Post: #1
Title: عندما يرقد دفاع وطن كامل سلطة......!!!
Author: عبدالكريم الامين احمد
Date: 10-24-2012, 10:44 PM
Parent: #0
كان العنوان الافتراضى لهذا البوست هو
هو اضربوهم ضربهم شيخ الجيلى.....!!!
ولكن سيرة العزل والابرياء فى نواحى ابوادم والعزوزاب والشجرة والكلاكلة وكل نواحى جنوب الخرطوم بكل جغرافيتها الوديعة تجعل من هكذا مقولة امر مثقوبا اثقاب تحاكى نملية تنام على قدود كبار كبار...
هولا الابرياء الذين جعلت لهم الاقدار احداثيات زماننية ومكانية فى وطن تحكمه جوقة وعصابة من الاشخاص الغريبى الاطوار ...!!!
|
Post: #2
Title: Re: عندما يرقد دفاع وطن كامل سلطة......!!!
Author: عبدالكريم الامين احمد
Date: 10-24-2012, 10:48 PM
Parent: #1
اضربوهم ضربهم شيخى الجيلى تتحرر من ثقوبها ان عزلنا مصنع اليرموك من محيطه السكنى
فهذا المصنع هو اللوجستى الاول للبارود والقنبل والرصاص الذى امطر دارفور والنيل الازرق وجنوب كردفان امطار من الدماء والاشلاء
لهذافليذهب هذا المصنع اللعين الى الجحيم برفقة كل القتلة واللصوص,,,
|
Post: #3
Title: Re: عندما يرقد دفاع وطن كامل سلطة......!!!
Author: عبدالكريم الامين احمد
Date: 10-24-2012, 10:55 PM
Parent: #2
وقبل ان نفرر الباكات الكيزانية التى رقدت رز
نتاسى عل حال واحوال تامين سلامة وارواح العزل الاهمال والورجغة العالية التى توشح مناطق سكنهم
فبيوت الناس الطيبة فى تلك المناطق ترقد على بارود وقنابل كارثية لست بالتاكيد هى من اهتمامات بنى كوز فى دولتهم اللصة
مناطق سكنية
ومصنع ذخيرة
ومستودعات غاز
ومستودعات بترولية
كلها معبكة ومتواجدة فى (زوون واحد)
مافى مقولة تقال هنا الا يا النبى نوووووووووووح
وحسرة على حال واحوال التخطيط العمراني فى بلد اسمه السودان (ان وجد هنالك تخطيط عمرانى)
|
Post: #4
Title: Re: عندما يرقد دفاع وطن كامل سلطة......!!!
Author: عبدالكريم الامين احمد
Date: 10-24-2012, 11:03 PM
Parent: #3
قصة الدفاع المكعكع دى ما بدات مع الهبت الاسرائيلى بل هى سليلة فرامل لاندكروزات الذراع الطويلة عندما تم دوسها على مضارب كبرى النيل الابيض فى رحلة اخترقت البرارى السودانية مئات الكيلو مترات
ومن ديك اى زول عندو شوية مخيخ ممكن يعى جييدا بان هنالك خلل عظيم وفوضى امنية وتسيب فى المنظومة الامنية السودانية الدفاعية...
وفى وطن يحترم ارضه ويحترم مواطنه كانت هذه دعوة للعمل والتطوير والدراسة والاحلال والابدال...
ولكن اين للسودان الفضل فى تحت مظلة بشة وصديقه الشهير ببحة
|
Post: #5
Title: Re: عندما يرقد دفاع وطن كامل سلطة......!!!
Author: عبدالكريم الامين احمد
Date: 10-24-2012, 11:10 PM
Parent: #4
ولكن المتامل للتطور فى فقه تعامل بنى ورجغة مع هذه الضربات نجدهم ذهبو الى اقرب طرق الوعى الشمولى.. هو الانكار
فالضرب الاسرائيلية الاولى تم ممارسة فقه (الغتغتة) لحدى ما نبلت فى احدى الصحف فى نواحي مصر وفى الجرائد الاسرائلية وساعتها كان النظام عامل ميت
وممارس لعب دس الكورة المفضلة عندها
يدس كورة البترول
يدس كورة الدقانا منووووووووو
ويدس كل كورة ممكن تعمل ليهو متاعب
|
Post: #6
Title: Re: عندما يرقد دفاع وطن كامل سلطة......!!!
