الهلال غالب...مين يشارط؟؟

بناءً على كم حاجة كدا...ليس أقلها هذا الــ"حلم " الذي أفزعني..

ومن بعض مناظره إنه سكواها جاب قونين..

والكورة فيها كم كارثة كدا..

الله يجيب العواقب سليمة..


..

.

واحدة من الحاجات اللي ممكن تدعم "الرجفة" دي..

إنه جمال السنوسي صاحبي ساكت سااااااااااااااااااي...

..

.

وإنه "أبو الطلوح" فاتح ليهو كرتونة جديدة من النظريات "سيدافوبيا"...

ويقنطر فينا لناس تمبس وجمال السنوسي ومن لف لفهم..

..

.

أشعر بانقباض شديد تجاه هذه المنازلة تحديداً على خلفية

ذات الكراسي والعوارة القايمين فيها المشجعين الأيامات دي..

..

يا مصطفي الحبيب السلام عليك
أولا للتأكيد بوست هيثم سيدو وسيدهم دا ما عندو علاقة أبدا بالكورة البكرة دي ..
أما نظرية أنو الهلال أقرب للفوز في مباراة بكرة دي قلتها أنا بعد مباراة الفريقين الأولي اللى إنتهت بالتعادل حتي كمان
قلتا أنو الهلال حتي ولو غلب المريخ في المباراة الجاية ( ودا الإحتمال الراجح) فأنه سيظل ضعيفا ولن يقوي
على الصمود في البطولة حتي منصة التتويج ( البوست ذهب مع الأرشفة) لكن متذكرو تماما .

وبهذا المفهوم فسيبقي ( ثبت أن الهلال لا يسوي شيئا مذكورا )
بدون هيثم مصطفي طبعا .
............................
بصراحة يا مصطفي الهلال عندو مشجعين كج الكج ذاتو لو فتحو بوست للكورة دي فأمشى إتعشي من ضىء وشوف ليك برنامج نوم ..
(خليل بالإنجليزي لم يعد من هولاء الكج )..
ملحوظة:
المريخ برضو عندو مشجعين هنا يكجو الكج ويمشوا في جنازتو .
والإتنين ديل ( مشجعو المريخ + مشجعو الهلال ) كجهم نافذ حتي في مباريات المنتخب لو واخد بالك.

غالب دى ما بقدر اجزم عليها لكم البأكدو إنه المريخ ما بيغلب الهلال

والهلال لو جاب قوون السبق المريخ ما حيقدر يعادل

اقترح جماعة الكج ديل يتحدو مع بعض ويشجعوا ريال مدريد اوالمان يونايتد.
انحنا ناقصين ياخى