Post: #1 Title: الا تكفي هذه باطاحة ود اللمين ... Author: ود الباوقة Date: 10-21-2012, 08:06 AM Parent: #0
Quote: في عام1995 كنا في جامعة السودان بصدد القيام بحفل خيري وعندما تحدثنا مع ود الامين علي تخفيض استحقاقه من الحفل علي اساس اننا طلبة وأن الحفل خيري رد لنا بكل استهتار: يعني شنو طلبة??? ح تدخلو الناس بنص القيمة انا ما بعرف طلبة ولاّ ما طلبة.. ثم ذهبنا الي ابو عركي فأقام الحفل دو إن يأخذ منه ولو جنيه فقط قال: ادوا العازفين حقهم.. فلك إن تقارن بين الموقفين والرجال مواقف......
Post: #2 Title: Re: الا تكفي هذه باطاحة ود اللمين ... Author: ود الباوقة Date: 10-21-2012, 08:09 AM Parent: #1
انا شخصيا عكسكم تماما
كل اغاني ود اللمين بالنسبة لي كش وادي البحر
مع كيف خفيف لاغنية العيون النوركن بجهرا
الواضح ما فاضح يا جماعة
Post: #3 Title: Re: الا تكفي هذه باطاحة ود اللمين ... Author: ود الباوقة Date: 10-21-2012, 08:11 AM Parent: #2
وهس ذاتي بعد الكلام القريتو دا
الاغنية دي ذاتا سبتها
الفن رسالة انسانية قبل ان يكون وسيلة للطرب
وكنز الفلوس
Post: #4 Title: Re: الا تكفي هذه باطاحة ود اللمين ... Author: ود الباوقة Date: 10-21-2012, 08:17 AM Parent: #3
الكرهني ليهو معانا واحد اول ما يجيبوه في التلفزيون
يشبكنا
ود اللمين يا اخ
ود اللمين ياخ
ود اللمين ياخ
يشبك فيها لحدي السهرة ما تنتهي
Post: #5 Title: Re: الا تكفي هذه باطاحة ود اللمين ... Author: وليد عبد اللطيف Date: 10-21-2012, 08:18 AM Parent: #3
Quote: الفن رسالة انسانية قبل ان يكون وسيلة للطرب
وكنز الفلوس
عشان كدا ياود الباوقه لم يقولوا الزول دا فنان زي القالو ليهو انت ملاك وفعلا الفن والتعامل الراقي لايخرج الا من فنان بحق وحقيقي وبداخل اي انسان فنان وبعدها بتجي الحته بتاعت كيف تخرج هذه الاشياء وتتعامل بها مع البشر
Post: #6 Title: Re: الا تكفي هذه باطاحة ود اللمين ... Author: ود الباوقة Date: 10-21-2012, 08:21 AM Parent: #5
Quote: وفعلا الفن والتعامل الراقي لايخرج الا من فنان بحق وحقيقي وبداخل اي انسان فنان وبعدها بتجي الحته بتاعت كيف تخرج هذه الاشياء وتتعامل بها مع البشر
كمان ازيدك من الشعر بيتين
فنان جاء الرياض وحلف لو ما ادوه حقو كامل ما يغني ولا اغنية
دا بالله تقول عليهو شنو
اشكرك اخي وليد
Post: #7 Title: Re: الا تكفي هذه باطاحة ود اللمين ... Author: ود الباوقة Date: 10-21-2012, 08:23 AM Parent: #6
في اغنية عيال جويلي الكمبلو وعرضو
برضو بطني طمت منها ظاهر وباطن
Post: #8 Title: Re: الا تكفي هذه باطاحة ود اللمين ... Author: جلال جبريل Date: 10-21-2012, 08:32 AM Parent: #7
ياود الباوقة سلام
ياخوي الحركة دي في معظم الفنانين في لكن المجاهرة بيها وعلى الملأ هي المشكلة
في العادة الفنان بيمسك في حقو على نطاق المجموعة الجاتو وطلبت منو الحفلة...
