ـــــ ما رأي عبداللطيف بكري فيما يفعله ميسي .. وآخر ما فعله هو الثلاثية التي أحرزها أمس في مرمى ديبورتيفو لاكورونيا مع صناعته للهدف الثاني في المُباراة التي انتهت بفوز البارسا بخمسة أهداف مُقابل أربعة ؟!
Post: #2 Title: Re: الأرجنتيني ليونيل ميسي والكابتن ماجد Author: وليد عبد اللطيف Date: 10-21-2012, 09:00 AM Parent: #1
ميسي عجيب يا ود طه مشكور على الفديو الجميل وشعار البارسا بالوان جميله
Post: #3 Title: Re: الأرجنتيني ليونيل ميسي والكابتن ماجد Author: محمد عبد الماجد الصايم Date: 10-21-2012, 11:17 AM Parent: #2
ههههههههه ياخ الجماعة دخلوكم في جناح وزة! غايتو فيلانوفا دا لو ما عندو ميسي كان هسي بلقط ورق في مقاطعة كاتلونيا العظمى!
Quote: ههههههههه ياخ الجماعة دخلوكم في جناح وزة! غايتو فيلانوفا دا لو ما عندو ميسي كان هسي بلقط ورق في مقاطعة كاتلونيا العظمى!
يا ود الصايم برشلونة غايتو جاب ليهو حركات كدا بعرفوها براهم .. ياخي ما ممكن تتقدّم بثلاثة أهداف دون مُقابل يجهجهوك كدا .. في خلل واحتمال يرجع للثقة المُفرطة ...
Quote: يا وليد .. عندما يلعب ميسي أتذكّر الأغنية القائلة:- من حور الجنان أم أنت إنسان الكمال .. هل أنت الملاك جيت تورى الناس الجمال
بما انا كرة القدم خيال يتخيل لي الزول دا ممكن يغالط انشتاين صاحب النظريات ذاتو ( خيالو واسع ياخ ) مجنون عارف نيونيل ميسي دا بذكرني البروف عبد الرحمن عضو المنبر لمن فتح بوست وقال كرة القدم لعبه مثلها مثل الكيماء والاحياء وباقي العلوم لكن امس بيني وبينك استمتعت بمباراة هلال مريخ بس ماتزعل وتقول شن جاب لجاب موش بقولو لالوب بلدنا ولا تمر الشام ولا بقولو شنو
Quote: لكن امس بيني وبينك استمتعت بمباراة هلال مريخ بس ماتزعل وتقول شن جاب لجاب موش بقولو لالوب بلدنا ولا تمر الشام ولا بقولو شنو
وأنا برضو استمتعت بها .. يوجد تطوّر في المستوى ملحوظ ... وشوف رغم تقدّم المريخ بهدفين .. لعب الهلال بشكل هادئ ومُنظم وأحرز الهدف الثاني وكان يمكنه مُعادلة النتيجة ... وأهو في النهاية من استغل الفرص هو الذي فاز وخطأ الحكم جزء من اللُعبة (والبيع برضو جزء من اللُعبة) ...
وتاني مافي مريخابي يجي يقول لي الروب والحكم والحركات دي .. نتيجة وسلّمنا بيها ولي قدّام الحشّاش بيملأ شبكتو ... وزي ما كسّروا الكراسي قبل كدا وردّوها ليهم بطريقة أقامت الدُنيا وأقعدتها باستطاعة الهلال أن يرد اعتباره لهذا الظُلم بالطريقة التي يراها ...
ـــــــــ
Post: #7 Title: Re: الأرجنتيني ليونيل ميسي والكابتن ماجد Author: عبد اللطيف بكري أحمد Date: 10-21-2012, 03:37 PM Parent: #6
ازيك ياصبري وضيوفه
امس حضرت مباراة مدريد بزيادة خمسة ساعات منكم
قلت ممكن احضر جزء من مبارات برشلونة : قامو جابو فالنسيا وبيلباو
قلت ياشيخ الحمد لله النوم أحسن ، معقولة احضر المباراة لضعر اليوم التاني عشان يساهر بي ميسي؟؟؟
قمت من النوم فتحت موقع كورة لقيت هاترك ميسي!!!
عليك الله موش كان الواحد مات (بالقهر) زي مابقولو أهلك ناس ابو فهد ديل؟؟
تاني حاجة : أحسن حاجة في الصين دي انو لافيسبوك ولا يوتيوب : ميسي دا تشوف ليك حديدة تانيه يعرض فيها هبالتو دي هههههههه
الحاجات البعمل فيها ميسي دي عادية جدا قياسا لموهبتو .. الجديد هو انو الضربات الثابتة بقت عندو زي ضربات الجزاء .. الحكم حاول ذبح برشلونة .. ما ممكن ياخ ضربة جزاء خيالية وطرد بدون اي معنى .. حتى فاول مافي .. تحياتي صبري والشباب