Author: كمال سالم
Date: 10-24-2012, 11:13 PM
Parent: #3
هو ياكيكى دفاع الوطن ده راقد سلطه من الليله ؟؟!!
يأخ وزارة الدفاع والداخليه وجهاز الأمن بقوا تجار
زيهم وزى تجار سوق أم درمان .
أى إستثمار كبير وأى بضاعه فى السوق ما بتمرق
من التلاته ديل .
يأخ حتى الفراخ زاحموا الناس فيها !!
والسلطه البتقول عليها دى والله فارشنها للبيع فى
زنك الخضار !
يا خ ده دفاع أخير منو دفاع الهلال .
|
Post: #7
Title: Re: عندما يرقد دفاع وطن كامل سلطة......!!!
Author: عبدالكريم الامين احمد
Date: 10-24-2012, 11:20 PM
Parent: #6
Quote: يا خ ده دفاع أخير منو دفاع الهلال .
|
هههههههههه
يا كمال ودى والله خطفتها من خشم باب كيبوردى وكنت جاى اقول حكومة دفاعها اخير من دفاع المريخ فى ايامات ناس (حبنى)
ولكن ما عليك
فدفاع الهلال والمريخ ودفاع بنى كوز كل سلطة دكوة ليمونها يقول يا ليل....
بمناسبة السمسرة دى برضو يا كمال نلاحظ بان بنى كوز وبعد الضربة الاسرائلية الثانية بدو يسمسروا فى الموضوع
ويبدو انهم لاحظو بان هذه الضربات ممكن تجيب ليهم بعض من مريسة تام زينو بعدما ذهب النفط ... وكانت الجامعة العربية قد اوصت فى احدى اجتماعتها بدعم السودان فى مواجهة العدوان الصهيونى
واكيد الوصية دى جابت ما جابت
واعتقد بان الانقاذ مع الدعم العربي بعد الضربات تردد
كيل كيل يا اسرائيل
|
Post: #8
Title: Re: عندما يرقد دفاع وطن كامل سلطة......!!!
Author: الصادق اسماعيل
Date: 10-24-2012, 11:27 PM
Parent: #7
كيكي
كيفك يا حبيب
اعتقد أن قبل أن نصل لمرحلة الدفاع المكعكع، كدي ادخل لينا لي مرحلة التصريحات التى بدأت بـ (مكنة كبيرة) الا وهي مكنة اللحام والتى سمعنا تحت تحت أنها بت عم (ضب سنار) لزم.
|
Post: #9
Title: Re: عندما يرقد دفاع وطن كامل سلطة......!!!
Author: عبدالكريم الامين احمد
Date: 10-24-2012, 11:38 PM
Parent: #8
Quote: اعتقد أن قبل أن نصل لمرحلة الدفاع المكعكع، كدي ادخل لينا لي مرحلة التصريحات التى بدأت بـ (مكنة كبيرة) الا وهي مكنة اللحام والتى سمعنا تحت تحت أنها بت عم (ضب سنار) لزم.
|
هلا يا الصادق ومشتاقين اااخ
والورجغة الكيزانية يا الصادق بقت هبطرش تحتار تشوووووت فيها من وووين زاااتو...!!!
التصريحات دى انا من ما شفت عبدالرحمن الخضر او اى كان اسمه منطط عيونه وبنفى وبل بحاول يحمل المواطنين وزر تهويل عرفت بانو هنالك (ضب سنار) اخر فى الهااااااااى ووووووى
فشايفهم خشو باللحام ومانفع
بعد شوية رشونا بالصيانة ولمن مانفع عالجونا بامر الحشائش والاشجار....
ولمن الاشجار لم تاتى ثمارها
قالو اسرائيل يازول وسجن سجن غرامة غرامة
دى كارثة يا الصادق والورجغة الكيزانية مشت بعيد خلااص
فسفينة الورجغة سارت لاتبالى بالرياح...
----
امر محزن ياااخ
|
Post: #10
Title: Re: عندما يرقد دفاع وطن كامل سلطة......!!!
