Post: #1 Title: وأخيرا أقتنيت عربيه موديل 2009 أسكود زرقاء! بركوا لي #! Author: زهير عثمان حمد Date: 10-16-2012, 10:53 PM Parent: #0
بعد طول أنتظار دام أعوام وعنت وحوامه في الدلالات وتوصية الاقارب والاصحاب والمعارف ظفرت بعربيه أسكودا زرقاء اللون ذات خمسة أبواب خلقت في عالم السيارت منذ عامان عشقتها من أول نظرة انها تناسب ظروفي المالية وكانت في متناول يدي لذ لك كل الحب أيتها الدابة العزيزة التي سوف تقلني في الصيف والخريف والشتاء
أللهم أجعلها بداية خير عميم علي وأجعل فيها البركة لكي تعيش أزمنة طويلة بلا أعطال أو بنشر وسهل أمر البنزين والزيوت والشحم وأمنحني من الوقت لكي أقوم بواجبي الكامل تجاهها باعد بيني وبين عساكر المرور وكل متهور و مأفون لا يحسن القيادة أنك سميع مجيب والله جميله ومستحيلة وسوف تقضي معي العمر أن مكثت في بلاد السودان
*بركوا لي عليكم الله وسوف يكون الاحتفال بالدابة الزرقاء في منزلنا العامر بأمدرمان
Post: #3 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: Dr. Ahmed Amin Date: 10-16-2012, 11:12 PM Parent: #1
الف مبروكـ الإسكودا ...
ربنا يديك خيرها ويحجب عنك شرها ..
Post: #4 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: على محمد على بشير Date: 10-16-2012, 11:20 PM Parent: #3
الف مبروكـ الإسكودا ...
ربنا يديك خيرها ويحجب عنك شرها ..
Post: #5 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: على محمد على بشير Date: 10-16-2012, 11:31 PM Parent: #4
Post: #6 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: تبارك شيخ الدين جبريل Date: 10-16-2012, 11:32 PM Parent: #4
Quote: بعد طول أنتظار دام أعوام وعنت وحوامه في الدلالات وتوصية الاقارب والاصحاب والمعارف ظفرت بعربيه أسكودا زرقاء اللون ذات خمسة أبواب خلقت في عالم السيارت منذ عامان عشقتها من أول نظرة انها تناسب ظروفي المالية وكانت في متناول يدي لذ لك كل الحب أيتها الدابة العزيزة التي سوف تقلني في الصيف والخريف والشتاء
أللهم أجعلها بداية خير عميم علي وأجعل فيها البركة لكي تعيش أزمنة طويلة بلا أعطال أو بنشر وسهل أمر البنزين والزيوت والشحم وأمنحني من الوقت لكي أقوم بواجبي الكامل تجاهها باعد بيني وبين عساكر المرور وكل متهور و مأفون لا يحسن القيادة أنك سميع مجيب والله جميله ومستحيلة وسوف تقضي معي العمر أن مكثت في بلاد السودان
نبارك للإسكودا مالكها الجديد ...
ونهدي له بإسمها اغنية:
(يا أول غرام عاش داخل ضلوعي .. نور حبّو دربي وقاد باود شموعي .. عاد بالبهجة ليّ وهل مع ربيعي .. الحب في عينيك ظاهر .. والشوق ما تخبّى!)
زي ما قالوا الشباب فوق يا بو الزهراء "ربنا يديك خيرها ويبعد عنك شرها" وأوصيك ونفسي بحكمة الفيلسوف المروري سيرجنت جون قراي: "أعمل السبعة وذمتا، BUT WHATEVER YOU DO, DO NOT D&D"
ألف مبروك يا زهير تركبا بالعافية و ما تخلي زول غيرك يركبا وإن شاء الله تغلبك بالمشاوير وتغلبا بالزيت و البنزين ____________________________ إسمها إشكودا ŠKODA
Post: #9 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: احمد محمد بشير Date: 10-16-2012, 11:51 PM Parent: #8
الف مبروك الحديدة
لكين انت قبل فترة كنت قاعد تكورك في البورد وتقول انك مفلس وما لاقي وظيف ولا لاقي عروس دي عملتها كيف ... ورينا معاك.
Post: #10 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: الشيخ أبوجديري Date: 10-17-2012, 00:53 AM Parent: #9
مبروكة السيارة استاذ زهير وربنا يعطيك خيره ويكفيك شرها وتتربي في عذك
Post: #11 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: Abd Alla Elhabib Date: 10-17-2012, 03:53 AM Parent: #10
مـبروك يا أبوالزهـراء ... تركبها بالعافـية إن شاء الله وعـقبال العـروس قريباً بإذن الله
Post: #12 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: Ahmed musa Date: 10-17-2012, 04:31 AM Parent: #11
أللهم أجعلها بداية خير عميم علي وأجعل فيها البركة لكي تعيش أزمنة طويلة بلا أعطال أو بنشر وسهل أمر البنزين والزيوت والشحم وأمنحني من الوقت لكي أقوم بواجبي الكامل تجاهها باعد بيني وبين عساكر المرور وكل متهور و مأفون لا يحسن القيادة أنك سميع مجيب
ــــــــــــــــــــــــــــــــــــــــــــــــــ ماعصرت علينا شوية ؟؟! :) يازول الف مبروك ان شاء الله تتربي في عزك وتركب الهمر من امها والقصة دي دايرة ليها قندهار وكدة
Post: #13 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: مازن فيصل هلال Date: 10-17-2012, 06:02 AM Parent: #12
الف مبروك اخونا زهير ..... والله أخير من العرس!(:... و الله بي اسكودتك دي تلقا ليك 100 موريتانية و 500 فلبينية .... دا غير المغاربة(:
Post: #14 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: Mohd Ibrahim Date: 10-17-2012, 06:19 AM Parent: #13
لوحات سعودية!!!!!!!!
