عارف حتربح كم في ال آي فون 5 ؟

لو شلتو من نيويورك
آي فون 5 سعة 16 غيغا بايت . لو لقيتو في حدود مبلغ 850 دولار
ممكن في جدة و في دبي يكون سعرو 6500 درهم ونفس السعر في جدة .
يعني 100 تلفون ممكن تكسب 100 ألف دولار في أسبوع مش بطال .

دي الموضة اليومين دي
وده الشغل المريح و المربح والمضمون والخفيف . ال آي فون 5 اليومين دي شغال زي .

سلامات ياعثمان وعيد مبارك....
الفكرة حلوة لكن كيفية دخول الاجهزة للدولة المعنية وهل تحتاج الي رخصة.
لو شلت 10 اجهزة امكانية دخولك بيها كم في المية.

عثمان ياخوى أسعارك دى عايزة مراجعة

أول ما نزل التلفون هنا فى دبى فعلاً وصل ستة الف درهم بس ما للـ 16GB السعر المذكور للجهاز 64GB
فى نفس الفترة كان سعرالـ 16GB أربعة الف و شوية

حالياً الـ 16 نزل لى أقل من أربعة و متوفر بكثرة فى المحلات الـ 64GB ما عندى فكرة عن أسعارو حالياً بس برضو بكون نزل

طبعاً ما زال فى فرق محترم بين السعر هنا و فى أمريكا لكن كل يوم الفرق دا قاعد يقل و أغلب الناس راجية السعر ينزل أكتر و يبقى معقول شوية عشان تشترى

القصص دى بفيدكم فيها فيصل نوبى لو جا حايم بى جاى

كل عام و إنت و الجميع بخير

عزيزنا وليد
سلامات وعيدك مبارك .
دي معلومات كويسة يا وليد
ياخ والله حظك أنت المجاور عمارة قرقاش .
تحياتي

الاخوه الاعزاء كل سنه وانتو طيبيييين
اخر اسعار الايفون 5 هنا فى دبى لغاية امس ال 16جي بى 4400 درهم فى كمبيوتر بلازا وقرقاش
وبتكون فى زياده تتراوح ما بين 100/200 درهم فى الاسعار الفى المولات
قلنا نفيد الاخوان

كل أسعار الأجهزة الالكترونية الجديدة عند اول ظهورها بتكون غالية في السعودية والخليج وذلك بسبب ان اول طرح لهذا الأجهزة بيكون في امريكا وفي العادة تتأخر نزول النسخة المعتمدة للبيع في الشرق الاوسط او علي الاقل تكون الكميات الموجه لأسواق الشرق الاوسط قليلة مع مستهلكين ينعمون بسيوله مالية عالية وهنا يتدخل قانون الندرة المعروف في الاقتصاد وتكون معدل الأسعار اعلي من الأسعار العالمية او تلك التي يباع بها المنتج في بلدة او البلدان الاخري مع احتساب ربح الوكيل وبقية المصاريف المعروفة ولكن هذا الارتفاع سرعان ما يتلاشي فور نزول الكميات المخصصة للبيع في الشرق الاوسط
عادة ما يمتنع المستهلك في الدول الخليجية عن شراء الأجهزة الالكترونية التي لا تباع عن طريق الوكيل بسبب عدم وجود الضمان ولكن المستهلكين في الاول بيتغاضو عن هذا الشرط في سبيل ان يكونوا اول من يمتلك الجهاز كوجاهة اجتماعية ولكن مع توفر المنتج المخصص للبيع في أسواق الشرق الاوسط يمتنع المشترون علي الفور من شراء المنتجات الواردة من غير طريق الوكيل
وقد حدث معي بعد شهر ونصف تقريبا من نزول اخر نسخة من الإيباد الجديد حيث اشتريت جهازا وارد من امريكا بأقل من سعرة في الولايات المتحدة واقل من سعر السوق السعودي بكثير حيث احضر احد الأشخاص كمية ولم يستطع بيعها لان وصولها تزامن مع نزول المنتج في السعودية بشكل رسمي وعن طريق وكيل علما بان هذا الشخص باع الكميات التي لم يستطع بيعها بأسعار اعلي من أسعار المنتج المخصص للسعودية بعد ذلك بفترة وذلك بعد ان ظهرت مشكلة عدم توافق الإيباد المخصص للبيع في استراليا مع تقنية الجيل الرابع واتضح ان ابل خدعت المستهلكين في استراليا وراجت إشعاعه قوية ان الإيباد الجديد غير متوافق مع تقنية الجيل الرابع رغم انه لم تكن هناك شركة وقتها توفر خدمة انترنت الجيل الرابع في السعودية

