Post: #1
Title: أيمن وراجا ومن معهما تعالوا بي جاي
Author: صبري طه
Date: 10-18-2012, 12:34 PM
أيمن يا حبيب .. عايزك تعمل تلخيص من بداية البوست حتى نهايته لكل مُداخلات الأخوان/ت ... وشوف كلّها سارت على حسب العنوان الأصلاً مرتبط ببوست سابق ...
ولاّ في ناس شرّقت وغرّبت ودخلت في التفاصيل السودانية ...
أيّ حديث عن تفاصيل زواج السوداني في هذا البوست ما عندو معنى لو الناس عملت فيها بنظام إنّو الناس تلتزم بالعنوان والمضمون الرئيسي ...
هو زواج خواجة خلاص يبقى زواج خواجة وبي محفزاتو للنهاية بيت بيت دار دار زنقة زنقة ... ما دخل محفّزاتنا بمحفّزات الخواجة ...
الكلام دا طبعاً للناس البتجي تنظّر ليك وتقول ليك طلّعنا برّة الموضوع وحركات زي دي مع إنها قضية اجتماعية مُترابطة مع بعضها إذا تمّ تناولها بشكل البحث عن الفوارق بين الخواجة والسوداني واللي بقودك أيضاً للحديث عن مجتمع كل واحد منهما ...
ياخي بعد شوية حتلقى نفسك بتتكلم عن سيد الدكان الجنب بيت كل واحد فيهم (صيغة مُبالغة طبعاً) ...
ما علّقت عليه يا عزيزي خاص بالزوج السوداني والذي لا يخرج عن مدار النقاش في البوست المعني .. وهو يمكن للبعض أن يتنازل عن قيمة أخلاقية أو قيمة عرفية بداعي المصلحة والحاجة ...
لو ركّزت في مُداخلات كثيرة بتلقاها بتحمل نفس كلامي دا .. لكن أعمل شنو أنا بقيت الحيطة القصيرة ...
|
Post: #2
Title: Re: أيمن وراجا ومن معهما تعالوا بي جاي
Author: طلحة عبدالله
Date: 10-18-2012, 12:39 PM
Parent: #1
نهي زندقي محبتي
صبري طه
وين السؤال ؟
|
Post: #4
Title: Re: أيمن وراجا ومن معهما تعالوا بي جاي
Author: صبري طه
Date: 10-18-2012, 01:06 PM
Parent: #2
Quote: نهي زندقي محبتي
صبري طه
وين السؤال ؟ |
القصة ما قصة سؤال يا طلحة .. القصة ممكن أعمل ليك ربكة تجهجه باكاتك وعلى أساسها حتصنفني أيّ تصنيف يخطر ببالك ...
وفي الحالات دي بتجي حتة إنو الواحد ممكن يشمّك عديل كدا .. ويتمنى إنو ما يلاقيك ولا حتى تسلّم عليهو ...
نحن لو ما متنا شقينا المقابر دي حقيقة ...
بعد تقرأ ما تشمني وما تصنفني يا حبيب .. دا مثال قد يكون سبب لضيق البعض يا طلحة ... لأنو حاجة زي الكلام دة بتنسف حاجات كتيرة ..
ـــــــــ
|
Post: #3
Title: Re: أيمن وراجا ومن معهما تعالوا بي جاي
Author: صبري طه
Date: 10-18-2012, 12:48 PM
Parent: #1
وعليكم السلام يا راجا ...
Quote: راجا كتبت: سلامات صبري.. وبدون أي حساسيات وحردان واللذي منه
وجهة نظرك وصلت من المشاركة الأولى في الصفحة الأولى في بوست حليمة الوصل 13 صفحة.
وهنا ما قصًرتا. عدًتا وزدتا لما الكاس فاض.. الجديد شنو البيحتاج إنك ترد على وجهة نظر أي زول؟ ودايما الـ (ون) (تو) مناقشات بتجيب الكآبة وتقصًر العمر وإحنا لسة ما شفنا دنيا
وحكاية وجهة نظرك تمشي مع صاحب البوست وشنو كده ما عارف. ما صحيحة. وجهة نظرك زاتها أظنها ضاعت وسط المداخلات المليونية البتعمل فيها.
