نياكاما, ثم نيكاما يناكم زيتهم

شكيتكم على الله يا كيزان.
توضيح نيكمة, nyakama بعربى جوبا معناتو اوانطه, لطشة, قلع عديل بدون حق.

سر الاحتفالات فى الخرطوم عندما عاد البشير من اديس عقب توقيع الاتفاق بتاع التعاون المشترك مع نظيره سلفا بدات افهم تفاصيله و هى بجد مخيفة جدا.

السر ما عنده علاقة بالحريات الاربعة طبعا, و هذا البند, رافضيه فى الجنوب اكثر من جماعة الطيب مصطفى فى الخرطوم. و لا علاقة له بالترتيتبات الامنية على الاطلاق.

تتخيلو, ان هولاء كانو قد اقتطعوا نفص مليار دولار من مبيعات البترول من حصة الجنوب من البترول قبل الانفصال و هذه المبالغ كانت اصلا موجودة فى حساب حكومة الجنوب فى بنك السودان المركزى. ايام الاستفتاء, اخذوا منو كم مليون لتمويل المعارضة الجنوبية لتخريب الاستفتاء المعارضة الجنوبية نياكمت الكيزان و قامت صوتت للانفصال. الباقية, اكثر من نص مليار سطو عليه الجماعة و لمن طالبت حكومة الجنوب بها, قاموا بقى يفتعلوا الشكلة و الوعيد بالحرب. فى اديس بشير اعترف لكيير بان المبالغ اتاكلت و ما عندهم طريقة يدفعوا بها هذه المبالغ الضخمة. تعاطف الكل معهم و اضغوا على سلفا لكى يعفى هولاء من دفع هذه المبالغ الكبير.و تنفسوا خيرا.

كلكم تعرفون سودابت, Sudapet????
دى قصة اخرى مخيفة.

أطالب بكرى بطردك وحزف البوست ..

شيئ مخجل ان يتفوه أنسان بهذه التلميحات القبيحة ..

أنت والكيزان فرقكم شنو؟؟


بريمة

بريمة,
الكلمة ما عندها علاقة بما تظن و يعرفها من عاشوا فى جوبا تحديدا و ينطق حرف النون مثل نيا فى نيالا او نج فى دلنج.

بعد الانفصال جوبا و الخرطوم اتفقتا على ان تبق الاصول فى محلها, اى ممتلكات الشمال الموجودة فى الجنوب تبقى فى الجنوب و العكس. سودابت بقت فى الجنوب و بقت ملكية حكومة الجنوب. المشكلة ان سودابت مملوكة للمؤتمر الوطنى و كانت بتشيل عشرين فى المائة من شركات البترول العاملة فى السودان او التى تريد العمل فى مجال النفط فى السودان و الجنوبين كانوا عارفين الحكاية هذه.
الخرطوم جنت و استعانة بمحامين دولين و رفعت القضية فى لندن ضد الجنوب. البشير فى اجتماعه مع سلفا فى اديس ابان المباحثات الاخيرة طالب بان يعود سودابت لشمال, سلفا رفض. البشير قال : تيب ادونا مليار و بنديكم الشركة. سلفا رد, موش اخذتونا للمحكمة, لا مليار و لا ثلاثة مليار و مائتا مليون مساعدة لكم الا بعد المحكمة. بشير قام قال خلاص بنشطب القضية.
هههههههه.

بعد ان إتفضحت الخرطوم امام العالم عندما لجاوا الى نياكمة بترول الجنوب, لم تجد الخرطوم مشتريا للبضائع المسروقة و كانت هناك تلات ناقلات نفط الجنوب منياكمة من قبل الخروطوم, ناقلة واحدة اتبعت و لكن القروش صودرت من قبل جهة دولية, محكمة "of some sort, و هذه المحكمة هى الاخرى قاعدة تنياكم فى القروش دى. فى اتنين ناقلات عائمات فى المياة الدولية حتى الان و ما فى زول دير يشترى البضائع المسروقة دى. فضائح و فضائح.

Quote: أطالب بكرى بطردك وحزف البوست .. شيئ مخجل ان يتفوه أنسان بهذه التلميحات القبيحة ..

هههههههه
بريمة قول بسم الله

الكلمة دي بعربي جوبا معناها سرقو او اكلو حنك زي ما قال ليك زكريا

هدي اللعب شوية :)

تحياتي زكريا

شكرا الاخ جدو.