كل عام والجميع بخير والعيد مبارك

الأخوان الكرام
سلامات وعيد مبارك وكل عام والجميع عافية .
أكيد أكيد الأسعار حتتراجع في الشرق وبسرعة في الأسبابيع الجاية .
بس برضو خمسة ستة شهور لي قدام حتكون في بعض الارباح المعقولة .
الهنود الشغالين في عمارة قرقاش في دبي هم أكثر المشترين من جماعة أمريكا .
أنا بعرف صديق من عمل 230 ألف دولار ربح في 8 أيام .
لكم التحية

عزيزنا ود بخيت
عيدك مبارك والسنة الحاية عندك ناطحة سحاب في بر دبي .
أمكانية تدخل لدول الخليج بالشنطة دي ما فيها مشكلة .
تحياتي

Osman Salam
I phone 5 in Jeddah (Jarir bookshop) 3800 SR.

الايفون 5 في جدة سوق الموبايلات ش فلسطين

3400 ريال 16 جيجا

عزيزنا الزبير
سلامات
غايتو كانت فرصة عجيبة للمكاسب السريعة .
في سعوديين يمنيين من سوق باب شريف في جدة مخصوص كانو مشركين
لنزول آي فون 5 وعاملين حساب كل شيء هناك وهنا .
الجماعة ديل لعبو لعب مكرب واستفادو فايدة عجيبة .

عزيزنا الزبير
سلامات
غايتو كانت فرصة عجيبة للمكاسب السريعة .
في سعوديين يمنيين من سوق باب شريف في جدة مخصوص كانو مشركين
لنزول آي فون 5 وعاملين حساب كل شيء هناك وهنا .
الجماعة ديل لعبو لعب مكرب واستفادو فايدة عجيبة .

عزيزنا أحمد
سلامات
برضو لو بعتو في دبي ولا جدة في أرباح .
في السودان برضو فيه ربح كويس بس شوية في الخرطوم بيعو تقيل في جوبا بيعو أسرع .
أهو هي فرصة .

Ahmed Hussein

أسعارك دى قبل كم ؟ السعر أقل من كدا بكتير فى دبى حالياً .. تحت الأربعة الف لل 16 مؤكد .. أرجو توخى الدقة لأنو فى ناس ممكن تشترى و بناء على سعرك دا تعمل تضريباتا..

كاك .
وتاني كاكين .
سمعنا عن دخول المضروب سوق نيويورك
سرعة عجيبة .
الصين بلد مخيفة جد . غايتو يا تجار ال آي فون اليومين دي أقعدو ساكت حتي ينكشف الجو .

والله يا عثمان ياخوى الصينيين حيرونا

فى أنواع طبعاً حايمة فى دبى شديدة الدقة فى الصنع ما بتقدر تعرفو أصلى ولا تقليد إلا تجرب تدخل الآب ستور (App store) الصينى ما بدخل طبعاً

عموماً كلامك سليم .. فى بداية نزول أى موديل جديد من منتجات آبل فرق السعر بين هنا و أمريكا بكون كبير جداً و فرصة الربح هائلة لكن لفترة محدودة يعنى عايزة سرعة فى الحركة

حسب متابعتي لبعض المواقع المتخصصة في المجال دا
انه الشركة المنتجة قررت تنزل اي فون5 32 جيجا بنفس سعر 16 جيجا ودا حا يكون سبب لانخفاض سعر الايفون 5 16 جيجا