Post: #1
Title: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-22-2012, 03:52 AM
لا ادّعي ... الكمال ... فكلي عيوب ...
ولكني احاول ان ارقي بنفسي و اتعلم ...
الرجل السوداني حينما كانت الهجرة و الغربة تعد في مصاف المُعيبات ...
كان كل الناس سواء ...فترة اختلط فيها الحابل بالنابل ...
فالكل من الرجال يسلك نفس المسلك ... والكل من النساء رضين بالامر الواقع ...
الي ان اصبح السودان طارداً ...و خرج الرجل السوداني الي العالم ...
الخليج اولا ... ثم الي بلاد الغرب ...
وانكشف المستور ...
وبانت معادن الرجال ... ولعمري كم كنت مخدوعا انا شخصيا ...
كنت اظن ان الرجل السوداني يكفي ان نقول انه سوداني ... ليحمل كل الصفات الحميدة ...
ولكن ...
اتضح لي ان الرجال في السودان الحديث اصبحوا صنوفاً شتي ...
سأكتب عن صفات تلك الشخصيات السودانية " الجديدة " من تجاربي الحياتية ... في شكل حلقات ... وفي سطور قليلة ...
لا أقصد انسان بعينه ... ولا اسئ الظن بكل الرجال السودانيين ...ولكن النسبة الأكبر اصبحت هي الغالبة والحاملة لهذه الصفات الجديدة ...
واقولها من الان ... كل من احس بأن ما سأكتب قد مس فيه شيئاً ... فليعلم اني لا اقصده ... ولكني انصحه بان يتلمس دواخله ...عله يستشفي ...
|
Post: #2
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-22-2012, 03:54 AM
Parent: #1
الحلقة الاولي ...
هنالك نوع من الرجال السودانين ... مغرور ...
نرجسي ... يعشق نفسه المريضة ...
يدعي الإنجازات والنجاحات ... وهو طبل اقرع ...
يرسم حول نفسه صورة البطل الهمام ... وهو يحارب في طواحين الهواء ...
ويجد من هم اجهل منه ليبجلوه ...
... البعيش ياما بيشوف ...
|
Post: #3
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-22-2012, 03:55 AM
Parent: #2
الحلقة التانية :
الرجل السوداني المتشبب ...
الذى يرفض ان يستجيب لنداء الطبيعة ...
لا يحترم سنه ... ولا الشيب الذى ملأ رأسه ...
متشبث بالطفولة ... يلبس ما لا يناسبه ...
ويقول ما لا يشبه سنه ...
خفيف ... وزن الريشة ... يخالط النساء من هم في سن بناته ...
ويبدأ في النظر الي شريكة حياته وكأنها أمه ...
ولا يكلف نفسه بالنظر في مرآة الزمن ...
... غايتو الاختشو ماتوا ...
|
Post: #4
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-22-2012, 03:55 AM
Parent: #3
الحلقة التالتة ...
الرجل الجهلول ...
وهو يختلف عن الرجل الجاهل ...
الجهلول هو من يعتقد انه يفهم ... وهو يا مولاي كما خلقتني ...
هذا النوع الذى لا يزيل قلمه بلمه ...
مخة اضيق من قد الابرة ... يعتقد ان كل قراراته الحياتية هو الذي يتخذها ...
في حين ان القرار الاخير دائما يكون لدي نصفه الحلو ... والتي تعايشت مع نصيبها و " جهلوليته " ...
اقول لذلك الرجل ... اصحي يا ابو جهل ... فاخر قرار انت اخذته في حياتك هو اختيارك لها كزوجة ...
|
Post: #5
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-22-2012, 04:05 AM
Parent: #4
الحلقة الرابعة ...
الرجل المتخلف ...
الذي ينظر الي المرأه وكانها وعاء لجلب الابناء وقضاء الحاجة ...
هذا النوع تجده متوفرا بالسعودية " بالأخص " ... او كان يعمل بها لفترات طويله ...اصابته بالتخلف العقلي ...
مثله مثل السعودى البدوي ...الذي يحمل غنمايته داخل " غمارة ونيته " ...ويجدع حريمه الأربعه في صندوق الونيت ** ...
لو صادفته في اي بلاد الدنيا تجده يتحدث بلهجتهم ... و يطلق علي السعودية ...اسم " المملكة " ... كده حاف ...وكأنها مملكة السيد الوالد ...
هذا النوع الذى اعجبه التطرف الوهابي ... واكمل نقصاً في شخصيته ...تجده دائماً يتخفي وراء ستار التدين المزيف ....
اقول له ... عُد الي اهلك ... وارجع للباس ثوبك ....
|
Post: #6
Title: Re: عوجة رقبتك يا سوداني ... الإغتراب و الهجرة و كشف المستور ...
Author: محمد البشرى الخضر
Date: 10-22-2012, 04:05 AM
Parent: #4
يا ساتر :)
|
Post: #7
Title: Re: عوجة رقبتك يا سوداني ... الإغتراب و الهجرة و كشف المستور ...
Author: عبد الحافظ خضر
Date: 10-22-2012, 04:16 AM
Parent: #6
قباني سلامات
رقبة السوداني دي مش تشمل الرجل والمرأة
أشوفك قابلت الراجل بس وخليت المرة
ومن ناحية اخرى الشخصيات التي ذكرتها
موجودة في كل الملل والنحل وليست قصرا على السودانيين
لك التحية والسلام
|
Post: #8
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-22-2012, 04:21 AM
Parent: #6
الحلقة الخامسة ...
الرجل الجاهل ...
ولا اعني الرجل الذي لم يلقي نصيبا من التعليم ... فكم من هؤلاء ربو اجيالا ورجالا ... وكم من متعلم لم يخلف وراءه الا الرماد ...
ولكني اعني بالجاهل ... الذي اغترب و هاجر ... ومعه جهله ... وانفتحت امامه ابواب الحظ في بلاد البترول ...رغم جهله ...
ولكن لجهل هؤلاء ...صادف حظاً ...وتبوأ المناصب ...ولكنه لم يتعلم شيئاً ....
اعتقد ذلك المسكين ... ان " البدلة " ... والساعة الرولكس ... هم كل ما يحتاجه من سلاح ليأمر و ينهي ... ويقرر ...
هذا النوع ... تجده في كل المنابر ... مخالفاً ...
خالف تذكر ....
ياتي بما لم يأتي به الأولون ... فلان نزيه ؟؟؟ ... يقول لا حرامي ...
