|
Re: يا سكان سودانيزاونلاين ما رايكم فى اعترافات هذا الشخص المثير للدهش (Re: سيف النصر محي الدين)
|
مع كامل الإحترام إلى خصوصية الأستاذ غازى سليمان إلا إنه رجل وطنى شجاع وعظيم وأن يبكى خصمه وصديقه العزيز بذات النديه فتلك فرادة وتميز فى إظهار الأحاسيس الكبيره ورغم خصومته لفتحى خليل إلا أنه رفع قدره وأقر بنديته وذلك إقرار عظيم - كما إن يساريته الإسلاميه والتى يعتز بها ويعتز ببعض زعامات لإسلام والتى سماهم شيخ صادق والكوده فذاك خيار الروح والعقل فى الحين ومن يمتلك القدره على منعه بأن لا يكون هناك -ورأيه فى دكتور حسن الترابى كذلك رأى فيه صدق العارف الموقن كما إن رأيه فى الصادق قمه فى التوصيف وقمة فى رسم حقيقة إنسان كما يراها - حسه السياسى وعقله القانونى وتاريخ حراكه الإجتماعى ملكه مفاتيح كثيره وملكه تصالح مع الذات عظيم فرأيه فى التآمر على السودان حقيقة بائنة واضحه وجيوش منظمات المجتمع المدنى وعدو بعض قادة المعارضه لبيوتات الإستخبارات لتحقيق إزالة الإنقاذ وإنزال طرائق أخرى فى التحكم فى السودان بتحريك تلك القيادات التى تحلم بأن تحكم وليس مهما عندها الكيفيه - إقراره بسماع قول بكرى وعدم التعامل معه بالجديه أودى بحياة رجل عظيم يرى غازى أنه يؤمن بوحدة السودان وعزته وكرامته وقوته ولكنه ذهب كبدايه لتحقيق الكيد بالسودان ويرى أن كاوده تمثل حصان طرواده فى تحقيق ذلك - لم يبدئ قولا فى شكل علاقته بعرمان غير أنه بين أوجه الخلاف وأختلاف الإهتمامات كما أوضح بأنه لم يكن حركه شعبيه متطفلا عليها بل جاءته الحركه لتستفيد من خبراته ولكن لأن داخله رئيس وزعيم لم يكن سميعا لقادتها بل كان مناكفا وصعب المراس أيضا أرى فيه البعد الإنسانى لتعامله بعفويه مع ستات الشاى وذلك الشرك الذى بعث به الحسين فغازى سليمان رجل متعلم ومن بيت علم ودين ورجل سياسه وإجتماع ورقم سودانى هام وفوق ذلك وطنى غيور والله أبكانى بما قاله فى الصادق المهدى وما قاله فى فتحى خليل وبعيدا عن كل شئ فهو ذا خصوصيه وتميز ولكل سالك جذبه ويا لروعة ما جاء من ذلك.
منصور
| |
|
|
|
|
|
|
Re: يا سكان سودانيزاونلاين ما رايكم فى اعترافات هذا الشخص المثير للدهش (Re: Deng)
|
Quote: بعد التحية والتقدير لك اخى بكرى ...
للاسف المحامى الضليع والسياسى المحنك غازي سليمان دخل مرحلة الخرف .
والذين يجرون معه المقابلات يودون ان يحرقوا تاريخ الرجل |
العزيز نور الدين عثمان
تحياتي - قد أصبت الحقيقة فيما كتبت ولعل ذلك أقرب التفاسير لما حدث ويحدث . الزول دا على قول اللمين البشاري ودوده الضل .
