Post: #1 Title: علي الطلاق أم النصر بتي دي أرجل من مائة راجل !!! Author: محمد علي البصير Date: 10-20-2012, 08:41 AM
خم وصر يا السودان لو نحن منتظرين أمثال غازي سليمان
خم وصر يا شعب بلادي المقهور لو كان دا مستوى الحوار
وديل المفكرين المنتظرين منهم ينتشلوا البلد من الوهدة العايشة فيها
Quote: علي الطلاق أم النصر بتي دي أرجل من مائة راجل !!! Quote
هكذا ظل غازي سليمان يتبجح ويتفاخر طيلة زمن الحلقة
Post: #2 Title: Re: علي الطلاق أم النصر بتي دي أرجل من مائة راجل !!! Author: البحيراوي Date: 10-20-2012, 08:47 AM Parent: #1
العزيز محمد علي البصير
تحياتي - شفت عشان ناس غازي ديل نحن في الحفره دي . لكن برضو النفس ما قنعت من تنامي الوعي بضرورة تكسير هذه الأصنام . وخلق واقع جديد من لحم ودم سودانيين !!
بحيراوي
Post: #3 Title: Re: علي الطلاق أم النصر بتي دي أرجل من مائة راجل !!! Author: وضاحة Date: 10-20-2012, 09:28 AM Parent: #2
يا أخوى الزول دا قال جدو حامد ابعصاءة سيف شوفت البلاوى دى
غايتوا جنى غازى دا ما شوفت زى جنو لذيذ
Post: #4 Title: Re: علي الطلاق أم النصر بتي دي أرجل من مائة راجل !!! Author: محمد علي البصير Date: 10-20-2012, 09:28 AM Parent: #2
Quote: العزيز محمد علي البصير
تحياتي - شفت عشان ناس غازي ديل نحن في الحفره دي . لكن برضو النفس ما قنعت من تنامي الوعي بضرورة تكسير هذه الأصنام . وخلق واقع جديد من لحم ودم سودانيين !!
بحيراوي
الأخ البحيراوي ـ لك تحية الود بالله شفتا مهزلة أمبارح دي
كل ما نقول نتناسا مسأة الوطن يجي أمثال غازي ينكأ الجراح ويزيدا عمق كمان
Post: #5 Title: Re: علي الطلاق أم النصر بتي دي أرجل من مائة راجل !!! Author: محمد علي البصير Date: 10-20-2012, 09:41 AM Parent: #4
Quote: يا أخوى الزول دا قال جدو حامد ابعصاءة سيف شوفت البلاوى دى
غايتوا جنى غازى دا ما شوفت زى جنو لذيذ
يا وضاحة معناها الزول دا ود جدك ؟؟
يعني نعمل حسابنا القطر فيه مفتش ؟
Post: #6 Title: Re: علي الطلاق أم النصر بتي دي أرجل من مائة راجل !!! Author: وضاحة Date: 10-20-2012, 09:45 AM Parent: #5
يا حبيبنا ود البشاري ـ كيف عامل مع جيزان ـ إن شاء الله إتقلمت مع أجواء الجنوب
ود البشاري فعلاً أنا جنيت وما نصيح طالما قعدت ساعة كاملة قدام الشاشة أسمع في إساءات وبذأءات غازي أمس ساعة كاملة من جمعتنا ضاعت بلا أدنى فائدة الطلاق دا كان بحلف بيه الزول المغرور دا طوال زمن الحلقة
الدنيا عيد والميزانية ما لاحقة مالك عاوز تزيد الطين بلة بصورة المدام دي أول ما أتزوجت كنت كل كلمة والتانية شابكا ليك على الطلاق ـ المدام طبعاً تزمرت ـ وقالت تاني كلمة على الطلاق دي ما عايزا تسمعها لكن أنا عشان متعود أتماديت في الشغلة فوجدت (المدام) أفضل طريقة تحارب بيها المشكلة دي إنو وقعت معاي جنتلمات أقرمينت ـ إنو كل عبارة على الطلاق بعشرة ريال تدفع فوراً لما العداد بدأ يرمي أخوك جرا واطي ـ لحدث ما بقيت لو قالا زول أكش منها
بهناك ـ كيف مع ملحمة الكونفدرالية الليلة ـ مضحين بينا ولا مضحين بيكم
Post: #11 Title: Re: علي الطلاق أم النصر بتي دي أرجل من مائة راجل !!! Author: وضاحة Date: 10-20-2012, 12:07 PM Parent: #9