هذا النوع ... لو " خُلعت " منه البدلة و الرولكس ... يمشي عارياً كما ولدته امه ....
|
Post: #9
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-22-2012, 04:28 AM
Parent: #8
Quote: قباني سلامات
رقبة السوداني دي مش تشمل الرجل والمرأة
أشوفك قابلت الراجل بس وخليت المرة
ومن ناحية اخرى الشخصيات التي ذكرتها
موجودة في كل الملل والنحل وليست قصرا على السودانيين
لك التحية والسلام |
مرحب بيك يا جميل ...
نحن السودانيين ...نعتقد اننا افضل خلق الله ... بل قلنا نحن جند الله ...
ندعي ما ندعي ... وكلنا عيوب ...
نتشدق بترهاقا ... ونحن صرنا في آخر الصفوف ...
وانا يا سيدي ...اتحدث عن شريحة ...اصبحت كبيرة .... لا أحد ينكرها ...
بالنسبة للمرأه السودانية ... لا ...انا لا أعنيها هنا ...
ياخي والله العظيم ...انا بكره كلمة " المره " دي بي شكل ...
بعرف انها كلمة متداوله عند عدد كبير من الرجال السودانيين ... ولكني امقتها ...
بس انا أؤمن بحرية الرأي ... وانت حر فيما تقول يا صديقي ... وانا كذلك ...
|
Post: #10
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-22-2012, 04:35 AM
Parent: #9
الله يجعل كلامنا خفيف علي الجميع يا ود البشري ...
|
Post: #11
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-22-2012, 07:01 PM
Parent: #10
الحلقة السادسة ...
الرجل الحسود...
وهي شخصية جديدة و دخيلة علي
الرجل السوداني ... واعتقد أن
البعض اكتسبها من معاشرة بعض
الجنسيات العربية ...
يحسد الغير ... يبخس نجاحاتهم ...
ينعتهم بكل ما هو قبيح من الصفات
تارة بالسرقة ... ومرات بالحظ الذي
يلازمهم ويخاصمه
هي صفة لا تشبه الغيرة ... فالغيرة رغم مساوءها تولد المنافسة و التحدي ..، ولكنها حسد فقط...
فشل شخصي تغطيه تلك الشخصية بالنظرة الحاقدة لنجاحات الغير ...
|
Post: #12
Title: Re: عوجة رقبتك يا سوداني ... الإغتراب و الهجرة و كشف المستور ...
Author: الزبير صالح الزبير
Date: 10-22-2012, 08:37 PM
Parent: #11
يا اخي نسيت الرجل ا ل ح م ا ر الذي يظن أنة ابو العريف يفهمها وهي طائرة ويستطيع سبر أغوار النفس البشرية ليستخرج لنا انماطهم وانواعهم ويستطيع التفريق بين النرجسي والمتشبب وبين الجاهل والجهلول وبلمحة بصر او بنصف بصيرة يغوص في أعماق الطبل الأجوف حتي بدون ان يحتاج لقرعة
افتخر انني سوداني وكم ساعدتني جنسيتي هذة في ساعات صعاب وآخرها قبل رمضان الماضي بأيام قليلة في مطار دبي
|
Post: #13
Title: Re: عوجة رقبتك يا سوداني ... الإغتراب و الهجرة و كشف المستور ...
Author: Muna Khugali
Date: 10-22-2012, 09:38 PM
Parent: #12
سلام باشمهندس يحي..
أراك قد وضعت نقاطااساسية للنقاش أو التعليق..
علي كل حال عندي إضافات..
الرجل ضعيف الشخصية والذي تنقصه الشهامة
الرجل القاسي..
الرجل الكذاب..
الرجل البخيل..
الرجل العاطل..
.........
.........
البنات ديل مشن سوق الدهب ولا مشن يغيروا الستاير للعيد؟؟
|
Post: #14
Title: Re: عوجة رقبتك يا سوداني ... الإغتراب و الهجرة و كشف المستور ...
Author: مريم بنت الحسين
Date: 10-22-2012, 09:52 PM
Parent: #13
عمو قباني محتاج دعم والله في البوست ده... لكن انا لو دعمتك اكون بناقض في روحي.. لانه انا كنت معترضه على بوستك عن النساء، بس ما منطلق تشجيعي المطلق للنساء .. لكن من منطلق اني ضد التنميط... طبعا الدفاع اخد قالب متحيز للمرأة لأنها كانت هدف هجومك.. حسي بقول ليك ما بقدر اساعد.. معليش اعفي لي...
النماذج الكتبتها موجوده، لكن تعميمها بخليك تدخل في فخ... كدي النشوفك حتمشي بالبوست ده لوين!
|
Post: #15
Title: Re: عوجة رقبتك يا سوداني ... الإغتراب و الهجرة و كشف المستور ...
Author: Nagat Sid Ahmed Elshiekh
Date: 10-22-2012, 10:17 PM
Parent: #14
قبانى كل التحايا ،
متعة والله سرد جميل وراقى ذى سيدو متابعين والله لبوستاتك المفيدة ،،،،
|
Post: #16
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-22-2012, 10:21 PM
Parent: #12
الحلقة السادسة
الرجل المعقد ...
وهو نوع متعجل في الحكم علي الغير ...
فهمه محدود ... ضعيف الثقة في النفس ...
هذا النوع يغطي علي ضعفه باستخدام الألفاظ النابية ...
ولا يقبل النقد ...
نتمني له عاجل الشفاء ...
|
Post: #17
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-23-2012, 00:42 AM
Parent: #16
Quote: سلام باشمهندس يحي..
أراك قد وضعت نقاطااساسية للنقاش أو التعليق..
علي كل حال عندي إضافات..
الرجل ضعيف الشخصية والذي تنقصه الشهامة
الرجل القاسي..
الرجل الكذاب..
الرجل البخيل..
الرجل العاطل..
.........
.........
البنات ديل مشن سوق الدهب ولا مشن يغيروا الستاير للعيد؟؟ |
الراقية استاذة مني خوجلي ...
لم احدد اطار للحصر ... بل بالعكس ...اتمني من الجميع ان يدلو بدلوهم في هذا الامر ...
لا يوجد منا كرجال من لم يتغير شي في شخصيته ...
ولكن القليل منا من يحاول ان يرتقي بنفسه .. وان يأخد الحسنات من الآخرين قبل السيئات ...
الامثلة كثيرة ... وانا ناوي امر عليها بالتفصيل ...
