Post: #1 Title: والى الخرطوم الان على قناة الخرطوم : غير متاكدون عن اسباب الانفجار Author: هشام عباس Date: 10-23-2012, 11:14 PM
الان بقناة الخرطوم الوالى يقول انهم لا يعرفون اسباب الانفجار ويقول فى غالب الظن انه انفجار داخلى الى حين التاكد ويؤكد انه لا توجد خسائر فى الارواح واكد ان هناك اصابات بسبب الاختناق بين المواطنين
Post: #2 Title: Re: والى الخرطوم الان على قناة الخرطوم : غير متاكدون عن اسباب الانفجار Author: هشام عباس Date: 10-23-2012, 11:16 PM Parent: #1
والى الخرطوم يقول انه قريب من الموقع للمتابعة وان هناك لجنة امنية داخل الموقع الان لكن اسباب الانفجار يحتاج لوقت لمعرفته
Post: #3 Title: Re: والى الخرطوم الان على قناة الخرطوم : غير متاكدون عن اسباب الانفجار Author: هشام عباس Date: 10-23-2012, 11:22 PM Parent: #2
اكثر من ساعة مرت على الانفجار والمسؤول الاول عن الولاية غير متاكد حتى اللحظة ان كان انفجار داخلى ام ضرب بالصواريخ
يا جماعة البلد دى قاعدة فى السهلة ممكن البلد يحتلوها والحكومة ما تعرف الا بعد شهر
Post: #4 Title: Re: والى الخرطوم الان على قناة الخرطوم : غير متاكدون عن اسباب الانفجار Author: فرح الطاهر ابو روضة Date: 10-23-2012, 11:24 PM Parent: #2
سلام يا هشام عباس كدي انفجار داخلي دي كيف يعني جائي من الامعاء الغليظة ولا شنو الزول دا لو يرشو ليه بشوية موية بكون نعسان
تخريمة
طيب هو لما ما متاكد من اسباب الانفجار بتنطط في القنوات مالووووووووو رايحة ليه مذيعة نشرة جوية ولا شنو
Post: #5 Title: Re: والى الخرطوم الان على قناة الخرطوم : غير متاكدون عن اسباب الانفجار Author: هشام عباس Date: 10-23-2012, 11:28 PM Parent: #4
Quote: سلام يا هشام عباس كدي انفجار داخلي دي كيف يعني جائي من الامعاء الغليظة ولا شنو الزول دا لو يرشو ليه بشوية موية بكون نعسان
تخريمة
طيب هو لما ما متاكد من اسباب الانفجار بتنطط في القنوات مالووووووووو رايحة ليه مذيعة نشرة جوية ولا شنو
سيبك من دا النكتة فى كلام المذيع عمر الجزلى بعد انهاء الاتصال بالوالى قال انو دا تطمين للمواطنين !!!!!!!!!!!! اذا كان الوالى نفسو ما عارف حاجة ولا قال حاجة تطمن كيف يبقى تطمين يا عمر الجزلى ؟؟ والى بيقول ما عارف ان كان ضرب بالصواريخ ولة انفجار داخلى يبقى طمنا فى شنو ؟؟ الا لو طلع بكرة وقال لينا معاكم الكاميرا الخفية
Post: #6 Title: Re: والى الخرطوم الان على قناة الخرطوم : غير متاكدون عن اسباب الانفجار Author: احمد محمد بشير Date: 10-23-2012, 11:30 PM Parent: #4
اصلا لماذا التخلف وليه المصنع ده جوة الحلة؟!!! تعرف يا هشام مع بداية الضربة تم سماع اصوات طائرات وده بي شهادة اصدقاء في جبرة والضربة احدثت غبار عديييييل دخل البيوت عشان تعرف تخلف هذه الحكومة.
Post: #7 Title: Re: والى الخرطوم الان على قناة الخرطوم : غير متاكدون عن اسباب الانفجار Author: هشام عباس Date: 10-23-2012, 11:48 PM Parent: #6
Quote: اصلا لماذا التخلف وليه المصنع ده جوة الحلة؟!!! تعرف يا هشام مع بداية الضربة تم سماع اصوات طائرات وده بي شهادة اصدقاء في جبرة والضربة احدثت غبار عديييييل دخل البيوت عشان تعرف تخلف هذه الحكومة
حبيبنا احمد نفس الشئ صديق قريب جدا من الموقع اكد لى ان كل اسرته شاهدت هذه الطائرات ز يا اخى دى حكومة لا تضع اى اعتبار لحياة مواطنيها كيف بالله يتم انشاء مصنع للاسلحة فى قلب العاصمة وفى منطقة مأهولة بالسكان ؟؟
Post: #8 Title: Re: والى الخرطوم الان على قناة الخرطوم : غير متاكدون عن اسباب الانفجار Author: Nagat Sid Ahmed Elshiekh Date: 10-23-2012, 11:49 PM Parent: #6
Quote: يا جماعة البلد دى قاعدة فى السهلة ممكن البلد يحتلوها والحكومة ما تعرف الا بعد شهر
وينو بتاع الكشف بالنظر أبو ريالة ؟؟ غريبة ما شاف الطيارة الضربت دى !! والله دى مش سهلة وبس دى زريبة بتاعة حمير ما عارفين الدخل ولا الخرج مشغلين عيونهم رادارات وحارسين بيها الارض والعرض سبحان الله يا والى الخرطوم عاوز ليك ولى أمر يوريك تصرف كيف فى مأزيق وخوازيق ذى دى... سلام الاخ هشام الله يكون فى عون أهلنا القاعدين فى السهلة.
