Post: #1
Title: يا كيزان السجم هملتوا البلد وبقينا اصغر من السمسماية !!!
Author: ست البنات
Date: 10-26-2012, 12:46 PM
Parent: #0
كان عندنا زمان فى البلدالناس يساهروا بالدوريات عشان يقبضوا الورل الكان بيتسلل بالليل ويرضع الغنم ,
والصباح الغنم يصبحن بلا نقطة لبن , والجهال يتباكوا دايرين شاى الصباح !
ومرة من المرات والناس يحشوا فى التمر حصل حادث اليم , واحد قتل جاره لأنه قال ليهو :
انت كان راجل ملو هدومك الورل ماب يجى كل يوم يرضع غنمكم !!
قام التانى احس بالأهانة وطعنو بالسكين.
دحين يالكيزان انتو ويين شهامتكم وشجاعتكم ورجالتكم البتحرسوا بيها البلد من الورل الاسمو اسرائيل؟؟؟
ست البنات.
|
Post: #2
Title: Re: يا كيزان السجم هملتوا البلد وبقينا اصغر من السمسماية !!!
Author: وضاحة
Date: 10-26-2012, 12:51 PM
Parent: #1
ست البنات كل سنة وانتى طيب
يا اختى انتى ما سمعتى انوا الرجال ماتوا فى كررى
|
Post: #3
Title: Re: يا كيزان السجم هملتوا البلد وبقينا اصغر من السمسماية !!!
Author: ست البنات
Date: 10-26-2012, 01:45 PM
Parent: #2
وضاحة سلامات,
وكل سنة وانت طيبة والعيد مبارك عليك وعلى المعاك
وصحى كررى حصدت الرجال لكن البلد بخيرها ان ختونا المنحوسين الكيزان ديل.
الله يقلعون من وشينا بركة العيد السعيد ووقفة عرفات.
ست البنات.
|
Post: #4
Title: Re: يا كيزان السجم هملتوا البلد وبقينا اصغر من السمسماية !!!
Author: ست البنات
Date: 10-26-2012, 02:26 PM
Parent: #3
يعنى الحكاية فيها يورينيوم !!!
أتاريهو السرطان متفشى فى البلد وحصد الغبش حصد !!
حسبي الله ونعم الوكيل فيكم يا كيزان يا مجرمين !!
ست البنات.
|
Post: #5
Title: Re: يا كيزان السجم هملتوا البلد وبقينا اصغر من السمسماية !!!
Author: ست البنات
Date: 10-26-2012, 02:58 PM
وثم تانيا , السودان دا قاعد فى السهلة كدى لا رادار لا أجهزة مراقبة ولا شيتين؟؟!
قادرين الكيزان يتشطروا على المعارضة والمتظاهرين وبس !
هسع الياخدوا حق المساكين الماتو والفقدوا بيوتهم !
يقعدوا يحيكوا فى المؤامرات واللخبطة قايلين الموضوع لعب !
والآ سبع على وفى الحروب نعامة؟؟!
ست البنات.
|
|