بحيراوي
| |
|
|
|
|
|
|
Re: يا سكان سودانيزاونلاين ما رايكم فى اعترافات هذا الشخص المثير للدهش (Re: خالد الرزيقي)
|
تحية طيبة هسع في زمتكم كلام غازي في الدقيقة 13 و15 ثانية كلام غازي بيطابق مع كلام الصادق المهدي في عدة مناسبات وبنفس عدم المنطقية عندما يقول : (( يجب ان نتمسك بالانقاذ ولكن ... يجب ان نوجه لها النقد )) على العموم ليس غازي وحده المخرف من سياسيينا في كلام عن السيد الصادق شاف رؤيا بتوضح زوال حكم مبارك ووصول مرسي للسلطة في مصر ... والكاروري بيقول ان عمر البشير القاتل المغتصب ولي من اولياء الله الصالجين ,,, وواحد تاني بيقول الحركة الاسلامية برئية من ظلم اي مواطن .... الحكومة والمعارضة مخرفة لو ماكده ما اصبحنا دولة فاشلة بتعتمد في ادارتها على العنتريات والغيبيات
| |
|
|
|
|
|
|
Re: يا سكان سودانيزاونلاين ما رايكم فى اعترافات هذا الشخص المثير للدهش (Re: محمد ادم الحسن)
|
ياخي ........ ياخي .......... ياخي ................ نفسي ابكي والله
دا شنو الخرف دا دا شنوالقرف دا
هل بالله مقدم البرنامج ما لقي زول غير هذا المهرج الذي يحلف بالطلاق بين كل لحظة ولحظة غازي يتكلم وكانه جالس في مجلس دكاي (خمر) عندما كان ضد النظام نمنظر يوم يطل علينا في التلفازويعلن سلسفين النظام ونستمتع بعنفه ضد النظام
يا بكري عليك الله انت ما محنون تزيدنا ألما فوق ما نتألم ثال شنو انا بلبس كدا بحمالة وانت مالك .... رئيس داخل القصر الجمهور بعراقي ولباس ... ياخي دا!!!!!!! ياالله مافي زول يناولني سوط عنج
| |
|
|
|
|
|
|
Re: يا سكان سودانيزاونلاين ما رايكم فى اعترافات هذا الشخص المثير للدهش (Re: الزبير صالح الزبير)
|
الحلقة فيها نواحي شتى غازي أتكلم عن مواضيع كثيرة مثل علاقته بالانقاذ علاقته بالحركة الشعبية ورائه في الدستور الدائم ومشاكل السودان ورائه في شخصيات سودانية الصادق والميرغني وياسر عرمان وفتحي خليل وغيرهم الحلقة كانت اقرب لونسة صالون وجدت طريقها للشاشة الحلقة كانت عفوية ولهذا أخذ عليها الكثيرون بساطتها وصراحتها قول غازي عن ذهابه للقصر بالعراقي الدموريه يعبر عن نظرته للطريقة التي كان سيحكم بها البلاد ان اصبح رئيساً وليس تصغيرا لمنصب الرئاسة المذيع تطرق للبس الاستاذ غازي للأحزمة الحامله وهذا دليل علي قصد المذيع ونيته المبيته لإخراج الحلقة بحيث تكون حديث الناس ومشوشه
| |
|
|
|
|
|
|
Re: يا سكان سودانيزاونلاين ما رايكم فى اعترافات هذا الشخص المثير للدهش (Re: Rawia)
|
سلام يا باش لو نظرته للمؤهلات تقع في مشكله خليك زينا وزي المحشش ليلة الدخلة قالت له زوجته: معي الدورة الشهرية!! قال أنا ما بتهمني المؤهلات.. أهم شي الأخلاق. غازي احد الاضلاع الثلاثة الترفيهيه للقنوات السودانيه البشير وخاله بالاضافة لغازي بالله زول لو ما عندو اخلاق تفتكر عارف نفسو اراجوز واظهر ليك طوالي الممتع في القنوات السودانيه تشاهد خطاب للبشير او لقاء لخال الرئيس لما تتحسس وجهك من طريقة كلامه البتوصل رزار البصاق خارج شاشة التلفزيون هنالك تنسيق علي ما اعتقد عندما يغيب الريس يظهر لينا غازي سليمان حتي يجعل البسمة ممكنه في شفاهنا غازي سليمان يمتهن كوميديا الفرد مع بطولة عوير الفلم الهندي ...... استمتاع اي والله
| |
|
|
|
|
|
|
Re: يا سكان سودانيزاونلاين ما رايكم فى اعترافات هذا الشخص المثير للدهش (Re: عبدالرحمن الحلاوي)
|
