Post: #1
Title: الحساب ولد: دي الضربة الخامسة من اسرائيل
Author: حمد عبد الغفار عمر
Date: 10-24-2012, 06:56 PM
Parent: #0
ونحتفظ بحق الرد
يا جماعة المخزن الفيهو حق الرد دا ما اتملأ خلاس
حق الرد دا لو بتبيعوه بنشتري
نقوم نحن نبيعو لأي جهة نلقى لينا فيهو قرش قرشين
|
Post: #2
Title: Re: الحساب ولد: دي الضربة الخامسة من اسرائيل
Author: حمد عبد الغفار عمر
Date: 10-24-2012, 07:33 PM
Parent: #1
المحيرني منظمة التحرير الفلسطينية قاعدة في رام الله يوم واحد ما إتفك صاروخ على رام الله
إسرائيل بقت مشغلة طائراتها خط واحد غزة الخرطوم وبالعكس
مرات كدا بتودي رحلات جنوب لبنان
ياها المجرّة الإيرانية
|
Post: #3
Title: Re: الحساب ولد: دي الضربة الخامسة من اسرائيل
Author: حمد عبد الغفار عمر
Date: 10-25-2012, 08:35 AM
Parent: #2
والمحيرني زيادة إنو حماس قاعدة تفش غبينتها بالصواريخ الإنضربنا بسببها
يعني قاعدة تضرب العمق الإسرائيلي بالصواريخ دي
ونحن نحتفظ بغبينتنا وحق الرد
المرة الجاية اسرائيل حتقصف المكان الفيهو حق الرد دا وتخلينا أم فكو
|
Post: #4
Title: Re: الحساب ولد: دي الضربة الخامسة من اسرائيل
Author: Abdlaziz Eisa
Date: 10-25-2012, 08:51 AM
Quote:
لمرة الجاية اسرائيل حتقصف المكان الفيهو حق الرد دا وتخلينا أم فكو
|
الاخ العزيز/ حمد
سلام
المؤمن لا يلدغ من جحر مرتين...
عبود - نميري - بشة او ابوجهل
ديل تلات مرات..
كذب وحنث القسم وسرق السلطة
ابوجهل اعترف بقتل عشرة آلاف,,
قسّم البلد
ولّع الحروب في كل اتجاه ضد الشعب..
طغى وتكبر واكثر فيها الفساد
والقائمة تطول...
اما حكاية ضياع السيادة..
احتلال الاراضي..
والضربات الاسرائيلية فهذا موال طويل..
مسكين شعب يحكمه اللقطاء..
|
Post: #5
Title: Re: الحساب ولد: دي الضربة الخامسة من اسرائيل
Author: حمد عبد الغفار عمر
Date: 10-25-2012, 09:07 AM
Parent: #4
مرحب يا عبد العزيز
ياخي نحن أبلد من ساستنا ما رأيت
بلد منكوبة في كل الإتجاهات فقر ومرض وضعف إمكانيات
وبعد دا كلو تطاول وطولة لسان على الأكبر والأقوى ومحاولات فاشلة للظهور في المجتمع الدولي بصورة الأقوى
زول عارفو أقوى منك وممكن يدمرك ويمسح الخرطوم دي بالأرض في ظرف ساعات وما تقدر تنال منو شعرة مالك ومالو
هسة دا ما سبب قوي جدا لإستقالة جماعية للحكومة؟
طبعا لو في ذرة خجل
|
|