كتير جداً الفنانين لمن يجو الحفلة، خصوصاً العامة، بيلقو حقهن ناقص لكن بيغنو
ربما يقصرو الغناء وبي طريقة ما كويسة لكن في النهاية بيغنوا ويحفظوا موية وشيهن أمام الحضور
والبيحصل وراء المسرح بينن والناس الجابوهن داك شي تاني
لكن في حالة ود الأمين الوضع إختلف
Post: #10 Title: Re: الا تكفي هذه باطاحة ود اللمين ... Author: ود الباوقة Date: 10-21-2012, 08:36 AM Parent: #8
Quote: لكن في حالة ود الأمين الوضع إختلف
يعني يا اخ جلال مرات الواحد بيغني لي معجبيه مجانا دون فلوس
ديل طلبة يا اخ وظروفهم المالية قدر حالهم
وارادوا الاستمتاع بفن من يحبونه
يجي بعد دا يقول ليهم طلبة يعني شنو ؟؟
شكرا ابو الجل
Post: #9 Title: Re: الا تكفي هذه باطاحة ود اللمين ... Author: محمد أبوالعزائم أبوالريش Date: 10-21-2012, 08:33 AM Parent: #7
ود الباوقة ....
إنت كفاية عليك "قيقم" والا إسمو منو داك.
مالك ومال الكلام البتوّر النفس؟
_______ والله فعلاً زي ما قال واحد بي هناك: نحن فعلاً ما بنستاهل محمد الأمين ..... نحن نستاهل الإنقاذ!!
Post: #11 Title: Re: الا تكفي هذه باطاحة ود اللمين ... Author: ود الباوقة Date: 10-21-2012, 08:39 AM Parent: #9
Quote: إنت كفاية عليك "قيقم" والا إسمو منو داك.
مالك ومال الكلام البتوّر النفس؟
ابو الريش
صدقني اسمع اغنية فرسان الكمين من قيقم مرة واحدة
تعادل عندي سماع اغنية الجريدة 500 مرة
.................................
انت رايك شنو في كلام وداللمين للجماعة الطلبة ديل ؟؟؟
Post: #14 Title: Re: الا تكفي هذه باطاحة ود اللمين ... Author: محمد أبوالعزائم أبوالريش Date: 10-21-2012, 08:43 AM Parent: #11
Quote: ابو الريش
صدقني اسمع اغنية فرسان الكمين من قيقم مرة واحدة
تعادل عندي سماع اغنية الجريدة 500 مرة
عليك نور ........ خليك مع فرسانك وقيقمك.
وخلينا نحن في ضلالنا.
بالنسبة لي سؤالك.
Quote: الا تكفي هذه باطاحة ود اللمين ...
لن يكفيه كلامنا إطراءاً .... ولو جئنا بماء البحر مددا.
Post: #12 Title: Re: الا تكفي هذه باطاحة ود اللمين ... Author: طارق ميرغني Date: 10-21-2012, 08:40 AM Parent: #9
طيب يا ود الباوقه
ونحن في عام 1972 ونحن تلاميذ بمدرسة بحري الحكوميه
قررنا نحتفل باكتوبر رغم الحظر الذي ضربه نظام مايو علي الاحتفالات حينذاك
ذهبنا ونحن اعضاء بفرقة الموسيقي الي وردي وابو اللمين
والاثنين كانا خارجين من المعتقل
دعك من وردي الان
اما محمد الامين فسالنا ان كان الحفل بي تذاكر
فنفينا.... فرحب ترحيبا حارا بذلك وجاء الحفل وغني بالمجان
لا تعريفه ولا قرش ......
الاخيرات ديل بتتذكرم يا ود الباوقه ....!!!
Post: #13 Title: Re: الا تكفي هذه باطاحة ود اللمين ... Author: ود الباوقة Date: 10-21-2012, 08:41 AM Parent: #12
Quote: اما محمد الامين فسالنا ان كان الحفل بي تذاكر
فنفينا.... فرحب ترحيبا حارا بذلك وجاء الحفل وغني بالمجان
لا تعريفه ولا قرش ......
اخونا طارق
دا معناها بيكيل بي مكيالين لمعجبيه
شكرا
Post: #15 Title: Re: الا تكفي هذه باطاحة ود اللمين ... Author: ود الباوقة Date: 10-21-2012, 08:45 AM Parent: #13
Quote: انت رايك شنو في كلام وداللمين للجماعة الطلبة ديل ؟؟؟
ابو الريش
ما جاوبت على السؤال ؟؟؟
وشكرا
Post: #16 Title: Re: الا تكفي هذه باطاحة ود اللمين ... Author: ود الباوقة Date: 10-21-2012, 08:50 AM Parent: #15
يعني باختصار انا لو كنت في مكان ود اللمين دا
وعشان ارضى جمهوري
بعد كل حفلتين بالقروش واعمل لي حفلة مجان
جد والله
Post: #17 Title: Re: الا تكفي هذه باطاحة ود اللمين ... Author: Emad Ahmed Date: 10-21-2012, 09:11 AM Parent: #16
Quote: صدقني اسمع اغنية فرسان الكمين من قيقم مرة واحدة
تعادل عندي سماع اغنية الجريدة 500 مرة
الموسيقار محمد الأمين سيتغنى قريبا بقصيدة الشاعر هاشم صديق
(صعاليك البلد حاكمين) وبالتأكيد ستنال إعجابك.