وعليه يمكن كتابة فقرة وااااحدة تقول فيها: الكلام البتقولو فيهو ده ما بيمشي معانا يا ناس. أنا في المجتمع العشت فيهو (وكله أولاد عرب على ما أظن) ما بيحصل فيهو البتقولو فيهو ده. لا البنات لبسن قصير ولا شافن الزوج السوداني وحش، والخواجة ده ما بيدخل في ذمتنا بنكلة. والسلااااااام (فل ستوب). وأقعد إتفرج زيك زي الأربعة ألف وسبعمية تلاتة وستين الغلابة الشاهدو البوست.
* أعتذر وبشدة لو ملاحظاتي إعتبرتها أو إعتبرها أي زول (لئيمة)
وكل عام والجميع بخير.. الدنيا قبايل عيد.
ــــ
نجوان وداليا صباحو فل |
يا راجا .. أديتيني إحساس الألفة كدا ما عارف ليه ...
ممكن إتلايق عليك وأقول ليك جيبي كل المُداخلات عشان نفرزها وهل بتستحق عودتي ولاّ لا ...
يعني مثلاً زول بيدّيك معلومة إنت بتقول معلومة غيرها .. هو بجيب ليك كلام ومصدر تاني فيها .. واحد من اتنين إمّا تقتنع بي كلامو وتشكرو أو ما تقتنع في حالة إنّك ما اقتنعت .. هنا أنا بشوف لازم ترجع ليهو بالرد عشان هو يعرف وجهة نظرك شنو وهل اقتنعت ولاّ لا (بالمُناسبة هو بكون في حاجة للرد أكثر منك) ...
دا من جانب ومن جانب آخر ... الرد على المتداخلين ليس حكراً على صاحب البوست أو أصدقائه أو شغل بتاع شلليات ...
يمكنني أن أقتبس أي رد من أي مُداخلة وتكون سايرة في نفس اتجاه ومضمون البوست وأقول فيها وجهة نظري على حسب الشيء الشايفو .. فمافي حاجة بتمنعني من كدا طالما هو ذكرها في نقاشو ...
بعدين أدّيك الحاجة دي وهي صحية في منابر الحوار:-
إذا ردّ عليك عدة أشخاص ... من الأفضل أن ترد على كل واحد على حدا حتى لا تُشتت انتباه القارئ وتربكه ... ويُفضّل في كل رد اقتباس الجزء العاوز ترد عليه ويمكن أن ترد بدون اقتباس في حالة إنّو ردّك جاء بعد الشخص الذي تودّ الرد عليه وعلى كل كلامه (لكن دي بتصطدم بالآلية الفنية لترتيب الردود في منبر سودانيز أونلاين) يعني ممكن تردّي علي وردّك يكون أسفل ردّي بعد تداخل بعض الزملاء حتلقي في ردود دخلت بيناتنا .. والمسألة عندها حتكون مُرهقة للقارئ عندما يحاول البحث عمّا ردّيتي فيه عليّ ...
لاحظي أنا في مُداخلاتي رغم إنها مُرهقة بحاول بقدر الإمكان أقتبس كلام الشخص وأكتب داخله كالمثال التالي: (راجا كتبت:)
بالمُناسبة أنا ما زعلان من زول ...
من حقك تضايقي وتبدي رأيك بكل جراءة ...
ومن حقي أتخارج عشان ما أسبّب ضيق لي زول ...
والحتة العبّرت بيها دي حسيتها ومافي حاجة بتخلّيني أدسدسها ...
الناس لمّا تكون واضحة كدا زيّك أفضل ...
أحييك يا عزيزة .. مع كامل ودّي واحترامي ،،،
ــــ
|
Post: #5
Title: Re: أيمن وراجا ومن معهما تعالوا بي جاي
Author: أيمن الطيب
Date: 10-18-2012, 01:27 PM
Parent: #3
تگون حآنت موآعيدگ ..
يگون وقت آلمطر قد چآ
شرق ضو آلپلد عيدگ ..
وطآپت نسمتو آلعرچآ
نگون يآ طيپة تمينآ ..
وپدينآ ولفنآ ..
غنينآ آلغنآ آلرآچآ
وپدت گآس آلمودة تلف ..
عشق من حلفآ لي رآچآ
ألف في ألف ..
حپآپگ ألف ..
إيه يآ عنزنآ آلقرچآ
يآ لـپّآنة في آلزمن آلمرآحو نشف ..
يآ چـپّآنة للخوآنة ..
