Post: #2 Title: Re: وزير الدفاع السوداني يشرح تقنية الدفاع الجوى (بالنظر) .. فيديو Author: أنور أدم Date: 10-24-2012, 09:34 PM Parent: #1
و الله يا ود امبدة ضحكتني ضحكة جيعان جابو ليهو لوتري...
يا اخي الشعب السوداني ( الفضل) لو رصوهم علي امتداد البحر الاحمر حيشيفو ليهم اف 16 طائرة.....
و الله ابوريالة ده رجل من القرون الوسطي
و حقيقى انو السودان ده بقي بلد فضيحة بحكامه
الله يعين هذا الشعب المسنسلم لقدره
.............
كل سنة و انت طيب
Post: #3 Title: Re: وزير الدفاع السوداني يشرح تقنية الدفاع الجوى (بالنظر) .. فيديو Author: وضاحة Date: 10-24-2012, 09:42 PM Parent: #2
Post: #5 Title: Re: وزير الدفاع السوداني يشرح تقنية الدفاع الجوى (بالنظر) .. فيديو Author: ombadda Date: 10-25-2012, 05:02 PM Parent: #3
شكرا وضاحة لاظهار الفيديو. دولة الجهل حجبت موقع اليوتيوب وموقع سودانيزاونلاين. حفنة من مجهولى الهوية تحكم السودان. لك الله يا وطن.
Post: #4 Title: Re: وزير الدفاع السوداني يشرح تقنية الدفاع الجوى (بالنظر) .. فيديو Author: ombadda Date: 10-25-2012, 04:57 PM Parent: #2
انور ادم كل عام وانت بالف خير.
فى العلوم العسكرية هل هناك ما يسمى بالدفاع بالنظر؟ ممكن تلقى بعض العذر لو تم استخدام تلك التقنية فى الحرب العالمية الاولى. قمة المسخرة والجهل. ياخ على الاقل فى اختراع يسمى كاميرات مراقبة ودى برضو ما بتنفع، والرادار ذاتو ما منو فايدة اذا لم تكن الدفاعات الارضية قادرة على اسقاط الطائرة المعتدية.
Post: #6 Title: Re: وزير الدفاع السوداني يشرح تقنية الدفاع الجوى (بالنظر) .. فيديو Author: Egbal Elmardi Date: 10-25-2012, 05:18 PM Parent: #4
سلامات يا دكتور...كان فضل فيها سلام... بركه قبايل العيد ...ربنا يورينا فيهم يوم...
إسرائيل تكون مدردقه بالواطه من الضحك... ما كفايه المغسه النحنا فيها دى ... كمان يضحكو فينا العالم كده... ونحنا ما عندنا غير أضعف الايمان ... ندعّيهم بس.... ونخليهم لي الله....
Post: #8 Title: Re: وزير الدفاع السوداني يشرح تقنية الدفاع الجوى (بالنظر) .. فيديو Author: ombadda Date: 10-25-2012, 05:31 PM Parent: #6
هلا اقبال المرضى زمن المهازل. كل العالم يسخر من السودان. احدهم كتب:
Quote: What is perhaps sadly hilarious is that Sudan not only is incapable of defending itself against Israel, it can't even prove the attack.
تشكرى على المرور
Post: #7 Title: Re: وزير الدفاع السوداني يشرح تقنية الدفاع الجوى (بالنظر) .. فيديو Author: ombadda Date: 10-25-2012, 05:19 PM Parent: #4
Quote: the Sudanese air force still consists of 61 combat capable aircraft, as well as Russian-built Divina 2 anti- aircraft missiles. It's unlikely that the Sudanese air force's rusting collection of Cold War-era MiGs and Sukhois could take out a column of Israeli fighter jets.
كلمة rusting دى مبالغة.
المصدر: Reuters.com
Post: #9 Title: Re: وزير الدفاع السوداني يشرح تقنية الدفاع الجوى (بالنظر) .. فيديو Author: يحي قباني Date: 10-25-2012, 05:40 PM Parent: #7
قاليك واحده من الاشكالات انو الارتفاع لمن يكون منخفض جدا ....
بتتعِب الرادارات ...
شكلهم كوزين صلصة راداراتنا ديل ...!!!!
Post: #10 Title: Re: وزير الدفاع السوداني يشرح تقنية الدفاع الجوى (بالنظر) .. فيديو Author: يحي قباني Date: 10-25-2012, 05:45 PM Parent: #9
وهنا قاليك الطيارات جات بعد صلاة العشا... والدنيا ضلمه...
والناس كانت سامعة الصوت بس ما شايفيين ...
يعني حكاية النظر زاتها ما نافعة ...
بالله تاني ما تجو بالليل ... بس بعد صلاة الضهر ... قبل الضهر لا ...عشان نومة الضحوية ... وكمان بعد العصر لا ... بنكون نايمين نومة العصرية ...
Post: #11 Title: Re: وزير الدفاع السوداني يشرح تقنية الدفاع الجوى (بالنظر) .. فيديو Author: ombadda Date: 10-25-2012, 06:01 PM Parent: #10
سلام قبانى وكل عام وانت بالف خير ومرحب بيك عضو فى المنبر.
