الان بقناة الخرطوم الوالى يقول انهم لا يعرفون اسباب الانفجار ويقول فى غالب الظن انه انفجار داخلى الى حين التاكد ويؤكد انه لا توجد خسائر فى الارواح واكد ان هناك اصابات بسبب الاختناق بين المواطنين
10-23-2012, 11:16 PM
هشام عباس هشام عباس
تاريخ التسجيل: 08-30-2010
مجموع المشاركات: 5609
Quote: سلام يا هشام عباس كدي انفجار داخلي دي كيف يعني جائي من الامعاء الغليظة ولا شنو الزول دا لو يرشو ليه بشوية موية بكون نعسان
تخريمة
طيب هو لما ما متاكد من اسباب الانفجار بتنطط في القنوات مالووووووووو رايحة ليه مذيعة نشرة جوية ولا شنو
سيبك من دا النكتة فى كلام المذيع عمر الجزلى بعد انهاء الاتصال بالوالى قال انو دا تطمين للمواطنين !!!!!!!!!!!! اذا كان الوالى نفسو ما عارف حاجة ولا قال حاجة تطمن كيف يبقى تطمين يا عمر الجزلى ؟؟ والى بيقول ما عارف ان كان ضرب بالصواريخ ولة انفجار داخلى يبقى طمنا فى شنو ؟؟ الا لو طلع بكرة وقال لينا معاكم الكاميرا الخفية
10-23-2012, 11:30 PM
احمد محمد بشير احمد محمد بشير
تاريخ التسجيل: 06-17-2008
مجموع المشاركات: 14988
اصلا لماذا التخلف وليه المصنع ده جوة الحلة؟!!! تعرف يا هشام مع بداية الضربة تم سماع اصوات طائرات وده بي شهادة اصدقاء في جبرة والضربة احدثت غبار عديييييل دخل البيوت عشان تعرف تخلف هذه الحكومة.
10-23-2012, 11:48 PM
هشام عباس هشام عباس
تاريخ التسجيل: 08-30-2010
مجموع المشاركات: 5609
Quote: اصلا لماذا التخلف وليه المصنع ده جوة الحلة؟!!! تعرف يا هشام مع بداية الضربة تم سماع اصوات طائرات وده بي شهادة اصدقاء في جبرة والضربة احدثت غبار عديييييل دخل البيوت عشان تعرف تخلف هذه الحكومة
حبيبنا احمد نفس الشئ صديق قريب جدا من الموقع اكد لى ان كل اسرته شاهدت هذه الطائرات ز يا اخى دى حكومة لا تضع اى اعتبار لحياة مواطنيها كيف بالله يتم انشاء مصنع للاسلحة فى قلب العاصمة وفى منطقة مأهولة بالسكان ؟؟
10-23-2012, 11:49 PM
Nagat Sid Ahmed Elshiekh Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
Quote: يا جماعة البلد دى قاعدة فى السهلة ممكن البلد يحتلوها والحكومة ما تعرف الا بعد شهر
وينو بتاع الكشف بالنظر أبو ريالة ؟؟ غريبة ما شاف الطيارة الضربت دى !! والله دى مش سهلة وبس دى زريبة بتاعة حمير ما عارفين الدخل ولا الخرج مشغلين عيونهم رادارات وحارسين بيها الارض والعرض سبحان الله يا والى الخرطوم عاوز ليك ولى أمر يوريك تصرف كيف فى مأزيق وخوازيق ذى دى... سلام الاخ هشام الله يكون فى عون أهلنا القاعدين فى السهلة.
10-23-2012, 11:55 PM
احمد محمد بشير احمد محمد بشير
تاريخ التسجيل: 06-17-2008
مجموع المشاركات: 14988
Quote: قصف شديد بطائرات حربية فوق المنطقة التي نسكن جنوب الكلاكلات....الان حالة من الهلع تسودنا...وإهتزاز للبيوت وحتي الأرض من أثر القصف ....والسماء حمراء ورغم إبتعاد الطائرات قليلا ولكن مازال دوي الإنفجارات يسمع...........ولا أي مسبق فكرة لدينا عن هذه الطائرات لمن ؟ ولماذا القصف؟ وإلي متي سيستمر؟ (شاهد عيان)
Quote: ياخي الطيارة دي لمن جات ما كانت مولعة الانوار وكان وقت صلاة
يازمراوى ما قالوا الكشف بالنظر أقوى من الرادار !!!
10-24-2012, 00:06 AM
هشام عباس هشام عباس
تاريخ التسجيل: 08-30-2010
مجموع المشاركات: 5609
العزيز هشام محن والله حادثة في منشأة عسكرية يعلق عليها لتطمين المواطنين الوالي ؟ والله البلد دي بالجد ماليها وجيع المنازل وعلى بعد عدة كيلو مترات من مكان الحادث تأثرت ياهشام في اتصال مع الوالدة اخبرتني بان منزلنا تأثر بشكل كبير من الانفجار مع العلم باننا على بعد مسافة قد تصل لحدود 4 كيلومترات من مكان الحادث فما ظنك فيمن يسكن على بعد خطوات من هذه المنشأة , لطفك يارب ياعزيزي كم حاولت الوالدة ان تغالب دموعها وهي تحكي عن خوفهم من فما بالك بحال اطفالنا الذين كانو شهود على هذه الحادثة بالمناسبة ياهشام التصنيع الحربي او مصنع اليرموك تم بناءه وسط منطقة سكنية يعني مش الناس المشت سكنت جنب المصنع المصنع هو الذي جاء طوعاً ليقيم بين السكان فما الغرض من ذلك ياترى .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام عباس
فرح الطاهر ابو روضة
احمد محمد بشير
Nagat Sid Ahmed Elshiekh
Zomrawi Alweli
فيس بوك
تويتر
انستقرام
يوتيوب
بنتيريست