Post: #1 Title: كما توقعنا ... مباراة جميلة بين الهلال والمريخ Author: وليد عبد اللطيف Date: 10-21-2012, 07:34 AM
وكان يجب ان نقدم المريخ على الهلال في العنوان ولكن الرياضة محبة واخاء كورة كانت جميله رغم ان الحكم كاد ان يفقد طعم المباراه لعدم احتاسبة ضربة جزاء واضحة للهلال كاد ان يفعلها الهلال في بداية المبارة ولكن سرعان ماقلب المريخا ب الطاوله واحرزوا هدف السبق وبعدها اضاعة سيل من الاهداف يعني عادي كان ممكن تخرج هذه المباراه خماسية او سداسية اجمل اهداف المباراه هدف مهند لان كان فعلا من كره منظمة وسبقتها مناوره بنفس الطريقة وعن طريق البرنس ايضا باص ولا اروع الى مهند لكي يضربها بعنف مهدد بها مرمي الحضري وفي التكرار وبالكربون ومن نفس المنطقة يعيدها مهند ويقول للحضري جيييييييب من جوه هدف ضفر جميل راسية في السقف كنت اتوقع بعد هزيمة المريخ للهلال بالاثنين سوف يتم ادخال الععجب حتى يعمل هلى تهدئة المباراه وكان باستاطعته ان يخرج الهلال خارج اللعب دخول الساحر البرنس دائما يثبتوا لنا هو ونديده العجب بانهم من طينة نادرة لم تجود بها الملاعب قريبا وعجبني هذا الكلام على قول المستشار معاوية من احد الصفوة ضاربين الهلال بي نقاطو اتصدرنا.. أدبنا الوصيف عارفنو ما بقدرنا.. كان الحظ بسم ولا الكفر قدرنا.. كانت خمسة لكن دي القِسم وقدرنا. صراحه لم نشاهد مثل هذه المباراه من فترة طويلة بين فريقي القمه المريخ والهلال ومن هناء اقول لصديقي الكابتن ضياء الدين لاعب الهلال السابق كنت لم اتمنى ان انقل له اخبار حزينة بنتيجة المباراه الجميله وعن احداث سيرها وهو الان في ارض الحرم لاداء الحج حجا مبرورا وسعيا مشكورا وربنا يقبل ياكابتن
Post: #2 Title: Re: كما توقعنا ... مباراة جميلة بين الهلال والمريخ Author: وليد عبد اللطيف Date: 10-21-2012, 07:40 AM Parent: #1
اهداف جميله وضربات جزاء صحيحه مية في المية
Post: #3 Title: Re: كما توقعنا ... مباراة جميلة بين الهلال والمريخ Author: احمد محمد احمد عتيق Date: 10-21-2012, 07:52 AM Parent: #2
مافي ضربة جزاء ولا حاجة ..المدافع مندفع للكورة والمهاجم اندفع نحوه ..كيف تكون ضربة جزاء ..بي كلامك دة يعني اي مهتجم يندفع على المدافع ويقع داير يحسبو ليهو ضربة جزاء ..وكان من المفترض ان يمنح كرت اصفر للتمثيل ... نعم الحكم سيء ..فاين بطاقات ضربتي الجزاء ..؟؟؟؟
Post: #4 Title: Re: كما توقعنا ... مباراة جميلة بين الهلال والمريخ Author: وليد عبد اللطيف Date: 10-21-2012, 08:13 AM Parent: #3
الاخ احمد محمد عتيق ... سلامات وكل سنة وانت طيب
Quote: مافي ضربة جزاء ولا حاجة ..المدافع مندفع للكورة والمهاجم اندفع نحوه ..كيف تكون ضربة جزاء ..بي كلامك دة يعني اي مهتجم يندفع على المدافع ويقع داير يحسبو ليهو ضربة جزاء ..وكان من المفترض ان يمنح كرت اصفر للتمثيل ... نعم الحكم سيء ..فاين بطاقات ضربتي الجزاء ..؟؟؟؟
