معليش يا أبو الريش ... إظهر إنو على عقاب من صاحب الموقعألأستاذ بكرى أبو بكر على ألا أزيد فى مداخلتين فى اليوم ... ........... ( باراك أوباما ) : * كذب عندما وعد بإصلاح الإقتصاد ... * كذب عندما وعد بإيجاد فرص العمل للجميع ... * كذب عندما وعد بتخفيض الضرائب ... * كذب عندما وعد بتخفيض نفقات العلاج و الرعاية الصحية ... * إزدياد نسبة العطالة ... * زاد من حجم الحكومة و تسلُّط البيروقراطين على المواطنين مما ساهم فى زيادة نسبة الإعتماد الحكومى ... * كذب فى ملابسات مقتل السفير ببنى غازى ... * إهمال قضية سوريا .. * الضعف أمام نظام ( أحمد إنجاد ) و ملالى إيران ... * زيادة معااة أصحاب الأعمال الصغيرة ... * التدمير و القضاء على الطبقة الوسطى ... * قدم أوباما نموزجًاً آخر على غرار كارتر فى ضعف السياسة الخارجية الأمريكية ... * رهن الإقتصاد الأمريكى بالإقتصاد الصينى ... * إستغلال الكوارث الطبيعية فى دعم حملته الإنخابية ... * دعم إدارته غير المحدود للنظام المجرم فى الخرطوم ... * تنكره و بيعه لقضية دارفور ... .............. كسرة : برنامج أوباما : * هو المهدى المنتظر ( حسب مريديه و إعلامه ) ... * الذى سوف يحد من زيادة مياه المحيط و الخلجان فى الكون ... * أوباما سوف يعمل على إنقاذ السلاحف و الثعابين و الفئران الآيلة لللإنقراض ...... * سوف يمنع الأعاصير و العواصف الإستوائية و الزلازل و الكوارث من الحدوث ... * سوف يبرد حرارة الأرض و يقضى على ال ( GLOBAL WARMING ) .... ................... يتبع كل ما كوتات مداخلاتى تسمح ... .................. DOWN FOR OBAMA & ............ عبدالماجد
عبد الماجد شكرا، والرد جاي.. وقبل ذلك انت تعرف الرئيس الامريكى يقرر سياسات وليست ليه سلطـة إنفاذها كقانون، والجمهوريون فى الكونقرس هم من عطلوا برامجه حتى لا يكسب نقاط فى الانتخابات القادمة، ولا عزاء للشعب الامريكى..
جاييك بمهلة، اركــز : )
Quote: إظهر إنو على عقاب من صاحب الموقعألأستاذ بكرى أبو بكر على ألا أزيد فى مداخلتين فى اليوم ... ........... ( باراك أوباما ) : * كذب عندما وعد بإصلاح الإقتصاد ... * كذب عندما وعد بإيجاد فرص العمل للجميع ... * كذب عندما وعد بتخفيض الضرائب ... * كذب عندما وعد بتخفيض نفقات العلاج و الرعاية الصحية ... * إزدياد نسبة العطالة ... * زاد من حجم الحكومة و تسلُّط البيروقراطين على المواطنين مما ساهم فى زيادة نسبة الإعتماد الحكومى ... * كذب فى ملابسات مقتل السفير ببنى غازى ... * إهمال قضية سوريا .. * الضعف أمام نظام ( أحمد إنجاد ) و ملالى إيران ... * زيادة معااة أصحاب الأعمال الصغيرة ... * التدمير و القضاء على الطبقة الوسطى ... * قدم أوباما نموزجًاً آخر على غرار كارتر فى ضعف السياسة الخارجية الأمريكية ... * رهن الإقتصاد الأمريكى بالإقتصاد الصينى ... * إستغلال الكوارث الطبيعية فى دعم حملته الإنخابية ... * دعم إدارته غير المحدود للنظام المجرم فى الخرطوم ... * تنكره و بيعه لقضية دارفور ... .............. كسرة : برنامج أوباما : * هو المهدى المنتظر ( حسب مريديه و