Quote: مع كامل الإحترام إلى خصوصية الأستاذ غازى سليمان إلا إنه رجل وطنى شجاع وعظيم وأن يبكى خصمه وصديقه العزيز بذات النديه فتلك فرادة وتميز فى إظهار الأحاسيس الكبيره ورغم خصومته لفتحى خليل إلا أنه رفع قدره وأقر بنديته وذلك إقرار عظيم - كما إن يساريته الإسلاميه والتى يعتز بها ويعتز ببعض زعامات لإسلام والتى سماهم شيخ صادق والكوده فذاك خيار الروح والعقل فى الحين ومن يمتلك القدره على منعه بأن لا يكون هناك -ورأيه فى دكتور حسن الترابى كذلك رأى فيه صدق العارف الموقن كما إن رأيه فى الصادق قمه فى التوصيف وقمة فى رسم حقيقة إنسان كما يراها - حسه السياسى وعقله القانونى وتاريخ حراكه الإجتماعى ملكه مفاتيح كثيره وملكه تصالح مع الذات عظيم فرأيه فى التآمر على السودان حقيقة بائنة واضحه وجيوش منظمات المجتمع المدنى وعدو بعض قادة المعارضه لبيوتات الإستخبارات لتحقيق إزالة الإنقاذ وإنزال طرائق أخرى فى التحكم فى السودان بتحريك تلك القيادات التى تحلم بأن تحكم وليس مهما عندها الكيفيه - إقراره بسماع قول بكرى وعدم التعامل معه بالجديه أودى بحياة رجل عظيم يرى غازى أنه يؤمن بوحدة السودان وعزته وكرامته وقوته ولكنه ذهب كبدايه لتحقيق الكيد بالسودان ويرى أن كاوده تمثل حصان طرواده فى تحقيق ذلك - لم يبدئ قولا فى شكل علاقته بعرمان غير أنه بين أوجه الخلاف وأختلاف الإهتمامات كما أوضح بأنه لم يكن حركه شعبيه متطفلا عليها بل جاءته الحركه لتستفيد من خبراته ولكن لأن داخله رئيس وزعيم لم يكن سميعا لقادتها بل كان مناكفا وصعب المراس أيضا أرى فيه البعد الإنسانى لتعامله بعفويه مع ستات الشاى وذلك الشرك الذى بعث به الحسين فغازى سليمان رجل متعلم ومن بيت علم ودين ورجل سياسه وإجتماع ورقم سودانى هام وفوق ذلك وطنى غيور والله أبكانى بما قاله فى الصادق المهدى وما قاله فى فتحى خليل وبعيدا عن كل شئ فهو ذا خصوصيه وتميز ولكل سالك جذبه ويا لروعة ما جاء من ذلك.
منصور |
منصور المفتاح - فتح الله عليك.
| |
|
|
|
|
|
|
Re: يا سكان سودانيزاونلاين ما رايكم فى اعترافات هذا الشخص المثير للدهش (Re: معاذ الفحل)
|
يا خوانا بالله سؤال : الزول ده كتير بسمع " في سياق الكلام عنو" انو محامي محنك ومناضل معتق ووو .. الزول ده ناضل وين واترافع وين .. غايتو سمعت منو قصص كتيرة جدا ما بين اسمرا والخرطوم كلها مراحيم .. القصة ما بتلقى فيها زول حي ابدا .. هذا فيما يخص نضاله .. اما حنكته القانونية فاشك فيها ، القانوني الضليع يعرف كيف يتحدث على اسوأ الفروض .. تحياتي
| |
|
|
|
|
|
|
Re: يا سكان سودانيزاونلاين ما رايكم فى اعترافات هذا الشخص المثير للدهش (Re: عوض محمد احمد)
|
Quote: بس القمصان ام حمالات دى مربوطة بالاطفال فى اعمار ضغيرة و تجعل مرتديها عرضة للسخرية فى الشارع |
الاستاذ عوض محمد احمد من حق الاستاذ ان يرتدي ما يرغب فيه وليس من حق المذيع التعليق مشكله الحمالات دي ما انها ملابس شفع مشكلتها انها ملابس غير مألوفه في السودان ولهذا يستغربها البعض وكما قلت سابقا الحلقة كانت دسمه جداً وأظهرت الجانب الاخر في شخصية غازي سليمان وهي بساطته في تناول الامور
| |
|
|
|
|
|
|
Re: يا سكان سودانيزاونلاين ما رايكم فى اعترافات هذا الشخص المثير للدهش (Re: معاذ الفحل)
|
اكثر ما لفت انتباهى فى اللقاء تناقضات وردت خلال حديثه فهو يدافع عن نظام الانقاذ وهذا من حقه الا انه اتهم الانقاذيين بانهم لا يخافون الله ...فى نفس الوقت ..عندما قال انهم بعيدون عن مخافة الله ..
النقطة الاخرى عندما وصف ابنته ام النصر بانها اشجع من عشرة رجال ..
النقطة الثالثة عندما قال ان وصمة جبين الانقاذ للابد سوف تظل ان لم يتصالحوا مع الشيخ الترابى وان ذلك خصما عليهم ..
الحليفة بالطلاق لاكثر من مرة وعندما سئل قال نحنا كدا ياخى اضافة للتعالى العرقى الذى ابداه عندما قال ان اغنية اندب حظى ام امالى للشاعر العمرابى تعنى هذا التعالى العرقى لقبيلته او اسرته ..
