غايتو لو الحكاية فيها طيارات اسرائيلية معناها فعلا نحن اي كلام!!

لو طيارات اسرائيلية اخترقت الحدود و طارت كل المسافة لغاية جبرة و الشجرة و ضربت ضربتها
و اتخارجت و ناس الحكومة بامنهم و قيادتهم - وزير دفاعهم ما حنجيب سيرتو لأنو ما منه نكهة - و دفاعهم الشعبي
يغطون في النوم العميق يبقى فعلا عليه العوض و منو العوض . يعني لما قالوا انو الدولة دي دولة فاشلة قلنا يا ربي
تكضب الشينة و بعض مثقفينا قالوا انو ده كلام يسهل ضحده و انو ما قايم على أسس علمية و انو هدفه سياسي
و هو عبارة عن سلاح يوجه ضد الدول المستعصية على الاخضاع للنظام العالمي الجديد و واك و ويك و كلام
كتير شيتا مفهوم و شيتا ما مفهوم ، اها تقوم تجيك متل المصيبة دي و تنسف اي أمل لديك في انو الحال افضل من
الوارد في تقارير مجلة فورين بوليسي و تقرير الأمم المتحدة للتنمية الاجتماعية.
و اذا فعلا في طيارات جات من الخارج و ضربت مواقع داخل الخرطوم و اتخارجت يبقى المعارضة السودانية التقليدية
ناس حزب الأمة و ناس مولانا و الشيوعيين و البعثيين و من لف لفهم هم و الحكومة في سرج واااحد و اذا الدولة فاشلة
فهم افشل منها ، و اذا هي ضعيفة هم اضعف منها.
غايتو اظن انو حق اسيا خيري ما راح هدر يا حكومة السجم قاتلة مواطنيها العزل مكتوفة الأيدي امام المعتدين الاقوياء

ياسيف نحنا أي كلام من غير طيارات اسرائيليه.

شهود عيان من الأسرة وغيرها - ماذا حدث في مجمع اليرموك ؟
يبدو انو الموضوع صاروخ و زي ما حصل في مصنع الشفا الناس ما قدروا يميزوا الصاروخ من الطيارة و هو أمر مفهوم في حالتنا نحن
الناس العاديين و لكن لما يجيك بكرة من يدعون أنهم خبراء و يبتدوا في التنظيرات الفارغة و ما يعرفوا الضربهم شنو هنا بتكون الكارثة
و هنا نعرف انو نحن فعلا اي كلام.

دكتور سيف
أولا سلام عليك حكاية طيارات تضرب دي ما اول مرة واتمني ان تكون آخر مرو لان المتضرر المواطن الغليان
ثانيا الخبر ده متين شيتا جديد وهل الأهداف مدنية ولا حكومية
يعني الطيارات دي جات من بره ضربت بيوت ناس ساي كده ولا
ابنية مشكوك فيها آشيا ممنوعة
ماشفنا الأخبار لسه يا وبك صاحي

دكتور سيف
أولا سلام عليك حكاية طيارات تضرب دي ما اول مرة واتمني ان تكون آخر مرو لان المتضرر المواطن الغليان
ثانيا الخبر ده متين شيتا جديد وهل الأهداف مدنية ولا حكومية
يعني الطيارات دي جات من بره ضربت بيوت ناس ساي كده ولا
ابنية مشكوك فيها آشيا ممنوعة
ماشفنا الأخبار لسه يا وبك صاحي

سلام دكتور سيف وان شاء الله انتو طيبين
الاسرائيليين عندهم طيارة بدون طيار ضخمة اسمها Eitan ليها فترة لافة فوق الخرطوم دي بتصور والكلام ده قريتو في كم موقع الكتروني ومتذكر مرة لقيت نقاش في منتدى عبري اضطريت استخدم مترجم قوقل واداني النجيضة
دي صورة الايتان

الصادق الظاهر عليك غاسل يدك مننا تب يا زول.
لكن معاك حق و الله.

شكرا يا باشمهندس محمد عبدالله الوصف في بوستك وصف لا يدع مجالا للشك أن الموضوع موضوع قصف
كان بصاروخ او بمصيبة تانية يعلمونها و لا نعلمها، و سبحان الله جبت رابط البوست لقيت مداخلتك.

عمر الجزلي مخاطبا والي الخرطوم : انت الآن بالقرب من موقع الحدث مش كده؟
والي الخرطوم : نعم..انا قريب جدا من موقع الحدث..و النيران الحمد لله بدأت آآآآ في..في ال..في الخمود.
عمر الجزلي بحماس: يعني تمت السيطرة على..على النيران.
الوالي : اعتقد أنه تمت السيطرة جزئيا و لكن لم تتم بالكامل..و انا الآن قريب جدا من الموقع و ارى ألسنة النيران يعني.

______________________________________________________________________
دي المناظر الكوميديا الحقيقية بكرة لما يجي عبد الرحيم.