للعوچ آلپدور ويلف
_____________________________________________
Quote: نهي زندقي محبتي
صبري طه
وين السؤال ؟ |
يا صبرى طبعا طلحة دا مستلب وشهادة عربية عشان كدا طوالى جرى لراجا الهندى 
!!Quote: أيمن يا حبيب .. عايزك تعمل تلخيص من بداية البوست حتى نهايته لكل مُداخلات الأخوان/ت ... وشوف كلّها سارت على حسب العنوان الأصلاً مرتبط ببوست سابق ...
ولاّ في ناس شرّقت وغرّبت ودخلت في التفاصيل السودانية ... |
يا صبرى يا حبيب الملايين,,,
كتبت ليك Quote: لو واصلت فى الدرب دا إحتمال تغرز وتوحل ومرقتك بتبقى صعبة!!!!!!
قاصدأو ما قاصدأنت تؤسس لجرجرات أطول من الجرجرة الحاصلة... |
تقوم صوف تفتح لي بوست مع الأستاذة (راجا شخصيا)!!
ياخ عليك الله وفى ذمتك الماشكلها ضيقة دى كدى أدينى تعريف لكلمة جرجرة المستعملة هنا
من بوست عرس الخواجة طويل البال ولا ما أدراك ياتو بوست زعلت ومشيت إفترعت بوست جكسا فى خط ستة!!!
و من بوست القراءة الثانية لبوست الخواجة راجا قالت ليك أرخى شوية رأفة بهم! جيتا بالدرب يا زول!!!
بهذه الطريقة إحتمال تكون محتاج لبورد منفصل تدير فيه حواراتك بما يختص بمواضيع عرس الخواجة
تقوم يا صبرى يا حبيبنا تجينا بى فاتوحة جديدة!!ياخ خليك عارف من الليلة ولى قدام,,
أنا لم آتى هذا المنبر لحوار أبدا
| Quote: عايزك تعمل تلخيص من بداية البوست حتى نهايته لكل مُداخلات الأخوان/ت |
عليك الله إنت يا زول جادى؟؟؟؟
إنت وراجا لاعبين راس بعد كدا إن شاء الله بس تصلو لنتيجة,,
أخوك مراقب مباراة ..
تحياتى..
|
Post: #6
Title: Re: أيمن وراجا ومن معهما تعالوا بي جاي
Author: Raja
Date: 10-18-2012, 01:44 PM
Parent: #5
سلامات صبري..
غايتو أنا جابني إسمي (أو شبه إسمي) الفي عنوانك ده. وتأدبا لازمن أرد التحية
يا عزيزي.. أنا العندي قلته. سواء رأيي في البوست الأول والتاني. ما عندي أي إضافة تانية أقولها.
خليك بس في البوست ده وأكتب ردودك لكل المداخلات الجاية في أي بوست دايرو
ـــــ
أيمن.. أنا زاااااتي مراقب
|
Post: #7
Title: Re: أيمن وراجا ومن معهما تعالوا بي جاي
Author: ABUHUSSEIN
Date: 10-18-2012, 01:48 PM
Parent: #6
صبري سلام
الزولة الفوق لي دي إسمها رجاء..... رجاء العباسي
رجاء إزيك
تحياتي و إحترامي
|
Post: #12
Title: Re: أيمن وراجا ومن معهما تعالوا بي جاي
Author: صبري طه
Date: 10-18-2012, 06:24 PM
Parent: #7
وعليكم السلام يا أبو حسين ...
| Quote: الزولة الفوق لي دي إسمها رجاء..... رجاء العباسي |
وأعتذر للأخت رجاء لإيراد اسمها بشكل خاطئ (أنا بس جبتو من إنجليزي الخواجة الجهجه باكتنا دا) ...
تسلم ياخ ،،،
|
Post: #16
Title: Re: أيمن وراجا ومن معهما تعالوا بي جاي
Author: صبري طه
Date: 10-18-2012, 07:21 PM
Parent: #6
وعليكم السلام يا رجاء ... وبعتذر تاني على كتابة الإسم الغلط ...
| Quote: وتأدبا لازمن أرد التحية |
لو تقيلة عليك عفيتك منّها .. هسّي ممكن ترجعي تمسحيها
| Quote: يا عزيزي.. أنا العندي قلته. سواء رأيي في البوست الأول والتاني. ما عندي أي إضافة تانية أقولها. |
وأنا ردّي وصل وكويس إنّك ردّيتي وقلتي ما عندك إضافة تانية ...