تحياتى لصاحب البوست بكرى وكل الاخوة المتداخلين هنا
| |
|
|
|
|
|
|
Re: يا سكان سودانيزاونلاين ما رايكم فى اعترافات هذا الشخص المثير للدهش (Re: معاذ الفحل)
|
بـكـرى يـا ســـيد الـمـوقع
ســلام
مـالـو يـا اخ الـزول دا ؟؟؟ دى أفـكارو و قـناعـاتـو
هــو حـر فـيـها و عـاجـبـاهـو و مـا داسـيـها ....
زى مـا نـاس كـتـار هـنا عـنـدهـم آراء مـهـبـبـة
و خـســيـســة بـتـكـيـفـوا مـنهـا بـعـض الـســكان هـنا
زى مـا ســمـيـتـهـم إنـت ســكان ... كـمان غـازى عـندو
ناس مـبـســـوطين مـن كـلامـو دا و أنـا واحــد مـنـهـم ...
مـش قـلتـو حـريـة راى و راى آخــــر ؟؟؟؟؟
| |
|
|
|
|
|
|
Re: يا سكان سودانيزاونلاين ما رايكم فى اعترافات هذا الشخص المثير للدهش (Re: مامون المعتصم أحمد)
|
Quote: من حق غازى ان يرتدى ما يشاء بس القمصان ام حمالات دى مربوطة بالاطفال فى اعمار ضغيرة و تجعل مرتديها عرضة للسخرية فى الشارع |
الا لبسو يا أستاذ عوض محمد أحمد وبمناسبة لبسو الشيك جدا :) لو الصدف ودتك القاهرة بالله تزور محل في وسط البلد إسمه (جورج) أرقى محل لبس في القاهرة للرجال بتلقى الحاجات دي موجودة للناس الكبار ولو لاحظت في الافلام بتلقى الرجال الكبار عادي لابسين الحملات حتى صور السياسيين وهم قاعدين براحتهم في مكاتبهم من غير جاكت البدلة بتلقاهم لابسين حملات الحمالات بديل للحزام او ممكن تستعمل معاهو وهي لبس للرجال الكبار عادي بس إحنا مامتعودين عليها دكتوري هنا في امريكا بتاع العيون ومن أشهر واكبر متخصصين الشبكية في العالم بلبس البيبيون والحملات بالوان ظهري واحمر وأصفر مع الوان قمصان شاوتينق برضو وبيعتبر من الانيقيين وهو في الستين من عمره.
____ يعني الا يلبس ليكم قميص بكم طويل ويطلعو برة البنطلون عشان تقولو قيافة
| |
|
|
|
|
|
|
Re: يا سكان سودانيزاونلاين ما رايكم فى اعترافات هذا الشخص المثير للدهش (Re: Rawia)
|
سـلام للجميع.. غازي سليمان هو غازي سليمان.. أنا ومنذ أن سمعته أول مرة بقيت تاني بسمع مقابلاتو التلفزيونية زي ما كنت بحرص على حضور خطب المرحوم؟ القذافي: لأمتع نفسي بالدهشة!.. يعني بالنسبة لي كلام ما عندو قيمة سياسية كبيرة رغم غرابته وخطورته أحياناً: يعني تصور لو قام رئيس دولة غير القذافي بتمزيق ميثاق الأمم المتحدة داخل الأمم المتحدة.. لكن ما أظن في زول استغرب ذلك منو ولا كان في ردود أفعال عليهو.. غازي سليمان نفس الشي.. وحتى (إعترافاتو) ما جديدة مثل التخطيط للإنقلابات.. كلامو عن أولادو ما كان من غير مناسبة كما علق أحد الإخوة.. لكن يبدو إنو المذيع كان يبني أسئلتو على ردود غازي.. ولامن سألو عن ماذا يمكن أن يغيّر في حياته إذا عاد الزمن للوراء.. وأمام إصرار المذيع رد غازي بسخريته: يعني أعرس تاني مثلاً؟ هنا فقط تذكر المذيع حياة غازي الخاصة وإن كان يعتبر نفسو ناجح فيها وهنا ذكر غازي مثال بأبنائه الذين درسوا في أرقى الجامعات البريطانية وبنته الخ.. في الحقيقة فوجئت برأيه الإيجابي في الصادق والترابي..
Quote: في الافلام بتلقى الرجال الكبار عادي لابسين الحملات حتى صور السياسيين وهم قاعدين براحتهم في مكاتبهم من غير جاكت البدلة بتلقاهم لابسين حملات الحمالات بديل للحزام او ممكن تستعمل معاهو وهي لبس للرجال الكبار عادي |
سلام يا راوية..من أشهر من يلبس الحمالات المذيع لاري كنغ.. وأنا ماشايف فيها غرابة تدعو مقدم البرنامج لإثارتها..
| |
|
|
|
|
|
|
|