Quote: أولا سلام عليك حكاية طيارات تضرب دي ما اول مرة واتمني ان تكون آخر مرو لان المتضرر المواطن الغليان

سلامات يا عادل
المواطن الغلبان مكتوي بنارين، كان قعد في الخرطوم و بورتسودان و غيرها من مدن المركز تضربوا طيارات اسرائيلية
و كان قعد في جبال النوبة و كردفان و النيل الازرق و غيرها من مناطق الهامش تضربوا طيارات الحكومة.
يقبل وين عاد الغلبان ده؟

البلد قاعدة في الصقيعة والحديث عن مصدر الضربة وانها جات من اسرائيل محض كلام يلقى على عواهنه دون اي ادلة ... الدليل الوحيد الملموس المتوفر للمسؤولين المشاهدات بالعين المجردة

عواهنه كيف يا مهدي صلاح.مصنع ذخيرة و اعادة تصدير اسلحة صينية و خبراء ايرانيين و طائرات تجسس اسرائيلية بدون طيار تحلق حوله
منذ مدة و سوابق لضربات اسرائيلية داخل الاراضي السودانية و برضو تقول تكهنات و عواهنه؟
غايتو ارشحك ناطق رسمي فانت تتمتع بالمواهب اللازمة.

سلام يا دكتور سيف
من ناحية أي كلام دي بقى مفروغ منها... بلد بعد الأزهري والمحجوب يكون رئيسها البشير ووزير خارجيتها كرتي! ياخي كان ما أي كلام عبد الرحيم محمد حسين دا يكون وزير وكمان أكتر من مرة وأكتر من وزارة؟ دا انهيار كامل وزي ما قال دكين لو السودان دا خلوه للعشاير والقبايل والناس قعدت ساكت من غير حكومة حاله كان حيكون أحسن من كدا أو على الأقل ما كان حيكون أسوأ مما هو عليه الآن. حاجة مؤسفة والله.

Quote: عمر الجزلي مخاطبا والي الخرطوم : انت الآن بالقرب من موقع الحدث مش كده؟ والي الخرطوم : نعم..انا قريب جدا من موقع الحدث..و النيران الحمد لله بدأت آآآآ في..في ال..في الخمود. عمر الجزلي بحماس: يعني تمت السيطرة على..على النيران. الوالي : اعتقد أنه تمت السيطرة جزئيا و لكن لم تتم بالكامل..و انا الآن قريب جدا من الموقع و ارى ألسنة النيران يعني.

بالقول ان الحديث عن مسؤولية اسرائيل عن الضربة هو حديث ملقى على عواهنه انا قصدتا التركيز على ان اتهام وزير الاعلام لاسرائيل مبني على قرائن واستنتاجات وقصدتا التركيز على عجز الحكومة عن رصد الطائرات وهي تخترق المجال الجوي السوداني وتصل لقلب العاصمة خاصة وهم فاكينها فينا عن مدى التقدم الذي احرزوه في المجال العسكري

انا فعلا أسف يا اخ مهدي على الفهم المتعجل و لكن ايضا يظل أن حكومة السودان تعرف على وجه التحديد ما الذي يدور
في ذلك المصنع و تعرف الجهة المتضررة من انشطته و تعرف من الذي يمكن أن يستهدفه و اعتقد أن جزء كبير من تلك
المعلومات هو اصلا متوفر لدى اجهزة استخباراتية كثيرة و من ضمنها بالطبع الأجهزة التابعة للىظام القائم في الخرطوم.
إذن و الحال كذلك اتهام وزير الإعلام لاسرائيل لم يأت من فراغ. اما إن كنت تتحدث عن قدرة الحكومة على توفير أدلة ملموسة
تدين دولة اسرائيل و تثبت بما لا يدع مجالا للشك تورطها في الضربة فنعم ربما يكون كلامك صحيحا على الأقل في الوقت
الراهن و قبل اكتمال التحقيقات و توفر الأدلة أو اعتراف اسرائيل نفسها بتوجيهها الضربة لنظام الخرطوم الخائب.

يا سيف النصر انت عندك شكك انو إحنا فعلا اي كلام
يا اخوي ما محتاجين طيارات تورينا ، تشاد القريبه دي ممكن تديك دليل وغزوة ذات الموز كمان بتديك الف دليل ودليل
طيارات شنو ناس جايين بالعربات وفيها المدافع لغاية ام درمان بعد ما قطعو الغرب دة كله من دارفور واشتروا الأكل من سوق ليبيا وقالو بسم الله وركبو الكبري وهاك يا ضرب
جاي بعد دة كله تتساءل إحنا اي كلام ولا لا
يا اخي إحنا قاعدين ام فكو ووزير دفاعنا الهمام ينورنا ويقول انو حا يشتغل الدفاع بالنظر
الله يلعن الإنقاذ والترابي الحمار الوقعنا في البلوة دي

Quote: كذلك اتهام وزير الإعلام لاسرائيل لم يأت من فراغ.

دكتور سيف ياحبيب

الموضوع بدا بى بتاع لحام وكانوا دايرين يزيدو ليهو واحد بتاع طعمية لكن لقوا صاجو ومنقدو بعاد شوية من المصنع وانتهى بصواريخ اسرائيلية والخطوة الجاية استغلال الموقف وتعبئة عامة للجماهير واخراجهم فى مظاهرات تندد باسرائيل وتزيد من عمر الانقاذ والتفاف الشعب حولها ... شفت شعبنا ده مسكين وعلى نياتو كيف؟



كل سنة وانت طيب يا دكتور

العوض و اماني العجب و الزبير و جنابو علي سر الختم
منورين و ربنا يعظم الأجر.
كل عام و انتم بخير.

يأ خوانا سيبو الكلام الفارغ دا و ركزو لينا في صبغة حواجب الجززززلي!
قال قريب من موقع الحدث قال!