| Quote: خليك بس في البوست ده وأكتب ردودك لكل المداخلات الجاية في أي بوست دايرو |
أهو برضو إقتراح ...
|
Post: #8
Title: Re: أيمن وراجا ومن معهما تعالوا بي جاي
Author: تيسير عووضة
Date: 10-18-2012, 01:52 PM
Parent: #5
بهذا إستحق أيمن الطيب نوط القطامة من الدرجة الأولى / بنين
وراجا نوط القطامة من الدرجة الأولى / بنات
آه يا رجانا المرتجى
ــ
المرة الفاتت عملتني شماعتك يا ضاع صبري
كلما يقولوا ليك حرفت البوست تقول تيسير عووضة هي الحرفتو
لمن شلت حرفتي دي فتحت بيها بوست جكسا في خط مافي
هسي رجاء قالت ليك خلي النقة الكتيرة تقوم تفتح ليها بوست مخصوص للنقة وكمان تناديها؟
هو إيه أصلو دا 
ـــــ
أيمن ..
خلي الكلام الكتير امشي اعمل التلخيص 
|
Post: #9
Title: Re: أيمن وراجا ومن معهما تعالوا بي جاي
Author: تيسير عووضة
Date: 10-18-2012, 02:00 PM
Parent: #8
| Quote: بهذه الطريقة إحتمال تكون محتاج لبورد منفصل تدير فيه حواراتك بما يختص بمواضيع عرس الخواجة |
| Quote: خليك بس في البوست ده وأكتب ردودك لكل المداخلات الجاية في أي بوست دايرو |
جهجهتوا الملعقة شخصياً ..
|
Post: #10
Title: Re: أيمن وراجا ومن معهما تعالوا بي جاي
Author: Balla Musa
Date: 10-18-2012, 02:22 PM
Parent: #9
ياصبرى
الخواجة دا عمل ليك تشظى عجيب!!
|
Post: #13
Title: Re: أيمن وراجا ومن معهما تعالوا بي جاي
Author: صبري طه
Date: 10-18-2012, 06:42 PM
Parent: #9
| Quote: لمن شلت حرفتي دي فتحت بيها بوست جكسا في خط مافي |
طيّب إنتي ليه ما شتتوها ليك على حسب ما دار بينك وبين رشا ؟ أها الحاجات دي بتغيظ يا تيسير لكن بنعمل منّها في وقتها رايحين حقناً للدماء ومراعاةً لمشاعر الناس الما عندها ذنب لو الواحد جا نفخ غيظو في البوست ...
ولمّا تغيب عن الميعاد بفتّش ليها ماضيها هنا
ــــــــ
| Quote: بوست جكسا في خط مافي |
بالمُناسبة عندي فكرة بوست بتحمل الاسم دا عشان الواحد يشوف الناس المتصالحة مع نفسها تصالحها دا حدّو وين ؟
|
Post: #14
Title: Re: أيمن وراجا ومن معهما تعالوا بي جاي
Author: صبري طه
Date: 10-18-2012, 07:05 PM
Parent: #9
| Quote: جهجهتوا الملعقة شخصياً .. |
يا تيسير ... ما جههوا الملعقة ولا حاجة ...
بالعكس أهو جو* عند الطلب ...
ـــــــــ
* ورجاء الإسمها مكتوب غلط .. أهو جات .. غايتو ما عارف لو كتبت إسمها صاح كانت عملت شنو
لو في واحد تاني ردّ علي نبّهيني ...
|
Post: #11
Title: Re: أيمن وراجا ومن معهما تعالوا بي جاي
Author: صبري طه
Date: 10-18-2012, 06:19 PM
Parent: #5
Quote: تقوم صوف تفتح لي بوست مع الأستاذة (راجا شخصيا)!!
ياخ عليك الله وفى ذمتك الماشكلها ضيقة دى كدى أدينى تعريف لكلمة جرجرة المستعملة هنا
من بوست عرس الخواجة طويل البال ولا ما أدراك ياتو بوست زعلت ومشيت إفترعت بوست جكسا فى خط ستة!!!
و من بوست القراءة الثانية لبوست الخواجة راجا قالت ليك أرخى شوية رأفة بهم! جيتا بالدرب يا زول!!!
