جاب 12 شيلة) و(جاب هدية عربية)
ما بجيب إلا من دبي ..... الخ من مفاهيم الفشخرة الفارغة
رفقا بالشباب والشابات ياخ الحالة براها مايلة تقوموا
تزيدوها بلا!

المشكلة لا وجود يذكر لمفاهيم مضادة تحجارب هذه العادات
إلا في إطار ضيق بجهود فردية من قبل بعض منظامت المجتمع المدني،
وهي إجمالاً تفتقر للدعم اللازم من زوارة الشئون الاجتماعية، وحتى من القادرين من أفراد المجتمع.

Quote: ههههههههه هو طالب شنو أصلو أخونا الدبلوماسي ده؟ .

ماتتكلم في السياسة هههههههههه

كل عام وانتم بخير

العيد الجاب الناس لينا ماجابك

تحياتي

زاتووو

حبيبنا الغالي الزول زاتو
كل سنة وانت والوليدات وامهم وعموم الاهل بالف خير، وعيدكم سعيد،
اخوك براهو ومداوم في العيد، بتصل بيك اديك خبري
-----
سياسة شنو ياخ بالجد طالب شنو اخونا ده؟ ههههههههههههه

نادر أخي العزيز عيد سعيد مبارك عليك أنت و العيال و أمهم
طبعاً حضرت الحلقه دي و شخصياً كنت مستعد ليها جداً لاهتمامي الشديد بنوعية أغاني البنات لانها أغاني توضح الوضعية الإجتماعية بشكلها الاعم في كل مناحيها (ثقافية- سياسية- اقتصادية ...الخ) لكن للأسف ضلت الحلقة الطريق و خلطت اغنيات البنات بأغنيات اخرى كثيرة (الحماسه) لا تعبر عن خاصية أغنية البنات و هذه الأغنيات (الحماسة) خلقت ربكة في حلقة البرنامج الخاص بأغنية البنات .
كما أجد أن المقدمة للحلقة و تيمها في البحث قد فشلوا في ترتيب الحلقة حسب التاريخ لأغنية البنات ، حيث كان يمكنهم تتبعي تاريخي لبدايات اغنية البنات في السودان و من ثّم التسلسل حتي الوصلوا للزمان و المكان الحالي و بذا كان ستكون هذه الحلقة مفيده جداً و تملكنا حقائق اجتماعية و تاريخيه و سياسية و... و... الخ و منها كنا سنتعرف على الكثير و الكثير .

لكن يا صاحبي اهو في السودان ككل و تلفزيونات السودان بالاخص لا يؤلون فريق البحث اهمية و كل المهم الهجيج و خلاص .

لي قدام
ربك يقسم لينا عودة هنا .

ملحوظة:-
اوعه تاني تقول :- مين كدا كباشي بزعل منك
ياخ دي هاجر كباشي افضل صوت نسائي
غنائي في البلد دي حالياً .

صديقي واخي سفيان العزيز سفيان
عيدكم سعيد وكل عام وأنتم بخير، يعود عليكم ايام عديدة بالخير والبركات وجرح البلد يطيب،
الف اعتذار يا سيدي لهاجر كباشي، ولا تزعل
شوف يا صاحب نحن شكلنا بنتكلم عن موضوعين مختلفين، أنت بتتكلم عن الحلقة وأنا بتكلم عن مفاهيم ترسخ لها هذه الاغاني في تلك الحلقة أو في أي بيت عرس.
فخلينا نتكلم في مموضوع البوست، وباعتبارك من المهتمين بهذه اللونية، رأيك شنو في وجهة نظر البوست؟
الأغاني دي بشكلها الحالي تكرس لمفاهيم يجب العدول عن بعضها، لانها تسهم في الكثير من أمراض ومشاكل مجتمعنا المستعصية،
ليه الاغاني دي ما توعي المجتمع بالعواقب الوخيمة للمغالات في الزواج والصرف غير المرشد؟
أنا أمس كنت مجبر أحضر الحلقة في معية بعض الأصدقاء، وشعرت ببؤس من واقعنا بشكلوا الحالي، ياخي هسع بيكون على الاقل 60% من البنات الحاضرات الحلقة دي بيعانن من
عزوف الشباب عن الزواج، والـ40% أمهاتن، وبعد ده كلو شعرت بيهن منتشيات وبيرددن في الغناء بفرح،
وما عايزين نتكلم عن تداعيات هذا الأمر المحزنة لأنها معلومة للجميع، وما دار المايقوما ببعيد بما فيه من قصص محزنة وأطفال لا ذنب لهم سوى انهم نتاج للعادات لخاوية لهذا المجتمع.

Quote: كباشي افضل صوت نسائي غنائي في البلد دي حالياً .