Author: عبدالكريم الامين احمد
Date: 10-24-2012, 11:38 PM
Parent: #8
عذرا للتكرار
|
Post: #11
Title: Re: عندما يرقد دفاع وطن كامل سلطة......!!!
Author: عبدالكريم الامين احمد
Date: 10-24-2012, 11:51 PM
Parent: #10
لقدام برضو عاوزين نسال
اسرائيل دى الجابها شنووووووووووووووو..؟؟؟
المشى هبشها منووووووووووووو...؟؟؟
وابكر وهارون وسيد احمد وادروب مالهم ومال حماس ولا هنية لحدى ما يدفعو ارواحهم وقوتهم ثمنا لهذه البلاوى التى لاناقة لهم فيها لا جملون
|
Post: #12
Title: Re: عندما يرقد دفاع وطن كامل سلطة......!!!
Author: عبدالكريم الامين احمد
Date: 10-24-2012, 11:51 PM
Parent: #10
لقدام برضو عاوزين نسال
اسرائيل دى الجابها شنووووووووووووووو..؟؟؟
المشى هبشها منووووووووووووو...؟؟؟
وابكر وهارون وسيد احمد وادروب مالهم ومال حماس ولا هنية لحدى ما يدفعو ارواحهم وقوتهم ثمنا لهذه البلاوى التى لاناقة لهم فيها لا جملون
|
Post: #13
Title: Re: عندما يرقد دفاع وطن كامل سلطة......!!!
Author: جميلة ابراهيم السيد
Date: 10-25-2012, 01:08 AM
Parent: #12
سلامات يا كيكي وضيوفك ويبدوا اننا موعودون بسلسلة دفاع سلطة واحيانا برقد فتة عديل
Quote:
لقدام برضو عاوزين نسال
اسرائيل دى الجابها شنووووووووووووووو..؟؟؟
المشى هبشها منووووووووووووو...؟؟؟
وابكر وهارون وسيد احمد وادروب مالهم ومال حماس ولا هنية لحدى ما يدفعو ارواحهم وقوتهم ثمنا لهذه البلاوى التى لاناقة لهم فيها لا جملون |
اجابة السؤال دي اعتقد هي الرشاقة الكتلت اشراقة ... وداير تظهر تلبس احمر .. غير كدة شي واحد يقرنا مع اسرائيل دي مافي .. مع العلم ان حب الظهور لسة متواصل والجماعة "بحفظوا حق الرد في الزمان والمكان المناسبين" وشكلها زي ما قلت في بوست ود الباوقة حمار وراء حمار لحدي تل ابيب .. ولا عزاء للوطن .
|
Post: #14
Title: Re: عندما يرقد دفاع وطن كامل سلطة......!!!
Author: عبدالكريم الامين احمد
Date: 10-25-2012, 07:28 AM
Parent: #13
Quote: اجابة السؤال دي اعتقد هي الرشاقة الكتلت اشراقة ... وداير تظهر تلبس احمر .. غير كدة شي واحد يقرنا مع اسرائيل دي مافي .. مع العلم ان حب الظهور لسة متواصل والجماعة "بحفظوا حق الرد في الزمان والمكان المناسبين" وشكلها زي ما قلت في بوست ود الباوقة حمار وراء حمار لحدي تل ابيب .. ولا عزاء للوطن .
|
هلا وغلا جميلة وحبابك سيرة دفاع البلد الرقد (فتة) على قولك
ايوووه انه (الشوبير) ومقارعة الكبار والعبث بمقدرات البلد والزج بكل اشيائها فى معركة ومعمعة لا لينا كشعب فى عيرها ولا نفيرها
وحكومة يومى مهبوتة فى نواحى كادوقلى وخوربرنغا وجيشها فاكى البيرق مالها ومال تحرير فلسطين ومشكلتها العويصة الليها عشرمية سنة وحتى سيادها فتحو ليها وشافو ليهم شغلة تانى...
شعار الطاغية الامريكان ليكم تدربنا طلع شعار (بندق فى بحر)
فهاهو(نركوك) امريكا الصغير يحول الارض والاجواء السودانية الى شوارع ويخيطها ماشى وجاى دون ان يجدوا من يقول لهم بغم
وسنتابع
|
Post: #15
Title: Re: عندما يرقد دفاع وطن كامل سلطة......!!!