إعلامه ) ... * الذى سوف يحد من زيادة مياه المحيط و الخلجان فى الكون ... * أوباما سوف يعمل على إنقاذ السلاحف و الثعابين و الفئران الآيلة لللإنقراض ...... * سوف يمنع الأعاصير و العواصف الإستوائية و الزلازل و الكوارث من الحدوث ... * سوف يبرد حرارة الأرض و يقضى على ال ( GLOBAL WARMING ) .... ................... يتبع كل ما كوتات مداخلاتى تسمح ... .................. DOWN FOR OBAMA & ............ عبدالماجد
Post: #5 Title: Re: الكضّاب ( أوباما ! ) يتجزّر على أعتاب MITT ROMNEY .......... Author: محمد البشرى الخضر Date: 11-05-2012, 06:43 AM Parent: #4
سلامات يا دكتور عبدالماجد وكل سنة وانت طيب انا ما متابع بنفس المستوى زيكم يا ناس أمريكا لسياسات ووعود أوباما لكن من قراءتي لبوستات الزملاء هنا و انطباعاتهم أخص الأخت سمارت و الباشمهندس نادر و الدكتور أبونورة فهمت ان النقاط التي ذكرتها خاصة فيما يتعلق بالأداء الإقتصادي و البطالة و الرعاية كلها نقاط تصب لصالح اوباما وليس العكس كدي نتابع تفنيد ابو الريش لنقاطك الذكرتها
Quote: انا ما متابع بنفس المستوى زيكم يا ناس أمريكا لسياسات ووعود أوباما لكن من قراءتي لبوستات الزملاء هنا و انطباعاتهم أخص الأخت سمارت و الباشمهندس نادر و الدكتور أبونورة فهمت ان النقاط التي ذكرتها خاصة فيما يتعلق بالأداء الإقتصادي و البطالة و الرعاية كلها نقاط تصب لصالح اوباما وليس العكس كدي نتابع تفنيد ابو الريش لنقاطك الذكرتها
ود البشرى ( الرشاشه ) يا حبيب .... كل عام و أنتم بخير ... فى فرق بين العواطف و الإنطباع .. الحكايه ما حب و إنبهار و جرى مع التقليعه و أوباما و حاكونا حاكونا و ليبراليه و تقدميه أو غيرو ... أوباما ده كضاب و بالحساب LOSE OR WIN... ....... خلى أخونا أبو الريش هو اللركز !! بس بكرى صاحب الحوش ( إتبرمك معانا شويه ! ) وإزيد لينا الكوته الأيام دى أصلو عندى مداخلتين Q24H ( بلغة الدوا ! )
Post: #8 Title: Re: الكضّاب ( أوباما ! ) يتجزّر على أعتاب MITT ROMNEY .......... Author: خالد كيبا Date: 11-05-2012, 08:41 AM Parent: #6
السلام للجميع ,
افصح أخ عبدالماجد حتي نستفيد وتعم الفائدة الجميع
علي ما أعرف إنو كل البحوث و al fact checkers بقولو عكس كلامك دا. أكيد حيكون كلام جميل لو أخ سوداني هنا في أمريكا قدر يثبت لينا إنو الباحثين الامريكان خطاء ، ويوكد لينا إنو معاكسة مجلس النواب الأمريكي لكل سياسات اوباما لمدار عامين من الزمان علي مراء ومسمع الجميع لم تحصل أبدا وإنحنا كنا في غيبوبة سببها اوباما. وبرضو حكاية رائيس الكتلة الجمهورية ميتشيل إنو هدفهم الاوول هو جعل اوباما رئيس لدورة واحدة بكل الوسائل كان هظار. وتعنت الكتلة الجمهورية داخل مجلس النواب في رفع سقف الديون للحكومة الأمريكية لدرجة السماح في معاقبة أمريكا "credit downgrade" لم يحصل. برضو وضح لينا حكاية إنو في خمسة مليون وظيفة إتكونت في سنوات اوباما ولا كلها كضب كلها و فبركة وتزوير من مكتب العمل. نتمني أن لا تكون عاطفي في ردودك وتدينا اجوبة منطقية مبنية علي حجج وأرقام حقيقية.