بهذه الطريقة إحتمال تكون محتاج لبورد منفصل تدير فيه حواراتك بما يختص بمواضيع عرس الخواجة
تقوم يا صبرى يا حبيبنا تجينا بى فاتوحة جديدة!!ياخ خليك عارف من الليلة ولى قدام,,
أنا لم آتى هذا المنبر لحوار أبدا |
يا أيمن سبب فتح البوست دا ما رجاء ...
سبب فتح البوست دا والبوست بتاع جكسا هو صاحبات البوستين حليمة2 ونجوان
والليلتن* شينة ياخ ... في الحالتين الحالة دي والحالة بتاعة البوست الفات ...
ياخي أنا القدّامك دا مهما كان ما بقدر أقول لي زول كرّهتنا في منبر حوار عام ما عندي فيهو الحق أمنع زول من وجهة نظرو حتى لو كانت مُشاترة ...
إنتو مفتكرين البوستات دي بعملوها بعقد إيجار ولاّ شنو الفهم ؟
وفي نفس الوقت شوف تعليق نجوان دا
Quote: ده إغراق للخيط على افضل الإحتمالات..
ما عارفة بكري بيعتبره خرق للوائح ولا لأ.. |
خيط شنو يا أيمن ياخ .. إتذكرت تفصيل الجلالبيب والخياطة وهلمجرا ...
عليك الله ما أفضل منّو يدّوك كف ...
يشهد الله الذي لا إله إلاّ هو كتمت غيظي وقلت رفقاً بالقوارير
العبارة دي لو كتبها لي طلحة عبدالله بشكل جادّي غايتو إلاّ يخارجنو رجلينو ...
شُفت كيف نحن حُنان مع المرأة وخاصّة لمّا تكون سودانية ...
يعني شوية رد كدا ممكن يخلّيها تبكي ويصدمها وتاني ما ترجع قريب باعتبار إنّها عاطفية وكدا ...
ـــــــ
* الليلتن دي كلمة عامية ومعناها هنا الحاجة الجات منهن
والقصة في النهاية لو بقت على الخروج من الخط أرجع للبوست وشوف كم واحد فارق الخط ...
ولو بقت إغراق متعمّد يعني أنا فاضي للدرجة دي عشان أضيّع زمني في الإغراق دا ...
يا جماعة أجيكم من النهاية أنا شايف نفسي ذاتو ما قُلت حاجة وما شاركت ذاتو .. تخيّلوا
|
Post: #15
Title: Re: أيمن وراجا ومن معهما تعالوا بي جاي
Author: جميلة ابراهيم السيد
Date: 10-18-2012, 07:18 PM
Parent: #11
| Quote: يا جماعة أجيكم من النهاية أنا شايف نفسي ذاتو ما قُلت حاجة وما شاركت ذاتو .. تخيّلوا |
سلام اخ صبري
انت عندك السوفت وير البطبع ليك كلماتك من الصوت؟
انا سمعت بيهو بس ما قايلة موجود للغة العربية
تحياتي
|
Post: #17
Title: Re: أيمن وراجا ومن معهما تعالوا بي جاي
Author: ABUHUSSEIN
Date: 10-18-2012, 07:37 PM
Parent: #15
Quote: انت عندك السوفت وير البطبع ليك كلماتك من الصوت؟
انا سمعت بيهو بس ما قايلة موجود للغة العربية |
جميلة إزيك و رفقاً بنا .....
|
Post: #19
Title: Re: أيمن وراجا ومن معهما تعالوا بي جاي
Author: صبري طه
Date: 10-18-2012, 07:52 PM
Parent: #17
| Quote: جميلة إزيك و رفقاً بنا ..... |
عليك الله يا أبو حسين شُفتني قبل كدا صرفت عربي كتير في غير بوستات الخواجة ديل ...
أها شفت انطباع ناسنا كيف ... ممكن خلاص من البوستين ديل ويدّوك لقب يقعد معاك لي جنا جناك ...
|
Post: #18
Title: Re: أيمن وراجا ومن معهما تعالوا بي جاي
Author: صبري طه
Date: 10-18-2012, 07:48 PM
Parent: #15
وعليكم السلام أختي جميلة ...
Quote: انت عندك السوفت وير البطبع ليك كلماتك من الصوت؟
انا سمعت بيهو بس ما قايلة موجود للغة العربية |
لا ما عندي وما إستخدمتو لكن بحاول أفتّش عليهو عشان يختصر علي الكتير ...
تسلمي ،،،
|
|