لك الوعد يا مني ... وسعيد بمتابعتك ...
|
Post: #18
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-23-2012, 00:51 AM
Parent: #17
Quote: عمو قباني محتاج دعم والله في البوست ده... لكن انا لو دعمتك اكون بناقض في روحي.. لانه انا كنت معترضه على بوستك عن النساء، بس ما منطلق تشجيعي المطلق للنساء .. لكن من منطلق اني ضد التنميط... طبعا الدفاع اخد قالب متحيز للمرأة لأنها كانت هدف هجومك.. حسي بقول ليك ما بقدر اساعد.. معليش اعفي لي...
النماذج الكتبتها موجوده، لكن تعميمها بخليك تدخل في فخ... كدي النشوفك حتمشي بالبوست ده لوين! |
بتنا ...بت الحسين ...الزول الجميل ...
ياخي يكفيني حضورك و مشاركتك دي ...
بالنسبة للتعميم ... يا مريم انا ما عممت ...بل قلت انو نسبة كبيرة من الرجال السودانيين تغيرت في دواخله اشياء كثيرة ...
وبكرر ...لا اعني اي شخص بعينه ... وبرضو بكرر ... الحاسي انه اتهبش بالكلام ده ... يمشي يشوف اقرب مراية ...
انا الدنيا لفيت كتير في الدنيا ... والغربة وبلاد المهجر بتجمع الحابل بالنابل ... زي المنبر ده ...
وانا بدلو بدلوي انا ... حسب شوفي انا ... وقد اخطئ او اصيب ... ولكن لا اري تنميط ... او تعميم ...
اما موضوع الفخ ... فغايتو ... خليها علي الله بس ...
|
Post: #19
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-23-2012, 00:53 AM
Parent: #18
Quote: قبانى كل التحايا ،
متعة والله سرد جميل وراقى ذى سيدو متابعين والله لبوستاتك المفيدة ،،،، |
تسلم بت الشيخ ...
ابقي قريبة ...
|
Post: #20
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-23-2012, 01:03 AM
Parent: #19
الحلقة السابعة ...
الرجل المراهق ...
هذا النوع ...عاش طفولة معذبة ... وفترة شباب مغلقة ...
سافر الي بلاد البترول ... وشعر بحريته لاول مرة ... ...
تعلم شرب الخمر وهو فوق الثلاثين من عمره ...
بدأ التفكير في النساء " خارج حلقة الزوجة " ... وهو علي مشارف الأربعين ...
صار يوزع الرومانسية علي الحسان من كل الصنوف ...
تجده يقضى وقتا في تهذيب شاربه " ان كان له شنب " ... اكثر من تفكيره في امور بيته ...
ولو شاءت الظروف .. وكبر حسابه البنكي ... تخيل انه الان مؤهل للزواج بالثانية ...
لو تفحصته ... تجده لا يخلو من الهبل و العباطة ...
|
Post: #21
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-23-2012, 01:14 AM
Parent: #20
الحلقة الثامنة ...
الرجل السلبي ...
يري النصف الفارغ من اي كوب ...
لا يطور من نفسه ابداً ...
لا يصادق الا رجل سلبي مثله ...
هذا النوع موجود في بلاد الغرب ... بكثره ...
دخل اليها لاجئاً ... ولا عيب في ذلك ... فكل الشعب السوداني بات لاجئا يبحث عن وطن ...
ولكنه ظل نائماً ... لا يتطلع لمستقبل افضل ...
يعتمد علي معونة الحكومة في بلد هجرته ... لا يجتهد ولا يعمل ...
وحينما يضيق به حال العيش ... تجده مجتهداً في محاولة لانجاب طفله العاشر حتي تزيد قيمة شيك الحكومة ...
|
Post: #22
Title: Re: عوجة رقبتك يا سوداني ... الإغتراب و الهجرة و كشف المستور ...
Author: Nagat Sid Ahmed Elshiekh
Date: 10-23-2012, 01:32 AM
Parent: #21
| Quote: وحينما يضيق به حال العيش ... تجده مجتهداً في محاولة لانجاب طفله العاشر حتي تزيد قيمة شيك الحكومة ... |
لا حولااااا بتجيب الكلام المظبوط دا من وين؟ غايتو بنعرف لينا ناس بجيبوا السادس عشان شيك ال tax وبيع الرسين الفضلوا للاخوان بمقابل هههه...
|
Post: #23
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-23-2012, 01:44 AM
Parent: #22
| Quote: لا حولااااا بتجيب الكلام المظبوط دا من وين؟ غايتو بنعرف لينا ناس بجيبوا السادس عشان شيك ال tax وبيع الرسين الفضلوا للاخوان بمقابل هههه... |
شوف العين با بت الشيخ ... مع الاسف والله ...
|
Post: #24
Title: Re: عوجة رقبتك يا سوداني ... الإغتراب و الهجرة و كشف المستور ...
Author: محمد حسن محمد ادم
Date: 10-23-2012, 04:10 AM
Parent: #23
قباني
تحيه
اهو كدة انت دخلت في الغريق
هنا السباحة ضد التيار .......
الأمر لا يتعلق بالرجل ........ولا بالمرأة .......
انه إفراز جيل كامل ونوع من الانحراف .....
ربما صادفت انت كل هذه الأنواع من البشر
ربما هي حقيقه وواقع ملموس.....
أنا استبدل ( الرجل ) هنا بالمجتمع.......
اعتقد أننا كمجتمع اخذتنا الغربة علي حين غره وأعني أن ظهور تلكم الشخصيات إنما جاء نتيجة (هجره مبكرة) أو هبوط اضطراري في مطارات الغربه
عارف في الماضي وفي عهد الاغتراب الذهبي كان الناس يخرجون من السودان .....دون أن تخرج ( السودانيه) منهم
بالسودانيه الفينا مشهودة و
لو أعيش ذول ليه قيمه......
السودانيه التي عرفها العالم منبع الرجال .....البوموتوا في حمي القبيلة
كان غنانا سمح( كل الطيوب الحلوة يامولاتي والجيد الرقيق وخطاك والهدب المكحل وفتنه التوب.........)
وحديثنا سمح
واغترابنا ذاتو كان عسل........
الفتنا حلوة ......نفوسنا مليانه ........جيره .......زماله. .......اهل ........نسابه ......و(نفاج) ok نفاج دي قديمه جداً .....أنساها
المهم
لم تظهر الأنماط التي ذكرتها إلا في عهد قريب
أنا لا اعتقد مثلك أنها (كشف مستور)......