ضربة الجزاء كانت واضحه طبعا اللاعب حاول يعمل فاول تكتيكي ولكن تجاهل بان هذه الحركة ممكن تكلفة كثيرا وكان المهاجم اقرب للكره وللمرمى ايضا حتى ولو الاعب مثل في مثل هذه الاحداث تحسب له ضربة جزاء لان هنالك شروع مع سبق الاصرار والترصد في التعطيل من قِبل المدافع ... في هذه الحالة يكتفي باحتساب ضربة الجزاء فقط لان في نفس اللحظة يوجد لاعب اخر وفي نفس الخط ولكن اذا كان منفرد والمدافع اخر لاعب يتم احتساب ضربة الجزاء مع الطرد
Post: #5 Title: Re: كما توقعنا ... مباراة جميلة بين الهلال والمريخ Author: صبري طه Date: 10-21-2012, 08:23 AM Parent: #3
Quote: اهداف جميله وضربات جزاء صحيحه مية في المية
يا وليد إنت جادّي إنّو ركلة الجزاء الثانية للمريخ صحيحة ؟
بالمُناسبة ركلة الجزاء الأولى للمريخ لاعب المريخ لمس الكرة بيده .. قد تكون عفوية وقد تكون لا أعمل إعادة للفيديو من الدقيقة 1.33 حتى 1.36
Quote: في هذه الحالة يكتفي باحتساب ضربة الجزاء فقط لان في نفس اللحظة يوجد لاعب اخر وفي نفس الخط
وأين البطاقة الصفراء يا وليد ؟
Post: #6 Title: Re: كما توقعنا ... مباراة جميلة بين الهلال والمريخ Author: وليد عبد اللطيف Date: 10-21-2012, 08:41 AM Parent: #5
الجميل صبري طه ...سلامات وكل سنة وانت طيب
Quote: يا وليد إنت جادّي إنّو ركلة الجزاء الثانية للمريخ صحيحة ؟
بالمُناسبة ركلة الجزاء الأولى للمريخ لاعب المريخ لمس الكرة بيده .. قد تكون عفوية وقد تكون لا أعمل إعادة للفيديو من الدقيقة 1.33 حتى 1.36
فعلا ضربة الجزاء الثانية صحيحه انا كنت عايز اجيب ليك ما يشبهها عن طريق الفديو لم اجدها في الدوري الاوربي ومثل هذه الحالات تحسب ضربة جزاء لان بكون فيها تعمد عشان يلم الكره بيده يعني الكوره دي كان ح تمشي وين اذا لم يلمها مع جسمها وهو منبرش على قول السعوديين في الدوري السعودي لم يلمس الكره بيده بل ممكن تقول تم تبريد سرعة الكره عن طريق ظهر او كتف اللاعب ودي منطقة في جسم اللاعب لاتحسب لها مخالفهعندما تلامسها الكره ياخي اخوك العبد الضعيف دا بثبت الكره برقبتة وبظهره ويلعب بها باص ايضا بس لاعب المريخ لم يقصد و حاول يحجز مدافع الهلال عشان يجد فرصة للمرور
Post: #7 Title: Re: كما توقعنا ... مباراة جميلة بين الهلال والمريخ Author: وليد عبد اللطيف Date: 10-21-2012, 08:50 AM Parent: #6
ونفس اللاعبين لعبوا للفريق القومي وجرجروا ارجهلم وخزلونا دي حالة مفروض الناس تضع لها استفاهم كبير انا لو كنت محل مسؤولية كنت حلقت ليهم صلعة بعد نهاية مباراة اثيوبيا التي لبعبوها من غير اي روح مشكلة الكره السودانية الاعب ختى لايلعب من اجل مصلحتة ...
