Post: #1
Title: الضحايا نحن ام الخروف؟؟!
Author: عبدالمنعم العوض
Date: 10-18-2012, 08:53 AM
Parent: #0
امس وبالصدفة شاهدت حلقة عن الاضحية واسعارها وقد كان الدكتور ياسر ميرغني ابن اخينا ميرغني عبدالرحمن حاج سليمان الامين العام لجمعية حماية المستهلك ضيف هذه الحلقة وتمت استضافة الاستاذ محمد عبدالقادر رئيس جريدة الرأي العام على الهواء مباشرة ،خلاصة الخلاصة ان امين جمعية حماية المستهلك كان يحمل باحدى يديه (كم وعشرين) ايصال جباية جمعت من شحنة واحدة لاغنام خلال مسيرتها من شمال كردفان الى الخرطوم، فتسألت بيني وبين نفسي هل لنا الحق بعد هذا ان ننطق كلمة(المستهلك) بكسر اللام ام بفتحها؟؟!!
من التحريفات المضحكة ان رئيس الرأي العام كتب مقالا في هذا الصدد كان عنوانه (الرسوم المسيئة) في اشارة ساخرة لهذه الجبايات!!
الغريب في الامر ان عصام احمد البشير مفتي وامام جامع( الحكومة) افتى بجواز استلاف ثمن الاضحية وتقسيطها(بالله ديل علماء ديل بدل ييسروا يعسروا؟؟)
الحق مو على الاستهلك الحق على المستهلك ،ضحية قال والله بقينا الضحايا نحن مو الخروف. غايتو الله يهدينا ويهديهم!!
|
Post: #2
Title: Re: الضحايا نحن ام الخروف؟؟!
Author: عبدالمنعم العوض
Date: 10-18-2012, 05:07 PM
Parent: #1
السؤال الملح الآن هل الاضحية واجبة على عامة الشعب السوداني الذي يعيش اكثر من 80% منه تحت خط الفقر؟
وماهو دور الدولة في تخفيف المعاناة عنه في هذه الظروف الصعبة؟
|
Post: #4
Title: Re: الضحايا نحن ام الخروف؟؟!
Author: صديق الموج
Date: 10-18-2012, 05:17 PM
Parent: #2
والله يا عبد المنعم بطريقة الانقاذ دى السودانيين الصلاة تسقط عنهم
بالله دى حكومة دى؟؟
وقبل ثلاثة اسابيع عثمان عمر الشريف وزير التجارة حلف ايمان
مغلظ بانهم اتخذوا من التدابير الاقتصادية ما يضمن وصول الاضاحى للشعب
باربعمائة وخمسون جنيهاً ولا تزيد عن خمسمائة جنيه باى حال من الاحوال
يحلنا الحلا بله من حكومة الفساد والافساد والتخبط دى،،،
|
Post: #5
Title: Re: الضحايا نحن ام الخروف؟؟!
Author: عبدالمنعم العوض
Date: 10-20-2012, 08:30 AM
الاخ صديق الموج شكرا على المرور
يا اخي ديل في وادي والناس في وادي وزي عثمان عمر ده مجرد موظف مسكين مو عارف شي البقولوا ليهو يقولو!
بمناسبة الحلة بله دي هو موضوعها شنو؟ سمعتو قبل كده لاكين نسيتو
بالرغم من ذلك الحلا بلة ما اظن يحلنا!! يحلنا ضراعنا الاخضر باذن واحد احد.
|
Post: #3
Title: Re: الضحايا نحن ام الخروف؟؟!
Author: Ali Sirelkhatim
Date: 10-18-2012, 05:16 PM
Parent: #1
الحبيب عبدالمنعم العوض
تحياتى
|
Post: #6
Title: Re: الضحايا نحن ام الخروف؟؟!
Author: عبدالمنعم العوض
Date: 10-20-2012, 07:53 PM
Parent: #3
الاخ علي سرالختم كاركتير معبر
نحن مقتنعين لكن منو البيقنع الديك
|
|