Author: عبدالرحمن الحلاوي
Date: 10-25-2012, 07:38 AM
Parent: #14
عاجل : مسيرة ضخمة وحملة تبرعات
عاجل : ائمة المساجد سيحسمون اسرائل على الميكرفونات
عااااجل : طائرات من نوع سابحات والزبير فائقة الدقة تدك بطاريات باتريوت وتأسر عدد من الضباط الاسرائليين
عااااااااجل: ايران تتعهد ببناء مصنع يرموك جديد .
عاااااااااااااااااااااجل : ربنا يلطف بشعب السودان
|
Post: #16
Title: Re: عندما يرقد دفاع وطن كامل سلطة......!!!
Author: عبدالكريم الامين احمد
Date: 10-25-2012, 07:57 AM
Parent: #15
Quote: عااااااااجل: ايران تتعهد ببناء مصنع يرموك جديد .
|
هلا يا الحلاوى وعيد سعيد
وايران دى بالذات لو ما فكو سكتها الناس ديل ستقضى وعبر كفاويها فى المنطقة من الاجهاز على ما تبقى من السودان الفضل...
مالانا ياخ ومال الملالى ونظرتهم الشرانية للكون
الرد حيكون يا عبدالرحمن عبر تطوير ايضا استراتيجية الدفاع بالحواس الخمسة
المرة دى طالما القصة فيها غازات فمن الموكد سى عبدالرحيم بيه حيطور لينا خاصية الشم
|
Post: #17
Title: Re: عندما يرقد دفاع وطن كامل سلطة......!!!
Author: عبدالكريم الامين احمد
Date: 10-25-2012, 08:21 AM
السيادة السودانية وما ادراك ما السيادة...
1-حدود جغرافية مكجمة ومقرومة وكل جار شال (قرمة) او كما يقول ابو تفة
-حلايب والسكوت عندها فى الماضى خوفا من الفرعون مبارك
الان دهنسة ورغبة فى السمسرة على الوجود الاسلامى فى الحكم المصرى كما ظهر وبان فى الشحدة التى قام بها مرسى فى مجلس الامن بالنيابة عن السودان
والوصايا المصرية للارض السودانية تحت مظلة التاج الاخوانى رجعت ولا اييييييييه يا مرسي بيييييييه
|
Post: #18
Title: Re: عندما يرقد دفاع وطن كامل سلطة......!!!
Author: عبدالكريم الامين احمد
Date: 10-25-2012, 08:55 AM
Parent: #17
- الفشل الثانى فى كاتوغرى السيادة وسيرة الارض السودانية التى قعدت ا م فكو
لك ان تذهب الى نواحى شرق السودان والفشقة التى يتفشق فيها الاحباش بكل هداوة وورافة ومافى زول قادر يقول ليهم (تامجرتا بغمممممممممم)
|
Post: #19
Title: Re: عندما يرقد دفاع وطن كامل سلطة......!!!
Author: عبدالكريم الامين احمد
Date: 10-25-2012, 09:11 AM
Parent: #18
فشل سيادى وخيبة انقاذية ظهرت عالية وخفاقة فة المشهد السودانيى فى الامر الهجليجى
ودولة الجنوب ذات اليوم الواحد صحى الشعب السوداني ذات صباح ليجد كل قوتها هجيلج جووووووه
واحتلال كامل وشامل لارض تتدعى حكومة السودان بانها سودانية مية مية ثم فجاة الكذبب الصريح على الشعب الفضل فى امر التحرير
|
Post: #21
Title: Re: عندما يرقد دفاع وطن كامل سلطة......!!!
Author: محمد حيدر المشرف
Date: 10-25-2012, 09:16 AM
Parent: #19
Quote: الرد حيكون يا عبدالرحمن عبر تطوير ايضا استراتيجية الدفاع بالحواس الخمسة
المرة دى طالما القصة فيها غازات فمن الموكد سى عبدالرحيم بيه حيطور لينا خاصية الشم |
شفت الهوان الفوقنا ده يا كريم ..
قال الدفاع بالنظر قال !!
|
Post: #20
Title: Re: عندما يرقد دفاع وطن كامل سلطة......!!!