الجميل في السياسة الأمريكية ودولة القانون مهما وصل الاختلاف بيحرتمو بعض وما نادر مانسمع لفظ كضاب لانو من السهل إنو السهم يرجع ليك إن لم تكن هناك أدلة تثبت الكلام 100% وبعد دا ما بقولو "كضب" بيستعملو ما إتسع لهم من مجاز لايضاح عدم الحقيقة.
معليش يا ود البشرى ... هى الديمقراطيه الخاسر يهنىء الرابح ... و أتمنى أن يفى أوباما ما وعد به ناخبيه .... ................ لكن المريخ ما بطير ... عبدالماجد
يا الإسمك خالد كيبا ... أمسح الزباله و قلة الأدب الكتبتها و إعتذر
Quote: في مثل قديم بقول جوع ######ك يدبعك يا تراي لسا المثال دا موجود
...........
Quote: كنكش في زولك شديد أكيد حتنفعو بعض
بديك فرصه لحدى بكره ... و بعد داك نشوف ... و الكلام الزى ده ما صعب ... و يا بكرى أبو بكر خليك منصف ... ............... الموضوع إنتخابات و ما فى داعى للشتائم الشخصيه و الإزدراء و وصفى ب ك ل ب .. لكن كان أصريت على المداخلات و العواليق و الحاجات الفوق يبقى على نفسها جنت براقش ... ............ و لقد حذر من أنذر ... ............. عبدالماجد
يا عبد الجاجد ناسك ديل تجار.. زى ناس الإنقاذ.. همهم كله القروش والغنى.. ممكن يدمروا البيئـة عشان يواصلوا التصنيع وكسب المزيـد من المال.. ممكن يقيموا حروب عشان يؤمنوا البترول وما يهمهم الاطفال والنساء والشيوخ والمدنيين الابرياء الذين يفقدون حياتهم، رغم تبجحهم بحماية حرياتهم.. ممكن يسحبوا حق العلاج والتعليم من الفقراء ويرهقوا الطبقـة الوسطى بالضرائب ويخففوهـا على أنفسهـم وشركاتهـم الضخمـة..
ياخ ديل ما ناسك.. إلا إن كنت بليونـر ونحن ما عارفين..
Post: #19 Title: Re: الكضّاب ( أوباما ! ) يتجزّر على أعتاب MITT ROMNEY .......... Author: خالد كيبا Date: 11-07-2012, 06:35 AM Parent: #17
أخ عبدالماجد
مساء الخير .....
الشعب الأمريكان صوت واختار ما يتمنوهو قائدا لهم للسنوات الأربعه القادمة لهم كل التهاني والشكر لتقينا درسا في ممارسة حق التصويت واحترام دستورهم والرضي بلخسارة والربح.
أخي نتمني المعذرة إن تمادينا في حقكم او جرحنا مشاعركم لم يكن أبدا هدفنا ذلك .
معلومة
أنا بكتب في هذا الخطاب وشايفك رديت نتمني أن لا يكون الرد متاخر في حقك
Post: #20 Title: Re: الكضّاب ( أوباما ! ) يتجزّر على أعتاب MITT ROMNEY .......... Author: محمد عبد الماجد الصايم Date: 11-07-2012, 06:40 AM Parent: #16
بالهنا والشفا يا عمكـ!! عقبال ليوبارد يكمّل ليكـ الباقي!!
Post: #24 Title: Re: الكضّاب ( أوباما ! ) يتجزّر على أعتاب MITT ROMNEY .......... Author: خالد كيبا Date: 11-07-2012, 09:04 AM Parent: #21
أخ عبدالماجد
مافي زول شتمك ولا إزدراء عليك ولا وصفك بل###### ... ده تاويلك إنت نتمني تسمع كلام العضو البرلماني الجمهوري من ايوا وبعدها اقراء كلامي تاني ..... هم مجيعين الناس كلهم وعازينهم يصوتو ليهم. بلاضافة لمقارنتهم في اختيار الاجانب في كيفة اختيار ال###### للاسرة. (Please don't take my words out of context) لو عزلت الكلمات من الجملة أكيد ممكن ترصهم بلطريقة الممكن ترضي حجتك ودماغك. أنا وصفتك باخي كيف اوصفك ب###### بعدها ...... يعني أوصف نفسي في نفس الوقت بل###### .... معاذ الله
تشكر لوصف مداخلتي بزبالة و العواليق (حقك لك ما تشاء في الوصف) ..