أنها رافد شيطاني نبع من تفكك القيمه السودانيه
أنها إفراز خذلان الحكومات المتعاقبة
و
جاييك راجع
|
Post: #25
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-23-2012, 03:22 PM
Parent: #24
بقت المسأله سباحة ضد التيار لما مسكنا نماذج حية ... تسئ للرجل السوداني ...الكان يهز و يرز عي قولتك ؟؟؟
ولما اتكلمنا عن المرأه كان عادى ؟؟؟
وكمان المسأله كلها طلعت افراز للحكومات المتعاقبة ؟؟؟
يعني بي كلامك ده ...من سنة 56 وللان ... ok ... سنة 56 دي قديمة انساها ...خلينا من 69 ... لانها كلها حكومات فاشلة ... معناتها كل الرجال وبدون فرز ...بقو " كرور " ...
ياخي كلامك مرق من الخط الانا دايره ...
ارجوك ارجع اقرا كلامي من الاول لو صادق في رغبتك مناقشة المسأله الحساسة دي ...ولوم الحكومات ده كدي خلي ...
الرجل قاعد في امريكا و لا الامارات ولا السعودية ليهو 20 سنة واكتر ... يقول ليك لم تظهر الأنماط التي ذكرتها إلا في عهد قريب ...
|
Post: #26
Title: Re: عوجة رقبتك يا سوداني ... الإغتراب و الهجرة و كشف المستور ...
Author: جميلة ابراهيم السيد
Date: 10-23-2012, 04:58 PM
Parent: #25
سلامات قباني وضيوفك
كل الشخصيات الواردة اعلاه .. وبعد ما اخلص من قراءة كل واحدة اقول في سري ناقص سطر "فلان" مثالا .. والله مامريت علي واحدة فيهم ما كان عندي مثال ليها قريب جدا من الذاكرة .
واصل .. انا متابعة واخليك تحصر الفي بالك ولو لقيت في واحدة ما مريت عليها بزكرك بيها.
والهدف في النهاية .. محاولة كشف المسكوت عنه من اجل التصحيح وليس الهجوم.
تحياتي
|
Post: #27
Title: Re: عوجة رقبتك يا سوداني ... الإغتراب و الهجرة و كشف المستور ...
Author: ايهاب اسماعيل
Date: 10-23-2012, 09:46 PM
Parent: #26
الاخ يحي قباني..
شكراُ علي البوست العميق والجميل بالفعل يعبر عن إنسان شفاف وحصيف وكأنك تقرأ افكاري يا سيدي حيث أقوم هذة الايام بإعداد سلسة من المقالات سميتها
علمتني الغربة ...حكايات من العذاب والاغتراب
أتحدث فيها عن معاناتي في الغربة والمواقف التي واجهتني في طريق الكفاح والامال و تجاربي مع الشخصيات التي ذكرتها سابقاً وحكايات وحكايات من ألف ليلية وليلة...
تسلم يأخي ....
|
Post: #28
Title: Re: عوجة رقبتك يا سوداني ... الإغتراب و الهجرة و كشف المستور ...
Author: Nagat Sid Ahmed Elshiekh
Date: 10-23-2012, 09:59 PM
Parent: #26
| Quote: أنا استبدل ( الرجل ) هنا بالمجتمع....... |
الاخ محمد لما جا الدور النقدى عندكم دخلت كلمة إستبدال ....
كلنا كان ممكن نطالب بالاستبدال دا لكن الهدف من البوستات كشف المستور لا ينفع معه الاستبدال.
متابعين ياقباني .....
بعدين فى واحده حارقانى شديييييد بتخص بعض المهاجرين فى الغرب ، الطلاق الصورى للاستفادة من البنفيتز بتاعة الولاية للاطفال وز سنقل بيرنتس ودى الراجل بلعب فيها دور كبير وخطير فى الاختفاء من البيت لحدى ما تسبت الكروت والشيكات !
|
Post: #29
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-23-2012, 11:48 PM
Parent: #28
| Quote: والهدف في النهاية .. محاولة كشف المسكوت عنه من اجل التصحيح وليس الهجوم. |
هلا بجميلة ..زوجة الغالي ...
حقيقة اتمني من الجميع ان ينظروا للبوست بنظرة موجبة ... وذلك للمنفعة العامة ...
لو لم اكن فخوراً بسودانيتي ... ما افترعت هذا البوست يا صديقة ...
انا اتمني ان اري كل سوداني في الطليعة ...
|
Post: #30
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-23-2012, 11:51 PM
Parent: #29
Quote: الاخ يحي قباني..
شكراُ علي البوست العميق والجميل بالفعل يعبر عن إنسان شفاف وحصيف وكأنك تقرأ افكاري يا سيدي حيث أقوم هذة الايام بإعداد سلسة من المقالات سميتها
علمتني الغربة ...حكايات من العذاب والاغتراب |
استاذى الصحفي ايهاب اسماعيل ...
سعدت بكلماتك ... وبروحك وشخصك الراقي حتماً ...
نحن في انتظار المقالات يا سيدي ... وانا سأواصل في كتاباتي عن الامثلة التي تشوه صورة الرجل السوداني الذى نعرفه قديماً ...
|
Post: #31
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-23-2012, 11:53 PM
Parent: #30
Quote: متابعين ياقباني .....
بعدين فى واحده حارقانى شديييييد بتخص بعض المهاجرين فى الغرب ، الطلاق الصورى للاستفادة من البنفيتز بتاعة الولاية للاطفال وز سنقل بيرنتس ودى الراجل بلعب فيها دور كبير وخطير فى الاختفاء من البيت لحدى ما تسبت الكروت والشيكات ! |
للأسف اختنا نجاة ... المثل ده بالتحديد بقي في كل مكان ...
شئ مؤسف ...ولا يدري هؤلاء ان ذلك يسئ لكل سوداني ...
|
Post: #32
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-24-2012, 00:01 AM
Parent: #31
الحلقة التاسعة ...
الرجل الضعيــــف ...
إضينة .... كلمة توديهو وتانية تجيبه ...
تدار شئون بيته من جهتين ... اصحابه ...الفاهمين كل شي ...
والوالدة و أخواته من جهة اخري ...
هذا النوع سحقته الغربة ... والعمل كمرؤوس ... لا يتطلع لأي موقع قيادي ... ولا يقول رأيه ...