Post: #8 Title: Re: كما توقعنا ... مباراة جميلة بين الهلال والمريخ Author: على محمد على بشير Date: 10-21-2012, 09:11 AM Parent: #7
مبدع كالعاده يا ولى انشالله الامور مشت تمام
Post: #9 Title: Re: كما توقعنا ... مباراة جميلة بين الهلال والمريخ Author: وليد عبد اللطيف Date: 10-21-2012, 09:17 AM Parent: #8
Quote: مبدع كالعاده يا ولى انشالله الامور مشت تمام
تسلم ياراقي ومشكور جزيل الشكر يا ود محمد علي تخيل المدير عبد الباقي كروم ( الخطوط السودانية ) عمل لي حجز مؤكد ومشيت طلعت عندي مشكلة في الجواز .. القدم ليهو رافع ياعلي ربنا يسهلها تاني إلا بعد العيد
Post: #10 Title: Re: كما توقعنا ... مباراة جميلة بين الهلال والمريخ Author: وليد عبد اللطيف Date: 10-21-2012, 09:27 AM Parent: #9
معليش عايز اقول في تصرف بليد حدث من دفاع الهلال اولا التغطية ضعيفة جدا وكمان في ناس قصدت تعمل مصيده تسلل خرجت من التغطية اثناء عكسية الباشا للكره ركزوا معاي وشفوها دي من الاخطاء القاتله وعدم التصرف السليم وعدم معرفة والمام الاعبين بقانون كرة القدم بعرفوا حاجه واحده فاول ورمية تماس وضربة
Post: #11 Title: Re: كما توقعنا ... مباراة جميلة بين الهلال والمريخ Author: وليد عبد اللطيف Date: 10-21-2012, 02:41 PM Parent: #10
الكابتن مهند الطاهر دا مرات بديك احساس انه افضل لاعب حاليا في السودان ومرات بديك احساس مختلف تماما حتى امس اكثر من تمريراته كانت للخصم لكن ممكن يعمل حاجه صعبة وترفع من اسهمه ..
Post: #12 Title: Re: كما توقعنا ... مباراة جميلة بين الهلال والمريخ Author: محمد البشرى الخضر Date: 10-21-2012, 02:50 PM Parent: #11
فعلا يا وليد أجمل مباراة من فترة طويلة لغياب الشد العصبي لو عملوا الهلال والمريخ سلسلة مباريات ودية في فترة توقف الدوري مثلا أو استعداد للبطولات الدولية بدون كاس فقط مباريات ودية ممكن نستمتع بكورة جميلة ويخف التعصب شوية و يتقبل كلا الجمهورين فكرة انو الخسارة حاجة طبيعية
Post: #13 Title: Re: كما توقعنا ... مباراة جميلة بين الهلال والمريخ Author: Hafiz Bakhit Date: 10-21-2012, 05:21 PM Parent: #12
كابتن وليد كانت فعلا مبارة جميلة وفيها اداء قوي وممتع وبرغم اللغط حول ضربتي الجزاء وانا هلالابي اقول للمريخاب الف مبروك النتيجة وللهلالاب مبروك علي الاداء الرائع واتمني ان تكون الكونفيدرالية سودانية . وليد انت لعبت في اشبال الاتحاد البحراوي في الثمانينات ولا تشابه اسماء?