ياخي كمان وبقت سمحة زي الترتيب ههههههههههه
غنااااااااااية يا سفيان يا فنان ياخي
حتى " الجبجبه " عندها بي فهم ياخي
...
كل سنه وانتو طيبين يا شباب

سلام تاني جاك يا نادر يا حبيب
اي يا نادر نحنا البشوف كدا بفتكر اننا بنتكلم عن موضعين اتنين و مختلفين بس الحقيقة مووضوعنا واحد بس انت طاخ ودغري اتكلمته عديل في انو القصص دي بتؤدي للمغالاة و بتأخر الزواج لانو الاغاني دي بترسخ لمفاهيم صعب توفره بسهوولة .
طبعاً مليون في المية انا بتفق معاك و كلامك لا فيهو شق لا طق .
لكن انا مسكته الجانب التاني من القصه و عايز ارجع بكل الحكاية لمعرفة الاوضاع و السياقات (في رواية اخرى الصياغات لوول) التاريخية و الظرفيات الأجتماعية و السياسية و... و... الخ الأنتجت مثل هذه الأغنيات و من خلال هذه المراجعات اتعرف على الواقع الزمكاني الاتعملت فيهو القصص دي ، بذات المناسبه يا صاحبي بنلقى التسلسل متصل في قصة (الشباب الضحيه من النوعين) و خير دليل على ذلك لما غنت الفنانه المعتقه (نصرة) – أنا ما بدور المزارعيه- اها يا صاحبي شوف المحنه الجد جد الأغنية دي اغنية بنات في نهاية الخمسينات و مطلع الستينات و بدوروا منو ؟ بدوروا البركب العربية و بدوروا الموظف البصرف الماهية !!! اها شِن قولك !؟ انت قالوا ليك الزراعة دي ضاعت في بلد المليون ميل مربع بفضل سوء إدارة الحكومات براها !!! ؟
و استمر يا نادر يا فردة جناحي التاني و تابع الحقب الزمكانيه لهذه الأغنيات بتلقى القصة خربانه من زمااان آوي آووي .

تعرف اكتر حاجة محنتني في سهرة أمس دي شنو!!؟ إي حاجة انت قلتها و كتبتها فوق في ردك عليّ وهي :-
وهن البنات القاعدات في الصالة و بحضرن الحلقه دي مباشرة !!! ياخ بنات بسم الله ما شاء الله جميلات و صغاااار و شكلن كلهن شهادات عربية بس لكن البحير حافظات الغناء دا حفظ شديد و يرددن مع المغنيات و يرقصن ! إي و الله يرقصن ذاااات نفس الرقيص بتاعة حبوباتهن و امهاتهن فياااااااسبحان الله الذي يكرر التاريخ الاعوج الذي ظننا انه لن يتكرر !!!
فياخ معقول في كل الدنيا البيجيبوها في نشرة الاخبار العالمية دي يكون في وطن زي السوء دان دا!!؟

المحبة التي تعرفها لك.


يا عمران حبابك و عيدك سعيد
هاجر فنانه عجيبه ولها صوت من نوع فريد
انا معجب بصوتها من اول ظهور لها ولم
تخزلني .

التحية للجميع وكل عام وإنتو بخير

طبعا" انا فاتتني الحلقة بكل آسف لكن اكيد بقعد أحرس الاعادة
و كتر خير الريس خلانا نشوف مقطع من الحلقة لهاجر كباشي الفنانة
جدا" و اتفق تماما" مع ابو الشباب و أخونا عمران الواعي جدا" في إنها
بالجد من أميز الاصوات النسائية المرت علي السودان مع حفظ حقوق
الفنانة حنان النيل فهي هنا فوق المقارنة بالطبع .

Quote: - مما علق في خاطري من كلمات أغانيهن تلك التي تقول كلماتها: (دبلوماسي طلبوا قاسي، طلبوا قاسي شغل فكري واحساسي) ههههههههه هو طالب شنو أصلو أخونا الدبلوماسي ده؟

يا اخ نادر المقصود هنا مش الدبلوماسي الطلب ياخ هههههه المقصود إنه هو في عضمو طلبو قاسي
يعني ما متوفر لي اي واحدة هملة ساي كدة هههههه.

شكرا" يا بكري و دايرين باقي الحلقة لو أمكن

تحياتي و كان الأعاصير دي هدأت بجيكم راجعة

أبو الزففففت !!!
الحق الحق يا نادر البوست حقنا جاب آبو كبييير
جاب الكُجنكه ذاااااتو
جاب (سيد) العوام يا زول*


يا رئيس كويس انك جيت هنا
انا ما عايز ادلف البوست او انحرف بيهو لكن ياخ
بالجد عصرته علينا بغازي سليمان و عصرته علينا
بالسنهوري يارئيس عارفنك سيد المكان بس خاف ربك
فينا ياخ !!.



