Post: #1
Title: ماكينة لحام واحدة صبحا!!كلام دا قولوا لي واحد م عندو حديدة!
Author: jini
Date: 10-24-2012, 07:06 AM
Quote: حريق هائل بمصنع عسكري بالخرطوم
مشهد من حريق المصنع العسكري جنوبي الخرطوم (الجزيرة نت)
شب حريق هائل في مجمع اليرموك للصناعات العسكرية بالعاصمة السودانية الخرطوم.
ونقل مراسل الجزيرة نت في الخرطوم عماد عبد الهادي أن الحريق تسبب في دوي انفجارات قوية، وتصاعدت منه ألسنة اللهب، مما تسبب في حالة من الذعر بين السكان.
وصرح والي الخرطوم عبد الرحمن الخضر بأن الحريق بدأ من منطقة التخزين داخل المجمع ولم يُستهدف من الخارج. مشيرا إلى أن سلطات الإطفاء تمكنت من السيطرة على جانب كبير منه.
ولم تعلن حتى الآن خسائر بشرية نتيجة للحريق، وقال والي الخرطوم إنه تسبب في إصابات متفاوتة وأضرار مادية لحقت بعدد من المباني.
وبدوره، قال مصدر في الشرطة لوكالة الصحافة الفرنسية إن "الحريق شب في المصنع أثناء إجراء صيانة عادية حينما تطاير شرر ماكينة لحام إلى أجزاء من المصنع"، مؤكدا أن "السلطات تتابع حصر الخسائر".
ونتيجة للحريق أغلق الشارع الرئيسي الذي يربط وسط الخرطوم بمنطقة الكلاكلات بعد أن تصاعدت ألسنة اللهب، مما أوقف حركة المرور حوالي الساعتين. |
كان تقووا لينا الطيارة جات بالليل والطيار كان طافى الانوار ولقانا نايمين!
جني
|
Post: #2
Title: Re: ماكينة لحام واحدة صبحا!!كلام دا قولوا لي واحد م عندو حديدة!
Author: البحيراوي
Date: 10-24-2012, 07:23 AM
Parent: #1
كان يقولوا يا أجهزة إعلام وقنوات فضائية
أدونا فريقة حتى نخمد النيران ونراجع الإجراءات الداخلية للموقع
ونتواصل مع المعنيين بالأمر في المحيط الداخلي للموقع
ثم نديكم الحقيقة . لكن نجر سلاخي كدا بشوش وبضر أكثر مما ينفع
عبدك سعيد يا جني
بحيراوي
|
Post: #3
Title: Re: ماكينة لحام واحدة صبحا!!كلام دا قولوا لي واحد م عندو حديدة!
Author: مدثر صديق
Date: 10-24-2012, 08:37 AM
Parent: #2
جني
انا قبل ما اسمع رواية اي زول... و انا كنت ماشي بي قريب من منطقة شارع الهواء قلت في نفسي ده خطأ بشري ...لى؟؟ ...عشان عارف نحن السودانيين ديل الاهمال جزء مننا و بالذات لمن يقرب العيد ...و حكاية مكنة اللحام بالليل دي ...في اي منشأة صناعية وارده ...يعني اي ( Hot Work permit ) بطلع لى 12 ساعة دائما و بكون فيهوا حتة بتاعت تمديدو كده
الخلاصة : اظنك بتعرف السودانيين اكتر منى ...(وبالذات لمن العيد يضايقنا)...
|
Post: #4
Title: Re: ماكينة لحام واحدة صبحا!!كلام دا قولوا لي واحد م عندو حديدة!
Author: jini
Date: 10-24-2012, 03:41 PM
Parent: #3
بحيراوى سلام
ابلد كلها محتاجة لدفاع مدتى عشان يخمد انيران الولعوه ناس الانقاذ
Quote: جني
انا قبل ما اسمع رواية اي زول... و انا كنت ماشي بي قريب من منطقة شارع الهواء قلت في نفسي ده خطأ بشري ...لى؟؟ ...عشان عارف نحن السودانيين ديل الاهمال جزء مننا و بالذات لمن يقرب العيد ...و حكاية مكنة اللحام بالليل دي ...في اي منشأة صناعية وارده ...يعني اي ( Hot Work permit ) بطلع لى 12 ساعة دائما و بكون فيهوا حتة بتاعت تمديدو كده
الخلاصة : اظنك بتعرف السودانيين اكتر منى ...(وبالذات لمن العيد يضايقنا)... |
حطا بشرى شنو يا مان!
انت صدقت الراوية ماكنة لحام ابشغلها روبوت ولا شنو!
ود الخضر قال مافى خسائر بشرية!
الفني بتاع اللحام دا النيران دى كانت عليه بردا وسلام ولا شنوا!
جنى
|
|