Post: #15 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: مهدي صلاح Date: 10-17-2012, 07:00 AM Parent: #14
الف الف مبروك ما تنسى الخرزة الرزقاء عشان تخزي العين ولو كمان عايز تجهجه باكات الحساد اكتب عليها: اللهم اعطهم اضعاف ما يتمنونه لي
Post: #17 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: الامين موسى البشاري Date: 10-17-2012, 07:21 AM Parent: #16
ألف مبرووووووك يا ابو الزهور ياخ ربنا يديك خيرها ويكفيك شـــرها .. ..
ابو الزهور انت من غير عربية معذّب الجكس فكيف يكون الحال بالعربية الآن غايتو شكلهم كدا حيتعبوا معاك تعب شديد والله صحي
Post: #18 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: عوض محمد احمد Date: 10-17-2012, 07:35 AM Parent: #17
مبروك يا ابو الزهور
اخوك الايام دى عايز يغير العربية بس لو وريتنا اسعار الاسكودا موديل اقدم شوية و مواصفاتا
Post: #20 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: محمد مصطفي مجذوب Date: 10-17-2012, 07:42 AM Parent: #17
اولا :: الوصية عاجلا مستعجلا ده وصية نقلا عن والدتي رحمها الله عند كل حديده قديمة او جديدة الدم .. الدم يا زهير .ان شاء لحم طير مما يشتهون . اهلنا البعرفو قالو خروف العيد ما بقضي عموما الف مبروك .. وعقبال المرسيدس .. والليكسيس
Post: #23 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: Mohammed Awad Date: 10-17-2012, 08:50 AM Parent: #16
تقطعا بى عرق العافية يازهير
زكرتنى الوالد رحمة الله عليه
مرة اشتريت لى فيرنا وعجبتو جدا
عمل فيها قصيدة وفى الآخر ختمها بالدعاء
بسمعك ليها كان التلاقينا انشاء الله
Post: #22 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: إدريس محمد إبراهيم Date: 10-17-2012, 07:47 AM Parent: #15
مبروك يا زهير ...يديك خيرها ويكفيك شرها ...
يباركو ليك العرس إن شاء الله .... وكلو ركوب يا عمك ......
قلتا شنو عندك من هنا لحدي بكرة الضهر المهلة دي مراعاة لبعض الظروف طبعا اسع بتكون هوي يا ليلى دورت
Post: #31 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: زهير عثمان حمد Date: 10-17-2012, 09:59 PM Parent: #30
أحبابي الاعزاء فردا فردا ولكل الذين باركوا عربيتي من خلال البوست أو بالاتصال الهاتفي من كل الدنيا شكرا ليكم كتير وأنشالله ربنا ما يحرمني منكم لا خر العمر ومن صحبة الاماجد في البورد دا متعكم ربي بالعافية وأدام علينا متانة الاواصر أخواتي وأصدقائي وقبيلتي في المنبر شكرا ليكم كتير مع صادق ودي للجميع
شوهد ابو الزوز مساء يوم الخميس اول امس يتطي دابته الزرقاء وبمعيته ثلاثة من الحسان بعض الشماراتية والمغرضون ربطو بين يوم الخميس والعربية والحسان الثلاثة غايتو يا ابو الزوز لو كلهم ليك تبقى انت ارجل من ود ابرق ذاتو \
Post: #44 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: زهير عثمان حمد Date: 10-20-2012, 09:02 PM Parent: #43
الاخ علي تحياتي طبعا يوم الخميس يوم مميز في حياة كل سوداني ألا لوكان عايش في زمن التدجين الحاصل دا وبعدين التلاته ديل زميلات حتي حافظ أنقابو جا عرف منو اللي معي بعدين كان الوقت نهار ياناس وأنا كنت ماشي البيت والله أنتو بس ما عندكم غيري في ناس قاتلين البيضه والجداده
Post: #47 Title: Re: وأخيرا أقتنيت عربيه موديل 2009 أسكود زرقاء! بركوا لي #! Author: مازن فيصل هلال Date: 10-21-2012, 07:20 AM Parent: #46
Quote: شوهد ابو الزوز مساء يوم الخميس اول امس يتطي دابته الزرقاء وبمعيته ثلاثة من الحسان بعض الشماراتية والمغرضون ربطو بين يوم الخميس والعربية والحسان الثلاثة غايتو يا ابو الزوز لو كلهم ليك تبقى انت ارجل من ود ابرق ذاتو
ايه العبط دا!!! و عامل فيها صحفي كمان ... بس اتخيل انو واحدة من الجماعة الفي العربية قريبتك او تربطك بها اي علاقة ... هل كنت ستقبل ان ياتي احدهم و يشهر بها هنا في هذا البورد لانها ركبت العربية مع الاخ زهير و هي بصحبت اخريات زملاء له؟؟!!