Post: #14 Title: Re: كما توقعنا ... مباراة جميلة بين الهلال والمريخ Author: وليد عبد اللطيف Date: 10-22-2012, 07:13 AM Parent: #13
ود البشرى .... سلامات
Quote: فعلا يا وليد أجمل مباراة من فترة طويلة لغياب الشد العصبي لو عملوا الهلال والمريخ سلسلة مباريات ودية في فترة توقف الدوري مثلا أو استعداد للبطولات الدولية بدون كاس فقط مباريات ودية ممكن نستمتع بكورة جميلة ويخف التعصب شوية و يتقبل كلا الجمهورين فكرة انو الخسارة حاجة طبيعية
كرة القدم تطورت عندنا بمراحل بالمناسبة رغم فوارق الازمان الاعب السابق والان لان كرة القدم الان اختلفت عكس سابقها في اعتمادها على اللاعب كفرد ولكن الان تعتمد على الجماعية يعني عشان تصل لنتجية واداء طيب لازم يكون في تيم يستطيع ان يعمل هارموني ومياراة مريخ هلال الاخيره كانت عبارة عن مقطوعات موسيقية ولحات فنية وكنت مترصد لمهند الطاهر في هذه المباراه وفي مباريات سابقة اثبت لي فعلا انه الاعب الذي يستحق الرقم عشره في السودان لان هذا الرقم ما اي لاعب يستطيع ان يرتدية مهند الطاهر لافرق عنده بين الدقيقة واحد والدقيقة تسعين يعلب بهدو وبرود عالي دي تعتبر صة من صفات المحترفين بالمناسبة فنان فنان الاداء جميل رغم كثرة التمريرات الخطا في هذه المباراه ولكنه دائما اصبح يقدم وجبة دسمه لعشاق كرة القدم وليس الهلال فقط . . اما بمناسبة عمل سلسلة مباريات ياخي عادي الجكهور ممكن يخربها مع الاعلام وترجع حليمة لعادتها القديمة اهم شي تطوير وتثقيف المشاهد وتعليم الصحافة دروس في عدم الاثارة التي ليس لها مبرر حتى تعود الرياضة لعافيتها بان الرياضة حب واخاء وسلام ... .. ود البشرى ( لم متابع المباريات السابقة بين الفريقين لو ملاحظ هدف ضفر .. بنفس فكرة ابراهيما سانية في المباراه السابقة وهدف رمضان العجب .. بنفس فكرة سادميا ايضا في مباريات سابقة بين الفريقين
Post: #15 Title: Re: كما توقعنا ... مباراة جميلة بين الهلال والمريخ Author: وليد عبد اللطيف Date: 10-22-2012, 07:37 AM Parent: #14
حفيظ بخيت ... سلامات وكل سنة وانت طيب
Quote: وليد انت لعبت في اشبال الاتحاد البحراوي في الثمانينات ولا تشابه اسماء?
يازول جبت المعلومة دي من وين فعلا انا اتيت لفريق اشبال الاتحاد من اشبال الهلال بعد توقيف اشبال هلال مريخ وقتها ولعبت مع الاشبال مباراه واحده ضد اشبال المورده وبعدها سافرت مع النادي الى شندي لاداء بعض المباريات وتم تصعيدي مباشرة واخوك يعتبر اول لعب يصعد الى الفريق الاول بس ماتقول عجوز سمح ياسلام عليك ياخي صحيت فينا ذكريات جميله مع احلى ناس في بحري وللاسف كنت عايز ارفع ليك بعض الصور هنا لكي تتذكر بعض لاعبي نادي الاتحاد البحراوي وقتها ولكن يظهر عندي مشكلة في الجهاز ...
Post: #16 Title: Re: كما توقعنا ... مباراة جميلة بين الهلال والمريخ Author: Hafiz Bakhit Date: 10-22-2012, 03:17 PM Parent: #15
الكابتن وليد سلامات يا اخي رجعتني للزمن الجميل ايام وكيل ومتوكل شلاليف وعادل جمعة ونزار زروق لو بتذكر رحلة جبل اولياء انا عزمت الفريق هناك وذكريات جميلة . رحم الله الرياضي الخلوق طارق احمد عبد الدائم والكوتش البحرواي ابراهيم المنا مدرب التحرير . ياريت ترفع بعض الصور. مع تحياتي حافظ ود الجبل
Post: #17 Title: Re: كما توقعنا ... مباراة جميلة بين الهلال والمريخ Author: خالد درق Date: 10-22-2012, 05:34 PM Parent: #16
كابتن وليد سلامات يا جميل
فعلا مباراة رائعة وجميلة ونتمنا ان يواصلوا علي هذه الوتيرتا ونستمتع ..