Post: #18 Title: Re: الا تكفي هذه باطاحة ود اللمين ... Author: وليد عبد اللطيف Date: 10-21-2012, 09:13 AM Parent: #16
Quote: كمان ازيدك من الشعر بيتين
فنان جاء الرياض وحلف لو ما ادوه حقو كامل ما يغني ولا اغنية
دا بالله تقول عليهو شنو
اشكرك اخي وليد
هههههههههه ود الباوقة زكرتني مره صاحبنا فرفور قبل ما يظهر ويشتهر قلت ليهو عندنا مناسبة صغيره في المزاد تعال غني اها حضر وقعد يغني غناهو ماعجبني قلت ليهو دا شنو يافرفور ماتغني كويس قال : لكن ياوليد دا ما غناء المجاملات هههههههههه بصلعتوا الكبيره دي عارف لكن بيني وبينك الناس دي صراحه بتقدم فصول ما حلوه مع الفنانيين لذلك دائما يتمسكون بحقهم
Post: #20 Title: Re: الا تكفي هذه باطاحة ود اللمين ... Author: محمد علي شقدي Date: 10-21-2012, 09:24 AM Parent: #18
وهكذا طاح من الذاكرة وداللمين وإنتهى إلي الأبد اطاح الله الذي في بالي يا ودالباوقة ابو اللمين يا خ
Post: #19 Title: Re: الا تكفي هذه باطاحة ود اللمين ... Author: محمد أبوالعزائم أبوالريش Date: 10-21-2012, 09:19 AM Parent: #15
قررنا نحتفل باكتوبر رغم الحظر الذي ضربه نظام مايو علي الاحتفالات حينذاك
ذهبنا ونحن اعضاء بفرقة الموسيقي الي وردي وابو اللمين
والاثنين كانا خارجين من المعتقل
دعك من وردي الان
اما محمد الامين فسالنا ان كان الحفل بي تذاكر
فنفينا.... فرحب ترحيبا حارا بذلك وجاء الحفل وغني بالمجان
لا تعريفه ولا قرش ......
الاخيرات ديل بتتذكرم يا ود الباوقه ....!!!
الفرق إن شهادتك ((في طلبة قالوا ليك)) .... وهنا جاك صاحب الشهادة ذاتو.
Post: #21 Title: Re: الا تكفي هذه باطاحة ود اللمين ... Author: ود الباوقة Date: 10-21-2012, 09:48 AM Parent: #19
يا اخوان ما يعميكم حبكم لود اللمين من قول الحق
الراجل متلوم متلوم
Post: #22 Title: Re: الا تكفي هذه باطاحة ود اللمين ... Author: ود الباوقة Date: 10-21-2012, 09:59 AM Parent: #21
التعصب الاعمي هو ما اضر بالفن
وبالرياضة
Post: #23 Title: Re: الا تكفي هذه باطاحة ود اللمين ... Author: ود الباوقة Date: 10-21-2012, 10:00 AM Parent: #22
الغريبة بني علمان ومن شايعهم عندهم في ادبياتهم
حاجة كدا
اسمها النقد الذاتي ..
Post: #25 Title: Re: الا تكفي هذه باطاحة ود اللمين ... Author: دبس Date: 10-21-2012, 10:13 AM Parent: #23
يا راجل استغفر و توب دا ما كلام بتقال فى الاستاذ نحترم انك ما معجب بود الامين الراجل متمسك بحقة و دا ما عيب يوجد بعض الحبرتجية المتاجرين بهذه الحفلات (لا اقصدك انت بعينك)
Post: #24 Title: Re: الا تكفي هذه باطاحة ود اللمين ... Author: محمد كابيلا Date: 10-21-2012, 10:05 AM Parent: #21
Quote: الموسيقار محمد الأمين سيتغنى قريبا بقصيدة الشاعر هاشم صديق
(صعاليك البلد حاكمين) وبالتأكيد ستنال إعجابك.
عامل رايح ولا ما شايف المداخلة دى ؟!!
بعدين (صعاليك البلد حاكمين) انا غايتو
متأكد مية مية حــ تنال إعجابك !!
Post: #26 Title: Re: الا تكفي هذه باطاحة ود اللمين ... Author: mutwakil toum Date: 10-21-2012, 10:31 AM Parent: #24
صعاليك البلد حاكمين
: هاشم صديق
سَكّيتى السحابة السمرا من قيسان ولي قِبلة سما أمدرمان . ........... يوم الجمعة صلّينا دعينا المطرة شان تنزل جات المطرة بالبمبان .