معليش يا نادر نواصل واهو الرئيس جاب ليك اغنيه
شحمااانه .
اما الدبلماسي الطلبو قاسي فاتمهل هسي بتعرفو

سلامات يا هبة منورة البوست
طمنونا عليكم مع الاعصار بعد داك نوصل البوست
شكراً يا ريس على الأغنية وتحياتي وكل عام وانتم بخير

تحياتي

Quote: سلامات يا هبة منورة البوست طمنونا عليكم مع الاعصار بعد داك نوصل البوست

الحمدلله ربنا قدّر و لطف ، حالياً الاحوال هدأت تماماً فقط نعاني من البرودة الشديدة .

شكراً كتير علي الإهتمام و كتر خير كل من سأل عننا

يا نادر ...

بالله حسي استفدته شنو ؟؟؟

تحياتي ياخ ليك و للمدام .... والعيد سعيد ...

وده موضوع انا بيحلو لي فيهو الكلام ... بجيك صادي ... وجادّي والله ...

الحمدلله يا هبه انكم بخير، قدّر ولطف، البرد مقدور عليهو.
يا سفيان حمدلله على السلامة، بعد ده نرجع للموضوع.
-----
يحيى يا قباني
سلامات يا حبّوب وكل سنة وأنت والمدام والعيال والجميع بخير،
أنا أستفيد شنو؟ والله ما استفدت أي شيء ههههههههههه
بعدين نفس عقلية (استفدت شنو ذاااتها) ياها النحنا بنتكلم عنها هنا،
الموضوع بصورة أو أخرى متصل بي بعض صلة قوية، كلنا عيوب مافي زول
مكمل، يقولوا لينا ونقول ليهم، وياهو ده من البداية قولنا،
شكراً على المرور وفي انتظارك، لو لقيت لينا فرقة مع الكونكان بتاع ده هههههههههه

نادر ازيك ياخ ومشتاقين :)...

موضوع البوست لزيز جداً، بس اهلنا في السودان ما بنتبهوا للحاجات الصغيرة دي... يعني لما غنوا لي "راجل المرا حلو حلا"، ما اعتقد انه الناس انتبهت لإنه دي ما أغنية وبس، ده قبول مبطّن من البنات لعرس الراجل المتزوج، وإعلان للمجتمع للأسباب الممكن تكون مشجّعة... الhidden messages دي عندها اثر كبير، بتبداه البنات الصغار ويرددوه بدون وعي، ويحفظوا كلماتها، لما يكبروا شويه يلاحظوا لكلماتها.... تعال نعمل البوست بتاعك ده أكثر إيجابية، وننجر لينا غنية هادفه... تكون فيها القيم العايزنها، نشكّر العرس المبسّط، والزواج القايم على التفاهم... ونخلي طارق ابوعبيدة يحلنو لينا ويغنيه... وبعداك نفكّه في البنات.... قايلين أثر سودانيزاونلاين ده قليل.... غايته حس الصحفية (الكانت فيني زمان) خلاني اتحمّس للفكرة... نألف الغنية ونلحنها، ونطلقها في اليوتيوب وفيسبوك ... ونشجع البنات يغنوها ويرقصوا فيها، وكمان يكون فيها قون لوووووول (قول لي عرفتي القون من وين)... ونشوفها بتمشي ولا ما بتمشي....


اول حاجه، نفكر في شنو عايزين نمرر في الغنية بتاعتنا دي؟


عمو قبّاني ده ما تصاحبوا... ما مضمون، مرات معاكم ومرات معانا.... وانا عارفاك معانا ;)...

أهلين بت الحسين
بالأكتر والله
نورتي البوست والبوستات الجاورة ذاتو، فكرتك سمحة شديد، وأنا متحمس ليها، خاصة معانا هنا سفيان زول فنان وناقد فني متمكن ومتخصص في غنا البنات، أها من البداية نديك النجيضة، طارق أبوعبيدة ما بناباهو فنان وغناي وصوتو سمح، وصاحبنا وأي حاجة، لكين للأسف :) ما مقنع مع ناس (البرغية) ديل - على قول راوية - شوفي لينا معاهو خيارات تدعم اتجاه الأغاني دي وتديها بهار، ناسنا ديل موضوعهم ده صعب شديد، بي أخوي وأخوك ساكت كده ما بتحل، هسع بوستي ده شوفي البنات مطنشنو كيف، مع إنو بيدافع عنهن وعن حقهن في الزواج جنباً إلى جنب مع الشباب يجو ماشين جنبو بي نمرة خمسة، ويمشوا يتونسوا بيهو بي غادي، وبرضو عايزين عرس البوبار.
ياخ يحيى قباني ده زول فردة، وواحد من كتابي المفضلين جداً، بنتفاهم بخصوصو ونصل لأرضية مشتركة، كونوا مرة بي جاي ومرة بي غادي دي في حد ذاتها نقطة تحسب ليهو مش ضدو.