دائما في حيرة ... ولضعفه ... يعتبر ان زوجته اضعف من ان يؤخذ برأيها ...
|
Post: #33
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-24-2012, 00:12 AM
Parent: #32
الحلقة العاشرة ...
الرجل المنافق ...
وما اكثرهم هذه الايام ...
يعرف من انت ... ويعرف اين تسكن ... ويعرف كل شي عنك ... ولا يسأل ...
وحينما يحتاجك ... لا يتردد في الذهاب اليك .... و يحلف بأغلظ الايمانات بانك كنت علي باله ... وكان ينوي زيارتك ...
والادهي و الاذل ... لو قضيت حاجته ... او لم يجدها عندك ... فارقك حتي دون وداع ...
أه لو يعلمون كم مؤذى وجارح ما هم فاعلون ...
|
Post: #36
Title: Re: عوجة رقبتك يا سوداني ... الإغتراب و الهجرة و كشف المستور ...
Author: محمد حسن محمد ادم
Date: 10-24-2012, 03:28 AM
Parent: #28
| Quote: الاخ محمد لما جا الدور النقدى عندكم دخلت كلمة إستبدال .... |
الأخت نجاة
تحيه وتقدير
أبدا والله يا أختاه لم اقصد الاستبدال لان الحديث عننا كرجال
قصدت أنبه للتغيير الحاصل في المجتمع ككل ........دون أن انفي دور الرجال في ذلك
ثقي أنني لست متحيزا لجنس أو قبيله
وشكرا لك علي التعقيب
|
Post: #34
Title: Re: عوجة رقبتك يا سوداني ... الإغتراب و الهجرة و كشف المستور ...
Author: محمد حسن محمد ادم
Date: 10-24-2012, 03:16 AM
Parent: #25
| Quote: الرجل قاعد في امريكا و لا الامارات ولا السعودية ليهو 20 سنة واكتر ... يقول ليك لم تظهر الأنماط التي ذكرتها إلا في عهد قريب ... |
Quote:
بقت المسأله سباحة ضد التيار لما مسكنا نماذج حية ... تسئ للرجل السوداني ...الكان يهز و يرز عي قولتك ؟؟؟
ولما اتكلمنا عن المرأه كان عادى ؟؟؟
وكمان المسأله كلها طلعت افراز للحكومات المتعاقبة ؟؟؟
يعني بي كلامك ده ...من سنة 56 وللان ... ok ... سنة 56 دي قديمة انساها ...خلينا من 69 ... لانها كلها حكومات فاشلة ... معناتها كل الرجال وبدون فرز ...بقو " كرور " ...
ياخي كلامك مرق من الخط الانا دايره ...
ارجوك ارجع اقرا كلامي من الاول لو صادق في رغبتك مناقشة المسأله الحساسة دي ...ولوم الحكومات ده كدي خلي ...
الرجل قاعد في امريكا و لا الامارات ولا السعودية ليهو 20 سنة واكتر ... يقول ليك لم تظهر الأنماط التي ذكرتها إلا في عهد قريب ... |
الأخ قباني
تحيه واحترام
- نعم سباحة ضد التيار ولكن ليس لان الكلام عن الرجال ولكن لان الأنماط التي ذكرتها انت أصبحت (عادي) فانا لا أدافع بقدر ما أضيف
- المرأة والرجل عندي سواء في مفهوم الإنسانية ولا آري فضل لواحد علي الآخر إلا بما فضل الله
- قصدي بإفراز الحكومات المتعاقبة هو أن سوداننا اصبح طارد وعشان ما اطلع عن الموضوع خليها دي
-السطرين الأخيرين ديل ما فهمت منهم أي حاجه
بس ممكن أضيف انه انا لا ألوم احد ولا حكومه ولا أدافع عن هؤلاء الأنماط بل أخدت الفكرة العامه بحثا عن سبب وذلك لأني اعتز بسودانيتي وأغير عليها وأخاف أن تندثر وسط هذا الزخم .......
ونعم الأهلية كملت وشمس المحنة غربت طاحت
لك الود
|
Post: #35
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-24-2012, 03:27 AM
Parent: #34
اخي محمد حسن ...
اولا آسف ان كنت اخطأت الفهم لما تقصده ...
لكن تناولك للمسأله و محاولة ارجاع السبب في ظهور تلك الشخصيات ...هو حكوماتنا الطارده ...
والغربة المبكرة ... لم يحافه الصواب ...في نظري علي الاقل ...
يا عزيزي خرج من السودان جيل كامل في عهد النميري ...واجيال في عهد انقلاب الانقاذ ...
وهنالك امثلة مثالية للرجل السوداني الاصيل فيها ... ولكن هذه الشخصيات برزت حوالينا في كل مكان ...
في الخليج ...وفي الغرب ... منهم من اجيال في سننا و منهم الاكبر ومنهم الاصغر ...
هذه النماذج في نظري الهجرة و الاغتراب هي التي طورتها و كشفتها ...
ولا اعتقد انها سباحة ضد التيار ...فلا يصح الا الصحيح يا صديقي ...
وان كانت ضد التيار فلنسبح ...
انا في كتابلتي هذه ... لو فقط واحد او اتنين من آلاف تلك الشخصيات ...تلمسوا ما بهم ...وقالو فانحسن من ما نحن فيه ...
ونعود للحفاظ علي اسم السوداني الراقي ...ساكون شاكرا حامدا ...
ارجو ...مره اخري ان تقبل اعتذاري ان كنت قد اخطأت الفهم ...
|
Post: #37
Title: Re: عوجة رقبتك يا سوداني ... الإغتراب و الهجرة و كشف المستور ...
Author: ABDELMAGID ABDELMAGID
Date: 10-24-2012, 03:44 AM
Parent: #35
Quote: بعدين فى واحده حارقانى شديييييد بتخص بعض المهاجرين فى الغرب ، الطلاق الصورى للاستفادة من البنفيتز بتاعة الولاية للاطفال وز سنقل بيرنتس ودى الراجل بلعب فيها دور كبير وخطير فى الاختفاء من البيت لحدى ما تسبت الكروت والشيكات ! [/QUOT
متابعين أستاذ قبانى ...
و الله البوست بتاعك ده بقيت
ساكن فيو سكنه , و تقريباً
كل النماذج دى مرت على و عايشتها
.........