Post: #9 Title: Re: والى الخرطوم الان على قناة الخرطوم : غير متاكدون عن اسباب الانفجار Author: احمد محمد بشير Date: 10-23-2012, 11:55 PM Parent: #8
صورة من الفيس
Post: #10 Title: Re: والى الخرطوم الان على قناة الخرطوم : غير متاكدون عن اسباب الانفجار Author: Zomrawi Alweli Date: 10-23-2012, 11:57 PM Parent: #8
Quote: غريبة ما شاف الطيارة الضربت دى !!
ياخي الطيارة دي لمن جات ما كانت مولعة الانوار وكان وقت صلاة
يا هشام قريبك لسع ما اصدر بيان لغاية اسع مالو
Post: #11 Title: Re: والى الخرطوم الان على قناة الخرطوم : غير متاكدون عن اسباب الانفجار Author: Nagat Sid Ahmed Elshiekh Date: 10-24-2012, 00:01 AM Parent: #10
Quote: قصف شديد بطائرات حربية فوق المنطقة التي نسكن جنوب الكلاكلات....الان حالة من الهلع تسودنا...وإهتزاز للبيوت وحتي الأرض من أثر القصف ....والسماء حمراء ورغم إبتعاد الطائرات قليلا ولكن مازال دوي الإنفجارات يسمع...........ولا أي مسبق فكرة لدينا عن هذه الطائرات لمن ؟ ولماذا القصف؟ وإلي متي سيستمر؟ (شاهد عيان)
Quote: ياخي الطيارة دي لمن جات ما كانت مولعة الانوار وكان وقت صلاة
يازمراوى ما قالوا الكشف بالنظر أقوى من الرادار !!!
Post: #12 Title: Re: والى الخرطوم الان على قناة الخرطوم : غير متاكدون عن اسباب الانفجار Author: هشام عباس Date: 10-24-2012, 00:06 AM Parent: #10
Quote: ياخي الطيارة دي لمن جات ما كانت مولعة الانوار وكان وقت صلاة
يا هشام قريبك لسع ما اصدر بيان لغاية اسع مالو
مستعجل على قدرنا مالك يا زمراوى بكرة من الدغش حيجيك فى التلفزيون ويقول ليك كديسة اتشربكت فى سلك الكهرباء وعمل التماس
Post: #13 Title: Re: والى الخرطوم الان على قناة الخرطوم : غير متاكدون عن اسباب الانفجار Author: احمد محمد بشير Date: 10-24-2012, 00:32 AM Parent: #12
ده كلام والي الخرطوم ... منقول من الفيسبوك
Post: #14 Title: Re: والى الخرطوم الان على قناة الخرطوم : غير متاكدون عن اسباب الانفجار Author: الشفيع رمزي Date: 10-24-2012, 01:00 AM Parent: #12
العزيز هشام محن والله حادثة في منشأة عسكرية يعلق عليها لتطمين المواطنين الوالي ؟ والله البلد دي بالجد ماليها وجيع المنازل وعلى بعد عدة كيلو مترات من مكان الحادث تأثرت ياهشام في اتصال مع الوالدة اخبرتني بان منزلنا تأثر بشكل كبير من الانفجار مع العلم باننا على بعد مسافة قد تصل لحدود 4 كيلومترات من مكان الحادث فما ظنك فيمن يسكن على بعد خطوات من هذه المنشأة , لطفك يارب ياعزيزي كم حاولت الوالدة ان تغالب دموعها وهي تحكي عن خوفهم من فما بالك بحال اطفالنا الذين كانو شهود على هذه الحادثة بالمناسبة ياهشام التصنيع الحربي او مصنع اليرموك تم بناءه وسط منطقة سكنية يعني مش الناس المشت سكنت جنب المصنع المصنع هو الذي جاء طوعاً ليقيم بين السكان فما الغرض من ذلك ياترى .
