Post: #1
Title: شنو حكاية الصواريخ الضربت مصنع اليرموك دي ؟
Author: Dr.Elsadig Abdalla
Date: 10-23-2012, 10:39 PM
Parent: #0
الخبر في الجزيرة وعدة مواقع
|
Post: #5
Title: Re: شنو حكاية الصواريخ الضربت مصنع اليرموك دي ؟
Author: فرح الطاهر ابو روضة
Date: 10-23-2012, 11:40 PM
Parent: #2
غايتو يا دكتور حكاية الصواريخ دي عايزة ليها وقفة شوية
والله يستر بس الحكاية ما تكون اسرائيل وبيع سلاح وتهريبه الي حزب الله
كما يحدث بشرق السودان من الحين للاخر
وككل الاعمال الخرقاء التي تقوم بها الانقاذ وتكون نتائجها قتل الانسان السوداني البسيط
وتدمير بناء الوطن التحتية وانتهاك حرمة الوطن
ويكضب الشينة ربنا يا دكتور
|
Post: #6
Title: Re: شنو حكاية الصواريخ الضربت مصنع اليرموك دي ؟
Author: Dr.Elsadig Abdalla
Date: 10-23-2012, 11:51 PM
سلامات يا فرح
طبعا في الحالتين دائما في تقصير ..إذا حريق داخلي يكون تقصير في إجراءات السلامه وده شيء متوقع ..واذا كان هجوم خارجي..ننتظر عبدالرحيم يجينا بقصه وهميه زي المره الفاتت وانو الناس كانوا في صلاة العشاء..أها الوقت ده ما وقت صلاه..إلا يكونوا قايمين الليل ..أهو العشر الأوائل من ذو الحجه سبب جاهز ..
ربنا يستر
|
Post: #7
Title: Re: شنو حكاية الصواريخ الضربت مصنع اليرموك دي ؟
Author: فرح الطاهر ابو روضة
Date: 10-24-2012, 00:02 AM
Parent: #6
قالوا ليك يا دكتور ايام انهيار المستشفى العسكري
سالت الصحفية وزير الغفلة
عن الرؤية الاولية للاسباب الانهيار
فقال ليها
والله زي ما انتي شايفة الغبار عاكل وانحنا هسي ما متاحة لينا اي رؤية
والبلد يا دكتور البحميها عيفة لابد تصل حد البهدلة البنشوف فيها دي
وعمرنا ما سمعنا لينا بمصانع ذخيرة ولا مستودعات بتكون قرب الاحياء السكنية للمواطنيين
لكن هم دائماً اخر ما تكون مصلحة المواطن ضمن حساباتهم
ويا خرطومي
جوطــــــــــــــــــــــــــــــــــــي جوطــــــــــــــــــــــــــــي
|
|