بس الكلام الفى الكوت ده الكتبتو
الزميله شويه كدى أشعرنى بالإشمئزاز
من تلك العينه من الرجال أو النساء ...
.........
عبدالماجد
|
Post: #39
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-24-2012, 04:11 AM
Parent: #37
Quote: متابعين أستاذ قبانى ...
و الله البوست بتاعك ده بقيت
ساكن فيو سكنه , و تقريباً
كل النماذج دى مرت على و عايشتها
.........
بس الكلام الفى الكوت ده الكتبتو
الزميله شويه كدى أشعرنى بالإشمئزاز
من تلك العينه من الرجال أو النساء ...
.........
عبدالماجد |
اخي العزيز عبدالماجد ...
اختنا نجاة ما قالت الا الحق ...
وللأسف الامثلة متواجده و بكثره ...هنا في كندا و امريكا ...
لم اكن اتصور ان يتسول الرجل السوداني باسرته بهذه الطريقة ...
المصيبة ان بعضهم لم يكتفي بالفعلة الشنيعة ... بل اصبحوا رواداً في " الاحتيال " ...
واصبحوا قدوة ومن الناصحين ...
ويستغرب الناس ... لماذا لا يقوم ربيع عربي في السودان ...
كيف ... ونحن نفقد رجولتنا شيئا فشيئا ...؟؟؟؟
|
Post: #38
Title: Re: عوجة رقبتك يا سوداني ... الإغتراب و الهجرة و كشف المستور ...
Author: محمد حسن محمد ادم
Date: 10-24-2012, 04:02 AM
Parent: #35
Quote: وهنالك امثلة مثالية للرجل السوداني الاصيل فيها ... ولكن هذه الشخصيات برزت حوالينا في كل مكان ...
في الخليج ...وفي الغرب ... منهم من اجيال في سننا و منهم الاكبر ومنهم الاصغر ...
هذه النماذج في نظري الهجرة و الاغتراب هي التي طورتها و كشفتها ...
ولا اعتقد انها سباحة ضد التيار ...فلا يصح الا الصحيح يا صديقي ...
وان كانت ضد التيار فلنسبح ...
انا في كتابلتي هذه ... لو فقط واحد او اتنين من آلاف تلك الشخصيات ...تلمسوا ما بهم ...وقالو فانحسن من ما نحن فيه ... |
العزيز قباني
أوافق ميه الميه
ولا داعي للأسف فانت تسعي لخير نحن كلنا تسعي اليه عسي ولعل نعيد ( للسودانيه) روعتها المفقودة
مع خالص الود
|
Post: #40
Title: Re: عوجة رقبتك يا سوداني ... الإغتراب و الهجرة و كشف المستور ...
Author: Muna Khugali
Date: 10-24-2012, 03:08 PM
Parent: #38
...
|
Post: #41
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-25-2012, 04:38 AM
Parent: #40
الحلقة الحادية عشر
الرجل المغرور ...
وهو الذي جمع مالاً في الخليجِ وعدّدَا ...وحَسِبَ ان ماله أخلدا ...
هو الذى قرر الهجرة الي بلاد العم سام وما جاورها ...طلبا للاستقرار ...
كان يعمل في وظائف مرموقة جدا ... وقرر بقدرة قادر ان يتحول من مهني او موظف الي رجل اعمال ...
نصحه البعض ان يتروي و يسأل من هم اقدم منه في تلك البلاد ... ولكن لغروره ظن انه بكل شي عليم ...
وفكر بدوخله انه بعدم افشاء اسرار افكاره الجهنمية ... يكون قد حافظ علي تلك الثروه الهائلة من عين الحسود ...
علي اعتبار ان كل السودانيين الذين سبقوه ..." مستنكحين " ...
يأتي هذا المسكين ويقع من فخ الي آخر الي ان يصرف ما في الجيب و لا يأتيه ابدا ما في الغيب ...
ويبدأ رحلة العودة الاجبارية لبلاد البترول ليحفر من جديد في صخرها ...
يا جماعة ... والله العظيم في سودانيين ناجحين اكتر مما تتصورا ...وعينهم ملانة ...
ودراهمكم و ريالاتكم الممحوقة دي هي ما دايرين منها شي ...
القصة مجرد سؤال ... يغنيك من الدخول شعب ...يعني تدخل يا لوج يا بلكون علي الاقل ...
|
Post: #42
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-25-2012, 04:53 AM
Parent: #41
الحلقة الثانية عشر ....
الرجل الموظف ...
وانا هنا لا انتقد الموظف ... فكلنا عملنا موظفين و مهندسين ومهنيين ...
ولكنه سؤال يؤرقني منذ زمن طويل ... وخاص بالسودانيين بدول الخليج بصفة عامة ... والامارات بصفة خاصة جداً ...
الرجل السوداني هاجر الي دولة الامارات العربية المتحدة منذ بداية السبعينات ... بل هم من اسسوا الامارات ...
خططوا طرقاتها ... بنوا مستشفياتها ... وضعو اللبنات الاولي لكل الهيئات و المؤسسات ...
وهم كانوا الاغلبية الغالبة ...والاقرب و الاحب الي نفس اهل الامارات ... وكل الابواب مفتوحة ...
ما يدهشنى ...ونحن في العام 2012 ...حجم الشركات الخاصة و الاعمال التجارية المملوكة للرجل السوداني
لا تتعدي واحد في المية من ما يمتلكة بقية الشعوب العربية في الامارات !!!!...
لماذا ...يتمسك الرجل السوداني بالوظيفة ...؟؟؟؟
حتي المصري صاحب القولة الشهيرة " ان فاتك " المييري " اتمرّغ في ترابه " ... اصبح من رجال الاعمال ...؟؟؟
هل الهنود ... والشوام ... اذكي و افهم منا .... ام نحن خُلِقنا شعب موظف ؟؟؟؟
والله مازلت ابحث عن اجابة لهذا السؤال ؟؟؟؟؟؟
|
Post: #43
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-25-2012, 05:53 PM
Parent: #42
الحلقة الثالثة عشر ...
الرجل الناقص ...
ناقص في كل شي ...
تنقصه الثقة في النفس ... تنقصه المقدرة علي الاعتماد علي النفس ...
يُكمل نقصه بذم الآخرين ...
تجده في اول الصفوف لو كان هناك نقداً او شتما ... فتجده من اول المهللين ...يتكاثر في تلك المواقف كالباكتريا ...
وان اختلف الامر ...وانعكست المعلومة ... تواري و اختفي من الانظار ... كما الخفاش من شمس النهار ...