.......... اتحرّينا لي رؤية شهر رمضان اتفاجئنا بي رمضان كان حاضر . مَرّ الحول وما فاتنا كان واقف وكان حارِن تقول حردان . ............ تمام حولاً ونحنا تملّي ناس صايمين وماعارفين . ما حللنا صوم بي تمرة ما بلّينا بي حلومر حلق نشفان . ............ شن الصوم وشن الرؤية يا ( عشمانة ) كان عزّ القِرِش في اءلايد واتقدّد جِلِد جُزلان ؟! ............ لا زِرّيعه لي الآبري لا عجالي لي شرموط لا ( تيبار ) عجيناً مٌر ولا في عصيدة بي ملاحاً لذيذ ويسُر .......... لا في بليلة في حلة ولا تمراً كُبار في كورة يتبلا. ........ لا فحماً ولا ملحاً ولا قِرشاً يجيب شيتاً من الدكان . .......... اتشققنا لّما نشفنا واتقلّينا لما نجِضنا واتفتفتنا لما كملنا وأسيادنا السُمان (كيزان ) . .......... قرصنا الجوع مرقنا هتفنا ضد والينا ضد خانقنا ضد كاتلنا كان صوت الوجع عالي وكان نقحي الجروح مسموع ضحكوا علينا ناس ( كاكوما ) و ( ود برهوما ) قالوا علينا أحسن لينا ( لحس الكوع ) سبحان الخلق أشتات ديل ناس الشرف ناصل وناس أصل الخجل مجدوع . ........... صعاليك البلد حاكمين أشراف الوطن صاغرين يمرقوا غلابة للبمبان وتتكندك سما أمدرمان والفراجة و (المهراجا ) بس لابدين . ........... سمح والِينا لما يفور ولما يثور علي منصة ويهز الايد كمان تجديد في أصل ( العرضة ) والرقصة يهيج فينا وكمان يدينا كم حصة عشان كوركنا من جوعنا كسرنا الخوفة والرصة طلعنا هتفنا مرقنا دفرنا زي سيلاً نتر دفَاق و بقينا وصرنا عند الوالي متآمرين كمان شماسة ضد الدِين وناس عُملا و( شذاذ آفاق ). ........... مسكينة يا عشمانة قالوا تقاطعي حسه اللحمة كان حمرا وكان بيضا تحاربي طماطمة حُمرة عين وتبعدي من البيض حت ءان بيضة أو بيضتين دحين قبال كلامهم ده كنتي مقاطعة اسرائيل أو الكفار ؟ كنتي بتاكلي يا عشمانة ديمة سخينة أو كافيار ؟! ......... مسكينة يا عشمانة يا حيرانه جاتك حسه نار كُربه . حتي الكهربا شوف عينيك سماع اضنيك جن ضَرَبا ووقدت نار كمان قَدَلَت رافعة النخرة واتنفَشَت تقول سد مروي ءاتْلبّش بجن حبشي ونازل ظار ............. شنو الخلوهو ما زادوهو ؟ غير نَقَص العُمر والحيل شنو السابوهو ما قطعوهو كان حتي الوطن قصوهو من مليون صبح كم ميل ؟!! ......... ( وا أسفاك (1) يا عشمانه من ناس ديك و ( وآ أسفاي من ناس ديل ) ناس ( المؤمن الطعّان والفاحش واللّعان ) تقول ( القُدوة ) ما كانت ( رسول الله ) ولا المسلم لسانو تُقَا وحديثو نبيل . .......... ديل يا زولة ما قارين صِحاف خُلفا ولا عارفين منو ( العُمَرين ) ولا دارين شنو ( الأخلاق ) ووين ( موقع ) شتايم الوالي عندالله كان الشعب شحادين وكوم عُملا و ( شذاذ آفاق ) والبهتف في وش الوالي كان تَشّاهو جمر الجوع أحسن ليهو ( لحس الكوع ) وبكون ( مدفوع ) وزول عولاق ............. يا عشمانه ( رغم السيف ) ورغم القيد راية العزّه ما بتندّلا تظل مرفوعة زي رأس الوقف جبار ولمس النار ما رمّش ولا اتذلاّ ............ وكان ألفين ورا الأسوار هناك ثوار بجيبو التار ويقولوا ( نعم ) لكلمة ( لا ) . ............ بكره قريبه يا عشمانه نتماسك نقيف في وش لصوص الدين ربيعنا العربي ما مخنوق ولا مسروق ولا تلجين ولا تلحين ربيعنا العربي من ابداع شباب مغبون حمم طالع جحيم فارع من بركان غضب مجنون .......... نشوف بكره منو البلحس عديل الكوع ومنو الواقف وراس مرفوع .......... منو الشعب الهتف طالع ملا الآفاق منو الخايين منو الخايبين ومعروفين ( شذاذ آفاق )
Post: #27 Title: Re: الا تكفي هذه باطاحة ود اللمين ... Author: جمال خضر Date: 10-21-2012, 10:41 AM Parent: #24
Quote: يا اخوان ما يعميكم حبكم لود اللمين من قول الحق
الراجل متلوم متلوم
الاخ ود الباوقة
لك التحية
أتمنى أن تطبق الكلام على ما ظللت تصك به آذاننا بخصوص البشير
رجل إبتلانا الله به حاكما على السودان على مدى 23 عاما يكاد يعود
بالسودان الى فترة العصور الوسطى دمار لكل المرافق والمشاريع
فساد لم يسبق له مثيل ويكفينا فيه شهادة شيخ صادق عبد الماجد
وحضرتك تهلل له وتنزهه عن الأخطاء ولم يتبق لك الا أن تعلن أنه ولى
من أولياء الله الصالحين .