Quote: بس القبلية داء قاتل لا نود أن يزيد إنتشاره في جسد السودان الهزيل
ولا شنو لا وضاحة
والله يا محمد كل واحد من حقوا يفتخر بى قبيلتوا واصلوا
وانا اهلى الجعليين ديل ما بستحمل فيهم نهائ وبفتخر انى عمرابية ابوى ود عم امي
قبل كده ردحدت ردحة فى المنتدى دا ابو صلعة قفلنى سنتين اسال ناذر الشين ههههههههههههههه
وبين الناس حميدة افعالى أصلى من الجناب العالي
Post: #13 Title: Re: علي الطلاق أم النصر بتي دي أرجل من مائة راجل !!! Author: محمد علي البصير Date: 10-20-2012, 12:53 PM Parent: #11
دا فيديو حلقة أم النصر
Post: #14 Title: Re: علي الطلاق أم النصر بتي دي أرجل من مائة راجل !!! Author: محمد علي البصير Date: 10-20-2012, 01:02 PM Parent: #13
Quote: والله يا محمد كل واحد من حقوا يفتخر بى قبيلتوا واصلوا
وانا اهلى الجعليين ديل ما بستحمل فيهم نهائ وبفتخر انى عمرابية ابوى ود عم امي
قبل كده ردحدت ردحة فى المنتدى دا ابو صلعة قفلنى سنتين اسال ناذر الشين ههههههههههههههه
وبين الناس حميدة افعالى أصلى من الجناب العالي
وضاحة أبداً ما مختلف معاك ـ كل زول في الدنيا بفتخر بأصلو وبأهلو وما برضى فيهم ولا كلمة
لكن بدون إثارة النعرات القبلية ـ لأنو مصلحة الوطن فوق مصلحة الأفراد ـ
أنت شابة صغيرة ومتعملة ، ومؤكد عندك حاجات كثيرة ممكن تقدمك للناس ووتباهي بيها أمام الأخرين بدل موضوع القبيلة دا
Post: #15 Title: Re: علي الطلاق أم النصر بتي دي أرجل من مائة راجل !!! Author: امينة عيسى Date: 10-20-2012, 01:21 PM Parent: #14
يا وضاحة قلتى لى جدك اب عصا؟؟ انا غايتو زى الخالتك لزم هههههههههههه بس المزعلنى الزول القال جدو اب عصا دا؟؟؟؟؟؟
سيد البوست الله يخلى ليك ام النصر وامها
لك ولضيوفك كل الاحترام
Post: #16 Title: Re: علي الطلاق أم النصر بتي دي أرجل من مائة راجل !!! Author: محمد علي البصير Date: 10-20-2012, 01:42 PM Parent: #15
Quote: يا وضاحة قلتى لى جدك اب عصا؟؟ انا غايتو زى الخالتك لزم هههههههههههه بس المزعلنى الزول القال جدو اب عصا دا؟؟؟؟؟؟
سيد البوست الله يخلى ليك ام النصر وامها
لك ولضيوفك كل الاحترام
دكتورة أمينة لك تحية الود
أنا طبعاً ما عندي بنت إسمها أم النصر ـ عندي طفلة واحدة عمرها 5 شهور إسمها ميّار
Quote: علي الطلاق أم النصر بتي دي أرجل من مائة راجل !!!
عنوان البوست ـ دا كلام عظيم زمانو ـ السيد غازي سليمان في قناة أم درمان مساء أمس ، وهو ييفخر ويتحدث عن بنته بدون مناسبة
Post: #17 Title: Re: علي الطلاق أم النصر بتي دي أرجل من مائة راجل !!! Author: ناذر محمد الخليفة Date: 10-20-2012, 06:41 PM Parent: #16
!!!!!
Quote: أنت شابة صغيرة ومتعملة
متعملة يعني عاملة فيها شنو ؟!!
Post: #18 Title: Re: علي الطلاق أم النصر بتي دي أرجل من مائة راجل !!! Author: Al-Shaygi Date: 10-20-2012, 07:31 PM Parent: #17
Quote: علي الطلاق أم النصر بتي دي أرجل من مائة راجل !!!
الرجل يلبس عباءة جده أب عصاتاً سيف....
على قول اللمين ود البشاري ودوهو ضل التيجاني الماحي الزول محتاج لجلسات كهرباء يا رجعتو يا لحقتو الطيب سيخة......