لعمري انها شخصية جديدة لنج علي الرجل السوداني ... واعتقادى انها أُكتسبت من مخالطة بعص الشعوب الأخري
التي تحب القيل و القال ... والله أعلم ...
الله يعين بس .....
|
Post: #44
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-27-2012, 07:53 PM
Parent: #43
الحلقة الرابعة عشر ...
الرجل الجبـــــــان ..
تنقصه الشهامة ... أناني ... لا يعنمد عليه في شئ ... نسي مرجلة السودانيين و بسالتهم ...
لا تجده ان احتجته ... ويعرف كيف يجدك ان احتاجك ...
تجده من المُنَظّرين في الفارغة ... ويهرب و يتجابن وقت الملمات ...
يستغل الآخرين ... عنده احساس بالخوف من كل شي ... لذلك يتواري ويغيب وقت الحارّة ...
هذا النوع في الأغلب له صفة البخل موازية للجبن ... تجده آخر من يضع يده داخل جيبه وقت الدفع في اي محفل ...
وتجد عقله يعمل كالحاسب الآلي ...حتي لواضطر للدفع ...كان نصيبه اقل من الاخرين ...
لم نكن نري هذه الشخصية " الجديدة " في السودان زمان ...
كان الرجل ... موقف ... لا يتزحزح منه ...
|
Post: #45
Title: Re: عوجة رقبتك يا سوداني ... الإغتراب و الهجرة و كشف المستور ...
Author: جميلة ابراهيم السيد
Date: 10-27-2012, 09:54 PM
Parent: #44
نرفع البوست المهم دة
|
Post: #46
Title: Re: عوجة رقبتك يا سوداني ... الإغتراب و الهجرة و كشف المستور ...
Author: البشير دفع الله
Date: 10-27-2012, 10:54 PM
Parent: #45
بوست هام
للأسف كل النماذج التي سردتها أعلاه أضحت موجودة تقل أو تكثر ولكنها موجودة
نصادفها , نعايشها , شخوصها يتحركون كالأبطال , وان أنكرناهم عنجهية منا وكبر الا أنهم موجودون .
ونكذب على أنفسنا ان انكرناهم .
وان كنت أرى أن أي أثر على تركيبة وشخصية الانسان ومنها مثل هذه التحولات السالبة
يكن للعامل الاقتصادي فيها القدح المعلى .
الحوجة
الفقر
الفاقة
العوذ
وهذا ليس تبرير للقبول بالحالات أعلاه , ولكنه تحليل يمكن أخذه في الاعتبار أو تجاهله .
لك التحية أ. يحيي قباني
|
Post: #47
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-28-2012, 09:34 AM
Parent: #46
Quote: بوست هام
للأسف كل النماذج التي سردتها أعلاه أضحت موجودة تقل أو تكثر ولكنها موجودة
نصادفها , نعايشها , شخوصها يتحركون كالأبطال , وان أنكرناهم عنجهية منا وكبر الا أنهم موجودون .
ونكذب على أنفسنا ان انكرناهم .
|
أخي البشير دفع الله ...
اصبت كبد الحقيقة ... بالفعل ننكرهم عنجهية منا ... وهذا هو الخطأ ...
انا حينما افترعت هذا البوست ... لم اضع نفسي في موضع المحلل النفسي ... فهؤلاء موجودين حوالينا ...
نصادقهم و نجاملهم ... وقد نصل الي حد ان نغطي علي اخطائهم بحجة اننا كلنا سودانيين ...
والنتيجة اننا نساعد علي ازدياد تلك الشخصيات الغريبة علينا ...
Quote: وان كنت أرى أن أي أثر على تركيبة وشخصية الانسان ومنها مثل هذه التحولات السالبة
يكن للعامل الاقتصادي فيها القدح المعلى .
الحوجة
الفقر
الفاقة
العوذ
وهذا ليس تبرير للقبول بالحالات أعلاه , ولكنه تحليل يمكن أخذه في الاعتبار أو تجاهله . |
لا اعتقد ان الحاجة فقط هي السبب في افراز كل تلك النماذج ... قد تكون النشأه .... المحيط العملي ...
لا أدري ...
ولكن ما اعلمه جيدا ان هذه الاعداد في ازدياد ... وان صورة الرجل السوداني اهتزت ...
وان اسم السوداني اصبحت تنسب له اشياء كثيرة لم تكن تشبهنا يوما ما ...
ويجب علينا ان نرفع رؤوسنا من الرمال ... فلو اصلح كل واحدا منا ... واحدا " منا " ...
سننجز ونعود بالرجل السوداني لمكانته المعهودة ...
|
Post: #48
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-28-2012, 08:00 PM
Parent: #47
الحلقة الخامسة عشر ....
الرجل المتفرج ...
وهو الرجل الذي يري بوست مثل هذا البوست ولا يدلو بدلوه ...
لا افهم لماذا !!! ...
ربما ... مجاملةً لصديق ...
او
خوفاً من الوقوع في المحظور ....
او ...
ابعد عن الشر وغنيلو ....
او ...
الباب البجيك منو الريح سدو واستريح ...
او ...
انا مالي ومال المشاكل ...
او كما قال جحا ...
|
Post: #49
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-30-2012, 03:23 PM
Parent: #48
لقيتو في صفحة 3 ...
قلت اقنع منو ...
بعدين قررت ... او ما لازم اقنع منو ...
ونشوف اخرتها شنو ...
|
Post: #50
Title: Re: عوجة رقبتك يا سوداني ... الإغتراب و الهجرة و كشف المستور ...
Author: Osman Dongos
Date: 10-30-2012, 08:21 PM
Parent: #49
الاخ الكريم يحى قبَّاني،
عيد مبارك،
لكم نحن في حاجة ماسه الى النظر الى دواخلنا بتجرد ونقد ذواتنا بصدق وتلمس عيوبنا ومحاولة التخلص منها اِن اردنا ان نعدّل مسارنا ونلحق بركاب الشعوب التي كنا نسبقها بعقود من الوعي والتقدم.
اوافقك في تصنيفك العام ولكن اسمح لي باضافة صغيرة وهي ان هذه الصفات السالبة قد تكون في ايٍ منّا بنسب متفاوتة، فمنّا من يكبح جماحها ومنّا من يطلق لها العنان فتصير صفة سالبة ملازمة له.