Author: فرح الطاهر ابو روضة
Date: 10-25-2012, 09:11 AM
Parent: #18
يا عبدالكريم
الممطورة ما بتبالي من الرشة على قول كبارنا يا اخوي
والحيكومة دي قعدت ام فكو
ومن زمان تكته اترخت
ولو سالنا نفسنا سوال
شن بسوي كشف العورات
للمفعوصة
والمتعوسة
وخايبة الرجاء
غير اننا نهـــــــــــــــــــــــــــــــــب ونزيل عوج
لكن كوننا نفتش لي سترة
من سلطة سلطة عنون للخراقة والكذب الوقاحة
والانهزام مع البجاحة
استحالة
وتسلم يا الحبيب
|
Post: #22
Title: Re: عندما يرقد دفاع وطن كامل سلطة......!!!
Author: محمد أبوالعزائم أبوالريش
Date: 10-25-2012, 09:43 AM
Parent: #20
كيكي يا طابور خامس .....
سلطة شنو وأم فتفت شنو؟
نحن عندنا أهم دفاع لا تقوى عليه طائرات بني صهيون.
(الدفاع بالنظر العبد الرحيمي).
جميع قواتنا متمرسة على هذه التقنية منذ نعومة أظافرهم وهم يلعبون (البلّي) ويصوّبون نحو البلية بـ(حكم النظر).
أما إذا أُرهق نظر أحدهم، فعليه بعيادات (يجلي النظر يا صاحي)
|
Post: #23
Title: Re: عندما يرقد دفاع وطن كامل سلطة......!!!
Author: محمد أبوالعزائم أبوالريش
Date: 10-25-2012, 09:58 AM
Parent: #22
|
Post: #24
Title: Re: عندما يرقد دفاع وطن كامل سلطة......!!!
Author: عبدالكريم الامين احمد
Date: 10-25-2012, 10:11 AM
Parent: #23
Quote: شفت الهوان الفوقنا ده يا كريم ..
قال الدفاع بالنظر قال !! |
هلا محمد
وهوان واذلال كبير واحساس طاغى بالفجيعة والاسي على حال السودان
ذلك الوطن الذى كم نحب...
ولكنه عصر الطواغيت الاوباش يا دكتور
|
Post: #25
Title: Re: عندما يرقد دفاع وطن كامل سلطة......!!!
Author: khaleel
Date: 10-25-2012, 10:12 AM
Parent: #24
اسرائيل وصلت جبرة
المرة الجاية ممكن تصل ابراهومة وريكاردو
|
Post: #26
Title: Re: عندما يرقد دفاع وطن كامل سلطة......!!!
Author: عبدالكريم الامين احمد
Date: 10-25-2012, 10:28 AM
Parent: #20
Quote: والحيكومة دي قعدت ام فكو
ومن زمان تكته اترخت
|
حبابك فرح
وخلينى فى البداية ارحب بحضورك اليى سودانيز ونتمنى لك اقامة طيبة بين صفحاته
ومعليش فاتنا الترحيب بك فى بوست قدومك فلقد جيتنا يا فرح والبلد مدقوقة دق العيش والنفس قايم صوف فلك العتبة
--------------
البلد يا فرح سروال ماعندها وبعد ده عاوزة تشيل قرقاب الشعب البسيط الفضل لينا ده وماشة تسمسر بيهو فى نواحى حماس ومن لف لفها فى اسواق السلاح والموت والدمار
وهى فجيعة وكارثة واحدة من اقوى الاسباب التى تجعل هذه الحكومة خطر كبير ومهدد لهذا الشعب الطيب الذى لا يستحق مثل هذه البلطجة
وتحياتى وتقديرى
|
Post: #27
Title: Re: عندما يرقد دفاع وطن كامل سلطة......!!!
Author: بدر الدين الأمير
Date: 10-25-2012, 08:13 PM
Parent: #26
انا بكره اب ريالة وبحب اسرائيل
|
Post: #28
Title: Re: عندما يرقد دفاع وطن كامل سلطة......!!!
Author: عبدالكريم الامين احمد
Date: 10-27-2012, 08:50 AM
Parent: #27
البشير يصرح بان الضربة الاسرائلية دليل على ضعف اسرائيل
المصدر الراية القطرية عدد اليوم
---------
ياجماعة ده كلام شنو
ودى شنو الام كوبك الوقع فيها الشعب السودانى دى
|
|