فيما يتعلق بمصطلح كنكش في زولك (ده لفظ كلامي عندنا يستخدم لإيضاح الاصرار علي الشي دون حجة أو بيان) لم يكن في إستخدم اللفظ إلا التمثيل الكلامي الفكاهي لعدم إستخدامك حجج وحقايق لاسناد خلاصة الكضب لسياسة اوباما. ذي الجمهورين ومت رومني كلهم مكنكشين في اوباما كعب وهم المنقذين بدون افصاح أو إدلال عشان كدة كان لفظ كنكش يا عزيز.
- صاعدا:
يا دكتور يا عزيز إنت فاتح بوست في منبرعام حر للنقاش في الانترنت .....و أنا لعدم معرفتي بكم ... كنت فاكر إنت فاتح البوست الشيق (to debate) للنقاش في سياسة حكومة اوباما في الأربعة سنوات الماضية والتي توصيف منكم بلكضب ومن هذا المنطلق كانت مشاركتي وكنت متوقع منك ردود وحجج تدعم خلاصاتك في النقاط أعلاه ... لسو الحظ ماكنت عارف إنو بوستك كان بغرض نشر معلومة تنظر اليها من خلال بورتك ومدعومة بصور للتصويت ضد سياسة اوباما الكضب والتمسك بهذة المعلومة دون نقاشها أو اثبت صحتها من عدم صحتها.
تساولات:
Quote: و يا بكرى أبو بكر خليك منصف ..
أنا ما عارف نصف الجملة دي معناة شنو .... هل ياتري الأخ بكري برضو مشارك في بوستك ولا القصد أية ....
Quote: و لقد حذر من أنذر ...
برضو هنا أنا ما فهم حاجة .... انحنا كنا في نقاش ما عارف الحصل شنو لجلب التحذير والأنذار .....
أنا شكلي طولت شديد من المنبر وماعرف العرف والقوانين الجديدة للنقاش ....مجددا معذرة إن كان الواحد جادي في الأمر ووتمادي في النقاش الجادي ....بلسوداني القديم بقولو طوول نفسك يا عزيز...... لك كل الحب والمودة Khalidkeba
Tip: بما انو الواحد هلالابي ويحب الهلال بس بنتمني واحد من الاتنين السنة دي يفرحنا بلكاس
Post: #29 Title: Re: الكضّاب ( أوباما ! ) يتجزّر على أعتاب MITT ROMNEY .......... Author: محمد عبد الماجد الصايم Date: 11-07-2012, 09:44 AM Parent: #24
كيبا يا أنيق .. شنو كلامكـ كلو مشّخت!!! نرجو مراعاة الحالة النفسية للدكتور!!
Quote: Tip: بما انو الواحد هلالابي ويحب الهلال بس بنتمني واحد من الاتنين السنة دي يفرحنا بلكاس
عيني في عينكـ كــدا!!
Post: #34 Title: Re: الكضّاب ( أوباما ! ) يتجزّر على أعتاب MITT ROMNEY .......... Author: خالد كيبا Date: 11-11-2012, 11:44 AM Parent: #29
يا محمد يا ضحاك ... ماتخاف علي الدكتور أكيد حياخد الأمور بروح رياضية ... الجايات أحلي
عند اللزوم.... شايف في وصفة شايات بلياسمين من الجمهور الكرام إحتمال تنفع عند الحالات الطايرة ...عفوا قصدي الحالات الطارئة ....
Quote: كيبا يا أنيق .. شنو كلامكـ كلو مشّخت!!!
this is a good one
يا ود ود الصايم عندي كلاما داير أقولو ليك من زمنا بعيد ...
.... والله الواحد وقت ما يشوف صورتك و الضحكة الجذابة ..... بيشعر براحة و إبتسامة ..... الواحد أمنيتو يقابلك ويضحك معاك.
تشكر يا حبيب للضحكة ونتمني ليك مشاهدة سعيدة لكرة الهلال
Quote: عيني في عينكـ كــدا!!