Post: #20 Title: Re: علي الطلاق أم النصر بتي دي أرجل من مائة راجل !!! Author: إحسان عبد العزيز Date: 10-20-2012, 08:36 PM Parent: #1
لا بنخم لا بنصر .. منو القال ليك ديل مفكرين السودان !!! ديل مهرجى السودان .. لا تحزن
Post: #21 Title: Re: علي الطلاق أم النصر بتي دي أرجل من مائة راجل !!! Author: امينة عيسى Date: 10-20-2012, 10:49 PM Parent: #20
محمد كيفنكناسف للخلط وربنا يخلى ميار ويطول عمرها ان شاء الله
وانا ممرضة و بدرس باقين لينا كتير للطب بس دعواتك
Post: #22 Title: Re: علي الطلاق أم النصر بتي دي أرجل من مائة راجل !!! Author: محمد علي البصير Date: 10-21-2012, 07:29 AM Parent: #21
Quote: !!!!!
Quote: أنت شابة صغيرة ومتعملة
متعملة يعني عاملة فيها شنو ؟!!
طبعاً زي دي ما بتفوت عليك دي يا ناذر زي ما تقول دائر تشتغل ليك حاجة في السي بي مول وفجأ تلقى نفسك شغال في الري ميجر
العيد دا ما فيه وهمات جديدة ؟
Post: #23 Title: Re: علي الطلاق أم النصر بتي دي أرجل من مائة راجل !!! Author: محمد علي البصير Date: 10-21-2012, 08:02 AM Parent: #22
Quote: الرجل يلبس عباءة جده أب عصاتاً سيف....
على قول اللمين ود البشاري ودوهو ضل التيجاني الماحي الزول محتاج لجلسات كهرباء يا رجعتو يا لحقتو الطيب سيخة......
الشايقي
حبيبنا الشايقي ـ لك تحية الود
زي ما قلت في بوست م هشام المجمر ـ أصبحت أشك في القوة العقلية لهذا الرجل
Post: #24 Title: Re: علي الطلاق أم النصر بتي دي أرجل من مائة راجل !!! Author: محمد علي البصير Date: 10-21-2012, 08:54 AM Parent: #23
Quote: التجانى الماحى خاله لزم ... عديل :)
الأخ عمرو كمال ـ أشكرك كثيراً على رفد البوست بهذه المعلومة
Post: #25 Title: Re: علي الطلاق أم النصر بتي دي أرجل من مائة راجل !!! Author: محمد علي البصير Date: 10-21-2012, 09:10 AM Parent: #24
Quote: لا بنخم لا بنصر .. منو القال ليك ديل مفكرين السودان !!! ديل مهرجى السودان .. لا تحزن
تسلمي أستاذة إحسان ـ بالجد شئ محبط جداً أن من يقررون مصير البلد اليوم كلهم أصبحوا من شاكلة هذا الموهوم
Post: #26 Title: Re: علي الطلاق أم النصر بتي دي أرجل من مائة راجل !!! Author: عبد الناصر الخطيب Date: 10-21-2012, 09:15 AM Parent: #24
.
محمد علي البصير
تحية وسلام
غازي سليمان المحامي من ابناء الجعليين العمراب الهاجرو للنيل الأبيض ( الكوه ) بعد كتلة المتمه وكمية من الأسر هاجرت بعده لام درمان وأغلبهم أستقروا في ودنباوي والموردة وبعض الأسر هاجرت للنيل الأبيض , صحيح خالوا التجاني الماحي لكين والدوا ما هين محمد أحمد سليمان الأستاذ بكلية غردون أستاذ التاريخ واللغة الإنجليزية، غازي سليمان بتصور انو ما ظهر إلا مع الانقاذ لانوا قبلها الجميع بعرف أخوهوا الأشهر منو بدر الدين سليمان وزير الصناعة أيام نميري كزول لبق ومتحدث بارع يعني كان لورد حقيقي
ما تابعته لقاء غازي في قناة أمدرمان كامل شفته طرف منو .... واستثمرته وقتي وقلبته المحطة وهو في النهاية من النخب المثقفه شأنا أم ابينا ودي كورتوا البلعبه أتقفنا أو أختلفنا معاهوا لكين بأى حال من الاحوال ما حيكون إيقونه او رمز لجيل كامل ممكن يدان من خلال أراي غازي سليمان
تقديري
Post: #27 Title: Re: علي الطلاق أم النصر بتي دي أرجل من مائة راجل !!! Author: محمد علي البصير Date: 10-21-2012, 09:27 AM Parent: #26