وكما تفضلت فاِن الغربة والسفر يوريك معادن الرجال، فكلنا ذكور ولكن الرجال منّا قليل.
لك الود
عثمان دُنقس
|
Post: #51
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-30-2012, 09:38 PM
Parent: #50
Quote: الاخ الكريم يحى قبَّاني،
عيد مبارك،
لكم نحن في حاجة ماسه الى النظر الى دواخلنا بتجرد ونقد ذواتنا بصدق وتلمس عيوبنا ومحاولة التخلص منها اِن اردنا ان نعدّل مسارنا ونلحق بركاب الشعوب التي كنا نسبقها بعقود من الوعي والتقدم.
اوافقك في تصنيفك العام ولكن اسمح لي باضافة صغيرة وهي ان هذه الصفات السالبة قد تكون في ايٍ منّا بنسب متفاوتة، فمنّا من يكبح جماحها ومنّا من يطلق لها العنان فتصير صفة سالبة ملازمة له.
وكما تفضلت فاِن الغربة والسفر يوريك معادن الرجال، فكلنا ذكور ولكن الرجال منّا قليل.
لك الود
عثمان دُنقس |
مرحب بيك أخونا عثمان دنقس ...
ولك التحية وانت تشارك معي في هذا البوست الذي دفن منه الكثيرون رؤوسهم في الرمل ...
وكأني اتحدث عن الممنوع والحرام !!!
وحقيقة الوضع مؤسف للغاية ... ولكنا نخاف من كشف المستور ...
كتب احدهم بوست عن ممارسات في شمال السودان ...قامة القيامة ولم تجلس ...
لماذا .... لأنه كشف المسكوت عنه ...
لابد ان ننقد ذاتنا ...ولا بد من ان نحارب حتي نعيد اسمنا عاليا ...
وحقيقة صدقت في قولك .... كلنا ذكور ... و رجالنا قليل ...
لك الود يا أخي ...
|
Post: #52
Title: Re: عوجة رقبتك يا سوداني ... الإغتراب و الهجرة و كشف المستور ...
Author: Osman Dongos
Date: 10-31-2012, 03:07 PM
Parent: #51
اخي يحى قبَّاني،
الرجل المغرور، ذكَّرني ذلك بأحد الصحا بة الذي قام في المسجد وقال على رؤوس الاشهاد "انا ابن اِمرأة كانت تأكل القديد" ولمَّا سألوه لماذا قال هذا الكلام، قال "لمست في نفسي غروراً فأردتُ ان اردعها' او شيئاً من هذا القبيل. وهنالك القول (من تواضع لله رفعه) وقول الشاعر جبران خليل جبران:
يضيف التواضع للانسان بعداً ثالثاً من الجمال والعذوبة والصفاء.
اخي الكريم، لا يتوافر النقد الذاتي اذا لم يكن هنالك تواضع واحترام للاخرين وقدراتهم. اذا لم يكن ذلك عن مبدأ، فعلى الاقل من زاوية المنفعة. فالعنصرية مثلاً تعتبر مظهر من مظاهر الغرور، مارسها الغربيون ردحاً من الزمن علي بعضهم البعض وعلى الشعوب الاخرى، ولكنهم ادركوا الضرر البليغ الذي تلحقه بأمن البلد و بالاقتصاد والتقدم العلمي والتقني وذلك بأقصاء نسبة مقدرة من المجتمع لاسباب عنصرية، تلك الشريحة قد يكون فيها عقول نابغة، علماء وادباء ورجال اعمال وغيرهم من الذين يمكن ان يكون لهم اسهام مقدَّر في دفع عجلة التقدم في هذه البلدان، وهذا ما نراه الآن من استجلاب العقول من الدول النامية سودها وصفرها للاسهام في تطوير العلوم والاقتصاد في الدول المتقدمة. ما احوجنا نحن الى ذلك، ليس باستجلاب عقول من الخارج ولكن فقط بوضع الشخص المناسب (رجلاً كان او اِمرأة) في الموقع المناسب من مواطني البلد.
من طرائف العنصرية الناتجة عن الغرور التي تؤدي الى غباء، ان ادولف هتلر وصحبه من اساطين الحزب النازي، كانوا يحصرون افراد الجنس الآري فقط في الذين لهم شعراً اشقر وعيون زُرق. المفارقة هي ان هذه الصفات لا تنطبق على معظم قيادات الحزب من غلاة النازيين بما فيهم هتلر عرَّاب الحزب. وما اشبه الليلة بالبارحة
ونواصل
دمت بخير
|
Post: #53
Title: Re: عوجة رقبتك يا سوداني ... الإغتراب و الهجرة و كشف المستور ...
Author: Osman Dongos
Date: 10-31-2012, 09:38 PM
Parent: #52
فالرجل المغرور الذي ذكرته في الحلقة الحادية عشرة، منعه غروره من الاستفادة من تجارب وخبرات الذين سبقوه في الغربة لعدم ايمانه بقدراتهم وربما استخف بتجاربهم وظن ان كل البلاد سواء، فطالما هو نجح نجاحاً باهراً في الخليج، فهو اقدر على النجاح في الغرب.
|
Post: #54
Title: Re: عوجة رقبتك يا سوداني ... الإغتراب و الهجرة و كشف المستور ...
Author: يحي قباني
Date: 10-31-2012, 10:07 PM
Parent: #53
| Quote: فالرجل المغرور الذي ذكرته في الحلقة الحادية عشرة، منعه غروره من الاستفادة من تجارب وخبرات الذين سبقوه في الغربة لعدم ايمانه بقدراتهم وربما استخف بتجاربهم وظن ان كل البلاد سواء، فطالما هو نجح نجاحاً باهراً في الخليج، فهو اقدر على النجاح في الغرب. |
بالضبط كده يا صديقي ....
وحقيقة في أمثلة رائعة جداً من السودانيين الذين شقوا طريقهم في الغرب و أصابوا نجاحات كثر
سواء في عالم البزنس أو مجالات تخصصهم ....
ولكن أعود. وأقول أن الغالبية من السودانيين في الغرب اختصروا كل الطرق و طرقوا طريق الكسل و الاتكالية
و احترفوا حلب السيستم بكل الطرق ... وربما أن تلك السمعة المشينة هي الغالبة لذلك يخاف هؤلاء من السؤال
خوفا من شباك المحتالين ....
المشوار صعب لتصحيح الأوضاع ... لا بد أولا أن نخرج رؤوسنا من الرمال. ...
|
|
|