محمد إنت ما عارف الحاصل... حبة ظرافة ورفع معنويات وكدا
عليك الله يا ود زكريا بعد اطناشر سنة خبرة تقولي ما فهمتها ..؟ طيب المقعدني مع ناس عبد الماجد تربيع ديل شنو ..؟ ..
Quote: وانا اقول الهوا قلب ...
والله يا تبارك انا الواحد مما يجي من هناك .. ويشبكه لي كورة .. وسياسة بسمارك الخارجية .. بعرفو ليك ضرب الشاي بالياسمين طوالي ..
الجماعة هنا يا تبارك .. في السفارة عندهم ( كركدي ) مبالغة .. قنصل السودان السابق احمد يوسف الله يطراهو بالخير كان صاحب الناس دي كلها العالمين ليك فيها معارضة ديل كان بتلقاهم متكلييين في مكتبو وهاك يا ضحك .. ولما يجيهم في المناسبات والله الواحد فيهم بلبس ليك (جبـة) يوسف البنا شاعر البطانة الخطير .. وهاك يا مدح .. وهاك يا شكـر .. اهــا .. بتلقى كبابي الكركدي حاضرة في الجلسـة .. فقام الشفوت قالو الكركدي بتاع السفارة دا فوقو ياسمين زيادة .. فيوم القنصل جانا في لمة حقت بورداب كدا .. وقالي يا تبمس ياخ انت السفارة دي ما قريبة ليك .. تعال بالمرة اشرب ليك كباية كركدي .. روق بيها دمك دا .. طبعا اول قلت ليهو بلالالالاي ؟؟ لكن كان بها .. مشيت ضربت ليك الكركدي بالياسمين دا .. ومن يومـه كلما اشوف ليك البشير في التلفزيون اقعد ابكي ساااي كدا من غير سبب .. تقولي عبد الماجد مرتين ما يجر ناااعم ..؟ مع الاخز بالاعتبار يا تبارك انو الشاي بالياسمين بتاع هناك بكون بي موية النيل .. .. يا ابو تفــه . عليك الله الزول دا ما تعصر عليهو .. انا عارفو ما بيجي هنا إلا لما يكون الامر مسخن معاهو سخانة شديدة ..
Post: #31 Title: Re: الكضّاب ( أوباما ! ) يتجزّر على أعتاب MITT ROMNEY .......... Author: تبارك شيخ الدين جبريل Date: 11-07-2012, 10:06 AM Parent: #30
Quote: مع الاخز بالاعتبار يا تبارك انو الشاي بالياسمين بتاع هناك بكون بي موية النيل ..
Quote: الواحد كان عايز يقوليك زووووط .. لكن شايلنك لي عووووزة .. والجايات اكتر من الاوبامـات
اها يا عبد الماجد مرتين .. يوم حوبتك جات الليلة .. يعني عامل داسي البوست مني .؟؟ زوووط .. القاليك منو ما بطير .. والله طرتو وشبعتو طيران ..
Quote: نستلف من ود الصايم كااااااااااااااااك
يا محمد زكريا .. زولك دا قاعد ودافن دقن .. امس تلقاهو كان قاعد وخاتي يدينو وكرعينو في الكيبورد .. والله كان المريخ دا اتأهل .. كان رحلنا بالانتربول كلنا القاعدين في البوست دا لكن ربك كريم يازول شان كدي عامل زغبير وعامل رايح
يا تمبس بطل الهرشى ده شنو الزويطاية السغنتوتية دى ياخ يعنى قاعد منتظر الفترة دى كلها صايم ولامن الله فرجها تفطر بى حتة زويطة افو لا رحمة باى لون احمر اتخيل لو كان هو فى محلك كان عمل شنو
Quote: يعنى قاعد منتظر الفترة دى كلها صايم ولامن الله فرجها تفطر بى حتة زويطة
لالا يا ابو الزيك .. كل حاجنة عندنا بي نظام .. زي دا بتدردقو براحـه لحدت ما يجي .. ما بتنفرو ياخ ديل المؤلفة قلوبهم .. ترشو رش شديد .. بس متين ..؟ بعدما تدحرج ليهو طعم صغير كدا يبلعو