Quote: محمد كيفنكناسف للخلط وربنا يخلى ميار ويطول عمرها ان شاء الله
وانا ممرضة و بدرس باقين لينا كتير للطب بس دعواتك
ربنا يديك العافية أختي أمينة ويوفقك تتبوأي أعلى المراتب
Post: #28 Title: Re: علي الطلاق أم النصر بتي دي أرجل من مائة راجل !!! Author: محمد علي البصير Date: 10-21-2012, 09:43 AM Parent: #27
Quote: محمد علي البصير
تحية وسلام
غازي سليمان المحامي من ابناء الجعليين العمراب الهاجرو للنيل الأبيض ( الكوه ) بعد كتلة المتمه وكمية من الأسر هاجرت بعده لام درمان وأغلبهم أستقروا في ودنباوي والموردة وبعض الأسر هاجرت للنيل الأبيض , صحيح خالوا التجاني الماحي لكين والدوا ما هين محمد أحمد سليمان الأستاذ بكلية غردون أستاذ التاريخ واللغة الإنجليزية، غازي سليمان بتصور انو ما ظهر إلا مع الانقاذ لانوا قبلها الجميع بعرف أخوهوا الأشهر منو بدر الدين سليمان وزير الصناعة أيام نميري كزول لبق ومتحدث بارع يعني كان لورد حقيقي
ما تابعته لقاء غازي في قناة أمدرمان كامل شفته طرف منو .... واستثمرته وقتي وقلبته المحطة وهو في النهاية من النخب المثقفه شأنا أم ابينا ودي كورتوا البلعبه أتقفنا أو أختلفنا معاهوا لكين بأى حال من الاحوال ما حيكون إيقونه او رمز لجيل كامل ممكن يدان من خلال أراي غازي سليمان
تقديري
أستاذ عبد الناصر ـ لك تحية الود والتقدير أولاً أنا بشكرك كثير على إيراد هذه الملعومات عن غازي ـ وهو موضوع البوست
ثانياً ـ أنا أحرص على متابعة أحاديث غازي في الأونة الأخيرة رغم شعوي الكبير بالإحباط عشان أجمع أكبر قدر من الأدلة ضد شخصية ممكن تكون نموذج أو دراسة حالة لرجل بدل كل قناعاته في ظرف وجيز جداً ليرى كل ما كان يراه خيراً أصبح شراً ـ وكل ما كان يراه شراً أصبح خيراً بين ليلة وضحاها ـ مسالة بالجد يا أستاذ عبد الناصر محتاجة لسايكلوجيست متميز عشان يحلل لينا الكيس الغريب دا ـ
غازي الأن أصبح يتحدث بإنفعال زائد وكأنه يزجر مستمعه زجراً ليقنعه بأرائ ربما يحس في قرارة نفسه بأنها غير مقنعه حتى بالنسبة له هو شخصياً غازي الأن يا أستاذ عبد الناصر أصبح يدعي تأيده المطلق للنظام ومعارضته المتطرفة للمعارضة زاعماً بأنه يفعل ذلك لأن الوطن مستهدف من الغرب وأن المعارضة هى مخلب قط ومجموعة عملاء للغرب ـ ونسى غازي أنه كان بالأمس الغريب عضواً مؤثراً في الحركة الشعبية ـ الم تكن كل سياسات الحركة الشعبية قائمة على التنسيق مع الغرب ؟ ـ الم يخطط الغرب للإنفصال بالتنسيق مع الحركة ـ أين كان هذا الموهوم حينما كانت الحركة الشعبية تقوم بذلك
الرد على مزاعم غازي تحتاج للصفحات وصفحات أخي عبد الناصر
مع فائق إحترامي
Post: #29 Title: Re: علي الطلاق أم النصر بتي دي أرجل من مائة راجل !!! Author: MOHAMMED ELSHEIKH Date: 10-21-2012, 12:03 PM Parent: #28
Quote: على الطلاق ام النصر بتي ارجل من مية راجل
ياربي بالقديم ولا بالجديد؟ ولو فكينا ام النصر دي بتجيب لينا كم مرة كدى بالتقريب؟
Post: #30 Title: Re: علي الطلاق أم النصر بتي دي أرجل من مائة راجل !!! Author: محمد علي البصير Date: 10-21-2012, 12:51 PM Parent: #29
Quote: ياربي بالقديم ولا بالجديد؟ ولو فكينا ام النصر دي بتجيب لينا كم مرة كدى بالتقريب؟
والله يا أستاذ محمد الشيخ دي معادلة ما يفك طلاسمها إلا وحيد زمانو أبو أم النصر