وفق الرؤية التى طرحتها فى المقتبس أعلاه أن تبرز لنا الجانب الآخر من
سيدك الرئيس ( يعنى سلبياته) أكون لك من الشاكرين.
Post: #28 Title: Re: الا تكفي هذه باطاحة ود اللمين ... Author: ود الباوقة Date: 10-21-2012, 10:47 AM Parent: #27
أخرست السنتكم من كلمة حق في تصرفات ود اللمين
مالكم كيف تحكمون ؟؟؟
Post: #29 Title: Re: الا تكفي هذه باطاحة ود اللمين ... Author: ود الباوقة Date: 10-21-2012, 10:51 AM Parent: #28
اغنية حبايبي الحلوين اهلا جوني
صدقوني لا استبدلها باغنية الشباك
يا اخ حب الناس مذاهب
كمان انتو ما تفرضوا علي حاجة لا تتناسب وذوقي الفني
Post: #30 Title: Re: الا تكفي هذه باطاحة ود اللمين ... Author: ود الباوقة Date: 10-21-2012, 10:56 AM Parent: #29
بالذات الوصلة
جوني شايلني شالين ازهار شايلين الليل قلبوه نهار
هس دسي وين
ويا معاين من الشبك يا احلى زول شفناك
سبحان الله
Post: #33 Title: Re: الا تكفي هذه باطاحة ود اللمين ... Author: حبيب نورة Date: 10-21-2012, 11:00 AM Parent: #30
ود الباوقة
أخرج من هذا البوست فوراً
إنت قايل ود اللمين ده عندو شركة ؟ ما ياها حفلاته الشوية دي
أمرق بلا طلبة بلا غلبة :)
Post: #39 Title: Re: الا تكفي هذه باطاحة ود اللمين ... Author: ود الباوقة Date: 10-21-2012, 03:28 PM Parent: #33
Quote: إنت قايل ود اللمين ده عندو شركة ؟
حبيب نورة
يا زول الشركة بتدخل ليها 15000 دولار في ساعتين
اركز بس
قال شركة قال
شرك الفار اليخليك تفرفر
Post: #31 Title: Re: الا تكفي هذه باطاحة ود اللمين ... Author: Dr.Elsadig Abdalla Date: 10-21-2012, 10:57 AM Parent: #29
اختشي وانتظر المؤتمر الصحفي للاستاذ
Post: #32 Title: Re: الا تكفي هذه باطاحة ود اللمين ... Author: ود الباوقة Date: 10-21-2012, 10:59 AM Parent: #31
Quote: اختشي وانتظر المؤتمر الصحفي للاستاذ
يا دكتور مؤتمر شنو
الجواب باين من عنوانو
عيدكم سعيد
Post: #34 Title: Re: الا تكفي هذه باطاحة ود اللمين ... Author: محمد أبوالعزائم أبوالريش Date: 10-21-2012, 11:07 AM Parent: #31
Quote: اغنية حبايبي الحلوين اهلا جوني
صدقوني لا استبدلها باغنية الشباك
يا اخ حب الناس مذاهب
كمان انتو ما تفرضوا علي حاجة لا تتناسب وذوقي الفني
ليك علينا ..... ما نفرض عليك أي شئ ...
ولو جابوهو في الراديو أقفل الراديو أو غيّر المحطّة
